السلام عليكم

ياالله وش هالاحداث اشوف عجلة الرواية تحركت بسرعه بهالبارت
اولهم اعتراف ساندرين لرواح ..
اما سالفة انهم ضاعوا فهذي ماصدقتها ابدددداا وتوقعت انها خطه من رواح وفعلا صاب توقعي خاصه لما جلس يستجوبها بالاعتراف وانه بيموت ووووو هنا تأكدت انها خطه منه هالشيطون هههههههههههه بس ياخوفي ان ساندرين تدري انها خطه تبي تلعب في حسبته لعب ههههههه

تيم وش جاااك الله يهداك ..الحين يالله ورنا وش بيكون موقفك ان عرفت انك اصبت ماريا يمكن صدق تنهبل ويحطونك بالمصحه بدال زيزفوون هههه

اما سالفه زيزفون بالله عليكم الي فهمت سبب اغتصاب زوج امها لها يفهمني . لاني ماأبي احكم على امها وانا مافهمت السالفه ..بس بقولكم الي فهمته واذا صحيح علموني
الان زوج امها يبي يستولي على البيت والمزرعه وام زيزفون رافضه ..فهو قام يعذبها ويعذب عيالها معها هنا أوك ..بس انه يتحرش بزيزفون قدام امها علشان امها توافق على انه ياخذ املاكهم وهي ترفض هنا انا اقول هذي ماتستاهل تكون ام ..كيف تشوف هالمنظر قدامه وترفض تعطي زوجها املاكهم مقابل سلامة بنتها !!!!!! انا هذا الي فهمته

نرجع لماريا وتيم
اكثر ثنائي راحمته لانهم يدفعون ثمن شي ماصار ..من جد لازم برد ترأف بحالهم حراام الي جالس يصير لهم ..مدري ليه اتوقع تيم يموت .. تكفيين برد ارحمي حاله تكفي طفولته القاسيه تبين تخلصين عليه في شبابه يارب تحنن قلب برد عليه ..وتفرحنا بالجزء القادم عليه .
نرجع لزيزفون ..اتوقع لا ماهو توقع الا هو الحقيقه ان زوج زيزفون الي قالت عنه هو وقاص نفسه ..ويارب انه يعرف بهالحقيقة الي لنا سنوات نعرفها وننتظر هاللحظه من زماااان والورقه الي لقتها زيزفون وخبتها عنا وعن وقاص هي عقد زواجهم ويارب انها تطلعها لوقاص وتنتهي مأساته وحرمانه منها ..الضعيف ان عرف بيجلدها ههههههههه

غيهم .. الله يعينك دام امك دخلت بالسالفه ههههههه

زهوور وش هالي بلشتي عمرك فيه لاتصدقين أويس ترى ماعنده الا الخرطي والي يحب مستحيل يكره ..بس هو يبي يأدبك وعلمك خطأك ..وتكون درس لك

مطر وغسق .. بنات ترى جد نسيت وش سبب زعل مطر من غسق هل لانها رفعت عليه قضية طلاق فقط !!
ياليت الي تعرف تقولي السالفه كلها
وبعد وش سبب زعلها من ابوها شراع !!
مدري انا اقرأ وانا اهوجس او اني ماعاد اجمع ولاافهم !!! الله يستر هههههه

من بعد يالنوري اممم !!!!
شفتوا هذا انا نسيت مرة ثانيه ههههههه

ايه ذكرت جليلة الحين وش الظرف الي عطته اخوها !!ولمن !! بس عجبتني يوم قوت على نفسها وجت تخدم زوجها وتقهر بثينة ..

نرجع لرواح ..انا كني عجوز مهذريه كل شوي راجعه اتذكر هههههههه
بصراحه رواح اثبت لي انه اذكى رجل في الرواية ياشيخ لافض فوك ايه هذا الذكي الي لعب هالخطه صح وعرف كيف يخلي تلك المتمردة تعترف بحبها له ..كفك ههههههه

فيتووو ..مشكووورة حبيبتي الله لايخلينا منك يارب ..وارسلي سلامي لبرد واشكريها على الجزء الرووووعة بس قولي لها ترحم حال تيم الضعيف ماشاف يوم حلو بحياته ..ويوم بدت الحياة تبتسم له بجية ماريا له عفست برد حياته عفس تقولين كنه تمر معفوس في سمنه اختفت كل معالمه ..
.
ننتظر الجزء الثلاثون على احر من الجمر نبي نعرف ردة فعل وقاص اذا عرف انه زوج زيزفون ..
وردة فعل تيم اذا عرف انه قنص قلبه بيده
وردة فعل ساندرين اذا عرفت ان كل هذا كان مخطط من رواح ..
لحظه ان اعترف رواح لساندرين انه مخطط منه فهو بيكون اغبى رجل بالروايه وبسحب كفي منه هههههه
.
.

وعليكم السلام

هلا وغلا بالنوري وتسلم يمينك على المشاركه المميزه

أما بالنسبه لسؤالك

رغم أني ذاكرتي على قدي بأجاوبك حسب تذكري وفهمي

مطر غضب من غسق لأنه أمنها على خزنته وأعطاها مفتاحها وهي استغلت الموجود
في الخزنه أعتقد ضده أو تسربت أشياء مخباه فيها بسببها وخربت على مطر واستغلت
هذه المعلومات ضده وطلبها الطلاق طبعا سبب آخر

أما بالنسبه لشراع لأنه هو اللي رفض تسليم أراضيه بدون حرب وهو اللي تسبب في سفر مطر
ومطر تجنب للحرب مع شراع وعياله أعتقد سافر من أجل مايتسبب في قتل أبوها وأولاده
هذا حسب فهمي

اقول فيتوو ماقالت برد متى بينزل الجزء ال 30 ...

!!!
.