مساء السعادة
ماني مصدقة اني سجلت دخول لثاني يوم على التوالي بس ما قدرت اقاوم لول << بالمناسبة ادعولي عندي اختبار الصبح :بكاء:
المهم
بداية قوووية ومحمسة من الاول
من وين ابدء كلامي ؟
كاسر مدري ليش فاجئني صراحة
ما أظن أنه طفولي نفس ما ظهر اليوم لكن اشوف تحول غسق اصلا هو اللي جذري لدرجة انه خايف منها وبنفس الوقت خايف على مشاعرها
يبدو انها وسط كل جو الحقد ذاك فرغت عليه مشاعرها ناحية اخوها وبنتها
بس حبيت الطفولية والله :قلووب:
نجي لغسق ومطر نفسهم
التغيير بشخصياتهم صادم وان كان متوقع نوعا ما
يعني شخصيا ما اظن ان كل شي انكشف لغسق للحين لكن يمكن حوارها مع ابوها قبل ما يموت يكون فيه شي خلاها تتقبل انه بيرجع وان كانت عاجزة عن تقبل رجعته اذا وصلك قصدي
نفسيا مطر اثار عاطفتي اكثر
ما هو بس لانه كان تغير من قبل بالفعل واقر بمشاعره ناحيتها واللي وحده كفيل يضعفه اكثر لكن لانه متوقع لردة فعلها
يدري انه بيجي يوم ويرجع
ويدري انها ما بتتقبله بذاك اليوم ويمكن ما تتقبله ابد
رغم كذا ما زال عايش على امل ..
وان شاء الله ما يخيب رغم انها بتطلع عينه

لقاء تيموو وقاسم حمسني اكثر للحظة اللي بتعرف فيها تيما صلة قرابتهم
واللي بيعرف فيها قاسم كمان ..
حماااااس
(صحيح .. وش جاب قاسم لكيسم؟)
بس صراحة غيسانة التعبانة اللي فاجئتني
يعني للحين على انحلالها وقلة ادبها ؟
ان شاء الله يعرف مطر ويعلمك ان الله حق
بالمناسبة
عندي فضول اعرف الاسم المستعار لمطر
وبما اننا رجعنا لمطر ولسبب ما تذكرت رماح
لقد لاحظت انه بالبداية انذكر انه ميت مع شراع بالعملية الارهابية <<< ذكروني اسرد عليكم تخميناتي بشأنها ويسس انا داخلة بكومة تخمينات وتحليلات من البداية
المهم
بعدها غسق سالت رعد عن تحسن في حاله
so
هل اعتمد الفكرة اللي وردت ببالي بان وراء اخفاء حياته سبب غامض ؟
سبب متعلق بمنفذي العملية مثلا ؟
وهنا يأتي دور العملية في الكلام
المنفذ اظن انه نجيب وشلته وهو الشيء اللي يرفضه وقاص
تدرين
بالاول ظنيت ان نجيب متزوج زيزفون لكن الحين لا
أرجح ان محاولاته معها (واظنها مقتصرة ع الضرب العنيف لسبب ما) هي مجرد محاولة لاستخراج معلومات عن مطر منها في نفس الوقت اللي هي قربت من عائتها فيه عشان تسوي نفس الشي
تكشفهم لمطر اللي اكيد ما كان موافق
ويبدو لي انها حاطة وقاص كوسيلة
اظن بستمتع بردة فعلها لما تعرف انه وقاص واخوه مع سيد زعيم
هذا على افتراض ان افتراضي صحيح طبعا << ازماتي المعتادة مع اللغة يا جماعة .. عجزت الاقي تعبير غير

وصلت للنهاية تقريبا
اولا احيي نفسي لاني في الجزء الاول توقعت ان دجى عايش
ثانيا نروح لتيم وشاهر ومارية ووجع راسهم
تيم عاجز يسامح ابوه
بنظره هو ترك امه تعاني من ظلم اخوها وزوجته
ترك ماريه اللي وجوده كان يمكن ساعدها
تركه هو نفسه
وبالتأكيد محاولته التقرب بتكون متأخرة جدا حاليا
ويمكن احساس سابق لاوانه << شف بعد كل الشطحات اللي فوق تو اكتشفت لول
المهم
يمكن مصيبة ما اللي بتحول علاقتهم لمسار طبيعي تقريبا لاي علاقة بين اب وابنه
اظن تيم متشوق للحظة الرجوع اكثر من قاسم بمراحل
متشوق للحظة اللقا
ويبدو ان ذهاب ماريه للمحكمة بيعجل الموضوع
وصحيح
باقي بعض النقاط الغامضة
مثلا قاسم كيف اختفى او ليش اختفى بذاك السن وكيف وصل لخاله
جمانة وش دورها
او بمعنى اصح دور امها واختها اللي واضح انهم ما هم هينين ابد
اظن اللي بتحاول تجذب زوجها بتكون زيزفون لكن النتايج ..
نتركها للوقت
وساندرين اللي تحاول تقلد غسق
اذا ما كنت مخطئة هي نفسها الطفلة الشقرا الي ظهرت بالجزء الاول بزيارة لال ضرار واخو وقاص اللي طاير اسمه من بالي كان يناكفها
وبشطح للمرة العشرتاشر هنا واقول انها اولا بتكون يا عامل مهم في اللقاءات المنتظرة او رابط للجماعة بغسق يسمح لهم بالتعاون لتحقيق هدفهم
زائد اني بشبكها مع ذاك الذي نسيت اسمه
اخيرا رعد
اظن غسق اشعلت اماله بكلامها
اعجبني وفاءه حقيقة ويا رب اشوفك مع استرياا عاجلا غير اجل
ياا رب

شفتي من اول فصل حفزتيني اطلع وواضح بيكون طلوع اسبوعي
اجهزي للصداع
ولما تجي ليلوو .. اذا قرأتي هذا التعليق يا بنت .. اشتقتلك وايد واجد جدا برشا بزاف << وعدي باقي لهجات العرب والعجم

اعذروني ع اللخبطة اللي جاية من حماس متوقد حقيقة
والى لقاء اخر
سلام ..

صباح الجمال و الدلال ..


فصل قوي و أحداث مشعللة من البداية😍😍

فاجأتني شخصية غسق الجديدة و انقلابها .. بس ما تنلام..
تغيرها طبيعي و لو بقت على نفس شخصيتها ما بيكون منطقي
هالشيء .. بس للأمانة راقت لي شخصيتها الجديدة اكثر من القديمة..
يا ان مطر بيجيه شيء 😂✋🏻 الا لو ضعفت قدامه و اخذها الشوق😈

،

تيماء .. تحززززن و حبيتها بالمرررة .. بس غيسانة ذي وش سالفتها..!
السنين غيرت الناس الا هي باقي ما تغيرت🙄 جعلها السدم بس-> ما نسيت لها انها
جرحت غسق .. ماعليك عشت جو معهم واني معاهم 14 سنة🤣


،

دجى ..! شالسالفة .. كل من اختفى طلع عايش بلندن .. اول شيء شاهر بعدين دجى و قاسم
و الحين مطر و تيم و تيماء .. على كذا بنسوي لهم رحلة مفاجئة و نصدمهم😂

اذا كان قاسم مختفي مع خاله دجى فـ اكيد انو مطر كان يعرف .. تذكرت شاهر لما
قابل مطر في الجزء الأول و ذكر شيء عن رئيسه .. اكيد انه دجى والا ؟

،

شراع 😭😭 يا عزتي له .. جعلهم السدم اللي اغتالوه .. بس رماح حي ..! هو انا
فهمت بالبداية انو انقتل مع ابوه او انك ما ذكرتي انه انقتل بس بالصياغ مع شراع
انا موتته معاه ..! او انهم مخفين حياته عشان شيء ..! و جبران ما انذكر عسى ماله
طاري بالجزء ذا بس🙂

رعد .. ما اقدر اقاوم الوفاء .. كل ذا حب للتنانية .. تخيل بس يرد مطر و ترجع تبيها
تلقاها قد تزوجت😂✋🏻 .. بس اتوقع استريا متمسكة بوعده اكثر منه ..


كاسر .. عمري النونو😂 تيماء عقلها اكبر منه😁 .. بس سبحان الله كيف قلب
الأم يحس .. البنت في دولة و الأم في دولة و مع كذا حست فيها ☹

،

مطر يا مطر .. لو انك راحم نفسك فيها .. بس شنو هي .. غسق والا 🙂
و ايش تبي داق عليها و فوق كذا بالمستشفى و تعبان .. لا سلامات سلامات
ما تشوف شر 🌚 .. الا لو كان رماح بالخارج و جبران معاه وهو اللي كلم غسق😳
بس لا ما اظن انه جبران .. قطيعة تقطع مصارينه لو انه هو🙂🔪

،

الشخص اللي بيراقبونه و دخل لندن من ساعات مين يكون .. و هم من شلة الأنس
حقتنا تبع لندن والا هم المُرَاقَبين..!

ممكن يكون وقاص مع واحد منهم؟ او الثاني تيم مع احد منهم 🤔
الموقف غامض و مريب ..

،

تيم .. واضح انه ما سامح ابوه للحين .. و ما ينلام صراحة .. هو يشوف ابوه
تخلى عنه و عن أمه و ممكن يشوف انه بسببه تدهورت حالة أمه وماتت..!
لأنه لو كان موجود ماكان حصل شيء من اللي عاشوه ..

مارية .. يتجدد أملها بكل عقد يتجدد في المحكمة .. بس وش اللي بيوديها
المحكمة؟ ممكن تسأل عن المحامي حق تيم ؟ او تسأل من وين يتجدد العقد ..!
بس اظن روحتها للمحكمة رح تعجل برجوع تيم .. ممكن تطلب رقم محاميه ..
هل ممكن يكون محاميه وقاص؟

،

ساندرين .. مجنونة غسق😂😂 .. بتعدم شعرها و عيونها من هالأشياء .. يمكن يقابلها
رواح و يسخر من شعرها و عيونها🙂 هذا اذا عرفها اصلًا ..

،

زيزفون .. وجودها بهالمكان لغاية .. و اكيد غايتها هو ضرار .. ممكن تنتقم لأمها
منه؟ بس اللي معها هل هي نفسها اللي ربتها بالجزء الأول ؟ و اذا هي نفسها
فليش تعيش معاها😕 .. و صراحة عجبتني زيزفون وهي معطيتهم فكرة انها مجنونة
و خرساء .. و الحقير نجيب جعل يده الكسر .. يستقوي عليها..! مرض يمرضه .. غبي ضعيف
شخصية ..


،


قاسم .. عيون تيماء ما فارقته .. كيف لما يعرف انها بنت ولد خاله🙂
مع فرق العمر بينهم بس حبيتهم 😍😍

،

تيم .. ايش قصده من تجديد العقد ؟ هل هو وعده لأمه ؟ او لشيء ثاني؟

عم مارية و زوجته يا مال البلا بس 😒 فوق ماهم مشوهين سمعتها شوهوها اكثر..
بس مالهم الا تيم يرجع و يعرفهم قدرهم زين ما زين .. اصلًا ما حاولوا يطلقونها منه
الا لأنهم خايفين منه .. متشوقة للقاء تيم مع عم مارية و هو يعرفه حجمه ..


،


و بس والله .. طلعت كل اللي بخاطري😂 .. اتمنى مروري كان سلس و حلو و اذا
ماهو كذا خلوه كذا😂✋🏻

..


دمتم بود 💜

صباح النور والنوّير على متابعين جنون المطر وكاتبتنا الجميلة برد المشاعر ...
الحمدلله يارب قدرت اقرأ البارت الاول بوقته..وقبل مايفوت علي وقت التعليق والتوقعات والأكشن .. مثل ماصار معي بالجزء الاول من الرواية ..
والله يافرحتي فرحه وانا اقرأ موعد عودتك للرواية ... صراحة ً بالنسبة لي عيد ثاني ... الحمدلله اللي ربي عطانا طولت العمر وكملنا مع بعض .. وان شاء الله بنكمل للاخير ..
..
بعد 14 سنه !

غسق بشخصيه غير غير عن غسق اللي عشنا معها ... وهذا هو الطبيعي ... ان شخصيتها تتغير بعد ترك مطر لها .. وفراق بنتها بدون سبب واضح لها ... ووفاة والدها اللي كملت على الباقي من روحها ...
كل مقطع بهالبارت يخص غسق حاولت اقراه اكثر من مره واحلله تحليل دقيق .. بس ماقدرت اطلع الا بتوقعين بسيطين ... الاول ان شراع وضح اسباب مطر في التخلي عن غسق..ويمكن هي ماشافته عذر حتى يتركها وياخذ بنته..والتوقع الثاني بخصوص مقاطعتها لعايلة مطر يمكن تكون عرفت انها بنت عمهم وتوقعت انهم يعرفون وساكتين من زمان ... اما بخصوص المكالمة الاخيرة فأتوقع انها بتكون من جبران....او يمكن تكون من رماح او الكاسر اللي كانت فيه توقعات بأنه مازال حي .. وتوترها من عرفت ان الاتصال من المستشفى ومن لندن تحديدا يدل على معرفتها بالشخص نفسه ... وانا ارشح جبران !

اما بالنسبة لدجى ؟؟؟ فصدمني صراحة اسمه ... قلت يمكن غلطانه وتقصد صقر ... بس دجى عايش ... وبنته ؟؟ والسنين اللي راحت ؟؟؟ وكيف ان قاسم والموجودين يعرفون ان هذا خال مطر ... مع انه من زمان ميت ... يعني تقريبا اختفائه بعمر غسق يعني 32 سنه ...
معقوله غسق تدري عنه ؟؟ ابدااا ما اتوقع هالشيء ...
بس غسق شرهتها على مطر بتكون كبيره لو فعلا كان ابوها عايش وهو يدري من زمان ...

فيه شيء مانسيته من الجزء الاول للرواية ... وكنت ادوره بين السطور اليوم ... وهو الشخص اللي كان يبي ياخذ ثاره من غسق ومطر كان خايف عليها وقتها ... هل هو مازال عايش ؟؟؟ وهل سبب اختفاء دجى بسببه حتى اللحين ؟؟؟ وهل غسق مازالت في خطر ؟؟؟ يمكن لهالسبب قرر مطر مايترك بنته وياخذها معاه حتى ما احد ياخذ بثاره منها ... وغسق مأمنها عند اخوانها وابوها ...

صراحة كثير أسأله جت ببالي بعد هالجزء ...
تيم وش ناوي عليه بهالصمت ؟؟ وماريه بتروح المحكمه من تبي ؟؟ ومطر شكله عرف عن بنته عشان كذا قرر يبعد قاسم على طول ...

اي ورؤساء المجموعات اللي اجتمع فيهم مطر .. كانوا عشره .. حسب وصف رواح ثنين ارملين ( شاهر ودجى ) وثنين مطلقين ( مطر و ... ) واربعه عزاب ( رواح ومصعب و قاسم ... ) والمتزوجين ( وقاص وتيم ) ...
يعني المجهولين هنا ثنين ... بالاضافه لمصعب لاني ماعرفته ويمكن يكون واحد من رجال مطر بس ..
لاحظت ان المجموعه فيها من شباب الحالك وشباب الهازان ... طيب وصنوان مين منهم !!! توقعت احد يكون موجود مثل اخوان غسق وبالتحديد رماح بما ان رعد موجود عند اخته وجبران مستحيل مطر بيشوف وجهه .. او عيال اخت مطر نسيت اسمها ... بس هم بعد عند امهم بعد .. !!! يعني لازم نعرف الباقين مين ...

*
هذي التساؤلات اللي جت ببالي من اول بارت .... وحبيت اشاركها مع البنات ونتوقع سوى ونحلل مع بعض ... ولي عوده ثانيه ان شاء الله بتعليق ثاني على بعض الجزئيات اللي اثارت مشاعري بعيداً عن الكونان اللي بداخلي .. 😂
ومنهم مطر ومشاعره المكتومه ... وماريه اللي معلقها الانتظار ...


⚘