وعذرا أختي في كلامي

أولا الكاتبه بشر تتعرض لظروف تجبرها أحيانا على التأخر غصب عنها ماهي آله

ثانيا أي كاتبه مثلنا عندها أسره ومسؤليات حياة زوج وأولاد وبيت ويمكن عمل لها الأولويه
في حياتها والكتابه ماهي من الأولويات ممكن تنتظر لكن فيه أمور ماتقدر تتركها من أجل الكتابه
وكثر الله خير الكاتبات اللي يقتطعن جزء من وقتهن لإسعادنا

ثالثا مافيه كاتبه ماتحصل لها ظروف وتعتذر وتغيب وأنا ماألومهن لأنهن مثل ماذكرت ظروفهن
أقوى منهن حتى أنفاس قطر المعروفه بإلتزامها المميز أذكر في روايتها الأخيره أنقطعت كم أسبوع
لظروف عندها

والكرستال والنعم بها وبإلتزامها بالذات في روايتها الأخيره لكن أذكر في روايتها اللي قبلها
كم مره تغيب أو تتأخر عن موعدها لظروف عملها بعد ما توظفت

رابعا برد المشاعر أنا من الكاتبات اللي أقرأ روايتها وأنا مطمنه إنها بتوفي بوعدها وتكملها
لأني من خلال متابعتي لها في رواياتها الست السابقه لاحظت التزامها ,انا أعرف مدى حرصها على الوفاء بوعدها الحرص اللي

خلاها في الثلاث روايات الأخيره ترسل لي الفصول مقدما حتى أنزلها بدلا عنها لأن النت والكهرباء تنقطع عندها
كثير

الحرص اللي خلاها بعد ماخرب جهازها تستمر في تكملة الروايه بالكتابه على الجوال فصل يتراوح بين 300 صفحه ألى 500 صفحه

الحرص اللي خلاها تكمل الأجزاء الأخيره من الفصل ال 19 وهي تعاني من آلام الحرق لأنها ماحبت يتأخر عليكم الفصل
أشياء كثيره أعرف معاناتها وهي تكتب لكم الفصل في وسط كل الظروف اللي توضع فيها لكن هي بشر ولها طاقه وتمر بظروف تجبرها

خامسا برد تحترم متابعينها اللي يتابعونها وتقدرهم بدليل تحاول تعوضهم وتنزل لهم فصول طويله

سادسا الكل ملاحظ إن الفصل اللي تنزله لكم برد المشاعر يعادل أربع فصول أو أكثر من فصول الكاتبات اللي ينزلن أسبوعيا أوكثر يعني كان بإمكانها تقسم الفصل لكم أربع أقسام وتنزل كل أسبوع فصل يعني حتى لو جلست أسبوعين فهي تنزل لكم تقريبا مايعادل ماتزله أي كاتبه في أربع أسابيع لكن لأنها تنزله مع بعض ماتحسون بهذا الشيء وتعتبرونه فصل كأنه من 80 أو 100 صفحه خلينا نكون عادلين وحقانين ونقدر مجهود الكاتبه ومانحملها
فوق طاقتها

أكيد الكل يعرف لما يكون في البيت وحده ولاده العبء المترتب على أهل البيت من اهتمام بالأم والطفل
والضيوف خاصه لو ماكان فيه خادمه الشغل بيتضاعف وقت الراحه يقل فكيف بتلاقي وقت للكتابه
اللي تحتاج لهدوء وصفاء ذهن
هل من العدل أن تترك أختها ومولودها وضيوفها حتى تكتب فصل ممكن ينتظر لو كنا في وضعها
هل نعطي كتابة الفصل الأولويه ما أعتقد
وأرجع وأقول اللي تابعوا برد المشاعر في رواياتها السابقه يعرفون حرصها والتزامها وإنها لايمكن تتركنا في نصف الطريق وماتكمل الروايه