السلام عليكم ورحمة الله وبركاته
حيالله الحامل والمحمول أبدعتي سراب وظني فيك ماخاب
ومثل مايقولون الكتاب باين من عنوانه
الروايه تزداد جمالا وتشويقا بارت بعد بارت

ذياب
أولا ما أعتقد إنه قتل أبو مهره ولو حصل فهو بدون قصد
او فيه شيء أجبره على القتل وأم مهره ماقدرت تتحمل الصدمه
وماتت
ثانيا بما أن أبو مهره شريك مع أبو ذياب إذا ماني غلطانه
أعتقد عملهم ماهو نضيف وذياب عرف هذا وربما حب
أو شفقه ما حب يبين لمهره حقيقة أبوها
ثالثا ذياب اللي حريص على موظفات الشركه ويخاف عليهم
ويوفر لهم سواق من حرصه عليهن ما أظن أنه بيأكل حق
مهره وجدها من ورث أبوها فأتوقع إن أما أبو مهره خسر
كل ماله قبل موته أو تصادرت أمواله لأن عمله ماهو شريف
وذياب عصامي بنى نفسه بنفسه لأن اذا توقعي بخصوص
أن أبوه وأبو مهره شركاء وعملهم ماهو نظيف أكيد بيخسر معه

ظهور مهره في حياته من جديد الظاهر بيعلقه فيها ويحبها
لكن كيف راح يوصل لها

سيف
وصحوه متأخره أعتقد إنه بعد مايتأكد إن فهد ولده ماراح
يتركه والله يعين حنين سيف بيخلي فهد مثل مسمار جحى
وينط لها كل شوي بحجة ولده وأتوقع إنه بيرجع حنين
رغم عدم رغبتها أما عن طريق أبوها اللي لو راح له
وطلبها أعتقد بيزوجها له حتى يتخلص منها وحتى ينتقم
منها ومن جد مهره
أو أنه بيهددها بأخذ ولده إذا مارجعت له وبيمسكها من يدها اللي توجعها

مهره

كل مره تضعف أكثر هي وين والإنتقام وين
ما أعتقد بتقدر على الإنتقام الا لو تغيرت جايز إنتقامها
يكون عن طريق تسريب معلومات تتسبب في خساره
كبيره لذياب

حنين

ضعيفه لا أبوينشد به الظهر ولا زوج صالح
وإبن راح يكون نقطة ضعفها

أبو حنين
ماسبب قسوته على حنين هل عرف بما حصل لها من سيف
وحملها المسؤليه أو ربما تكون حنين بسبب ماحصل لها تزوجت
سيف غصب عن أبوها بدون علمه أو بدون رضاه

إن شاء الله المحقق كونن نجح في حل الغموض ههههههه
لاتقولين سراب نجيتي منه وإنك في السليم
وأعذريني سراب لو ماعلقت على البارتين أو الثلاث
القادمه يمكن ما ألقى فرصه تعرفين عشر أواخر
وضيوف من الرياض والباحه وعيد زين إن قدرت أقرأ البارت
في الأيام القادمه لكن بحاول لو قدرت أعلق لأنك
تستاهلين سراب من يرد عليك
لاخلا ولا عدم منك يارب