عزيزتى سراب ... وينك أشتقنالك... عساك بخير و فى انتظارك

السلام عليكم ورحمة الله
يا الله زمان ماقريت رواية ممتعة بهالشكل ، تخليني أقرأ البارت مرات ومرات .
جديًا ؛ لي خمس سنوات أدور رواية بأسلوب سرد مغاير ، وبأحداث غير متوقعة البتة ، ويني عنها ليه توي أشوفها !!

يسلم لي قلمك ياشيخة ، معجبة بكتابتك جدًّا .

حاولت أرتب أفكاري شويتين لعلّ وعسى أتوفق ويطلع معاي شيء .

عندي كثير تساؤلات ، كتبتها بالنوتة عندي عشان مايضيع شيء عن بالي


ذياب وحديث نفسه أتعبني ؛ من البارتات الأولى كان يتكلم عن الموتى اللي خذلوه هل كان يقصد عبدالله الناصر وعمه زياد ، أو معقولة كان يقصد أبوه ؟ ، على طاري أبوه أبي أعرف متى توفى !

ولما كان يعاتب عمه زياد في نفسه كأنه كان يشعر بالظلم ليش يتلقى العقوبات اللي ما يستحقها !! غريب الموضوع مرات أحس إن تأنيب الضمير مقطعه على قتل أبو مهرة ، ايش يقصد بالعقوبات اللي مايستحقها وهو بس انسجن وطلع بكفالة لا قصاص ولا هم يحزنون !! ، لو ما كان هو اللي قتل عبدالله ، إذًا مين؟

وعلى طاري الكفالة ، أعمام مهرة مالهم حس !! ، ياترى أبو عبدالله تبرى منهم لتنازلهم عن القصاص؟؟؟


المهم نرجع لمحور حديثنا وألغاز ذياب ، لما كان مسفر يقول لذياب ليش ما تصارح مهرة وتقولها الحقيقة كان يرد عليه بـ أصارحها وأفجعها ! ، ايش اللي ممكن يفجعها أكثر من فجيعتها بأبوها وأمها ؟؟؟ ، هل هو صدق زي ماقالوا البنات انه فيه شبهات على أبوها ! بس الغريب إن شعور ذياب وكلامه بعبدالله كأنه يذكره بالخير ، لا يصير فيه سوء فهم خلاه يعتقد ان عبدالله مشبوه وبعد ماقتله استوعب انه العكس ؟


غير كذا فيه كلمة قالها مسفر استوقفتني ، لما كان يتناقش مع آل غانم بقضية الأسهم قال لسعود تعرف إن هالأسهم لنسيبنا !! ، ماقال شريكنا !! نسيبهم قريبهم يعني معقولة تكون مهرة زوجة ذياب صدق ؟؟ أحس في لَبس بالموضوع .

ومهرة يامهرة ، تذكرني في نفسي لما أحاول ما أظهر مشاعري على وجهي تفضحني رجفة يدي .
مهرة لما كانت تهاجي ذياب في نفسها كانت تتكلم عن جثتين أرسلهم لها مدري هي كانت تقصد جثة أبوها وجثة شخص ثاني أُرسلت لها ؟ ولا أنا قاعدة أدقق بزيادة وهي قصدها جثة أمها بعد ما انفجعت بزوجها وماتت !

على طاري الجثة ، خلونا نقول إن ذياب قتل عبدالله الناصر ايش مصلحته في إرسال جثة عبدالله لأهله !! ياناس أحس الفعلة هذي فعلة شخص ثاني ماتطلع من ذياب ، فيه إن بالموضوع بس ما عرفت ايش هالإن بالضبط T_T .

هذي أكبر الاستفهامات اللي عندي للحين .

وش يصبرني للبارت الجاي وقفلة البارت الثامن توجع القلب كذا *تبكي*

سراب معك لآخر الرواية بإذن الله تعالى ، لا تحرمينا من إبداعك .

كل يوم أدخل للرواية ، مأملة بعيدية لطيفة 😢💔

بناات الي عندها سناب سراب تراسلها وتطمنا عليها