مشكووووووووووورة عالوصفة ويعطيكى العافية

السلام عليكم و رحمة الله و بركاته


رحلتنا مستمرة في طائرة ليلاس ..
و نحط اليوم في
سوريا

و طبقنا


الكبة الشامية








المقادير
مقادير عجينة الكبة
- كيلو برغل ناعم
- نصف كيلو لحمة مفرومة ناعمة
- بصلة صغيرة
- ( بهارات + كمون + ملح خفيف )
والملح الخفيف لانو احيانا بيبقى البرغل اصلو مملح

الآن مقادير الحشوة
- كيلو لحمة ( إما ناعمة مفرومة أو ناعمة فقط على السيخ )
- صنوبر
- لوز
- جوز
- سمنة
- بصلة

نبدأ الآن بتحضير العجينة تبع الكبة
شوفوا
كل كيلو برغل ناعم بدو نصف كيلو لحمة ناعمة مفرومة على الماكينة
اوكي
هلأ بتجيبي البرغل فقط
وبتنقعيه بماء بحدود الثلاث ساعات ((( والزمن بيرجع لنوعية البرغل )))
يعني مو تكتريلو مي
انتبهي يعني تتبيل
حتى فقط البرغلة تصير طرية ومو تبقى خشنة وصلبة

----------------------
هلأ بعد مو مضو الثلاث ساعات تبع البرغل
انتي لح بتلاقي انو البرغل صار طري
بتجيبي البصلة وبتفرميها ناعم جدا ( أو بتبرشيها )
وبعدين بتجيبي البرغل وبتخلطي البصلة معاه
وبتحطيه بالماكينة الخاصة للكبة
واللي هي مو موجودة عندي للاسف
وبتفرميه
بيطلع عندك متل العجينة طرية
هلأ
بتاخدي العجينة وبتضيفي عليهم التوابل المذكورة بالمقادير
وبتظبطي ملحهم كويس
لانو سبق وقلت لك انو احيانا بيجي البرغل من اصلو مملح
وبتعجني كويس بايدك
بتعجني بتعجني بتعجني
حتى لو تعبتي اتحملي
وبعدين غطي العجينة حتى مو تنشف
هيك خلصنا من العجينة وارتحنا

======================
هلأ بنعمل الحشوة
واكيد الحشوة لازم تكوني عاملتيها بالوقت يلي بيكون البرغل فيه منقوع
الحشوة
بتفرمي البصلة ناعم كتير
وبتهوسيها على الغاز حتى تحمر بسمنة
وبتضيفي عليها اللحمة وبتبقي عم تهوسي حتى تستوي اللحمة
هلأ صارت اللحمة جاهزة اوكي
بتجيبي الصنوبر وبتقليه وبتهوسيه حتى يشقر
واللوز نفس الشئ
اما الجوز بتخليه ناشف بدون تهويس
أو اذا بتحبي هوسيه
بس نحنا بنخليه ناشف
هلأ ضيفي كل اللحمة فقط فقط فقط
وبتحطيها بداخل مصفاة
حتى فقط تصفي كل السمنة يلي فيها
لسبب ؟؟
واللي هو ( انو اذا بقت السمنة بقلب اللحمة لح تخلي الكبة تفلش وتخرب
)
هلأ بعد مو صفت اللحمة كل سمنتها
واكيد اكيد بتكون اللحمة سخنة مو باردة لما صفيتيها
صارت اللحمة جاهزة بدون سمنة بتضيفي عليها اللوز والصنوبر والجوز
وبتحطي البهارات يلي بدك ياها وبتظبطي ملحها كويس
وبتحطي الها ملعقتان كبيرتان دبس رمان
((( هذا بيعطيها طعمة حامضة )))
وعلى حسب مو بتحبي الحمض حطي
يعني 2 ملعقة او اكتر حسب االي بتحبيه
هلأ صارت الحشوة ولله الحمد جاهزة وتمام التمام
=====================



صار وقت الكبكبة
بتكوري القرص وبتحشه بالحشوة
ولازم كل فترة وفترة تغسلي ايديكي
وادهني باطن كفك بماء مضاف اليه نشاء
حتى يتماسك قرص الكبة
ومن بعدها اقلي الكبات
بزيت يكون حار جدا جدافي البداية
بعد مو تحطي القرص بالزيت بعد بشوية نوصي الغاز
حتى مو تستوي الكبة من برا وتبقى من جوه نية
ولا تكتري بالمقلاة عدد كبير
يعني خليهم من اثنين الى ثلاث كبات
=========================
ملاحظة
1- لازم العجينة تكون كل فترة عمل الكبة مغطاية حتى مو تنشف
2- والكبات يلي كورتيهم حطيهم بصينية وغطيها بكيس نايلون من بداية الصينية
يعني مو تعرضيهم للهواء ابدا
حتى مو ينشف القرص ويفلش بالقلي لاسمح الله
3-اذا حسيتي انو القرص قبل مو تحطيه بالزيت مفلش شوي
ظبطيه بايدك وتكون مبلولة بماء نشاء عادي
وبيركز وحطيه بالزيت
==================================
أما الكبة المشوية
فقط الحشوة تبعها هي لية
وبتشويها على المنقل

و رحلتنا تستمر ..

و نحط رحالنا اليوم في
لبنان

و على سفرتنا نتناول
الفلافل





*
*
*




المكوّنات

*

فول - 450 غرام
*

حمّص - 340 غرام
*

بقدونس مفروم فرماً ناعماً - حزمة
*

كزبرة مفرومة فرماً ناعماً - حزمتان
*

ثوم مهروس - 10 فصوص
*

بصل أحمر مفروم - 1
*

بصل أخضر مفروم - 2
*

ملح - ملعقتان كبيرتان
*

فلفل أسود مطحون - نصف ملعقة صغيرة
*

دقيق - ملعقتان كبيرتان
*

بيكاربونات الصوديوم - ملعقة صغيرة
*

فلفل أحمر حار - رشّة
*

كمون - ملعقة صغيرة
*

زيت نباتي للقلي - بحسب الحاجة

طريقة العمل

1- إنقعي كلّ من الفول والحمّص في وعاءين مختلفين لليلةٍ كاملة.
2- إغسلي الفول بالماء البارد ثمّ صفّيه بعدها وضعيه في الخلّاط الكهربائي لدقيقتين من الوقت.
3- ضعي الفول جانباً في وعاءٍ كبير.
4- كرّري العملية نفسها مع الحمّص ثمّ ضعيه مع الفول في الوعاء.
5- ضعي الآن الثوم، البصل الأخضر، البصل الأحمر، البقدونس، الكزبرة، الملح، الفلفل الأسود المطحون، الفلفل الأحمر الحارّ والدقيق في الخلاط الكهربائي.
6- أخلطي المكوّنات لدقائق حتى تحصلي على معجون متماسك.
7- أضيفي الخليط إلى وعاء الحمّص والفول واخلطي المكوّنات بيديك جيّداً حتى تتماسك.
8- رشّي بيكاربونات الصوديوم على خليط الفلافل، اعجني الخليط ثمّ اتركيه جانباً لبعض الوقت.
9- سخّني الزيت في قدرٍ على النار.
10- شكّلي الفلافل إلى كرات ثمّ اقليها حتى تصبح مقرمشة.

مممممممممم
انا من عشاق الفلافل
بحبهااااااااااا
بس ما بعملها
بشتريه جاهز
يسلموووووو

شكرا على الاطباق المتنوعة و الشهية