السلام عليكم ورحمة الله وبركاته

من لما وصلتني الدعوة تقريبا قبل اختباراتي بفترة وعدت اني بقراها وبرجع بتعليق لكن اضطررت للغياب فترة بعد ما قريت اول سبع ايام فقط
اليوم ما كملت في قراءتها نصف ساعة انتقلت فيها بين مشاعر مختلفة
بين حزن وغضب ويأس وخيانة وضعف وتخاذل وخذلان
للمفارقة، من فترة والاجواء حولي متوترة بسبب موضوع الزواج الثاني
اكثر من ثلاثة من معارفنا طلعو متزوجين ومنهم واحد متزوج وله ثلاث عيال كمان !
طبعا انا كواحدة خارج الموضوع اصلا ماني قادرة اتخيل شعور المسكينة اللي مأمنة لرجالها عشان تتفاجأ بانه ماخذ غيرها وعايش حياته وجاي الحين يقول بالسلامة
مش موافقة روحي لاهلك
اول ١٥ يوم كان الموضوع شبيه بكذا
بعد عشرة جاي يقول بتزوج
وقتها تدمرت نفسيا لزوجته لكن احترمت شجاعته بقدر ما احتقرت جرحه لمشاعرها
بعدها بدا الكذب يظهر لما جت الثانية اخترعت سبب مختلف
لكن انه ماخذها قبل ؟
احتقرته حرفيا
ضعيف
ما قدر يواجه اهله
ما قدر يعدل
وما قدر يكون صادق مع واحدة اخذها من بيت اهلها ما تدري عن شي وبنت حياتها كلها حوله
ولما درت والاكيد انه عرف سبب انهيارها ما اعطى مبرر ولا حاول يرفع من معنوياتها وقدرها
ما جامل وما ابدى استعداد لبقاءها
لما درت انزاح تأنيب الضمير اللي حركه ١٥ سنة كاملة وما باعها
لا
هو من الاول ما شراها عشان يبيعها
هو قالها روحي بالضبط كشيء ما له قيمة ولا قدر
اما هي فالومها والوم كل اللي نفسها
كل واحدة تحط رجال محور حياتها وتمحي نفسها عشانه
انتي لك شخصية ولك اهتمامات وبكل سهولة تقدري توفقي بينها وبين بيتك وزوجك وحبك له
ما احد قالك تنقصي من هذا الحب
لكن تلغي نفسك وتدوسي شخصك عشانه ؟
لا !
البشر بطبعهم اذا حسو انهم تملكو الشي كليا يصيبهم الملل منه
ياخذونه كانه امر واقع
صار قديم
محتاج نغيره
احنا كذا
طبيعتنا مجبولين على حب المغامرة والتجديد والتملل من كل مكرر ولا ليش اسلافنا تركو بيوتهم الامنه وراحو يموتون بالصحاري والبحار والغابات ؟
وبعد لازم كل واحدة يكون لها شخصيتها لسبب يتضح من القصة
عشان لما اللي أمنتي له يغدرك تقدري توقفي على رجولك ويكون عندك اساس قوي تبني حياتك وتمليها عليه
عشان من احد يمسكك من يدك اللي توجعك
ما احد يقولك وش بتسوين بعمرك من غيري
ما احد يقولج تحملي المر عشان عيالك او بيتك او اللي تحبيه
كان لازم البطلة نحب نفسها بقدر ما تحب زوجها وبيتها وعيالها عشان الثلاثين يوم يصيرون عشرة وعشان الانتكاس بالعشرة ما يوصل لانها تنتهي
ويبقى الكلام النظري نظري والتطبيق مختلف
وتبقى المشكلة لاجل غير مسمى

اكيد طولت وطلعت حرتي بالرد فنوقف هنا
حسبي اني وفيت بوعد قطعته بكامل الثقة في الشي اللي بقراها قبل ما ابدا به حتى ولو كان وفاء متأخر عن المتوقع عشرين حبة
خالص شكري وتقديري لك ام جمال على الاختيار المميز وعلى الدعوة
سلام
💟

السلام عليكم..
تضيق الصدر هالمذكرات ولاهي من ذوقي الادبي ابدا. لكن هي قهرتني قبله هو.. والا هو تف عليه . ممثل بارع بعد..
كيف قدر يستمر بالفاظ الحب ..؟؟
المهم انها هي بالاخير فاقت لنفسها وعرفت غلطها وانها ماتخلي احد يستاهل انها تذل نفسها عشانه..
اول مره اقرأ قصه ابطالها مالهم أسماء..ههههههههه
مشكووره ام جمال على النقل..

روايه جميله