كاتب الموضوع :
فيتامين سي
المنتدى :
القصص المكتمله من وحي قلم الاعضاء
رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي
البــــــــــــ23ــــــــــارت
يوم الملكه وزواج
ريم
اشواق/
في المطبخ تشتغل وضيق الكون كله بصدرها
اليوم المفروض تكون سعيدة ملكتها هي واخواتها
اليوم بالذات تحس انها تحتاج اشياء كثيرة بس
ماتدري ايش هي ..حجم الضياع والفارغ اللي
تعيشه كبير حيل ..كل اللي صار لها ولأخواتها
ماقدرت تتجاوزه اخواتها قدروا يتجاوزون الشي
ذا وهي ماقدرت تحس كل شي محشور في صدرها
ظهور اهل ابوها الجميل في حياتهم فجئه خفف
عنها الشي الكثير جدها وجدتها ماخذين دور
الأب والأم على اكمل وجه ..بس اليوم كانت
بحاجه لوجود ابوها احمد وامها رقية ماتدري
ليش ..امها اللي حاولت انها تعصر ذاكرتها
علشان تذكر ملامحها ماقدرت تذكر منها شي
تواصلت مع امنه أم ريم سألتها كثير عن امها
وعن خوالها بس جوابها انها ماكانت تعرف عنهم
اي شي ..
استغفرت الله كثير وهي تحس بصداع قوي
مو قادرة تتوازن اخواتها يتجهزون علشان
الملكه وهي مافكرت ابد حتى تبدل ملابسها
حتى التوقيع الملكه وقعت في المطبخ وهي
تشتغل مااهتمت لما تتضايق تحب تشغل
نفسها حاولت جدتها فيها تخرج وهي
تكمل شغل رفضت .؟
فصلت سلك القدر الكهربائي اللي سوت
فيه العصيدة ريحها القدر كثير سوت عصيدة
فيه على ثلاث دفعات وطلعت العصيدة مضبوطة
اول مرة تحس انها لازم تشكر خزامى لانها جابت
لهم القدر ذا بعد ماسوت له اعلان .،؟
حطت العصيد في ثلاث صحاف خشب
مخصصه للعصيد اخذت الملعقةوهي
ترتب العصيدة في الصحفه وسوت حفره
في الوسط وحطت سمن وعسل وقطع من
شمع النحل وغلفت كل صحفه بقصدير..؟
اخذت لها قدر ثاني لازم تسوي مشغوثه..!
جدها طلب بس عصيد لان من عاداتهم
الملكه تكون العصر ولازم يقدمون شي لضيوف
وهو عبارة عن اكلت شعبية جنوبية معروفة
والذبائح بتكون بعد العشاء مباشرة..!
اخذت لها علبة لبن المراعى وصبتها في القدر
وفتحت النار واضافت لها ملح ومويه هي ماتحب
تتقيد بالمقاير تعرف تقدر تحدد كل شي بدون
كوب او مقدار معين اخذت لها مضرب وصارت
تحرك اللبن وبيدها الثانيه صحن فيه بر اسمر
دبي افضل نوع وحطت معه شوي دقيق ابيض
علشان القوام وصارت تحط من الخليط وتحرك
بسرعه لين خلصت البر واستمرت تحرك بسرعه
علشان مايتكتل العجين نقصت على النار علشان
تنضج كويس ..؟
جهزت صحفتين وسط علشان اذا خلصت المشغوثه
تحطها امها الله يعافيها علمتهم كل شي حتى خزامى
الدلوعه تقدر تسوي كل شي بس هي تستهبل
علشان ماتتعب ..ابتسمت على طاري اختهم
الصغيرة الكل يعتبرها صغيره رغم ان عمرها
17سنه يمكن علشانها اخر العنقود شافت كيف
حماسها لزواج رغم انها كانت رافضه فكرة زواجها
تحسها صغيرة على الزواج لكن لما شافت انها موافقة
خلتها على راحتها ووضحت لها ان الزواج مو لعبه
واول شي سوته انها قدمت في شغالتين لها ولريم
تقول انا مااقدر اشتغل في فله خاصة وانا
برجع ادرس انتظام بعد اصرار من جدي وجدتي
عليها وافقت ترجع تدرس .،!
شافت جدتها تدخل وهي بكامل زينتها ابتسمت
عليها وهي تشوف ثوبها البني اللي كله مشغول
بالذهبي ولا بسه ذهبها كله ..؟
محنيه يديها ورجولها وحاطها في شعرها فل
ماخذه دور الأم على اكمل وجه
هيلة/وهي توقف باب المطبخ وتناظر ببنت ولدها
اللي ماكأنه ملكتها اليوم اشواق يايمه اخرجي
خلاص انا بكمل اخرجي تجهزي يابنتي
علشاني انا وعلشان جدش وامش مسكينه
اللي كل شوي وهي تنشد عنش اخواتش
فديتهم كلهم خلصوا وانت في المطبخ.،؟
اشواق /وهي تفتح قدر المشغوثه ابشري فديتش
اخلص اللي بيدي واروح اتجهز قفلت النار وهي
تشوف ان المشغوثه خلصت صبتها في الصحاف
الخشبية وحطت كاسه صغيرة فيها سمن وصبت
عسل .،؟
غطتها بقصدير وهي تلتفت لجدتها جده انا خلصتها
كلها الله يعينش وديها المقلط خلاص السفرة جهزتها
والشاي والقهوة والبخور هناك.
هيلة/بحب وهي تشوف شغل بنت ولدها سلمت يدش
ابشري ازهليها على ذا الخشم .،!
مجلــــــــس الرجـــــــال
ريحة العود والبخور والفرحه اللي طاغية
على كل شي بصدر الجد(محمد)
لابس ثوب ابيض ولابس فوقه جنبية مبرقه
فضيه بمحزم جلد اسود بنقوش فضية
جالس بصدر المجلس وحوله ولده علي
عياله وعيال عمه وخواله اللي راح لهم
بعد ماحصل بنات ولده وقال لهم السالفة
وتحفظ على اشياء كثيرة مالهم مصلحة
من معرفتها ..حاول يعوض كل شي
انحرم منه ولده في بناته كان لهم أب واخ
وجد وكل شي مراح يقصر في شي يمكن
يرتاح من تأنيب الضمير ..!
حتى تجهيز الزواج كان مع خزامى وندى
وهو اللي عمره كله مانزل سوق مرة بس
مع بنات احمد كل شي تغير فيه كان يتوقع
انه يحب عيال علي اكثر شي بس بعد ماشاف
بنات احمد اللي اخذوا قلبه وعقله ماعاد يقدر
يصبر عنهم كل وقته معهم حتى الذهب حلف
محد يشتريه لهم إلا هو حتى ريم اشترى لها
نفس ذهب اخواتها واحتسب الأجر عند الله
لعل الله يكفر عنه ذنب الكاهن اللي راح له
يسأل عن ولده ..
فارس/وهو بيطير من الفرحة ابوه واخوانه من
امس وهم يوصون فيه يركد ويعقل بس عجز
لازم انه يرقص او يسوي اي شي يعبر فيه
عن فرحته رفض جده انه يشوف زوجته إلا
يوم الزواج والله مايتحمل شاف الشيخ
واقف مع جده وابوه وخارجين من المجلس
رايحين المقلط يقلطون على الضيافة .،!
اعترض طريقهم وهو يمسك يد الشيخ
ويقول ياشيخ انا في وجهك من جدي
رفض يخلينا نشوف زوجاتنا إلا يوم الزواج
هل هذا الشي يرضي الله .،!
وهو حاس ان جده شوي وبيذبحه بالجنبيه
اللي لابسه..،!
الشيخ بأستنكار وهو يرفع عيونه في الجد محمد
لا والله مايجوز شرعآ لازم تشوف زوجتك ومن
حقك ذحين صارت زوجتك شرعآ..!
فارس/ وهو يشوف وجه جده اللي تغير
اجل انا في وجهك انا واخواني ان جدي
يخلينا نشوف حريمنا .،؟
الشيخ/ابو احمد إن شاء الله ماراح يردك
علمه غانم وذا شرع الله وهو يمسك يد الجد
محمد وإلا ياابو احمد..!
الجد(محمد) حس عروقه بتنفجر من فارس
من كثر ماهو معصب ولا يحب احد يكسر له
كلمةبس ماراح يقول لا ..فارس حشره قدام الشيخ
لا بالله مابقول لا وقبل مايكمل كلامه حس ان راسه
بينخلع لما سحبه فارس بقوة وهو يبوسه
ويرجع يبوس راس الشيخ ..!
لف بيروح لجدته حس في ابوه يمسكه ناظر
فيه وقال لا انت مافي مالك حق تشوف ذحين اترك
لنا فرصه وهو يضحك..؟
علي/يحاول انه مايضحك على خبال ولده
والله انه يتمنى انه ياخذ زوجته ذحين
ويروح معها بس لازم يحضر عشاء ملكة
عياله وزواجه وريم اصرت انها تجلس مع
البنات لين وقت الرحلة حس انها تتهرب منه
وماحب يضغط عليها مسك فارس وهو يقول
انتظر لين اكلم جدتك وتشوف كيف الوضع
حتى اخوانك لازم يدخلون مثلك .،
فارس /بأعتراض مالي صلاح انا اللي سعيت
في الدخول ذا انا لازم ادخل اول واحد .،!
علي/بحزم فارس اركد وخلك رجال وانثبر لين
انا اكلمك .،!
ـــــــ ـــــــ ـــــــ ـــــــ
هيلة/وهي ترد على جوالها هلا يمه والله ماادري
عنهم البنات خلني اشوفهم وارد لك خبر طيب
والله اشواق باقي ماخلصت ..طيب على خشمي..
فرحتها اليوم ماتنوصف وهي تشوف بنات ولدها
عرايس وبعيال ولدها حست انها ماعاد تبغى شي
من الدنيا وهم حوالها ..
حست انها تعبت مابين بنات ولدها وبين اميرة
بنت علي اللي جابها ابوها وشكلها مغصوبه
وحز في خاطرها ان جميلة ماحضرت ملكة
عيالها اميرة غصب حتى وقفت تسلم عليها
يحسبون ان لها يد في تزويج ولدها علي
دخلت عند البنات وهي تذكر الله وهي تشوفهم
بسم الله ماشاء الله وهي تغطرف قربت
من ندى وهي تحضنها وتبوسها بسم الله عليش
الصلاة على رسول الله حظ احمد فديته ربي
عطاها ذا الزين كله يستاهل الغالي فديته ...!
لفت لخزامى/اللي انبهرت بجمالها احتارت
مين اجمل وحده في بنات ولدها كلهم جميلات
بسم الله وماشاء الله حظ فارس الخبل فديته
وهي تحضنها مسكت يدها وهي تقول وينها
اختش تقصد اشواق .،؟
خزامى /وهي ترجع تثبت طوق الورد على
شعرها باقي ماخلصت ياجده ايش تبغين
منها انا بسويه.!
هيلة(الجده)بحب جعلش سالمه عمش علي
يقول اولاده يبغون يدخلون يسلمون عليكم
يقول اللي خصلت فيكم تروح مقلط الحريم
علشان رجلها يروح عندها.،!
خزامى/حست في رجولها تصفق في بعض
ماتوقعت ان جدها يوافق ماتدري هي تفرح
او لا حست بمغص رغم انها قد شافت فارس
كثير في سنابه ووقت الأعلان إلا انها حست
بخوف .؟
ريم/ تجهز طاولة الملكة للبنات وفرحتها
ماتوصف جهزت الكيكات
واكواب عصير واستقبلت المصورة
دخلت عند البنات وهي
توقف من شافت أم زوجها ضحكت
لها تقدمت منها أم زوجها وهي تحضنها
بحب الله يوفقش انت وعلي كلمتها ذي
خلت ريم تطير من الفرحة كانت شايله هم
ان ام زوجها ماتتقبل وجودها .،!
وهي من عرفت ان بنت زوجها موجودة
توترت حيل حتى مافكرت تدخل تسلم
مرة شافت خزامى اللي مليون مرة
تنزل طوق الورد وترجعه قربت
منها وهي تمسك يدها خلاص
خليه والله شكله يجنن كذا يله
ايش باقي ناقص عليش علشان
تدخلين انت اول .!
خزامى/وهي تمسك يدها ريم الله يخليش
خلاص ماعاد ابغاه يدخل خايفة.،!
ريم/وهي تضحك مااصدق انش خايفة
وين الكلام اللي كنت تقولينه يله بلا دلع
وهي تقرب منها المبخر وتبخرها نزلت
المبخره وهي تاخذ دهن العود وتحط
منه على رقبة حزامى و ورا اذنها .؟!
وسوت مع ندى نفس شي .،؟
دخلت عليهم اشواق وهي غصب تمشي
وبدال ما تروح تتجهز انسدحت على
السرير وهي تقول راسي احس بينفجر
ريم جلست جنبها وهي تقول لها طبيعي
بيجيش الصداع وانت ماتاكلين ولا نوم
وفوق ذا كله تكرفين ارتاحي شوي وبجيب
لش عصير وفطاير وبعدها تجهزي ترى
زوجش طلب يشوفش .،!
اشواق /وهي حاطه يدها على عيونها سمعت
كلام ريم وبدون ماتنزل يدها انا مااقدر ياريم
ماهو ضروري ترى .!
ريم /إلا ضروري لازم يااشواق اذا انت ماتبغين
ايش ذنب زوجش ايش ذنبي انا واخواتي وامي
وجدتي مانفرح فيش والله ماغير تقومين تتجهزين
يله انا بروح اجهز المكان لخزامى بزفها اول
علشانها خلصت وبعدها ندى وانت اخر شي
يمديش ترتاحين وتتجهزين .!
خرجت ريم وهي ناسيه نفسها انها حتى
هي عروس وصلت المطبخ واخذت الكيكه
اللي عليها حرف خزامى وفارس خرجت
لصاله بسرعه لين وصلت المقلط وهي
تشوف عمتها تكلم في جوالها حطت
الكيكه على الطاولة وحطت رتبت السكين
والصحون وهي تصب العصير في الأكواب
حطت سلك المبخر في الفيش وهي تحط
العوده في المبخر ..!
شغلت السماعات وهي ترفع لصوت
من حقهم يفرحون مهما كان شكل الفرحة
وحجمها..
سمعت ام زوجها وهي تنزل الجوال يمه ريم
فارس اخذ عقلي قده عند باب الصالة ومعه
زوجش وعمش ترى ..!
ريم /بدون ماترد عليها خرجت بسرعةنسيت
ان زوجها بيدخل كانت ناويه تلبس عباتها وتدخل
مع اخواتها رغم انه يجوز لها تكشف عليهم بس
تستحي على الأقل عباية وطرحه لكن زوجها
بيدخل صعبه وهي حتى ماتجهزت ابد خرجت
بسرعه لغرفة اخواتها وهي تسمع صوت عمها
يقول ياولد دخلت وهي تقول خزامى بسرعة
زوجش المجنون ماارتاح قده عند الباب .؟
خزامى وهي تروح لين سرير اشواق وتدنق
وتبوس راسها والله احبش وقفت وهي تحاول
تاخذ نفس عميق وتقنع نفسها انه عادي زوجها
والشخص اللي كانت تتمناه وصلت باب غرفتهم
وهي تشوف جدتها واقفه عند الباب وتتكلم ولا تدري
ايش تقول من صوت السماعة خرجت وهي ترجع
شعرها على ورا لين قربت من جدتها اللي مسكت
يدهاعلشان تدخلها عند زوجها سحبت يدها من يد
جدتها وهي تأشر لها على غرفة امها بمعنى بروح
عند امي تحركت مبتعده عن جدتها لين دخلت غرفة
امها وهي تحاول انها ماتبكي الكل يشوفها تضحك
وتسولف وانها فرحانه في الزواج بس من داخلها
تبكي وحزينه على امها قربت من امها اللي حصلتها
صاحيه كأنها تنتظرها دنقت على راسها وهي تبوسها
حست في يد امها تحضنها استنشقت ريحة امها
اللي مستحيل تنساها من صغرها وهي تنام على
الصدر ذا فكتها امها وهي تقول لها بصوت منخفض
بسم الله علاش الف مبروك الف مبرروك والله انش
فنانه .!
خزامى /وهي تاخذ يد امها وهي تبوسها اكثر
من مرة ..يمه والله اني احبش احبش كثير .،!
رفعت راسها وهي تشوف جدتها واقفه عند
الباب تنتظرها وهي تقول خلصتي يمه رجلش
الخبل آكل عقلي والله تعالي وفكيني منه.!
خزامى /وهي تضحك رجعت تناظر في امها
اللي ضحكت معها تحركت مبتعده عن امها
وهي تشوف جدتها تمشي قدامها مشت بكل
ثقه وهي توصل لباب المقلط وهي تشوف جدها
واقف ينتظرها وهو يضحك لها ويمسك يدها.!
............................
فارس/اللي كل شوي يفتح شماغه ويرجع يرتبه
شوي يوقف وشوي يجلس يناظر في المصورة
اللي منقبه ويعرف انها تقول كيف يزوجون
واحد مجنون ماهمه كلام جده وجدته وابوه
رجع يفتح كيس الهدايا اللي بيده وهو
يشوف الطقم الذهب قفله ورجع يفتح
علبة الدبل ويرجع يقفلها شاف اميرة تدخل
وقف لها وهو يضحك ويحضنها ويمسك
يدها ويجلسها جنبه وهو يشوف نظرات
الأستغراب من اميرة ضحك وهويقول لها
لزوم اكون محترم معش شوي علشان خزامى
فديتها شافها وهي تناظر فيه من فوق لتحت
وتقوم تجلس جنب ابوها .،!
سمع صوت غطاريف وجده يدخل ماسك
وحده بيده وفز واقف وهويشوف ابوه يدخل
جواله في جيبه ويتحرك عند جدته وقف
مبهور من اللي داخله عليه شاف ابوه
يحضنها وهو يبوس راسها حاول يستوعب
ان ذي زوجته مستحيل جمال غير طبيعي
طولها الفارع فستانها الأحمر الناري
اللي مبين تقاسيم جسمها الفاتن
شافها تعطيه ظهرها علشان المصورة
تاخذ لها صورة من الجنب مع جدها
شاف شعرها الطويل الكثيف الأشقر
شاف جده يأشر عليه وهي تناظر فيه
وتضحك وترجع تدنق ولا يدري ايش يقولون
عنه من صوت السماعات .؟
قرب منه ابوه وهو يهزه فارس زوجتك
تنتظرك اشبك قد فغرت كذا.!
حاول يدارك الوضع وهو ياتحرك لها
وقف دامها مباشرة مايفصل له عنها
اي شي غرق في تفاصيل وجها
الأبيض الساحرالمشرب بحمره
عيونها الواسعة هدبها الكثيف
المرصوص عنقها الطويل الأبيض
الشامه اللي محتله جزء صغير
من عنقها .؟!
شفايفها المكتنزه الحمرا .،!
حس انه اختنق من ريحتها
حس في قلبه يرجف يالله كان يشوف ان امه
وجدته واميرة جميلات وهو كان يشوف
نفسه انه وسيم بس ذي جميلة جميلة
جمال غير طبيعي .،!
مايدري كيف قرب منها وهو يبوس
راسها وكيف مسك يدها الناعمة
وتحرك معها لين جلسوا مع بعض
فك يدها وهو يشوف جدته ترقص
قدامهم كل شي كان مخطط له
راح كان مخطط يرقص معها
بس ايش اللي حصل له مايدري
وقف وهو يشوف اميرة اللي قربت
منه حضنها بقوة وهو يرد عليها
الله يبارك فيش قرب من اذنها
وهو يقول ها ايش رايش في زوجتي.
اميرة /بغرور مثل ماقلت لك عادية جدآ
ويمكن اللي تشوفه كله عمليات تجميل
مشهورة اكيد انها ضبطت نفسها
فارس /وهو يشد على اخته ماصدقتي
في ذمتي انه جمال ربي عمليات التجميل
ماتسوي ملامح فتنه كذا شوفي ولا ذرة مكياج بوجها.!
شاف المصورة وهي توقف عندهم
قالت لو سمحت ممكن تقطعون الكيكة
وتلبسون الدبل علشان اخلص تصوير.!
فارس /وهو يناظر لخزامى اللي ساكتة
مد يده لها وهو يدنق قومي علشان نقطع
الكيكه ونلبس الدبل ذي ناشبه لنا .؟!
خزامى/وهي ترجف حست انها تورطت
مرة موقادرة حتى تتكلم واللي عور قلبها
ان اميرة ماعبرتها ولا سلمت عليها
سلمت على فارس وخرجت .!
ماسوت لها شي رغم انها كانت تتواصل معها
قبل ..شافت يد فارس الممدودة لها حطت
يدها بيده وهي توقف تحركت معها عند
الطاولة خلصوا تقطيع لبسها الدبله وهي
لبسته والمصورة اخذت لهم كم صورة
حست في قلبها ينبض بقوة من حركات
فارس يمه قليل أدب والمصورة اوسخ
منه ماخلت حركه إلا وطلبته يسويها
وهو ماقصر ومعظم الحركات ماطلبتها
هو سواها حست موقادرة توقف سحبت
يدها من يد فارس وهو يشد عليها
ناظرت فيه قالت ابغى اجلس ممكن
فارس /بخوف فيش شي تعبانه.؟!
خزامى / بأختصار لا وسكتت سمعت
جدها يقول فارس يله اخرج باقي اخوانك
بيدخلون باقي ورانا عشاء بنستقبل الرجال.؟!
فارس/جلس جنب خزامى وهو يمسك يدها
بجرأه معليش جدي لو سمحت اخرج
عندي كلام بقوله لزوجتي واذا خصلت
بخرج انا.،!
خزامى /ضحكت وهي تسمع جدها يقول
والله ان تخرج قدامي وانت رجالن طيب
فارس/ولا كأنه يسمع جده لف لها ومعطي
جده ظهره يا فديت ضحكه اضحكي زيادة اشوف.!
خزامى/وهي تحاول تفك يدها من يده وهي
تدنق يمه قليل ادب والله.!
فارس /وهو يرفع راسها بيده اضحكي مرة
ثانيه شافها وهي تبتسم قال اااه الله يجعلني
تقويم ياناس.!شاف جده اللي واقف عنده
فارس خلاص قم وفك يدها فارس رفع عيونه
في جده قال انت مين مسلطك علي
حاسديني على القعدة ذي وقبل مايكمل
سحبه جده لين وقف وهو يناظر في خزامى
قومي عند اخواتش وخلي ندى تتجهز وهو
يسحب فارس اللي تعلق في يد خزامى
انفجعت من حركته ماتدري هي تضحك وإلا ايش
تسوي.،!من جد زوجها مجنون.!
الجد(محمد) بعصبيةفارس فك يدها كسرتها .!
فارس/وهو ماسك خزامى وهو يضحك
مافي فك يدي وافكها.!
الجد(محمد)نفذ صبره على فارس وخباله
فكه وهو يقول بعصبيه والله الذي رفع سبع
وقبل مايكمل فتح عيونه بقوة وهويشوف
فارس يحضن بنت ولده قدامه مايدري
كيف خرج بسرعة لين الصالة وهو ينادي
هيلة بصوت مرتفع لين خرجت من غرفة البنات
تعالي اقلعي الخبل اللي داخل وطيب فيه
لين اشوفه.؟!
خزامى /وهي تبعده عنها بخرعه وخوف وخجل
من حركته خاصة ان جدها شافه ،؟
فارس /هو يعدل شماغه وهو يضحك على
شكلها وعلى جده اللي اول مرة يشوفه كذا
قرب منها وهي رجعت لورا ..فارس لا تخافين
ماراح اسوي لش شين وقبل مايمسك يدها
دخلت جدته بعصبية فارس استح على وجهك
واخرج قدامي .!
ناظر في خزامى وهو يقول اخلص من زوجها
وتطلع لي هي..
مسك يدها بشويش ومطنش جدته قربها منه وهو
يغرق في تفاصيل وجها احد قد قالش من قبل
انش اجمل من خلق ربي حس فيها ترجف وتنزل
راسها ماحب يحرجها اكثر قال لها خزامى عمومآ
احتمال زواجنا يتأخر شافها ترفع راسها بسرعة
تناظر فيه وكمل هي احد امرين ياجدي بيذبحني
ويتنكسل الزواج او جدي تجيه جلطه وقبل يكمل
سحبته جدته ..؟
هيلة/خبل انت والله انك خبل اخرررج يله قدامي ..؟
خزامى/شافته يخرج مع جدتها بدون مايكمل
كلامه وهي تخرج بعده تركض
لين وصلت غرفة اخواتها وهي تضحك
دخلت وهي ترمي نفسها على سريرها بقوة
وهي تضحك .؟!
اخواتها يناظرون فيها مستغربين وكلهم
مع بعض خزامى ايش صار.!
خزامى/وهي ترفع راسها وهي تضحك يمه
يجننننننن وفله موتني ضحك الله يجعلني
فدوه وبس .؟
ريم /الله يخلع قلب عدوك اخلعتي قلبي..!
في ناس باقي في المقلط وإلا اروح
ارتب لندى وزوجها .!
خزامى/فارس خرج وجدي باقي المصورة ..؟
واميرة تخيلوا انها ماسلمت علي سلمت على
فارس وخرجت .؟!
ريم/ماعلقت على سالفة اميرة ناظرت ندى
وهي تقول تجهزي بروح اضبط لش الطاولة .؟
واذا خلصتي روحي سلمي على أمي
علشان تخرجين من عندها .،!
دخلت المطبخ اخذت الكيكة وسكين وملاعق
واكواب وعصير ..ودخلت المقلط وهي تشوف
المصورة جوالها بيدها .،شالت كيكة خزامى
والاكواب والصحون والملاعق .،!
ونظفت الطاولة وحطت كيكة ندى والملاعق
والصحون والأكواب ..!
اخذت المبخر وهي تبدل عوده فيه .،!
رفعت لصوت السماعات .؟!
خرجت بسرعةوهي تسمع صوت زوجها ينادي
على امه اكثر من مرة حاول يشوفها وترفض ماتدري
ليش تهرب منه وهي الليل راح تكون معه ،!
وصلت غرفتهم وهي تشوف اشواق دوبها تلبس
فستانها .؟!
احمد/
وهو يدخل الغرفة معه جدته وجده وابوه
وماسك أميرة بيده حز في خاطره ان امه
رفضت تحضر الملكه وقالت له بحضر الزواج
شرط اني اخطب لك وحده انا اختارها مارد
عليها ابد هو ماله ذنب في كل شي صار
وندى مالها ذنب ولاهو معارض فكرة الزواج
ابد بس كان يتمنى ان امه خطبت له علشان
يطيب بخاطرها ..ماكان عنده شروط لزوجة
المستقبل ابد هو قنوع بشكل غير طبيعي
جلس وهو يشوف جده واقف عند الباب
صوت جدته تغطرف عرف ان زوجته جت
وقف مايدري ليش شاف جده يمسك
يدها ويدخل معها وجدته ترقص وابوه
يبوس راسها ويبارك لها .!
كان يناظر في كل شي حولها إلا هي
ماقدر يناظر فيها تقدم لها وهو يحاول
يرفع عيونه لها مايدري ليش ابتسم
بمجرد ماشاف وجها كانت جذابه وجميلة
بشكل ملفت هادية في كل
شي حتى في لون فستانها اليلكي
اللي ماسك على جسمها شعرها
الأسود الطويل اللي حاطته على جنب
الظاهر ان الشعر الطويل وراثه من جدتهم
هيلة..مسك يدها وهو يبوس راسها ويبعد بسرعة
فك يدها وهو يحس فيها ترجف جلس جنبها
وهو يحاول يخلي مسافة بينهم المصورة اخذت
لهم كذا صورة قطعوا الكيكة ولبسوا الدبل
بدون اي كلام بينهم شاف اميرة جايه له
وقف وهو يحضنها ويبوس راسها الله
يبارك فيش وعقبال ماازفش لفهد
توقع لما فكها انها راح تسلم على زوجته
بس شافها وهي تخرج بسرعه بدون
ماتسلم ماعجبته حركتها ابد بس ماراح
يجبرها على زوجته وقبل يجلس سمع جده
يقول احمد وانا ابوك خلصت علشان ندخل
اخوك المغرب دخل علينا وباقي معنا ضيوف
احمد/ابشر ياجد وهو يلتفت لندى اللي وقفت
بمجرد ماوقف ناظر في عيونها وهو يقول لها
اذا عادي اقدر اسلم على امش .؟!
ندى/يالله ماعمرها فكرت في زوج المستقبل
ولا عندها شروط ولا شي كانت خايفة من زوجها
حست براحه كبيرة وهي تشوف فيه احترام
وحسن تعامل حتى مع اخته كيف حضنها
بحب وزاد ذحين لما طلب انه يسلم على امها
طلبه ذا خلاها تعلق عيونها في وجه وكأنها
تبي تعرفه اكثر حواجبه الكثيفه سماره الجذاب
طول الخشوم عندهم تأكدت انها وراثه من جدها
وجدتها وعمها طوله وتناسق جسمه .،!
تحركت قدامه بدون ماتتكلم حست فيه
يمشي وراها وصلت لغرفة امها وهي تدنق
عليها يمه احمد وماعاد عرفت ايش تقول لأمها
رفعت عيونها له وهو واقف عند الباب يناظر لها
ارتبكت وهي ترجع شعرها لورا يمه احمد زوجي
يبغى يسلم عليش .!ضغطت الكرسي لين تعدلت
امها في وضعية الجلوس وهي تعدل طرحتها
على راسها رفعت عيونها له تفضل .!
احمد/دخل وعيونه على زوجته الهادية
حتى وهي تكلم امها حركاتها كل شي
كان فيها جذاب راح من الجهه الثانية
من الكرسي علشان مايحرج ندى
قرب وهو يشوف حرمه عجوز سبحان
الله على كثر ماسمع عنها من قوة ومكر
وكيف انها قدرت تبعد بنات عمهم عنهم
إلا انه ماقدر يكرها.
فك شماغه وهو يحط جزء منه على راسها
ويدنق يبوس راسها رفع راسه وهو يعدل
شماغه كيفش يمه والحمدلله على السلامه
وترى ندى في عيوني لا تشيلين همها
والله يستر عليش فيما سويتي مع بنات
عمي..! رفع عيونه لندى اللي تحرك الدبله
في اصبعها ومتوتره وشكرآ على انش حافظي
لي على ندى وصارت زوجتي .؟
سمعها وهي توصيةعلى ندى وهو
ماغير يردد ابشري وسمي وندى في عيوني.؟
رفع عيونه لندى اللي باقي على
وضعها تحرك مبتعد عن سرير
العجوز وقف قريب منها ندى
شافها وهي تناظر فيه بعيونها
العسيلة مايدري هي عدسات
او عيونها خلقه كذا ماهمه كثر
ما عيونها حلوه انا بخرج شوفي
لي طريق قبل جدي مايلحقني
بفارس وهو يضحك شافها تتقدم بتردد
رجع لورا شوي علشان تمر قال لها
اذا احتجي شي اتصلي علي راح
اخذ رقمش من عند ابوي نهاية رقمي
113همست له بطيب وهي تخرج قدامه
شافته يمشي بثقل رزانه لين خرج مع
باب الصالة .!
شافت ريم خارجها من المطبخ ومعها كيكة
واغراض اشواق رايحه المقلط .،!
دخلت غرفتهم وهي تحس براحه عجيبه
لما قالت لها اشواق عن الخطبة ثلاث
ايام وهي تصلي وتستخير والحمدلله
ربي مايخيب عباده ابد.!
اشواق /وهي تعبانه ومالها حيل حتى
تتكلم خزامى خلاص بعدي عني والله
احس اني بطيح ماله داعي ارسم عيوني
خزامى /بأصرار إلا لازم ترسمينها ملكه
وتحطين بس كحل منتي صاحيه.!
اشواق /بطفش وهي تحذف اللي بيد
خزامى وبعصبية وبعدين فكيني من شرش
قلت ماابغى خلاص خليني اخرج وافتك
من المهزله ذي.!وقفت وهي تتبخر وتتعطر
وخرجت وهي تسمع صوت جدتها وجدها
في الصالة وبدون ماتلتفت لهم راحت
لغرفة امها .،!
ابتسمت من شافتها تكلم الممرضه قربت
منها وهي تاخذ يدها وتبوسها يمه شوفي
كشخت علشانش انت .!
عايشة/وهو تحاول تجاهد عيونها مابين
فرحه وحزن فرحه وهي تشوفهم عرايس
مثل ماكانت تتمنى ..وحزن انها غلطت
في حق نفسها انها تعلقت بشي مو لها
وغطلت في حقهم انها احرمتهم من اهلهم
سنين ،.!
شدت على يد اشواق مبروك يمه الله يوفقش
وييسر امرش هبي شانش بروحش وبرجلش
حطيه فوق راسش لا يجي يوم ويقولون عايشة
ماعرفت تربي وتعلم شدت على يدها اكثر
هبي شانش برجلش يااشواق ولد عمش
وماراح يرضى عليش ..وهبي شانش بخواتش
واعجبني انكم بمكان واحد.!
اشواق/وهي تسمع وصايا امها وصايا مودع
يمه جعلني قبلش هذا انت معنا باخذش معي
ولا لي غنى عنش انا واخواتي .؟
عايشة /فديتكم جعل عيوني ماتبكيش
انت واخواتش .!
اشواق /فكت يد امها وهي تحاول تقوي
نفسها ماتدري كيف بتكون المواجهه مع
زوجها وافقت عليه مرغمه ولجل عين تكرم
مدينة خرجت من غرفة امها وهي تشوف
جدتها هيلة تغطرف وتسمي عليها وجدها
واقف عند الباب ينتظرها مسكتها جدتها
لين وقفت عند جدها اللي دخل قدامها
ويوقف ويمسك يدها لما دخلت غمضت
عيونها وهي تحس بصداع يلف راسها
تمسكت بيد جدها بقوة علشان يسندها
فتحت عيونها على صوت عمها علي
وهو يبارك لها ويبوس راسها ماتدري
هي ردت عليه او لا كانت تبغى تجلس
وبس..!
محمد/
من دخل مع جده وابوه شاف المصورة وبدون
اي تفاهم طردها يكره شي اسمه تصوير
رجع فصل سلك السماعات مو ناقص صداع
جلس وهو حاط رجل على رجل يناظر في
الكيكه اللي قدامه ضحك وهو يشوف حرفه
وحرفها الله من الوقاحه رفع عيونه وهو يشوفها
تدخل مع جده وجدته ولا كلف نفسه حتى
يقوم .!
ناظر فيها بتدقيق ونظرة شاملة سبحان من
اعطاها الزين ذا كله .!
فستان ازرق ماسك على جسمها بفتحه
طويله لين ساقها كعب ذهبي طويل
من قصرها يعني علشان تلبس ذا.!
فاكه شعرها الأسود الطويل الكثيف .!
وقف لما سمع جده يقول قم سلم على
زوجتك صارت قريبه منه شافها وهي تغمض
وترجع تفتح عيونها الواسعه العيون ذي اللي
ذبحته من اول ماشافها خشمها الشامخ الطويل
قرب منها وهو يختنق بريحتها بعد حتى قبل
ماتلمس شفايفه جبهتها ..مايدري ليش زاد
كرهها في قلبه كل الجمال ذا مايشفع لها
مقابل وقاحتها وطول لسانها ومناطحتها
لرجال يفكر كم من رجال اعجبته عيونها
والله العالم كم من رجل شاف وجها
شد على يده بقوة وهو يتذكر انها سافرت
كندا وجلست سنتين هناك واللي قهره
اكثر انه ماعرف انها كانت متزوجة
إلا قبل شي .،كل شي يقبله إلا ان احد
يسغفله لما خرجوا الرجال اخذه جده وابوه
على جنب وقالوا له ماصدقهم إلا بعد ماشاف
ورقة الخلع ثار وعصب جده قال له لا احد
يدري حتى اخوانك وعلشان مايسوي شي
يندم عليه خرج بدون مايرد على جده وابوه
لين جدته اتصلت تقول له يجي علشان يدخل
لزوجته.!
جلس جنبها وهو ساكت عنده كلام كثير ولايدري
كيف يقوله حس بتقزز وقرف من فكرة انها سبق
وتزوجت مو متخيل كيف .!
لعن امها العجوز مليون مرة لو ماسوت اللي سوته
ماكان حاله كذا هو تعلق فعلآ بها صار يبيها
ومايبيها مشاعره ناحيتها مختلطة مايدري
ايش يفسرها يغار يغار يغار عليها بجنون
ايه بالله انه يغار ولو بس يعرف منهو زوجها
الأول ذبحه ويرجع يذبحها هي وأمها .،
استغفرالله اكثر من مره وهو يحرك حبات
المسبحه بقوة .!
شاف جدته تمد له بعلبة الدبل والطقم .!
اللي ماكلف نفسه حتى يختارها احمد
وفارس اختاروا كل شي .،!
فتح علبة الدبل وهو يمسك يدها البيضاء
الناعمه بقوة ويدخل الدبلة بسرعةويفك
يدها كأنه متقرف وهو يتخيل زوجها الأول.!
ودبلته اخرجها وحطها في جيبه والطقم مسكه
من يد جدته وقال بعصبية ماله داعي وهو
ينزله على الطاولة .!
شاف اميرة تمشي له وقف لها وهو يحضنها
اول مرة من بعد المشكلة ويبوس راسها وهي
تبوس كتفه وتناظر في زوجته بنظرات فهم
المقصد منها كأنها تقول هذي زوجتك دكتورة
وانا منعتني ..فكها وهي تتحرك خارجه من الغرفة
جلس وهو ساكت وهي ساكته حتى جده وجدته
وابوه ساكتين هي جنبه ماكلف نفسه حتى يناظر
لها .،كيف الأقدر تجمع مو متخيل ان الإنسانه
اللي اشغلت فكره مابين حب وكره مشاعر مختلطه
هي جالسه جنبه وزوجته .!
رفع عيونه لجده اللي يقول يله نروح قرب المغرب
نصلي وبيجون الرجال بعد الصلاة .!
محمد/كان ناوي يقوم تذكر كيف ان جده استغفله
قال بعناد جد ممكن تخرج وتقفل الباب بجلس
مع زوجتي شوي.!
الجد(محمد) يعرف انه غلط لما اخفى عنه ان اشواق
سبق وتزوجت كان خايف انه يرفضها ولا علمه إلا
بعد الملكه ثار وعصب علشان كذا بيخليه خرج
هو وزوجته وولده وهو يسحب الباب ،!
اشواق/لما سمعت صوت الباب تقفل حست بثقل
في راسها تحس شوي بتغيب عن الوعي حاولت
توقف علشان تخرج لما وقفت حست فيه يشد
يدها بقوة وجلسها غصب .!
رفعت عيونها له بغضب وهو باقي ماسك
يدها ..خير ايش تبغى باقي فك يدي لو سمحت.؟
محمد/وهو يعجبه العناد مسك يدها اكثر
وصار يدخل اصابعه مع اصابعها بقوة الخير في
وجهش باقي بيننا تصفية حسابات .؟
اشواق /وهي تحاول تفك يدها ماقدرت فزت
واقفه وهو وقف معها رغم انها طويله ولابسه
كعب إلا انه اطول واعرض منها صار مقابل
لها صارت تتنفس عطره وتختنق .!
محمد/قرب منها لين حس فيها على صدره
فك يده وحطها على خصرها حس فيها ترتجف
والقوة اللي قبل شوي كلها راحت رفع راسها
بيده الثانيه وليته مارفع راسها حس بوجع
في صدره وهو يشوف جمال عيونها الواسعة
عيونها اللي ذبحت قلبه اخذ صورها على
اساس ينشرها ويعذبها وصار العكس هو
اللي تعذب صار مثل المجنون اللي يبغى
يعرف عنها اي شي ولاقدر حتى انه رجع
سأل جدته لما قالت له عنها سألها جدته
تعرفين من وين هي من الجنوب قالت لا والله.،!
ناظر وجها الأبيض الصافي رموشها المصفوفه
كأنه رماح جيش غاصب .!
شفايفها الصغيرة المكتنزة .!
كان يبغى ينتقم منها وماقصر حس انه ذلها
وهي تروح بنفسها وتقول لجده انها موافقه عليه
وهي سبق ورفضته .!خلاها تتنازل عن القضية
وترجع تعتذر منه .!رغم ان القضية ماتحركت
ابد لان اللي مسكها اخوه عبدالله .!
تنازلها عن وظيفتها .،
تذكر الندبة اللي في خشمه بسببها والرعاث
اللي صار يجيه كل ماعصب من بعد ضربتها
له واخر ماجاها الرعاث قبل مايدخل عليها لما
عرف انها سبق وتزوجت .!
حس فيها تتحرك تبغى تفك نفسها منه شدها
اكثر لصدره وهو باقي رافع راسها كان يبغى
يوسم وجها بوسم يكون علامه منه مثل ماصارت
ندبه في خشمه بسببها .،!
كان يفكر في خشمها بس لما شاف جمال وشموخ
خشمها قال حرام يشوه ذا الجمال .؟
نزل بعيونه لشفايفها كان متردد بس هي زوجته
ويبغى يأدبها وينتقم منها نزل راسه لها وهو يشوف
الذعر في عيونها لما عرفت ايش ناوي يسوي
قاومته بضعف وهو يهاجم شفايفهابكل قسوة
صارت ترفس برجولها تطلب اكسجين ..قربها
اكثر بتملك وهو غايب عن وعيه غايب في سكرة
شهدها شاف عيونها وهي تغمض عيونها وترجع
تفتحها وجها اللي صار كتله حمراء مشتعلة
حس فيهاتتهوى بين يديه شد عليها اكثر وهو
يجرح شفايفها ولسانها الطويل لين حس
بالدم في فمه .!
بعد عنها بدون مايفكها وهو ياخذ نفس عميق .!
حس قلبه يقفز من مكانه من قربها من لذتها
كل شي فيها جميل كل شي رجع حضنها
لصدره بقوة كأنه يحميها من كل شي حتى
منه كل ماقرر ينتقم منها يحصل نفسه يغررق
فيها ويتعلق بها اكثر بعدها عن صدره بشويش
ثبتها علشان توقف وهو تفتح عيونها اللي كلها
ألم ..نظراتها ماقدر يفسرها كان خايف يفكها
وتطيح حس فيها تحاول تفك نفسها ..!
فك يده من خصرها بشويش كأنه خايف انها تطيح
وقفت وهي تحاول تتوازن رجعت شعرها لورا
وهي تتلمس شفايفها جلست على الكنبه بضعف
وهي تنزل راسها لتحت .!
مسح فمه وهو يرتب شماغه تحرك مبتعد عنها
وخرج وهو يمنع نفسه مايرجع لها ويزرعها في
صدره بعيد عن انها سبق وتزوجت وكانت دكتورة
بعيد عن كل شي هو تعلق فيها وصار يبغاها
ويرفضها بنفس الوقت جبر نفسه يخرج غصب
وهو يحاول يكون طبيعي خرج من الصالة
للحوش وهو يشوف جده حاشر فارس في
الزاوية وبيده عصا غصب عنه ضحك .؟
الجد محمد/بغضب وضح في ملامح وجه
انت خبل ماتفهم انا اذحين اهبدك على راسك
لين تعرف ان الله حق لا بارك الله فيك راعي
حركات وخبال .؟
فارس/اللي من خرج جده مسكه حاول يشرد
يستنجد بأحد محد فزع له ومحد حوله حتى
العمال اللي يفرشون الحوش بالزل ويرتبون
الأغراض محد فكر حتى يلتفت له وبأستعطاف
جد تكفي اعتقني كيف تضربني وانا عريس
قسم بالله ان الناس تضحك بي عريس وجده
هبده هيا انتبه لا يصورونك وينتشر مقطع الفديو
هيا مين يمنعك من منظمة حقوق الإنسان
والتهمة ضرب عريس يوم ملكته ..
شوف الباكستان وهو يأشر بيده ورا جده
رافع جواله يمكن انه يصورك ذحين شاف جده
يلتفت واخذها فرصة وحط رجله وهو يشرد ويضحك
لما شاف اخوه محمد وقف وراه وهو يشوف جده
جاي عنده معصب مسك في محمد وقال محمد
انا طلبتك امنعني من جدي وهو يشوف جده قدام
محمد .،؟
محمد/اللي يضحك خلاص ياجد هو في وجهي
ايش المرة ذي .؟
الجد محمد/وهو يشوف سميه بوجه غير اللي خرج
به وتوقع انه يسبب مشكلة قال علشانك المرة ذي
لكن خله يعيدها والله يالعصا ذي مااكسر إلا
كرعانه بها.؟
فارس/وهو يضحك طيب شوف محمد له نص ساعة
عند زوجته وعادي ماقلت له شي .؟
الجد محمد/بقلة حيلة وهو يناظر في سميه
تعال نصلي المغرب والضيوف على وشك يجون
اتصل على المندي وحرص عليهم لا يأذن العشاء
إلا هم جاين بالعشاء ونحضر بعد العشاء مباشرة
الناس مشغولين ...؟
محمد/ابشر على خشمي ..
---------------------------------------
الســـــــاعة 9ونص بعد العشاء
عائشة/ وهي تناظر لكل شي حولها بس ماتناظر
لبناتها اللي واقفين منهارين وهي تعرف حتى
لو مابكوا هي فاجئتهم بقرار رحيلها وهو القرار
الصح ماحبت تظل حجر عثرة في حياتهم يكفي
اللي راح والأشياء اللي كانت تتمناها لهم
صارت وفوق ماكنت تتمنى كل وحده فيهم صارت
متزوجة وزوجها فرحان فيها وكل وحدة فيهم
عندها وظيفة ودخل حتى ندى اللي كانت خايفة
عليها ربي عوضها بزوج افضل من الوظيفة شافت
فيه الزوج الصالح المناسب لندى هو الوحيداللي
من اهل زوجها فكر وجاء يسلم عليها ويشكرها
على اللي سوته لبنات عمه وخص بالشكر لها
علشان ندى شافت نظرات الحب والحنان اللي
كان يناظر ندى بها هي كذا خلاص انتهت
وظيفتها.؟
لفت تناظر في الحوش الكبير الممتد والأشجار
اللي فيه ..هنا وقفت لها ريم علشان تخرج شوكة
من رجولها وهي كانت تلعب وتركت الشغل اللي بيدها
ونزلت عند رجول ريم وهي ترفعها وتقول لها بأهتمام
وينها الشوكة وتحرك ابهامها الكبير على رجول ريم
الصغيرة اللي كلها مليانه تراب ولما حست فيها
حطت اصبعها في فمها وحطتها على رجول ريم
علشان تقدر تشوف مكانها وطلعتها وهي تشوف
نظرات الألم في عيون ريم وهي تردد بروح أمش
خلاص حبيبتي خرجتها شووفي وبعدها تدنق
وتبوس رجول ريم وتقول خلاص ماعاد في شي
روحي العبي .؟!
وهنا كانت تجفف اوراق السدر علشان تطحنها
وتبيعها وتجيها اشواق ماما تعالي شوفي الخروف
الصغير تعبان مايتحرك ومايشرب الحليب ..
فتخلي شغلها اللي بيدها وتمسك يد اشواق
وتروح معها عند الخروف الصغير وتشوفه مع
اشواق وفعلآ كان يحتضر وبيموت وتقول لها
خلاص هو ذحين بيموت وبكرة اذا رحت السوق
اشتري لش واحد ثاني خلاص وتنزل لمستواها
وتحضن وجها وترجع تكمل شغلها وقبل تكمل
تجيها ندى يمه انا جوعانه تعالي وتخلي شغلها
وتشيلها وهي تردد بروح أمش عن بطنش اللي جيعان
وتدنق وتبوس بطن ندى وتسوي لها آكل ..
وترجع تكمل شغلها وشوي إلا تسمع صوت خزامى
تبكي فتترك شغلها وتمشي بسرعة علشان تشوف
ايش فيها ..هذي كل حياتها اللي مضت ماعمرها
عاشت يوم لنفسها كانوا هم كل وقتها وحياتها
غمضت عيونها وهي تجاهد العبرة لا تخرج وتبكي
والبنات ينهارون ويبكون هي ربتهم على القوة
والتعايش مع الظروف رغم صعوبتها علمتهم
مايعارضونها في اي قرار تتخذه ..علمتهم
الأعتماد على النفس علشان لا يجي نفس
اليوم ذا ويضيعون من بعدها ..
رفعت عيونها لأبو زوجها اللي كان ينظر لها بنظرات
كره وولده علي وعياله وافقين والسواق والممرضة
وافقين عندها حاولت تصفي حنجرتها وهي تتكلم .
انا اعرف ان كلكم شايلين علي في قلوبكم شين كبير
وحتى لو مانطقتوا به..اشوفه في عيونكم .
صح انا غلط غلط كبير وإذا فات الفوت ماعاد
ينفع الصوت .،!
انا ربيت بناتكم وحبيتهم اكثر من روحي ..
تعبت وشقيت عليهم كانت فرحتي تكبر كل
يكبرون قدامي .،!
ومن قبل مايموت ولدكم وهو يسافر ولا يجي
إلا مرة او مرتين في الشهر وخلا في وجهي
اربع بنات ولا معي قليل
ولا كثير الا حلالن تركه ابوي لي ..
دخلتهم المدرسة كنت اخذهم من بعد صلاة الفجر .،!
وانا اشيل خزامى وهي صغيرة
والباقي قدامي وامشي بهم الى
طرف الطريق علشان احصل
سيارة تنزلني ابها واوديهم المدرسة.،!
واجلس معهم الى انهم يخرجون.،!
واخذهم معي واوقف على الطريق
الى ان الله ييسر لي ابن حلال يركبنا.!
وارجع البيت اطبخ غداهم واغسل ملابسهم .؟
وفي العصر اخذهم واوديهم عند امام
المسجد الباكستاني يدرسهم
لاني لا اعرف لا اقرأ ولا اكتب .،!
ويوم الخميس والجمعة اخبز
واطبخ ايدمات واسوي شاي
وقهوة واجلس على الطريق
وابيع لناس علشان اقدر
اوفر لهم اكل وشرب .،!
ضحيت بكل شي مات اخوي
وهو زعلان مني لاني رفض
انزل معه اليمن واخلي بناتكم .،!
يسر الله لي ابن حلال اعطاني
سيارة وسواق واكفاني هم كبير..؟!
ماعمري رفض لهم طلب ولا اقدر
احط لقمه في بطني إلا بعد
مااطمن انهم اكلوا وشبعوا
وبعدين اكل بعدهم .،!
كنت اخاف اني آكل لقمه وخاطر
وحدها منهم فيها .،؟
ولا انام إلا بعدهم .،؟
مات ولدكم ولا عندي إلا غرفتين وحوش
صغير ..!
كنت اخاف عليهم من الدواب والهوام.،؟
اخاف احد يدخل علينا تالي الليل .،؟
وانا بمكان قفره مابه احد غيرنا.،!
اخذت لي علب قزاز وكسرتها
واخذت كيس اسمنت وعجنته
بيدي اغرز القزاز في حواف
الحوش علشان محد يقدر يتسلق
وينزل علي .،؟!
كم من قزازه دخلت يدي وسال دمي.ولا اهتميت .،!
كلهم كانوا من المتفوقين بفضل الله
كبروا وكبر حبهم في قلبي .وتعلق قلبي فيهم .،!
اذا رحت اسوق بحلالي ولا ارتاح الى اني
ارجع واشوفهم قدامي.؟
اشواق وندى /خلصوا الثاونوي وكل وحده
كانت الاولى على دفعتها وعلى مستوى
المدرسة .،!
حاولت تاخذ نفس وهي تحس انها تختنق وهي تتكلم
لفت وهي تناظر البنات اللي لابسين عبايتهم
وذحين بناتكم عندكم واستروا على ماوجهتكم مني
وهي تأشر للممرضة تحرك كرسيها وتساعدها تركب .!
محمد /اللي كان واقف يراقب المشهد بصمت الكل
ساكت يسمعون تبريرات واهيه بنظرة مهما سوت
تظل بنظرة مجرمة لو بيده كان ذبحها وماراح يبرد
حرق قلبه ذبحها وكان ناوي يبهذلها وبيده كل الأدلة
بس لجل عين تكرم مدينة علشان بنات عمه رفع عيونه
يدور للي اخذت جزء منه وجزء باقي مابين حب
وكره عرفها بطولها المميز ملتفه بعبايتها كان قلقان
عليها ولا عرف كيف يطمن عليها خاصة بعد اللي
سواه فيها.،،
كانت واقفه مثل الصنم بين اخواتها اللي يبكون
وهي سااكته تسمع كلام أمها بعيون جامدة
لين شافت أمها تركب السيارة بمساعدة الممرضة
والسيارة تتحرك خارجة من البوابة
شافها تحط يدها على صدرها وفي اقل من ثانية
شافها تتهاوى بين اخواتها حس روحه تطيح معها
وهو يتحرك بسرعة لها مايدري كيف شالها
الأرض وهو يدف اخواتها وابوه وجده ماكان
يهمه إلا هي وبس شالها بسرعة وعلى السيارة
وهو يسمع اصوات اخواتها صوت جده وجدته
اللي ينادون عليه فتح الباب الخلفي وهو يحطها
ويرفع نقابها انهزم فيه كل شي داخله وهو يشوف
عيونها الغايرة وجها المتغير لونه الشاحب قفل الباب
وهو يشوف جدته تفتح الباب اللي جنبها وتركب
ركب بسرعة وحرك سيارته وهو يلتفت لها وراسها
في حضن جدته اللي شوي تقرأ عليها وشوي تبكي
رجع يشوف الطريق مشى بسرعة وهو يتجاوز
السرعة القانونية ويسمع جرس السيارة اللي
ينبهه لازم يخفف السرعة ولا اهتم وهو كل شوي
يلف ورا يناظر لها انتبه لصوت جده اللي يقول له
محمد ولددانتبه لسيارة ياولد..حتى جده مايدري
متى ركب مايشوف شي إلا هي منظرها وهي
تتهاوى قدامه اخذ جزء كبير من قلبه سقوطها
قدامه هزه هز قوته وثباته رجع لف يناظر جدته
جده حطي يدش عند خشمها شوي تتنفس..!
جدته وهي تبكي ان شاء الله ماعليها شر والله
اني كنت متأكده انها بتطيح كذا اسبوعين والبنت
ماهي طيبة لا آكل ولا شرب ولا نوم ماغير تشتغل
وتدور علينا تسأل وتراعي وتهتم لنا ونسيت نفسها
وبعبرة خنقتها والليلة روحت أمها كملت الناقص.!
الجد محمد/بحزن حسبي الله عليها عايشة حسبي
الله البنت ياخوفي تروح منا متعلقه في أمها كثير.؟
محمد/بجزع من كلام جده وفي داخل قلبه لا
إن شاء هو مايتحمل فكرة انها تموت
والله مايتحمل ماراح يسامح نفسه هو السبب
في اللي صار لها ..
وصل المستشفى بوقت قياسي ودخل وهو يروح
الأستقبال ويكلمهم وماهو عارف ايش يقول لهم
يحس انه ضايع خلص من الأستقبال بعد ماسجل
بياناتها وتروح معه ممرضتين معهم كرسي وصل
السيارة وهو ينزل النقاب على وجها ويشيلها
وينزلها على الكرسي ويتحرك معهم داخل
المستشفى وقف وهو يسوف الممرضات ينزلونها
على السرير والممرضة تسأله ايش فيها وهو يجاوب
وعيونه مثبته على وجها وركبوا لها اكسجين بسرعة
والممرضة الثانية تقيس لها الضغط انتبه لوجود
جده وجدته معه تحرك لعندها وهو يعدل راسها
على المخدة وهي غيابه عن الوعي شكلها كذا
كسر خاطرة الف مرة رفع راسه والستارة تنسحب
ويتفاجئ بدخول الدكتور انصدم هو طلب دكتورة
اول شي سواه انه حط الطرحة على وجها ويتحرك
ناحية الدكتور لو سمحت اطلع وهو يناظر الدكتور
المتفاجئ من كلامه .
الدكتور/ عفوا ليش اطلع لازم افحص المريضة
محمد/بغضب انا طلبت دكتورة ليش جيت هنا.!
الدكتور /وهو يناظر فيه حاليآ مافي دكتورة
انا الطبيب المناوب في الطواري وبس.؟
محمد/بغضب اجل توكل على الله .؟
الدكتور / براحتك بس تعال وقع على مسؤليتك
المريضة منخفض عندها الضغط مررة .!
الجد محمد/بغضب من ولد ولده وماهو وقته ذحين
محمد انثبر مكانك وهو يقول دكتور روح شوف شغلك
وانت تعال هنا وهو يسحب محمد عنده بقووة
محمد/لا ياجد تكفى زوجتي لا يكشف عليها
وهو يتحرك مندفع خارج الستارة من جده
واصطدم في ابوه واخوانه وريم اللي كانت معهم.!
علي/وبأستغراب وهو يشوف وابوه ماسك ولده مع
صدره ويدفه بقوة في السيب خير إن شاء الله
ايش اللي صااير .!
الجد محمد/بغضب اقلع ولدك من هنا قبل
اهبده بالعصا زوجته بتموت ورفض الدكتور يكشف
عليها ،!
علي/وهو يناظر في لده الثائر يعرف غيرة ولده
طيب مافي دكتورة .!
ريم /اللي كانت منهارة وقفت وهي تسمع لهم
ولهواشهم مشت بسرعة متجاوزتهم انتوا ماتخافون
الله البنت ميته داخل وانتوا تنتظرون دكتورة خافوا
الله ودخلت عند اشواق ،!
محمد/بغضب وكره يبه اقلع مرتك من هنا مالها دخل
الجد محمد/إلا انت انقلع يامحمد احسن لك حد
النفس طيبة عليك سكت وهو يشوف الدكتور يخرج
مين ولي أمر المريضة .؟
محمد/وهو يتقدم له وعيونه حمرا انا زوجها ،؟
الدكتور / لازم تجي تسدد الفاتورة علشان نسوي
لها تحاليل قبل مااعطيها شي يمكن تكون حامل .؟
محمد /اللي كأنه انصفق على وجه من كلام الدكتور
لاااا وين حامل مستحيل .؟
احمد/وهو يشوف حال اخوه كيف ..؟قال لدكتور
انا بروح معك ..وانت يقصد محمد ادخل تطمن
على زوجتك وراح مع الدكتور.!
محمد / تجاوز ابوه وجده اللي وافقين بسرعة
وهو يدخل ويشوف ريم اللي حاضنه اشواق وهي
تبكي وقف يناظر فيها وفي جدته وفي ابوه اللي
دخل مع جده قال يبه خل ذي تبعد بشوف زوجتي
علي/زفر بقوة الليلة مضغوط بشكل غير طبيعي
ليلة زواجه ماتهنى بها الله لا يوفقش ياعايشة
وين مارحتي قرب من ريم وهو يمسكه وبشويش
ريم بعدي عنها ترى كذا كتمتيها وهو يسحبها
تعالي إن شاء الله انها بخير مجرد هبوط ضغط
ريم/ وهي تنهار وتبكي لا ماهو مجرد هبوط ضغط
هي تعبانه ومضغوطه نفسيآ منا كلنا وتدارينا
وناسيه نفسها خايفة عليها تموت انا اعرف اشواق
كتومة مررة اول مرة تطيح كذا علي شوف وجها
كيف والله انها بتموت ،؟
علي/وهو يحاول يمسك نفسه مايحضنها قدام اهله
مكتوب عليه مايلتقي فيها إلا وهي تبكي ..
اش اسكتي خلاص ان شاء الله انها بخير .؟
ويسحبها ويقعدها على الكرسي الثاني وهو ماسك
يدها ،.!
محمد /اللي يحاول يمسك نفسه عن ريم تحرك لعند
اشواق ويقرب منها وهو يشوف سلك المغذي الموصول
بيدها وكمام الأكسجين على وجها وشعرها متناثر على
وجها وعلى المخدة حس بغيرة وهو يذكر ان الدكتور
شافها كذا دنق وهو يحاول يرفع الطرحة على
شعرها اختنق من قربها ومن ريحة شعرها غمض
عيونه بقوة وهو ياخذ نفس طويل محمل بريحتها
مسك يدها وهو يجلس قربها مايدري ليش جلس
عندها ناظر في يدها اللي بين يديه حرك الدبلة
بأصبعه بدون شعور منه رفع عيونه للممرضة
اللي وقفت قريب منه ومعها علبة كلها ادوات
طبية فهم انها بتاخذ تحليل فك يدها ووقف
متحرك مبتعد عن الممرضة بدون مايناظر لها
خرج وهو يشوف جده واحمد اللي جالسين
على الكراسي في الممر..وقف له أحمد من شافه
محمد تعال اجلس تطمن إن شاء الله انها بخير
رحت انا وجدي وسألنا الدكتور قال هبوط حاد
في الضغط وراح ترتاح مع المغذي والأبر
و يشوف نتائج التحليل تطمن ،.!
محمد/وهو يناظر اخوه مارد عليه وهو يقول بكم
سدد الفاتورة .؟
أحمد/وهو يأشر على جده هو اللي رفض محد
يسدد غيره .!
محمد/ماقدر يجلس يحس انه قلقان وخايف عليها
شاف الممرضة تخرج من عندها ورجع يدخل عندها
وهو يشوف جدته جالسه جنب اشواق وتقرأ عليها
وابوه مع زوجته جالسين يناظرون في زوجته رفع
يده وهو يناظر في الساعة وشاف انها 11في الليل
رجع ناظر في ابوه يبه خلاص خذ زوجتك وجدي
وجدتي وتيسروا باقي معك رحلة ترى رحلتكم
من ابها الساعه1 يادوب يمديكم تخلصون وزحمة
الطريق واشواق انا بجلس معها .؟
علي/وهو يناظر في ولده ولا توقع انه يسوي كذا
وهو يشوف الخوف في عيونه على اشواق وكيف
شالها من عند اخواتها وهو يدفهم بدون مايحس
رجع ناظر في ريم ومسك يدها ريم يله لازم نمشي
علشان ماتفوتنا الرحلة اشواق ان شاء الله انهاطيبة
وانت سمعتي الممرضة قبل شوي لما سألتيها قالت
انها بخير ونايمة علشان المهدي اللي حاطينه لها
في المغذي.؟
ريم/بأعتراض لا ماراح اروح واخليها وماهو لازم
نسافر خذ عمتي وعمي وروحوا عند البنات وانا
بجلس معها .؟
محمد/بحزم وهو كاره وجودها يبه خذ زوجتك وتوكلوا
زوجتي محد بيجلس معها غيري وهو يوقف
يتحرك وجلس عند اشواق ويمسك يدها ،.؟
ريم/بغضب وهو تفك يدها من علي اللي يوقفها
ويسحبها فك يدي ماراح اتحرك من هنا .؟
صوت الجد الحازم /رريم يابنتي قومي مع زوجش
وحتى انا وعمتش هيلة بنروح واشواق ماعليها خلاف
زوجها معها،.؟
وقفت ريم بقلة حيلة وقهر وغصب عنها وهي تضبط
نقابها والعبرة تخنقها كيف بالله يكون لها نفس
تسافر شهر عسل واختها كذا بس ماعاد لها كلمة
وهي تشوف زوج أشواق جالس بحضنها ومعطيها
ظهرة حتى مو قادرة تقول له يبعد علشان تسلم
عليها رفعت عيونها لعلي اللي فهم عليها
وهي تسمعه يقول لولده يبعد عنها علشان تسلم
على اشواق تحركت مبتعده عن طريقة وهي تشوفه
يقوم بعصبية ويوفق في الزواية قربت من اشواق
وهي تدنق وتبوس عيونها بكت غصب عنها الليلة
اللي مفروض تكون اسعد إنسانة ليلة زواجها
كلها كانت كتلة من الحزن فراق أمها وطيحت اشواق
قدامها رفعت راسها منها وهي تقول بهمس استودعت
الله فيش وهي تمنع شهقتها تخرج تحركت مبتعده
تخرج حتى مانتظرت زوجها مشت بدون ماتحس
بنفسها لين وصلت مواقف المستشفى رفعت راسها
لفوق وهي تنهار وتبكي يالله متى نرتاح ياارب
حست في زوجها يمسك يدها وبخوف بان في
صوته ريم الله يصلحش ليش خرجي بدون
ماتنظرين اسلم على اهلي خفت عليش.؟
ناظرت فيه بضياع ولا ردت عليه تحركت معه
لين ركبت وهي تنهار وتبكي بقووة شي جاثم
على صدرها شي يخنقها .،؟
علي/وهو يشغل السيارة ويسمع شهقاتها المتتالية
اللي يحس انها تقطع قلبه هو ماقال لها شي
خلها تبكي لين ترتاح محد يلومها اختها وامها
تحرك خارج من موافق المستشفى وهو يلمح
سيارة احمد وراه تمشي ومعه جده وجدته
رجع لف لها وهي مازالت تبكي رفع جواله وهو
يتصل على ندى وقال لها جهزي شنط ريم
شوي وبنجي ناخذها وقفل منها .؟
قرر يوفق على جنب الطريق مسك يد ريم
ريم خلاص ليش الدموع ذي كلها مجرد ارهاق
وبتقوم إن شاء الله اشواق قوية اعرفها .؟
ريم/ البلا انها قوية ياعلي ليتها مثلنا تبكي
وتصيح وتعترض وماكان هذا حالها واللي زاد
ولدك المعقد هذا ليش يتحكم فيها ويرفض
اجلس معها ويرفض ان دكتور يكشف عليها .؟
علي/فك يدها وهو يسمع كلامها صح ان محمد
كان قاسي في كلامه مع ريم بس مالها حق تقول
انه معقد .. وبصوت مرتفع ريم كل شي إلا عيالي
لو سمحتي..
وخاصة محمد من حقه يرفض ان دكتور يشوف زوجته
و زوجها اولى انه يجلس معها .؟
ريم/ وهي ترفع عيونه لوجهه اللي تغير وملامحه كلها
تنطق عصبية والدليل حدة حواجبه المتقاربة من بعض
وبدون شعور منها لا ماله حق يخليها تموت علشان
انه يغار وكلام فاضي وانت بعد مالك حق تنافخ
علي يله رجعني البيت لو سمحت وهي تلف بوجها
عنه.،؟
علي/غمض عيونه بقوة وهو يزفر تعوذ من الشيطان
واخذ له علبة مويه ونزل من السيارة اول مرة يعصب
كذا بس مايحب احد يتكلم على عياله قفل الباب
وهو يتحرك مبتعد عن السيارة وينزل الموية
الأرض ويفتح كبك الثوب ويشمر يدينه لفوق
ويبدأ يوضي علشان تخف عصبيته ولا بيغى
تكون اول ليلة له مع ريم تبدأ كذا ..الليلة اللي كان
يخطط لها ويحلم فيها خلص من الوضوء ..
ولف متحرك ناحية باب ريم وهو يفتحه شافها
كيف خافت لما فتح الباب عليها قرب منها
وهو يشيل نقابها عن وجها وهي تنزل راسها
علشان مايشوف وجها رفع راسها وهو يناظر
لها ريم انا اسف والله انا اسف ماكنت اتمنى
تكون اول ليلة لنا مع بعض كذا ..شافها تناظر
فيه بحده حضن وجها وهو يقرب منها لين لمس
خشمه خشمها وصار يتنفس ريحتها ماقدر يقاوم
مايدري كيف نزل لشفايفها وصار يقبلها بشويش
لين حس فيها تدفه حس على نفسه وهو يتراجع
عنها يشوف وجها اللي تغير ضحك وهو يقول
من اليوم راح يكون اعتذاري كذا ويمكن اقوى
عمومآ ساعديني ياريم نتجاوز الليلة على خير
ولاتنسي ترى انت مديونه لي كثير ولازم تسددين
الدين ايام وانا ارتجي وصلش وانت تصدين
مسك يدها وهو يقول ايش رايش نكنسل رحلة
تركيا لبكرة والليلة ناخذ لنا فندق احسن
وهو يضحك على ردة فعلها وهي تسحب يدها
منها بقوة وهي تقول لا لازم نسافر الليلة .؟
علي/وهو يضحك اها حلو مستمرة تهربين مني
عادي ترى بالي طويل وبنتظر ويله البسي نقابش
علشان نمشي قبل تفوتنا الرحلة وهو يقفل بابها
ويتحرك من قدام السيارة ويركب .،؟
-----------------------------------
محمد/ اللي واقف مع الدكتور مجبر يتمنى يخرج
عيون الدكتور من مكانها..سمع الدكتور وهو يقول
زوجتك عندها نقص كبير في الفيتامينات والمعادن
والحديد وفقر دم حاد وفيتامين دال عندها مرة
منخفض 5/راح نعطيها ذحين حديد عبر الوريد
في مغذي وبعد كل خمس ايام تجي وتاخذ حديد
لين ترتفع نسبته ..راح اصرف لها قطر فيتامين
دال ضروري ومقويات علشان الدم وتهتم في
آكلها وخررج.؟
لف يناظر لها وهي على نفس وضعها مو راضية
تفتح عيونها الدكتور يقول النوم ذا بفعل المغذي
والأبر جلس جنبها وهو يمسك يدها ويناظر وجها
قرب منها وهو يحط اصبعه على شفايفها المجروحة
بسببه وكره نفسه دنق وهو يقبل شفايفها بشويش
رفع راسه وهو يبحر بعيونها في تقاسيم وجها الفاتن
ايه بالله انها اجمل ماشافت عيونه لكن البلا من
قلبي ومن زوجها الأول اللي يحسه كل ماقرب منها
انه واقف بينه وبينها غمض عيونه بقهر وهو يحاول
يطرد الفكرة من عقلة تمنى ذحين تفتح عيونها له
لو شوي اشتاق يغرق في بحر عيونها حط اصبعه
على رموشها الكثيفة يتحسسها بشويش يتأكد
انها طبيعية بعد عيونه عنها وهو يشوف الممرضة
توقف عندها وتركب لها محلول ثاني وتناظر فيه
وتقول مافي خوف بابا إن شاء الله كويس بس
لازم آكل كويس ومافي زعلان مرة علشان ضغط
مافي تحت ،؟
زفر ومارد عليها وهو يرجع يغرق في تفاصيل وجها
من جديد ويشد على يدها ويفكر في حاله معها
وشعوره ناحيتها يعيش صراع متحدم في صدره.!
مايدري كم مضى من الوقت وهو يناظر لها ويناظر
ادق تفاصيل وجها حس فيها تشد على يده بضعف
وحس قلبه ينبض من جديد راقب حركات رموش عيونها
وهي تحاول تفتحها شوي وترجع غمض وتكرر نفس
الحركة اكثر من مرة لين فتحت عيونها وهي تناظر له
بنظرات عجز يفسرها .؟
أشواق/ وهي مابين الوعي وإلا وعي تحس راسها
يدور وثقل فيه تحس بيده قوية تشد على يدها بقوة
وكل ماحاولت هي تشد عليها ماتقدر تحاول تذكر
ايش صاار ووين هي وامها واخواتها وين .،؟
كل اللي تذكره ان قلبها مثل السكينة فيه حاولت
توقف تثبت ماقدرت وهي تسمع اصوات متفاوته
نتنادي بأسمها وهي عجز لسانها يرد ثقيل وبعدها
غابت عن الوعي.؟
فتحت عيونها وهي تشوف وجه قريب منها حيل رجعت
تغمض يمكن تتخيل رجعت فتحتها وهي تشوفه من جديد
حاولت تسحب يدها من يده وماقدرت حاولت تجلس
بس ماقدرت من الصداع اللي رجع يهاجم راسها
بقوة وهي تغمض عيونها سمعت صوته الخائف
ينادي بأسمها بنبرة مختلفة أشواق ايش تحسين
فيه وهو يحط يده على راسها ،.!!
فتحت عيونها وهي صارت تحس بأنفاسه على
بشرة وجها ناظرت فيه قالت له ابغى اجلس
ساعدني ماتدري ليش قالت له كذا.؟
محمد/ بجمود قرب منها وهو يمسكها مع كتوفها
ويسندها ويضغط الكرسي لين ارتفع وصارت
في وضع الجلوس وشعرها منثور حولها بشكل
مثير ،؟
أشواق /غمضت عيونها واول سؤال تبارد لذهنها
أمها صدق خلاص راحت وإلا كانت تحلم
رفعت عيونها له وهي تسأل أمي صدق راحت .؟
محمد/بضيق حاول مايظهره قرب وهو يمسك يدها
ايوه راحت وإن شاء الله انها بخير وعند ولد اخوها
قبل شوي كلمة السواق عمر يقول انهم بخير ووصلوا
نجران وامش طيبة ،؟
أشواق /وهي تناظر فيه وهو يتكلم ماتدري ليش
حست فيه متغير ماهو نفسه اللي العصر ابد
قالت له واخواتي جدي وجدتي وكأنها تذكرت شي
ورريم وعمي علي ،؟
محمد/كلهم بخير جدي وجدي كانوا هنا وقبل شوي
راحوا وابوي وريم كانوا هنا وانا قلت لهم يروحون
علشان ماتفوتهم الرحلة رغم ان ريم رفضت تروح
بس جدي حلف عليها تروح.؟
أشواق/ يااعمري ياريم الله يوفقها ويسعدها خربت
عليها فرحتها كنت مقررة انا والبنات نروح معها المطار،.
محمد/وهو يناظر فيها ببساطة كيف تكلمه بدون حواجز
وناسيه كل شي حتى اللي سواه العصر نسيت منه
صار يخاف منها البنت ذي ايش وراها.،؟
أشواق /وهي تناظر زوجها بنظرات ماتدري ايش
هي عجزت تحدد موقفها منه هي متقبله فكرة
الزواج منه وماعندها اي مانع بس خايفة انها
تفشل في حياتها الجديدة معه خاصة انها عرفت
شخصيته العصبية ومزاجه المتغير رغم ان تصرفه
العصر معها جرحها كثير ورد على الندبة اللي
متوسطة خشمه والله انها ذحين ندمانه ماتدري ليش
فجئه ندمت كثير ..هي بتحاول قد ماتقدر ان الزواج
هذا يستمر مهما صار هي مؤمنة بأختيار الله لها
مهما كان وليس سلبية منها انها وافقت تتنازل
عن وظيفتها لأن جدها جاها وهو منكسر وهويقول
أشواق طلبتش لا ترديني انا رجال دمي حار واغار
على محارمي ولا ارضى لش مهنة الطب ابد والله
اني ذحين اموت الف مرة كل ماتذكر انش كنت دكتورة
وانا واثق فيش بس حنا نغار على طرف محارمنا
وسبق أميرة بنت عمش علي كانت تبغى تمريض
ورفضنا ..وانت بنت شيوخ خمس من جدانش كلهم
شيوخ معروفين .،؟
لو فكرة فيها من ناحية ثانية هي تعبت من داومها
تعبت كثير واخذ منها كل وقتها وعندها دخل كبير
يجيها من عقارات ..ورصيد في البنك وفله وعيادة
خاصة فيها يعني ماهي خسرانه شي تبغى ترتاح
سنة سنتين ثلاث سنوات حلمها أسرة واطفال
وعائلة قالت له ابشر ماطلبت شي وجدها يستاهل
اللي يلبي له طلبه وهو فعلآ يغار حتى على جدتها
العجوز اجل كيف هي واخواتها .؟
هي بتحاول قد ماتقدر ان الزواج هذا ينجح وستمر
هي ماتحب الفشل راح تتمسك بزوجها نفس ماقالت
لها أمها راح تطبق وصايا أمها .؟
وجدتها هيلة قالت لها تمسكي في زوجش حتى لو
كان عصبي ترى محمد انا ربيته واعرف انه حنون
بس مايظهر حنانه .!
رفعت عيونها للممرضة اللي دخلت وهي تبتسم
لها وتفك المغذي من يدها وزوجها باقي جالس
جنبها وماسك يدها الثانية بدون مايتكلم ..
فكت يدها من يده بشويش وهي ترفع يدها
الثانية وتلف شعرها وترجع تلف الطرحة على
شعرها وتلبس نقابها حاولت تعدل جلستها وتقوم
ماقدرت حست نفسها بينقطع رجعت تجلس .؟
محمد/اللي يراقبها عرف انها مو قادرة تقوم قرب
منها وهو يمسك يدها يله قومي انا بساعدش
العربية قريبه هنا وقفت معه وهي تناظر تحت
عند رجولها عرف انها تدور حذيانها قال لها
جيتي بدون حذيان ناظرت فيه كأنها تقول كيف
أمشي طيب .،
قال لها العربية هنا قريب مشت معه وهو يفك يدها
ويحاوط كتوفها بيده ويحس فيها ترجف من قربه
جلست على العربية وهو يدفها لين وصلوا موافق السيارات
قربت من السيارة وهي تسمع صوتها وتشتغل الأنوار
حقتها فتح الباب وهو يساعدها تركب وقفل الباب،.
غمضت عيونها وهي تحس بدوار في راسها وصداع
تعرف انها اعراض هبوط ضغط علشان كذا ماسألت
ايش عندها وعرفت من محلول الحديد اللي في
المغذي ..حست فيه يركب جنبها ويشغل السيارة
ويحركها ويمشي مبتعد عن مواقف المستشفى
سمعت صوت
جواله يدق ويرد عليه هلا الحمدلله بخير هذا حنا
طالعين من المستشفى وقفل بدون اي كلمة زيادة
لفت تناظر له وملامحه المشدودة مااسرع تغير
مزاجه وقلب كذا فجئه شالت عيونها عنه وهو ينزل
الصيدلية
سندت راسها على الشبااك وهي تذكر أمها ورحيلها
الموجع
لهم ولها يالله ماعمرها تخيلت بشاعة رحيلها وماكان
بيدها انها تمنعها مستحيل امها تتراجع عن اي قرار
تتخذه علشان كذا فضلت تشاهدها ترحل عنهم وهي
ساكته لين شافتها تخرج مع البواية وبعدها هي غابت
عن الوعي ..
وصلوا البيت وهي تحس بوحشته قبل تدخله
شافته ينزل ويفتح لها الباب بعصبية وهو يقول
بحدة تقدري تمشي لوحدش وإلا اساعدش
رفعت عيونها له وهي تستغرب تغير مزاجه بسرعة
كذا ..وبأختصار لا مشكور اقدر امشي لوحدي
نزلت من السيارة وهي تحاول توزن نفسها وتمشي
وهو يمشي قريب منها لين وصلت البوابة دخلت
وهي تشوف جدها واقف عند الباب ينتظرها
بمجرد ماشافها قطع المسافة بينهم وهو يتحرك
لها وبفرحة ويحضنها الف لا بأس عليش ياروح
جدش اخذتي قلبي الليلة .،
اشواق /بحب جعلك تسلم واسف اني خوفتكم
وينها جدتي .؟
الجد محمد/وهو يفكها ويناظر في سميه وهو يدخل
المجلس قال له جدتش نامت صدعت شوي وندى
اعطتها حبوب ونامت .؟
اشواق/وهي تحس بضيق في صدرها والدوار يرجع
لها وهي تحس بوحشة في قلبها على أمها مسكت يد
جدها علشان ماتطيح غمضت عيونها وهي تسمع صوت
جدها الخايف عليها ينادي فتحت عيونها وهي تقول
لا تخاف انا بخير بس دوخة بسيطه وحست في
جدها يدنق لها ويحط يد تحت راسها والثانية
تحت رجولها ويشيلها وهو يقول والله مايدخلش
الغرفة إلا انا وهو يضحك على اعتراضها .
--------------------------------
دخل المجلس بدون هدف ورجع خرج منه
ولا يدري ايش يبغى رجع يدخل المقلط
وهو يخلع ثوبه ويعلقه بالباب وينسدح
يحس انه غير مرتاح يبغى يروح لها
غمض عيونه وهو يرفع يده ويشوف انها
الساعة ثلاث الفجر حاول ينااام وعجز
قام اخذ جواله من جيب ثووبه وضغط رقمها
وحصله مقفل كيف ذحين يطمن عليها بدون
مايتصل على جده ..؟
رجع ينسدح ويقول
ايش دخلني منها خلاص حتى علاجها في
السيارة مانزله حط يده على وجه وهو يحاول
يغمض عيونه بس صورتها قدام عيونه ريحتها
عالقة فيه مايدري كم مر عليه من الوقت وهو
مغمض عيونه في محاولة انه ينااااااام وعجز
فتح عيونه وهو يسمع صووت في المجلس
استغرب مين مستحيل يكون جده او وحده
من بنات عمه وقف وهو يتحرك بشويش
ويخرج مع باب المقلط اللي ماقفله لما دخل
وفعلآ الصوت من المجلس جاي خرج وهو
يوقف عند باب المجلس وهو يشوف زوجته
قدامه لابسه بيجامه كاروهات وردي وخطوط
كحلي ومن فوق وردي سادة بأكمام قصيرة
رافعه شعرها كله لفوق ومعها منشفه بيدها
وتنظف الكنب ومساحة مع علبتها مو صاحية
ذي تشتغل وهي تعبانه نفس ماقالت جدته تقول
اشواق بنت احمد جت نفس طبعي لما اكون
متضايقة اقوم اشتغل شافها بسرعة تكمل تنظيف
الكنب وتمسح الطاولات وترفعها على الكنب
وتاخذ المكنسة وتنكس بدون ماتنتبه له
شافها توقف وتحط يدها على راسها وتغموض
عيونها وترجع تجلس على الكنب وهي تحط
يدها على قلبها وترفع راسها لفوق وهي تهتف
يارب يارب ريحني انا واخواتي يارب وفقنا
بلعت ريقها بصعوبة وهي تقول يارب أمي
وسكتتتت وهي تغمض عيونه ....يارب وحدك
تعلم كيف تعبت علينا ..وكيف حنا نحبها اضعاف
تعبها علينا يارب ان الفراق حال دوننا بدون حول
منا ولاقوة يارب جعلتها في ودائعك ..وسكتت
ورجعت تهتف يارب اني استودعك جدي وجدتي
يارب انهم من اشيائي المحببه لقلبي يارب لا تريني
فيهم بأس يبكيني وسكتت...ورجعت تهتف يارب
احفظ عمي وعياله بحفظك ورعايتك ..يارب احفظ
لي زوجي وسكتت ..واجعله قرة عين لي واجعلني
قرة عين له يارب انصر جنودنا المرابطين على الحد
اللهم كن لهم عونآ وناصرآ..يارب انصر جنودك
المرابطين على الثغور في كل بقاع الأرض ..
يارب فرج همي وهم كل مهموم ومكروب يارب
يارب وهي تحط يديها على صدرها وترجع تنسدح
وهي تضم نفسها بقوة ...شكلها وطريقة كلامها
خلاه غصب عنه ينهزم الإنسانة اللي قدامه مستحيل
تكون طبيعية وهي تدعي كان يشوف حولها هاله من
النور غصب عنه رق قلبه لها ومال خاصة لما خصته
بالدعاء وهي تنطق زوجي كل مرة تهزمه وتتفن في
هزمه هي مزيج مختلط من القوة والشجاعة والحكمة
والحلم والحنان وكل شي ..ماحس بنفسه إلا هو
يتقدم لها ويوفق قدامها مباشرة يشوفها مغمضه
عيونها يناظر فيها يالله ايش سوت فيه البنت هذي
كان يتمنى انها تقوم تصارخ عليها وتهاوش تنتصر
لنفسها منه بس كل مرة تصدمه بشي ..
شافها تفتح عيونها لما حست فيه وتحاول تجلس
جلس على ركبه قدامها ومسك يدها لين متى
تستمرين تعذبين نفسش ليش تشتغلين وانت
تعبانه ليش فك يدها وهي تعدل جلستها
وهي متربكه من وجوده ومتفاجئه وهي ترجع
تلم شعرها لفوق وتثبته بدون ماترد عليه .؟!
قام وهو يجلس جنبها ومسك يدها وهو يناظر
لها اشواق ناظري فيني .؟
رفعت عيونها وليتها مارفعت عيونها نظرتها ترهق
قلبه حاول يشتت انتباهه خاصة ان طيف ماهر
يحول حولهم ويجثم على صدره قال لها عادي
اطلب منش طلب .،؟!
اشواق/وهي تحس انها تورطتت ماكنت تحسب انه
موجود ابد توقعت انه راح وكانت تبغى تشغل نفسها
بأي شي علشان ماتفكر وهذا طبعها قررت تنظف
المجلس بما ان اخواتها وجدها وجدتها نايمين
اثاري زوجها هنا يالله لا شكل يساعد ولا شي
رفعت عيونها له وهو يأسرها بعيونه وملامحه
المميزة وبدون شعور منها ابشر من عيوني
اذا اقدر وهي ترجف من قربه .،!
محمد/وهو يسمع كلامه كمية لطافه وذوق وأدب
فيها ماعمره شافه تنهد وهو يقول تسلمين
انا جيعان اذا تقدري تسوي لي آكل .؟
اشواق /مستغربه منه خلاص ابشر نفسك
في شي معين وإلا اسوي لك اي شي .؟
محمد/رغم انها تعبانه ماقالت له لا ..قال لها
ابغااه آكل صحي بيض جبن حليب سلطة
خضار اذا موجود.؟
شافها تفك يدها وهي تقول ابشر دقايق
وهي عندك وتتحرك خارجه من المجلس وريحتها
باقي في المكاان ....راقبها وهي تخرج وقف
وهو يخرج وياخذ مفتاحه علشان يجيب لها
العلاج ورجع المجلس ينتظرها كل اللي يفكر
فيه انها لازم تاكل حتى لو غصب وتهتم في
نفسها.؟
أشواق /دخلت المطبخ وهي تحس الدوخه ترجع
لها نزلت آلة سلق البيض وهي تحط فيها اربع
حبات بيض وشوي مويه علشان اذا صحيت
جدتها وجدها تكون جاهزة .،؟
وسوت حليب وحطته في براد صغير .،؟
سوت سلطة خضار سريعة .؟
طلعت علبة فول وسوتها على السريع ريم تحب
تسوي كشنه كميات كبيرة وتفرزنها.؟
حطت جبن وقشطة وعسل وزيتون في صحون
سخنت الخبز .؟ اخرجت صحن كبير وهي تحط
فيه سفرة وبراد الحليب وفناجيل وحطت الصحون
وراحت تغير ملابسها وغسلت وجها وتعطرت
مهما كان هذا زوجها لازم تكون بشكل مناسب
قدامه.؟
اخذت الصحن وهي تخرج من الصالة لين وصلت
باب المجلس وتدخل وهي تشوفه يناظر في جواله
بملامح جامدة كان لابس سروال وفانيله وذحين
لابس روب نوم اسود مخطط بفضي وشعره واصله
لرقبته حطت الصحن في الأرض وهي تفرش السفرة
وترتب عليها الصحون .؟
محمد/رفع عيونه من الجوال وهو يناظر فيها البنت
ذي ناويه تذبحه كانت لابسه بيجامه وذحين غيرة
بنطلون جنز ازرق فاتح وبلوزة اسود طويلة
سمعها تقول له بصوتها اللي يحس ان كله غنج
بدون قصد منها تفضل ..؟
وقف وهو ينزل الجوال على الكنب ويتحرك
ماسكها من يدها وهو يشوف الذعر والخوف
في عيونها مهما وضحت انها قوية قدامه
سحبها وهو يقول الفطور هذا كله انت راح
تاكلينه كله وهو يجبرها تجلس معه ولاصقه
فيه.؟
اشواق/وهي تحاول تسحب يدها منه محمد
والله مالي نفس مااقدر آكل معليش عليك بالعافية
محمد/وهو شاد على يدها وبدون مايرد عليها وبيده
الثانية يصب حليب ويقطع خبز ويغمسه في القشطة
وبعدين في العسل ويقربها من فمها وهي ترجع
راسها لورا رجع فك يدها وهو يمسك كتوفها ويثبتها
وبحزم اشواق والله ماغير تاكلين يله افتحي فمك
انا حلفت الدكتور يقول ان جسمك يعاني من نقص
فيتامينات وسوء تغذيه.
اشواق /ياربي ايش الورطه هذي تحس شوي وبيدخلها
صدره من كثر ماهو مقربها منه وعلشان تخلص نفسها
قربت منه وهي تفتح فمها وتاكل من يده ..يالله ايش
الشعور هذا اللي تحسه معه غمضت عيونها وهي
تمضغ وتحاول تبلغ فتحت عيونها وهو تشوفه مقرب
له كوب الحليب ويأمره تشرب إنسان غريب حتى
وهو يأكلها معصب ماتدري ليش رفعت يدها علشان
تاخذ كوب الحليب وهي تقول له برجاء محمد الله
يخليك هات الحليب انا بشرب وباكل بيدي ،؟
محمد/وهو يحاول يمسك نفسه عنها ويحاول يتغلب
على عثرة وجود ماهر بينهم وهو يتخيله معها
اعطاها كوب الحليب وبضيق اشواق لازم تاكلين
ماهو على كيفش كل مرة تطيحين وتخوفين جدي
وجدتي عليش ..وماهو كل مرة بظل اشيلش واخذش
المستشفى.؟
اشواق/وهو تشرب الحليب وهي تستمتع وبنظرة
ماتخيب عرفت شخصيته يكابر ويظهر عكس مايخي
لما دخلت عند اخواتها قالوا لها زوجش تجنن لما طحتي
ماخلا احد قدامه مادفه علشان يشيلش وجدها قال
زوجش الليلة فضحنا في المستشفى ليش دكتور
يكشف عليش اشياء كانت تتمناها وصارت تشوف
اجزاء منها ..ضحكت له وهي تقول زوجتك وملزوم
فيني تشيلني.؟
محمد/بعصبية مايدري ليش يمكن لانه صار مكشوف
قدامها قام بغضب وهو يقول هذا كيس علاجتش
استخدميها بعد الأكل واهتمي بنفسش بلا دلع
زايد محد فاضي لش وبعد خمس ايام تروحين
تاخذين محلول الحديد جدي راح يكون معش
لاتروحين مع السواق لوحدش يااشواق مرررة
مهما كان سمعتي انا بصلي الفجر وبنزل نجران
لازم الدوام وقبل مايخرج قال لها أشواق لا يجيني
خبر انش رحتي مع اسواق اي مكان لوحدش
لازم جدي يكون معش سمعتي ..
وخرج قبل مايسمع منها اي رد ...
انتهى
غراس الجنة/سبحان الله والحمدلله ولا اله الا الله والله اكبر يغرس لك بكل واحدة شجرة من الجنة".
مرحبآ بالجميع والف مليون شكر لكل من رد او علق
وانا سعيدة بوجدكم هنا وحضوركم .؟
واعتذر اشد الأعتذار على عدم تواجدي والرد
على كل استفسارتكم بحجم جمالكم انا اعتذر
ظروف خارجة عن الأرادة وانا احاول قد مااقدر
استمر في تنزيل البارتات مثل ماوعدتكم
|
22-04-17, 02:34 AM
جديد مواضيع قسم القصص المكتمله من وحي قلم الاعضاء
العرض العادي
