عودة مع الفصل ٢٢

فصل طويييييل ومشبع وقهرني بتصرفات جميلة طوول الفصل يا جعل ما فيه جميلة ان شاء الله 😠
بدايةة من سبب قهرها من زواج علي
يعني جعلك الضربة كل اللي قاهرك انه متزوج على جميلة وبيضحك الناس عليها ووين يلاقي نفسها جمال واصل ؟!
يعني ما همك الرجال نفسه ولا ان بتجي واحدة تشاركك فيه ؟!
طيب ياا قبيحة ولو كان ماخذها تفوقك جمال مثلا كان عادي ؟!
وهذا اخوك ماخذ على بنت عمه اللي نفس الاصل والنسب ولا اخوك عادي وزوجك لا ؟!
والله هذي بالذات شفتها كم مرة وبالواقع حتى
تجي الحرمة وززن فوق راس اخوها لين ياخذ الثانيةة وينخرب بيته مع حرمته ويضيعون عياله وخل بسس رجالها يفكر يسويها تذبحه وتاخذ فيها اعدام ولا يهمها !!
وبعدين بنلعب على بعض احنا ؟!
قال يعني حتى لو ما تزوج علي بيكون لك دور باختيار زواجات عيالك مثلا ؟!
لا وصايرة علكة بثمها الله ياخذها
كليتي وكليتي وكليتي
وليش تبرعتي بها من البداية يا زفت ؟!
كان ضربك ولا سحبك المستشفى وقال اعطيني مثلا ؟!
بوش ضحيتي ياا ماما ووين صحتك اللي راحتك ؟!
هذاك قردة تناقزبن وانتي اللي ممرضة نفسك بنفسك اول وتالي !!!
ووين لسانك يوم جاو اهلك ؟!
ولا عارفة لو طقتي اندفنتي بمحلك من كلامك اللي لا له قيمة ولا معنى !!
وكل كلامها حتى عند ابوها واخوانها مرضت بعد ما تبرعت له ومرضت بعد ما تبرعت له
يا شيخة انتي امرضيتني بكلامك اصلا !!

*
*
كتت هنا من القهر ونروح لشي ثاني 😹😹
نبوضة يا حبي لك افلتتي من قهري من الكاتبات لما اشرتي لاهتمام علاوي بصحته واكله وبالرياضة بعد العملية 😻😻
الله يديم العاافية يا ابو محمد ❤

*
*

نروح للقهر المصفى في لقاءها مع علي
طريقة كلامها الله ياخذها بروحها تخلي اي رجال ثاني كان قبرها بمكانها
فيه واحدة عاقلةة تسوي سواياها اصلا ؟!
فيه واحدة عاقلة تقول لزوجها كذا ؟!
صراحة ماني قادرة انطق
اظن ردة فعله جت ابسط ردة فعل بموقف مثل هذا
حقيقة
فقدت كل تعاطف معاها
وعلى قولة علي جت من الله ودبر له زواجه جاااهزة من مجاميعه بدون ما يسعى فيها حتى

*
*

نروح للزينة والحفلة والصحة اللي طلعت من علوم الله
جميلة تمثل فصيل كبير من الزوجات اللي تفوق لنفسها مجرد ما ياخذ زوجها واحدة على راسها يعني على اساس بقهره وبعرفه قيمة اللي فقده
يعني صراحة مدري بذا المواقف وش اقول بالضبط ..
اللي هو
كان من الاول طيب !!
صراحة لو حاولت اعدد صفاتها السيئة ما بخلص
متكبرة ومغرورة وشايفة روحها وعاشقة للفت الانتباه وانانية ورصة لها اول ما لها اخر 😾😾
عيالك اخذينك يغيرون جوك ويحاولون يسعدونك
وعلي كان وما زال حاول يرضيك وياخذ اللي بخاطرك
وانتي الحمد لله نكدتي ع الكل الله ينكد عليك ياا زفت !!
حسبي الله بسس

والله ريم ما هي مضطرة تحاول حتى تسحب علي من جميلة ومع انها ما بتحاول بالعكس لكن مجرد تتصرف على طبيعتها بسس وهو بيلاحظ الفرق !!
الله يتمم لهم على خير

قبل ما اختم الرد .. قلبي حاسس ان احمد بيصير له شي ويا رب ما يصدق احساسي
هو الطيب الوحيد فيهم 😿💔

*
*

نبووضة الله. لا يحرمنا منك ❤❤
ما ني مصدقة ان الرواية اقتربت من اخرها صراحة 💔💔
صبوي تسلمين على تنزيل الفصول ومنتظرينك بكرا ان شاء الله
واستلمي الفصل معنا بنفس اليوم 😜😜
ليه تاخذينه قبل 😜