كاتب الموضوع :
فيتامين سي
المنتدى :
القصص المكتمله من وحي قلم الاعضاء
نبوض انا وش فيني ولله روايش هذه سرقت وقتي غصبن علي مهوب كيفي
وشذا الجمال وشذا الأحداث
في قمت انشغالي انط افتح المنتدى عليها ولا ارتاح لين ارد تدرين اللي شكلش تقولين لي ولله أن تردين غصب عايش مهوب بكيفش
هذا انتي يانبوض وهذي روايش
اعذريني إذا مهوب على قدر مقامش ومقام روايش الطررر
ببداء اول في خبال محمد خير إنشاء الله ترها عن وظيفتها أقول ابلع اللسانك وفك البنت من شرك
شكلك مابعد احد وراك العين الحمراء كلن يناظر خاطرك من جد وجده وأبو بس خلاص الأمر إذا وصل عند أشوق استب
وانتي ياخبله بلع السنش القطو وين تبيجحش على الولد اول لين حطش في راسه يعنني قويه
أقول انتي صح ومالش مصلوح في اللي سوته عائشة واللي يتعاقب اللي ساعدها في تزوير وهي نفسها
تعبش ودراستش تروح خساره ليه الدنيا فوضه
وبعدين إذا هذا هو قوله وفعله وشلون تسلمينه رقبش يالفاغره وش بيسوي فيش بعدين
نجي للجد والجد الله الله عليه وعدل الساني من الشين وادخل في السين ----فيس تعب من تعفيط الهرج
اسمعي انا بغيته يهددتس عشان توافقين عليه لأني أشوف أن محمد ماراح يكسر خشمه إلا انتي
مع انتس سبق وكسرتيه وسمتي عليه ---- فيس منقهر من حميد وكل شوي بيعايره بوسم أشواق فيه
بس ماتاصل بك النذاله انك تحرمه وظيفتها
ادخلي على جدتس وعمتس وجدتس بعد الملاك وريهم اللي مرسله لتس وخليه يمردغ هو واخوه التسلب عبدالله خير أن شاءالله
الدنيا فوضه هذا اول الخير في ولايتكم على بنات احمد
بلاغات وتهديد وقلت حياء
أشوق إذا سكتي عن محيميد الحين عرف ضعفتس وانتي نافخه عمرتس على الفاضي علميه أن مهوب البنات كلهم أميره
يعني قوليها مهوب كل طير يتآكل لحمه وفضحه وقفيه عند حده قبل لا يتمادى معتس
ولله انتس منتيب سهله ياهيله هبلتي بالشيبه معاد الا يغسل عنتس المواعين ويطبخ
عقبال ماشواق تجيب حميد على خشمه
خير ياعلي يعني ماطلع قوتك الا على جميله
حرام عليك اللي تسويه فيها المفروض أي ردة فعل منها تستقبلها بصدر رحب وتحاول قد ماتقدر تمتص غضبها
ولله أنها أثبتت أنها بنت ارجل يازينها ويزين منطوقه تدري لو انا مكانها رضوتي هي كليتي اللي عطيتك بعدها توكل على الله
الله وكبر ولله لو جميله سوت فيك مثل ماسويت فيها أن مايطهرها البحر من المنقود خاف الله فيها
تحسب أن الفلوس والبيت بيغنيها عنك هي خسرت صحتها وانت السبب بدال ماتوقف معها جايها نافخ ريشك
متى انبسطت وقفت معك في مرضك وتحملت تعبك هي حرمه لازم تتحمل رجالها وتصبر ويوم جا دورك انت تتحملها
الله وكبر صار يكثر خيرك انك تحملتها ذا الوقت كله ولا بكل وقاحه تقول ليتس ماعطيتيني كليتس أكبر جرح انك تشوف
من ضحيت عشانه ما يشوف التضحيك شئ
الحرمه تعبانه وتعالج عن دكتور وبدت تتشافى
وانت عايش دور المراهق إيه ياليتش معي وإلا أنا ليتي معاش عيشي بقلبي وأنا وسط قلبش بعيش ---سعد السبيعي على غفله ترا مأحب الشيلات وخاصه من بدايه وععع
ريم جتك وهي عارفه انك متزوج يعني لها نص رجال لكن جميله جتك وانت لها كلك وفوق هذا ضحت عشانك
اكره نكران الزوجه الأولى والطيرة مع الثانية وين العشره نسيت حبك ومعروفها عليك
مثل مارسلت الريم شيلة إيه ياليتش معي ارسل الجميلة شيلة تبين حبك وأنك باقي على عشرتها
اللي تعطيه الريم عط جميله حتى الكلمة ولو صدتك جميله تراها مجروحه والجرح غاير
علي لاتخليني اكرهك وأدعي عليك وحطك بصف المغضوب عليهم عيالك محمد وعبدالله
جميلة موجوعه لا توجعها كثر
ويكفي منها بياض الوجه بنت علي اللي مافشلك قدام أبوها واخوانها صحيح اكبرت في عيني واثبتت أنها بنت ارجال ولا قالت الا كل علم طيب
وشلون ماتصير بنت رجال وهي معطيتك كليتها
جميله لا وصيتس إذا شفتي منه مايقهرتس ويكدر خاطرتس طبي عليه في ليله مظلمه وشقي بطنه وخذي كليتس هذي حقتس
قولي كيفي كليتي وأنا حره برجعها خل ريمه تعطيه
تكفين نبوض وافقي على الشوفه الشرعية بعد الملكه للشباب حرام عليتس ذا الشايب يخمم في ريم وهم محرومين
خليهم يشوفون من حريمهم نبي احمد ومحمد يرجعون للحد بنفس زينه انا اضمنلتس أن مئة حوثي بيطيحون في يد محمد واحمد بعد شوفت البنات
وفارس الله يستر مايتزوج مع أبوه ويقول زوجتي أبيها ذا الليل
في الانتظار نبوضه واحداثتس النارية
|
21-04-17, 02:39 AM
جديد مواضيع قسم القصص المكتمله من وحي قلم الاعضاء
العرض العادي
