كاتب الموضوع :
فيتامين سي
المنتدى :
القصص المكتمله من وحي قلم الاعضاء
رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي
البــــــــــــ22ــــــــــارت
الرياض
جميلة/
وهي تحاول تستوعب كلام عيالها بس عجزت
تستوعب ..احمد عند رجولها فارس جالس
جنبها وعبدالله من الناحية الثانية وأميرة
اللي واقفة مصدومة مثلها..
كانت حاسة ان في شي زوجها راح الجنوب
وقال عندي شغل وبعد عشرايام امه وابوه
وفارس لحقوا عليه ولا اهتمت في البداية
وكل ماسألت فارس قال جدي وجدتي اشتاقوا
لجنوب ماحبت تسأل كثير كانت تكلم عيالها
واذا تطمنت انهم بخير خلاص وزوجها اصلا
ماتهتم له كثير راح او جاء مايهم عندها
وخاصة يعد مااصر احمد ولدها انها تراجع عند
طبيب نفسي راحت معه واعطاها الدكتور
حبوب كثيرة وصار نومها كثير مرره كأنها
تدخل غيبوبة حست في ولدها احمد
وهو ماسك يدها يشد عليها لما حس
بضياع امه من عيونها..!
احمد/وقلبه يتقطع على امه وهو يشوف الصدمة
على وجها كان خايف على امه كثير من خبر زواج
ابوه كان شايل هم كيف يوصل لها الخبر ..
بنبرة كلها حب يمه اخذت ضيمش صلي على
النبي تزوج ابوي خلاص وزواجه ماهو يعني
تقليل وبخص في حقش ابد ..ومحاولة منه
في ايجاد عذر لزواج ابوه ..يمه ابوي ماكان
له خاطر في الزواج يقول والله لو ادور العالم
كله مااحصل مثل جميلة اللي جميلها في
عروقي يمشي لكن حده شين كبير .،!
جميلة /وهي تسمع كلام ولدها لكنه حصل
ابوك يااحمد انا ابوك يحط فوق راسي وحده
مايدري اصلها من فصلها انا جميلة وهي
تضرب على رجولها بقوة وقهر انا ابوك يخلي
الناس تضحك بي .،!
فارس/بغبنه على امه تخسى اللي بتجي فوقش
انت وبس حتى لو تزوج وتزوجها يمه شفقه فيها
ورحمةبها بس ووصية عمي الله يرحمه وبعدين
ليش تنقهرين وليش الناس بتضحك بش ليش
وانت اجمل منها بكثير يمه لا يلحقش ضيم
من زوجة ابوي يمه شينه استغفرالله لا وجه
ولا قفى يمه لا طول ولا مقام هي والأرض واحد
فارس يعرف ان امه تحب اللي يمدحها كثير
ويعرف غرور امه بجمالها الطاغي وحب
يمسها من الجانب ذا ..يمه لو تشوفينها
استغفر الله وبس ايش جاب الثرى لثريا
وهو يحضن كتفها بحب والله يمه انش اجمل
ماخلق ربي والله ياجدي ماسماش جميلة
من عبث يمه اسمش لوحده قصيدة اجل
وجهش كيف وهو يضحك لما شاف عيونها
اللي مليانه دموع .،!
احمد/بغى ينجلط من فارس ليش يكذب
على امه ايبغاها تعرف الحقيقة صح
ان ريم ماهي بمستوى جمال امه بس
فارس ظلمها بالوصف ..!
قال يمه ذحين ابوي يقول انا تحت أمرها
اللي تطلب فيه امكم تبشر به من عيوني
وانا شاهد انا وفارس على كلامه ..!
جميلة /وهي تفك يد ولدها وتوقف بغضب
يخلع كليتي اللي عطيته حتى التعبير خانها
كليتي اللي تبرعت له بها وغيرها ماابغى..!
فارس/بشهقه يمه الله يهديش ليش باب
هي او ثوب يخلعها يعطيش يمه اطلبي طلب
معقول ..؟
جميلة /بعصبية هذا طلبي وبس اعطيته كليتي
يرجعها وهي ترفع عيونها لولدها عبدالله اللي
ماقال كلمة وحده عبدالله اذا تحب امك صدق
ارفع قضية على ابوك علشان يرجع كليتي
خل زوجته الجديدة تتبرع له ..!
عبدالله /وهو يمسك يد امه يمه صلي على
النبي كلامش غير منطقي ابد مستحيل
ارفع قضية على ابوي علشان كلية انت
تبرعتي بها له من طيب خاطر يمه الله
يخليش لا تضحكين الناس علينا .!
جميلة /وبدون شعور تضرب صدر ولدها
كلكم مع ابوكم واقفين اعجبكم انه تزوج علي
وهي ترفع عيونها لأحمد وفارس حتى انتوا
ماكأني امكم مالي كلمة عليكم ولا لي خاطر
ابوكم متزوج وتعرفون من عشر ايام ولا احد
كلف نفسه يقول لي ..!
خطب لكم وتمم كل شي هو وجدك وانا صورة
وذحين جايين تقولون لي ايش في خاطري .،!
انهارت على الأرض تبكي حياتها تبكي خسارتها
تبكي تضحياتها تبكي صحتها وعافيتها اللي
انسلبت منها .،!
قرب منها احمد علشان يمسك يدها دفت يده
لا احد يقرب مني .،!
وقفت وحدها وهي تقول ابوك في المجلس مين
معه غير جدك علي ،؟
فارس/جدي وخالي يوسف وخالي حسن.،!
جميلة /ابوكم عرف انه غلط وجاب اهلي علشانه
خايف من المواجهه معي ..؟
دخلت غرفتها غسلت وجهاتعطرت لبست
طرحتها وخرجت لمجلس الرجال .،!
تحس كأن الدنيا كلها فوق صدرها علي
انا يتزوج علي ولا جاء في بالها ابد انه
يتزوج بس ناكر المعروف دخلت وهي تحاول
تصفي حنجرتها من الغصه..ارحبوا ارحبوا
الف ولا تسد في ذمتي اني صادقة
شافت ابوها اللي يوقف واخوانها سلمت عليهم
وشافته واقف كانت مقرره انها تطنشه ولا تسلم
عليه وتكسره قدام اهلها ..لكنها تراجعت وقربت
منه وكل عرق فيها ينبض مدت يدها له لكنه فاجئها
وهو يحضنها ويبوس راسها انتفض فيها كل عرق
دفته بشويش وهي تروح تجلس جنب ابوها .،؟
وهي ترحب فيه وفي اخوانها .،؟
ابوها(علي)الله يحييش يا ام احمد يامرحب
جيتش انا واخوانش وهو يأشر على عياله جنبه
في حاجتين وإن شاء ماتردينا .؟!
جميلة /بحب جعلني قبلكم ولا عاش منهو
يردكم وانا تحت طوعكم وشوركم ..!
ابوها(علي) وقلبه يتقطع على بنته ولا كان يتمنى
ان زوجها يتزوج عليها لكن ماله كلمة عليه
جعلش سالمه يابنتي زوجش تزوج عليش
وعيالش قالوا لش كل شي وذا شرع ربي
ولانتي بأول ولا اخر هذا اخوش حسن تزوج
على بنت عمه والحمدلله ماصار شي .،!
زوجش جاي طالب رضاش يقول تطلب ولها
كل شي الغالية.،!
جميلة/بحرقة في قلبها رفعت عيونها لزوجها
اللي من شافته حست انه متغير إلا متغير صدق
وجهه منور بزيادة فيه فرحه حتى لو ماضحك
واضحه في تقاسيم وجهه اللي يشوفه يقول
صغير ماتزوج اهتم في نفسه بعد عملية زراعة
الكلى صار يهتم بأدق التفاصيل في اكله الصحي
الرياضة وهي اللي انهارت صحتها وعافيتها بعد
ماتبرعت له بكليتها تستاهل ماجبرها تتبرع له..!
قالت وهي تناظر ابوها جعله يسلم ابو محمد
ولا قد قصر اكرمني وعزني ولا ابغاه إلا سالم
والزواج شرع الله وترى انا كنت اطلبه يتزوج
لاني قصرت معه كثير خاصة بعد المرض اللي
جاني عقب ماتبرعت له بكليتي وهي ترجع
تناظر في زوجها اللي يناظر فيها مصدروم..!
علي/وهو متوتر من وصل الرياض هو وعياله
وخاله ماقدر يواجها ابد عياله قالوا له حنا
بنتصرف وذحين صدمته اكثر بكلامها
ويعرف ان بعد كلامها شي كبير يعرفها
جميلة قام وهو يحب راسها ويقول ان شاء
الله ماتشوفين مني إلا مايسر .،!
وعلى ماتشهد ياخال ان لها رضوه مني 100الف
الف رغم اني دفعة لزوجتي الثانية 70الف
ولها بيت بأسمها ان حبت هنا او في ابها.،!
ابوها (علي)جعلك تسلم وماقصرت ياابو محمد.!
والشي الثاني اخوش يوسف جاي يتتم زواج
فهد واميرة وعلي يقول ماعنده مانع اذا انت
مواقفة .،!
جميلة /مالي كلمة عقب ابو احمد الله ييتم
لهم بخير .،!
ابوها(علي)
وهو يقوم اجل الله ييسر حنا بنمشي رحلتنا
بعد ساعتين والرياض زحمة علشان ماتروح
علينا الرحلة.؟
جميلة/تمسوا معنا ذا الليل يبه انت واخواني
وتعشوا.،!
ابوها(علي)جاد الله عليكم ابو احمد مسك فيني
قبلش لكن ولا احب ابات إلا في بيتي .،!
خرجوا من المجلس معهم زوجها وهي راحت
غرفتها النار اللي بداخلها كل شوي تزيد
اخذت لها ملابس ودخلت الحمام علشان
النار اللي تحسها تطفى لما تتسبح
ماتدري كم جلست تحت المويه وهي
تهوجس في زواج زوجها زواج عيالها
حتى عيالها انحرمت انها هي تختار
لهم حسبي الله عليك ياعلي خرجت
وهي تنشف شعرها وباقي النار تحسها
تزيد بكل جسمها شغلت المكيف يمكن
تحس ببروده وقفت تحته وهي تفك المنشفه
من شعرها سمعته وهو يقول طفي المكيف
بتمرضين كان موجود ولا حست فيه وهي
خارجه من الحمام لفت له وهي تضحك
ماشاء الله خايف علي امرض وانت سبب
مرضي .،!
قربت منه وهو جالس على السرير قربت
منه لين لمست رجولها رجوله وهي تناظر في
عيونه مبروك عليك الزواج مبروك علي خيبتي فيك.؟
عجزت تصبر ياعلي علي وانا صبرت عليك
ايام وسنين راعيت نفسيتك انك مريض كلى
وتغسل كنت لك ستر وغطاء كانت لي حاجات
مثلك ورغبات بس غضيت عنها الطرف
علشان مااحرجك واضيق صدرك وانت
مريض كلى اقل مجهود يتعبك .!
اعطيتك جزء مني وفي المقابل جحدني
وهي تضرب صدره ماقدرت تصبر ياعلي
علي ماقدرت تصبر بسرعه تزوج علي .،!
علي/وهو يشوف انهيارها والله اني صبرت
ياجميلة نفس صبرش ويمكن اكثر لاني رجال
ساعدش حاولت معش بس مارضيتي انت
تساعدين نفسش متزوج كأني عزوبي
ان اخذت شي منش فهو غصب عنش
وبعدها تمرضين اسبوع اسبوعين.؟!
ولا اكل ولا شرب ولا اهتمام .،!
ليتش ماعطيتيني ذي الكلية والله اني رفض
منها لكن نشبتي لي نشبه واذا انت ندمانة
فانا ندمان كثر شعر راسي اني طاوعتش
نسيتي اللي راح ياجميلة حبيتش حب
مااتوقع اني بحبه احد وكنتِ في المقابل
تتغلين علي ولا يرضيش شين بسيط
تحملت وقلت ام عيالي وجميلها في
بطني لكن طفح الكيل منش ..ومن قبل ماتمرضين
ماتعطيني حقي الشرعي إلا غصب او بمقابل
ان زعلتي مني في شي ماترضين إلا عقب شهر
و شهرين وتتغلين ..
ولا اكذب عليش ترى كنت ناوي اتزوج من شهرين
لكن كل مااذكر عيالي وخالي واخوانش
اهون واقول بتتعدل لكن الله من فوق اراد
بدون تدبير مني وتم الزواج .،!
جميلة /بغيرة وقهر تصدق اني حزينة عليك
اخاف تتفشل عند زوجتك الجديدة هي
صغيرة وانت وهي تضحك قدك كبير وسبق
وتعبت وانا ابخس بك .،!
ماراح تتحملك مثلي وتسكت راح
تسولف بك على الناس انك ....!!
وقبل ماتكمل حست في نفسها تناشل بقوة
وتنرمي على السرير..!
علي وهو يشرف عليها من فوق وهي تحته
فهم قصدها ثارت رجولته وهو يقول والله ماصدقتي
اني بقدر وبقدر لكني رحمتش وانت من اول
ابدء ترجفين حتى النفس ماتقدرين تتنفسين
البلاء منش انت لكن والله ياجميلة ياذالليل
ان تشوفين اني اقدر او لا ..!
وذا المرة ماراح تنسيناها في حياتش.،
جميلة /وهي تقاوم فكني روح لزوجتك علي
فكني خلاص مااقدر تنفس فكني مارد عليها
وهو يكتم اعتراضها ومقاومتها .،؟!
اليوم الثاني العصر
جميلة/
وهي واقفة قدام التسريحة تحس كل جسمها
يوجعها من بعد اللي صار البارح ماكان علي
زوجها الحنون كان شخص ثاني كان يبغى
بس يثبت لها رجولته ..!
حطت يدها على شفايفها وهي تشوف الدم
اللي ينزل منها اول مرة علي يكون كذا
هي من قهرها قالت له كذا وهو ماقصر
شافت رقبتها وصدرها اللي كله علامات
يافضيحتها عند عيالها ذحين اذا خرجت
البارح كانت تصارخ وتهاوش زوجها
وتهاوش عيالها علشان زواج ابوهم وذحين تخرج لهم.
من الصباح وهي ماخرجت من غرفتها
تحس متفشلة من عيالها مرة بس كل
واحد فيهم يتصل عليها قالوا لها تجهزي
راح نطلع مع بعض ولا تدري وين ماخذينها
اخذت لها كريم مخفي عيوب وحطت منه على
الأثار اللي بصدرها ورقبتها حاولت تغطيها
لفت شعرها الطويل كله لفوق وثبتته ببنس .
حطت روج بني علشان يخفي تورم شفايفها.!
حطت كحل خيف .،؟
لبست حلق فضي وساعه وخواتم .
فتحت دولابها من زمان مالبست شي حلو
ولا كشخت .،!
طلعت لها بنطلون جنز وبلوزه ابيض مخرم طويلة.
لبستها وهي ترش من عطرها وقفت تناظر
في نفسها في المراية من زمان ما كشخت .!
على طول تذكرت ضرتها الثانية هل هي جميلة
مثلها او مثل ماقال فارس تدعي الله انها مثل
وصف فارس علشان محد يتشمت فيها ان
زوجها اخذ وحده اجمل منها .،؟
لبست عبايتها واخذت شنطتها وهي تحس
انها مستحيه باقي من عيالها نادر ماتنام
مع زوجها في غرفتهم تنام مع اميرة اكثر
شي وذحين تخرج عليهم من غرفتها
وصلت الصالة وهم مجتمعين كلهم
زوجهاوعيالها رفعت عيونها وهي تشوف فارس
اللي من شافها صفر بقوة ويقول الله يجعلني
رووج ياناس الله جعلني شنطة ايش الكشخه
ذي ياكايدهم فديت الجمال الطبيعي انا وهو
يقرب ويحضنها ويضحك .،!
ولدها الصغير اللي مهما كبر تحسه باقي
صغير كيف بيتزوج فارس هو روح البيت
ونكهته حبت تشغل فارس عنها علشان
مايحرجها بكلامه قالت وزوجتك كيف حلوة ..
فارس /وهو باقي حاضن امه اااه يا يمه
فديت الطاري يمه ولدش طاح محد سمى
عليه يمه ماهي حلوه وبس هي احلى من
الحلى نفسه يمه يكفي اسمها خزامى
اذا نطقته احس اني متعطر وهويضحك.!
جميلة /بغيرة وهي تبعد فارس عنها الله الله يعني
أجمل مني .؟
فارس/وهو يعرف ان امه ماتحب احد يكون اجمل
منها قرب لها وهو يهمس لها بشويش علشان اخوانه
موجودين اجمل منش لا مستحيل بس انها اجمل
ذي وهو يأشر على أميرة اللي قريب منهم ..
اميرة /لا ياشيخ من وين جاها الجمال
ترى شفتها باين من عيونها انها عادية .!
فارس/سبحان الله ياغيرة الحريم اللي فيكم
اول قبل تعرفين انها بنت عمش وانا بتصير
زوجتي صارت عاديه وانت قبل تمدحين فيها
ولا تسكتين ..غيررة والله انها اجمل منش لا
تحاولين وهو يضحك ..؟
احمد/وهو بس عيونه على امه كان شايل هم
امه كثير وخايف عليها لكن الحمدلله يشوف انها
اليوم احسن حتى اخر موعد لها قال الدكتور
انها تحسنت كثير ومشكلتها كانت اكتئاب حاد
من الدرجة الاولى و وساوس الموت كلها كانت
سبب في عزلتها خوفها من الموت الأرق التوتر
واعطاها حبوب وانتظمت عليها وخلال ثلاث
جلسات تحسنت و محد يدري انها تراجع
عيادة نفسيه إلا هو ..!
اخذ مفتاحه وجوالها وهو يقول يمه يله
انا واخواني عازمينش عزيمه خاصة
وهو يلتفت على ابوه ويقول تخاوينا ابو محمد.!
علي/اللي ماله مزاج في شي من بعد
اللي صار مع جميلة ماكان وده يصير .،!
لا مشغول انا الله يحفظكم .،؟!
خرجوا مع امهم وصلوا المكان المطلوب.!
عبارة عن شاليه
جميلة /بأستغراب وهي تدخل احمد وين
موديني انت واخوانك .،؟
فارس /راح تعرفين يله ادخلي بسرعة.
وانت خليش بعدين يقصد اميرة وهو
يضحك ويرجع يحضنها والله امزح معش
ياخبلة اخص راح تتزوجين ..و الحمدلله اني
بتزوج قدامش وهو يضحك .،!
احمد وهو ماسك يد امه يمه فسخي عباتش
عادي محد حولش وانت يااميرة الليله كلها
مخصوص علشاانكم ..؟
فسخت عبايتها هي وبنتها وهي تشوف احمد
وعبدالله واقفين عند باب مقابل لها وصوت السماعات
واصل لها خلصت وهي تمشي عند اولادها
دخلت وهي تشوف طاولة كبيرة في الوسط
عليها كيكة وشموع وجنبها دولاب زجاج
مزين بورد طبيعي .،!
رفعت عيونها لعيالها اللي مبتسمين لها
فارس وهو يمسك يدها ويقول هذي حفلة
بسيطه منا لش يالغالية يزعلش زواج ابوي
وحنا نراضيش وهو يدنق ويحط يد تحت رجولها
واليد الثانية تحت رقبتها ويشيلها وهو يضحك
ويرقص بها ويدور على انغام الشيلة.؟
جميلة/ماعاد قدرت تقول كلمة وهي تشوف ايش
عيالها مسوين لها نسيت علي نسيت زواجه
وهي تتمسك برقبة فارس خايفه عليه وخايفة
تطيح وبرجاء فارس خلاص فديتك خلاص
بطيح .،!
فارس /وهو يضحك افا والله ماتطيحين وانا
ولد ابوي ويستمر يرقص وهوشايلها.،!
جميلة/لا يافارس خلاص ظهرك بينكسر
باقي وراك زواج ..؟
فارس /لما سمع كلام امه وقف ونزلها وهو يسندها
لا تطيح وهو يضحك قال والله انش صادقه نسيت
اني بتزوج.،؟!
احمد وعبدالله واميرة يضحكون على فارس..!
قرب منها احمد وهو يمسكها ويحضنها ويقول
يمه والله اني انا واخواني كلنا نحبش ولا نرضى
عليش والله .،!
مسك يدها وقال تعالي يمه شوفي مد يده
الثانيه وهو ياخذ طقم ذهب كامل قال هذا
هديه مني لش ..؟
عبدالله/وهو يمد يده وياخذ علبه ويفتحها ويخرج
منها ست حبات بناجر ذهب ويقول ذي مني يمه
لش..؟
فارس /وهو ياخذ علبه ويفتحها ويقول كيف
هدية نعطيها هديه وهو يضحك وذي ساعة
الماس يدش اللي بتزينها ..؟!
جميلة /تحس عن ماعندها اي عبارة تقدر
توصف مشاعرها عيونها اللي مليانه دموع
حضنتهم وهي تقول الله لا يخليني منكم .،؟
أميرة /بزعل ليش ماقلتوا لي ليش .،؟!
احمد/بحب لها كنت نايمه ولا حبيت ازعجش
لكني مانسيتش شريت الخاتم ذا على ذوقي
علشان تعطين امي.،؟
اميرة /ياحبيبي الله يخليك لي ولا يحرمنا منك.،
فارس وهويرفع صوت السماعات ويمسك
يد امه ويقول والله ياذالليل ان يقوم زواج هنا .؟
علي/
اللي كان واقف عند الباب عيونه على عياله
اللي محتفين في امهم انبسط كثير ..خايف
ان زواجه يأثر على علاقته في عياله يحس
انهم متغيرين كثير عليه مو نفس زمان
يحسهم صاروا رسميين معه بكل شي
خاصة فارس اللي يحس انه شايل عليه
كثير ..ناظر في فارس وهو يلعب مع
أمه اللي تجاريه في لعبه من زمان
ماشاف جميلة بالروح ذي ابد ..
رغم بساطة لبسها إلا انها كانت جميلة
جميلة في ادق تفاصيلها مهما كان لبسها
بسيط إلا انه عليها يكون اجمل ..
حط يديه في جيب ثوبه وهو يشوفها
كيف تميل وهي تلعب مع فارس ويميل
شعرها الطويل معها ..ماكان له نيه يجي
ابد واعتذر من أحمد بس جته رسالة من
فارس عورة قلبه (يبه اذا باقي لنا خاطر عندك
الحقنا حنا مسوين حفله لأمي وجيب معك
اي هديه ترى جميلة تستاهل )وارسل لوكيشن
الشاليه.!
فارس ارسل له كأنه يحاول يرجع العلاقة بينهم
يوضح له مهما تزوجت حتى امي زوجتك..!
بعد رسالة فارس قرر يجي اذا مو علشان
جميلة علشان خاطر عياله اللي مستعد
يسوي اي شي علشانهم ..
وقع لها شيك ب80الف ريال ومر محل تغليف
هدايا والعامل الفلبيني ثبته بطريقة حلوه وسط
صندوق خشب وحوله ورد طبيعي.،؟
كان واقف ومحد انتبه له صوت السماعات
كان مرتفع اولاده كل واحد فيهم يمسك
امها ويلعب معها حتى عبدالله الهادي
كان يلعب حول امه وماسك عقاله بيده
ويحطه على راس امه ..؟
واحمد نفس الشي شوي يلعب مع امه
وشوي مع اميرة اللي فجئه انتبهت لوجوده
عند الباب وعلى غير عادتها صدت عنه وهي
تروح تجلس .!
وحيدته ودلوعته زعلانه منه حتى ماكلمته مرة
بس الزعل واضح في وجها دخل وهو يرفع
صوته بالسلام وفارس اللي انبسط بشوفته
ماترك له فرصه وهو ياخذ الصندوق من يده
ويحطه على الطاولة ويسحبه وهو يقول ارحب
والله ان تجي تلعب مع الشيخه جميلة ماحب
يكسر بخاطر ولده وهو يشوف كيف انبسط
لما شافه دخل يلعب معهم وهو يشوف جميلة
توقف وتخرج قرب منها وهو يمسكها ويجبرها
تلعب معه وفارس اللي كان يدور حولنا شوي
يلعب معنا وشوي يوقف يصفر وشوي يصفق
اخر شي قرب مني انا وامه وحضنا بقوووة
حركته ذي اوجعتني حيل .،؟
فك جميلة اللي باين عليها الضيق شافها تروح
تجلس جنب احمد وعبدالله اللي جلسوا بمجرد
مادخلت ..!
سكر فارس السماعات اخذت الصندوق وانا
واوقف عند جميلة اللي تحاول تشغل نفسها
بأي شي حطت الصندق بحضنها وانا اقول
ذي رضوتش يا ام احمد وتستاهلين اكثر منها
جميلة وهي ترفع عيونها له وفي داخلها كلام
كثير وقهر تحس مافي شي يبرد حرتها فيه
لكن بتسكت علشان خاطر عيالها اللي حولها
اخذت الصندوق وهي تنزله في الأرض بدون ماترد..
علي /ماعلق عليها ابد تحرك من قدامها وهو
يروح لأميرة ومسك يدها لين وقفت وهو يرفع
راسها اللي منزلته شاف عيونها كل دموع
مسح دموعها اللي اول مره يكون هو سببها
حضنها بقوة كأنه بيدخلها داخل صدره
سمع شهقاتها المتتالية غمض عيونه وهو
يشد عليها بقوة ماكان يتمنى انه يكون
سبب في وجع عياله بعدها بشويش
عن صدره وهو يبوس عيونها وراسها
خلاص ياقلب ابوش اسف مايدري
ليش نطق كلمة اسف هو ماغلط انه تزوج
كيف يفهم عياله اللي يناظرون له بنظرة
المجرم في حق امهم ولا يقدر يقول لهم
الحقيقة .،؟
اميرة /وهي تبكي ليه يبه تتزوج ليه تجيب
لنا الضيم ليه يبه ماتوقعت بيوم انك راح تجيب
لنا وحدة وهي تبكي تجيب لنا وحدة يبه تاخذك
منا.؟
علي/ بوجع من كلام بنته حضنها
من جديد والله اللي زرع حبش
انت واخوانش في صدري محد ياخذني
منكم محد غير الموت ..!
فارس/اللي ماعجبه اللي يصير هم جابوا
امهم هنا يغيرون لها نفسيتها قرب من اميرة
وهو يقول ابشرش انت اللي راح ياخذش
فهد من ابوي ويرتاح وهو يضحك.،؟
اميرة / يبه شوف ولدك قليل الأدب
علي/وهو يضحك خليش منه غيران منش
علشاني احبش اكثر منه..؟
فارس /وهو يروح يجلس جنب امه انا يكفيني
ان مرتي فديتها بتحبني شهق بقوة وهو يفرك
مكان قرصة امه يمه مالش علي..!
جميلة/تستاهل من جيت من الجنوب ماغير
تتفدا في مرتك خبل انت..!
فارس /وهو يحضنها غصب اها اثاري السالفة
فيها غيرة فديت اللي يغارون ياناس .،؟
علي/يجلس وهو يجلس أميرة جنبه مسك يدها
ورفع عيونه لجميلة إن شاء الله ملكة محمد واحمد
وفارس يوم الخميس جهزي نفسش انت واميرة
بنروح قبل الملكه بيومين علشان اساعد ابوي.!
وترى كلنا بنرجع أبها ابوي امي رافضين
الرياض عشان كذا راح نستقر كلنا في
أبها عندي فله هناك جاهزه ناقصها الأثاث.،!
جميلة/ملكه انا وبنتي ماراح نحضر مثل
ماخطبت انت وابوك لوحدكم بدون شوري
لعيالي ماراح احضر ..
وعلى كيفك تقرر نرجع أبها كله علشان زوجتك.!
علي/تحضرين او ماتحضرين شي راجع لش
اما اميرة راح تحضر ملكة اخوانها ..
وسالفة النقل لأبها من زمان انها في بالي
علشان دوام عيالي خاصةبعد الحرب
تعبوا من الطريق .،!وبعدين ماهو انت
اللي كنت تبغين نرجع أبها تقولين بنتي ببتزوج
وتروح عني بعيد ابغى اكون قريب منها وإلا
تغير كلامش ذحين عناد ياجميلة..؟!
احمد/وهو يشوف ان مشكلة راح تصير قال
يمه جعلني فداش مسموحه لا تحضرين الملكه
لكن النقل والله ان ابوي صادق تعب علينا
وحنا نجي كل اسبوعين اوثلاثه من نجران
لين الرياض واميرة راح تكون قريب منش .،!
علي/بحزم هذا الكلام اللي عندي وترى زواجي
نفس ليلة الملكه حقت عيالي وخرج.،!!
::::::::: ::::::::: ::::::::: :::::::::
أبهــــــــا
ريم/
نفسيتها تحسنت او بمعنى اصبحت براضية
ومقتنعةبكل شي صار لها زواجها المفاجئ
رغم انه مايخلوا من بعض السلبيات مثل حقها
في الأختيار والقبول او الرفض ..
إلا انها تحس انها سعيدة نوعآ ما بهذا الزواج
علي كازواج اذا نظرت له من كل النواحي
مايعيبة شي ابد كامل والكامل الله وحده
واللي عجبها فيه رجولته وشهامته تعامله معها
وتعامله مع امها انبسطت منه بشكل غير طبيعي
باقي تذكر طريقة كلامه مع امها واسلوبه المحترم
رغم انه متزوج وعنده عيال ورغم خوفها من كونها
زوجه ثانية إلا انها تشوف في زواجها منه فرصة
لا تعوض ..لو طلبت الطلاق وين تروح سألت امها
عن اعمامها قالت ان ابوها كان وحيد امه وابوه
مقطوع من شجرة يعني مالها احد بعد الله
إلا هو واهم من كل ذا انها بتكون مع اخواتها
بنفس المكان متزوجة عم اخواتها وازواجهم عيال
زوجها اللي تحس انها غير مرحب بها
سافر من اسبوعين وهي بدأت تجهز نفسها
هي واخواتها واللي ماسكه التجهز خزامى
ماخلت شي ماشرته لنا خلال الأسبوعين
كان يكلمها يوميآ كانت تحس في صوته
لهفه وشوق وهي كانت تستحي ترد
عليه ماغير الحمدلله وطيب كل المكالمه
اليوم مااتصل ولا شي ماتدري ليش
افتقدت اتصاله مدري حست بغيرة
لان خزامى قالت لهم ان عمها وعياله
مسوين حفله لزوجته في شاليه
أميرة منزل التجهيزات في حسابها
على الانستقرام ولا حاولت حتى
تشوف تحس بغيرة وهي باقي
بس بتسوي مثل ماقالت لها امها
تمسكي بزوجش بقوة ترى ماعاد معش
بعدالله إلا هو انا مامعش فيني فايدة.
رفعت عيونها لخزامى اللي تمد لها بالجوال
خذي كلمي عمي يقول جوالش مقفل.،!
اخذت الجوال وهي تشوف خزامى اللي راحت
رفعت الجوال وهي تشوف ايش مسجلته خزامى
الخبله (عمي المزيون )حطت السماعات في اذنها بدون
ماتتكلم هو ساكت وهي ساكته ماتسمع إلا اصوات
السيارات عنده ..ماتدري كم مر عليهم
وهم على ذا الحال لين تكلم بصوته الرخيم وهوينطق
اسمها ريم وانتفض فيها كل شي .!
ريم/بفرحة انه اتصل عليها وماانشغل بحفلة زوجته
(لبيه) بدون شعور منها نطقتها بطريقة كأنها تشكره
انه مانساها .،؟
علي/ بحب اول مرة تعجبني كلمة لبيه في ذمتي
كيفش ياقلبي .،!
ريم/لما سمعت كلامه حطت يدها على قلبها
كثير عليها اللي تسمعه الحمدلله وسكتت.
علي/تنهد وهو يوقف يوفق سيارته على جانب
الطريق وانا ماراح تسألين عن احوالي .،!
ريم/سكتت فعلا ليش ماسألته عن اخباره
كيفك..! غصب خرجت الكلمة منها .،!
ولا سمعت اي رد منه غير صوت انفاسه الثائرة
وشوي وسمعت صوت شيلة يوصل لها بكلمات
وإيقاعات توصف حاله..!
ايه ياليتش معي وإلا أنا ليتي معاش
عيشي بــــ قلبي وأنا وسط قلبش بعيش
ليتش اقرب لي من اللي علي من القماش
وليتي اقرب لش من لبوسش عليش
وايش اسوي دام عقلي تعلق بش وطاش
وأنا رجلن عاقلن بس إذا شفت اطيش
ويش اسوي دام قلبي نزع مني وجاش
يوم شفتش خف عقلي وقلبي خف ريش
اشهد أن الله من الزين والقبله عطاش
واشهد اني شفتش وشفت كل الزين فيش
واشهد ان قلبي اذا شفتش يجيه ارتباش
ليش تجفين المعنا وهو ميت عليش
لا نشتي كيف حالك وأنا قلبي خشاش
قلت حالي حال قلب تولع بش يبيش
تنشدين الحال والحال من فرقاش ماش
كيف حال اللي قعد كل يوم يحتريش
لا تطول غيبتش والله أن قلبي معاش
عودي ولا ترى كيف أنا عقبش بعيش
علي/ قفل الشيلة وهو يحط يثبت السماعات داخل
أذنه هو فعلآ اشتاق لها اشتاق لها كثيررر
اخذ نفس عميق وهو يزفر بقوة رررريم انا
مو بخير لين اشوفش وهو يتنهد.،!
ريم /تحس انها مستحيه من كلامه كأنه
يشوفها معقولة انه صادق او كلام عادي
متعود ينطقة من قبل لزوجته وصلت لنقطة
زوجته وحست بغيرة.،!
وعلشان تنهي العذاب اللي هي فيه قالت
له خزامى تحتاج جوالها مع السلامه.،؟
علي/حس فيها تتهرب راح يتحمل ويصبر
كان يحتاجها ذحين محتاج يسمع صوتها
اكثر طيب سلمي على البنات وافتحي جوالش
اذا احتجي شي كلميني رغم انه يعرف مستحيل
انها تكلمه.،؟
شالت السماعة من اذنها وهي تنزل الجوال
على السرير خرجت الصالة وهي تشوف خزامى
جالسة في الوسط وحولها اكياس مالها عدد
وكراتين كثيرة و16شنطة بأحجام مختلفة ..؟
وندى تساعدها .،!
شافتها خزامى وهي تناظر فيها قالت تعالي
رتبي معي شنطتش وخلي عنش مكالمات اخر
الليل انت وعمي المزيون تعالي على الأقل
شوفي كيف توزيع الملابس والأغراض علشان
ماتتوهقين بعدين .،؟!
وبعصبية الله صابني في اخوات كل وحده
اخبل من الثانية ذبحتوني تراكم وهي
ترفع عيونها لأشواق اللي مانزلت السواق
ولا اختارت شي .،!
عاد انت دكتورة ايش بيقولون دكتورة ولا بان
عليها شي شوفي كل شنطة كتبت عليها كل شي
وياويلش ماتلبسينها كلها ابغاش تجيبين ولد عمي
على وجهه وجع يوجعه يخوف وهي تضحك ماضنتي
يأثر عليه شي .،؟
ولما ماسمعت اي رد من اشواق عموما الكلام لش
انت وذي وهي تأشر علي الشنطة ذي
كلها عطور ماركات ومعها دهن عود ومبخر .،
صغير لشعر ومعه علب تقدرين تعبينه اذا خلص.،؟
وكريمات الحمام والمناشف .،؟
والشنطة الثانية كلها مكياج واكسسورات والشنط
والشنطة ذي جزم وفلات وصنادل والوانها عادي
تجي مع كل الملابس اللي موجوده،،!
اما الشنطة الكبيرة راح يكون فيها كل ملابسكم
كل شي حتى اللي خبري خبركم وهي تضحك..؟
وبكره الله يعينني اشتري شنط ثانيه علشان
العبايات والطرح ..وشنطه صغيرة ليلة الزواج..!
ريم /وهي تجلس جنب اشواق محد طلب منش
والله انت تبرعتي.،!
خزامى /علشان الناس ماتضحك بنا خاصة انت عمي
فديته يستاهل اللي يتعب له لا اوصيش على
عمي خليه يرجع من شهر العسل ناسي زوجته
وعياله وهي تضحك.،!
ندى/ لا والله لا تسمعين لها ياريم ذي خبله
مهما كان عياله وزوجته حرام .،!
ريم/انت تحسبين اني بسمع كلام الخبله
ذي والله مافكرت كذا ابد..بس نشوف هي
ايش بتسوي مع فارس.،!
خزامى /تطيح على الأغراض اللي قدامها
فديت الطاري يا ناس الأسم وحده فخم.
ولا تخافين علي راح يرجع عند امه يناديها
(خزامى)بدال جميلة راح اخذ عقله وهي تضحك .،!
ندى /والله مدري اخاف العكس .،!
خزامى/هو اخذ عقلي وقلبي خلاص ماعاد
يحتاج .،!
ريم /وهي تضحك على خبال اختها وسعيده
لهم وراح تكون سعيدة اكيد وهي بتكون معهم
بنفس المكان وذا يكفيها .،!
ندى/ترى الملكه بتكون عاديه جدآبس رجال
يعني ليش اتعب نفسي واكشخ وفستان .،؟
المفروض ريم اللي بس تروح المشغل علشانه
عرس حنا لا .،!!
خزامى/ صح ماله داعي المشغل بس شريت
لنا فساتين ناعمه وذوق وكل وحده تضبط نفسها
اخاف زوجة عمي تجي .،!
ندى/سألت جدتي تقول ماراح تجي وجدي
رفض ان العيال يدخلون في الملكه احسن
شي سواه جدي.،!
ريم/ضاق صدرها لما عرفت ان امها ماراح تحضر
زواجها مكتوب عليها ان امها ماتشاركها اي فرحه
قال لها زوجها علي زوج امها اعتذر عن الحضور
وخوالها اعتذروا.؟
ريم حتى انا مابروح مشغل ولا فستان ولا شي
بلبس الفستان التركواز وبضبط نفسي شي
عادي وخلاص اصلا رحلتنا لتركيا الساعة
12في الليل .!
مسكت يد اشواق اللي ماقالت حرف واحد
حاسه فيها شي اكبر من التعب حتى الأكل
ماتاكل واذا غصبتها جدتها وجدها ترجعه
على طول ..اشواق ايش رايش ..،!
اشواق/غمضت عيونها ورجعت تفتحها تحتاج
تنام تغيب عن الواقع تحس ان الاحداث اللي مرت
عليها بسرعةكل حدث من الكف على وجها وكل
حدث اقوى من الثاني تبلد فيها كل شي صارت
تتحرك وتمشي وتتكلم جسد بلا روح التغير اللي
صار لهم فجئه مأثر عليها تشوف اخواتها يجهزون
لزواجهم وهي ماشاركت ولا اختارت اي شي
سلمت حياتها كلها لغيرها ماعاد صارت تملك
القدرة انها تفكر وتتخذ قرار تعبت كثير والنقطة
اللي ريحتها كثير ان امها تحسنت واخواتها
راح تسكن معهم بنفس المكان وجدها وجدتها
وراح تاخذ امها معها ايش باقي يبغى اكثر
من كذا رفعت عيونها لريم اللي تشد على يدها
اكثر وحده مبسوطه لها ريم عوضها ربي بعمها
اللي تحس انه راح يسعدها شافت كيف يهتم
ويسأل عنها.،قالت كلمة وحده لريم سوي الشي
اللي يريحك وبس.،!
وهي عندها ثقة وإيمان بالله كبير وعندها أمل ان بكرة
احسن وهي راضية بقضاء الله وقدرة بس تحس التعب
يتكمن من قلبها تعباانة من كل شي .
انتهى
غراس الجنة/سبحان الله والحمدلله ولا اله الا الله والله اكبر يغرس لك بكل واحدة شجرة من الجنة".
موعدنا مع باارت الملكة وزواج ريم إن شاء الله يوم السبت
والف شكر ل صبا الجنوب اعرف اني اتعبتها
وهي ماقصرت ونزلت البارتات واعرف
انها مشغولة
|
20-04-17, 10:36 PM
جديد مواضيع قسم القصص المكتمله من وحي قلم الاعضاء
العرض العادي
