كاتب الموضوع :
فيتامين سي
المنتدى :
القصص المكتمله من وحي قلم الاعضاء
رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي
اقتباس :-
المشاركة الأصلية كتبت بواسطة NoOoFy  |
يويل قلبي على الروايه في ذمتي أنها طرررر
على أن الخيال فيها واضح بس اقنعتيني انه واقع غصب عني واعيش أحداث الوقع تدرين ليش لان عاصفة الحزم وحرب الحوثيين وف المنطقة الجنوبية تخليتس تحولين الخيال واقع
روحي ياشيخه ولله ما فيتس حيله
أنا صعب أمسك روايه وإخلصها مثل زمان كنت ما خليها لين اخلصها سوء عشره أجزاء أو عشرين لكن روايتس مسكت خط وأنا في البيت وأنا في السياره وأنا في الدوام لين انهيتها
ولا والخافي أعظم بارت 15 و16 قريته اليوم الظهر ونمت والجوال في يدي
لازم ارد بعد الروايه ولا برد حماسي
قبل إبداء في تحليل شخصيات الروايه من حق جنودنا البواسل علينا الدعاء لهم ولله مافيه بيت في السعودية مارابط عيالهم في الحد الجنوبي من جميع أنحا الملكة وسطها وشمالها وجنوبها وشرقها وغربها
مافيه منطقه ضحت بعيالها عن المنطقة الثانية الكل ضحا وشارك وفزع ويوم الخطر طال جنوبنا الغالي هب له عياله من كل جهه في المملكة ماقتصر الدفاع عنها من عيال الجنوب ياكثر اللي استشهدو من الوسط والشمال والشرق والغرب
بلدنا مانسمح الاعتداء على شبر واحد من أرضها في أي حد من حدودها الله يحفظها من كل طامع وخائن بلد العطاء والخير هي درع العرب والمسلمين ولله لا يغير علينا ويوحد كلمتنا اللي يمس الجنوب يمس كل جزاء من بلدنا
تقول الله يطعني وأقول الله يسبق بي جنوبي نثر همه على غيمة جنوبية
أحس آني إذا قالت فديتك يا عرب ربي. تراقص لي جبال أبها مع الريح الشمالية
مدري وش جاب الأغنية حماس يعني
مسكت خط وقمت أرقص من الحماس ربتس مثلي ينبوضه قمتي تلعبين
نجي الهيله جعل به هيله اسمها الحالة تحفه له عندي مكانه خاصه لبي قلب أم الحنان كله سقت مرر الحياة مع الشايب جعل مابه شايب
انا أموت وانقهر من الرجال اللي يعذب زوجته مابين ضرب وشك وحقران وألفاظ ويقول احبها حب أيش هذا اللي يعذب
تحب احشم وأكرم وبين حبك وشلون تشوف محبوبتك تعذب وحزينه ونفسها عليك مهيب طيبه
اللي سواه محمد مع هيله يوجع يوجع يوم الأمر عليها وهي سأكتب وتحملت وصل لعيالها من ضرب وعذاب في ذمتي وأنا أقراء فيني غبن الدنيا
أكيد فيه مرض نفسي مافيه شخص سوي يسوي سواته في زوجته وعياله ويقول أحبهم
أدواه اللي سوته فيه أم احمد
ياقلبي عليها طاح اللي في رأسها من شافت بنيتها وضغت على نفسها وتنازلت للشايب عشان ذا الايتام وهو وعيونه فرح ليتك تكون قدها وتعوضها
بنات احمد لا تضيق الدنيا فيكم بتعوضكم هيله عن اللي فات أن شاء الله
وانت ياشايب كفر عن اللي سويته في احمد والله الله في بنياته وخاصه من سميك محمد
تدرين نبوض ودي محمد يتزوج أشوق تدرين ليش لان قصة هيله ومحمد بترجع ثانيه بس ذا المره اشواق مهيب هيله إذا هيله أسكتت عن محمدها أشواق مهيب سأكته عن محمدها
الحرب ضروس ومايسدها توسيم خشوم شكلها بتنبط فيها عيون وتصم فيها أذان وتقطع فيها السنه وتكسر فيها ضروس ويمكن يطير فيها ارقاب ( مهوب شكلي بالغت في الوصف )
المهم يا محمد الأب أشواق لا يضيمها حفيدك ترا مايطهرك انت وهو مني البحر
علي بعيد عن شخصيتك المتسامحه وأخلاقك العالية بتكلم عن فعلك مع جميله اول أبو محمد سلبيتك معها هي المرض هي ضحت وأعطتك كليتها ليش انت ما توقف معها للعلاج
سواء عن طريق طب أو سفر المهم ماتتركها
ومن ناحية عيالك صدق انك نعم الأب أعجبني حنانك عليهم وأكيد بيزيد ضعفه البنات توئمك احمد
مع أن فاقد الشي لا يعطيه علي فاقد الحنان بس سبحان من أكرمه بهذا الحنان كله يمكن هيله لبي قلبها أشبعته حنان
جميله فعلتس هذا هو اللي بيضيع علي منتس تحسبين اللي تسوينه بيخليه جنبتس تعوذي من الشيطان
وأقربي من ربتس أكثر وخلي عنتس الوسواس
ترا عيالتس الحين مقبلين على حياة جديده وبيتغير جو بيتس
والأمر من هذا ريم بنت جديده تبي تعيش مع خواتها اللي تربت معهم يعني من خلال حسبتي
إذا ماتزوجها محمد اللي بيكون هو اصلح لها في العمر أتوقع لا احمد ولا عبدالله يصلحون لها
بتصير أكبر عمر منهم إذاً علي اقرب للزواج منها تعدلي لا تفقدينه غصب عنتس وعنه
محمد وخير أن شاء الله بنت أبوك هي
ترا في كل صلاة ادعي لعيالنا في الحد الجنوبي لا تخليني استثنيك منهم وقول الله يحفظهم وينصرهم ويسدد خطاهم وينصرهم على من عاداهم
إلا محمد بن علي بن محمد
الزمن تغير ياخي انت عندك عقده من الحريم أختك اللي تكرهك وشايله عليك والحين بنت عمك بس دواك الوسم اللي في خشمك جعلك فداها بنت احمد
قسم أنها بنت رجال صفقت يوم هفتك بعلبة المويه ورجعت مسكت الجوال ثانيه ينصر دينك ياشيخه وسمتيه وسم ثابت مايضيعه
كل مانستس خشمه يذكره الدكتوره أشواق بنت احمد
أشواق يازينتس وزين منطوقتس صدق احمد جاب بنت عن عشر شباب
عرفتي وشلون تردين عليه بيدتس قبل السانتس خليه يستاهل يحسب كل البنات أميره حسبي الله عليه عقد البنت
المره الثانية حددي الموقع وخلي الضربه في عينه
ولا اصبري يبنت عينه لا نبيها شكله صويب يمكن هو قناص يقنص الحوثيين
خليها على الحاجب وطير شعر حاجبه عشان الوسم هنا يصير صح
جعل محمد يفداتس وشذا السنع وشذا الكرم وشذا الضيافة هذي يامحيميد عليها منقود مع الرجال لها حترامها
لا نعمت صوته ولا تغنجت في مشيتها بس تدري جعلك تأخذها وتموت في حبها وتربيك
لا تأخذ ضعيفة مسكينه تلعب في نفسيتها ونفسية عيالك أشواق بتربيك وتوقفك عند الحد مهوب الحد الجنوبي لا حد أشواق بنت محمد
احمد بن علي من نصيب ندى بما انك مارديت على أبوك أكيد موافق تأخذ من بنات عمك ندى هي اللي تصلح لك
احمد شخصيه هاديه مابعد صار له دور في الروايه
ندى هل انتي من نصيب احمد ولا عبدالله أتوقع احمد مدري ليش ودي لتس بأحمد عبدالله أحسه متبلد وأناني
فارس جاك يمهنا ما تمنى هذي خزامى جاتك على طبق من ذهب
احجر ياولد وقل أبيها قبل مايعطونها عبدالله خل البنت ماتعداك
وكون انت وهي ثنائي في السوشل ميديا وتضرب ضربه ماوصلت لها أفنان الباتل وبعلولها مع أني اكره السناب واشوفه مضيعه
وأشوف اللي يصير بصراحه مهزلة بس نقول أرزاق
بس تعال ياولد وش قصة الحذف من السناب والاستقرام للبنت يعني بنت عمك تحذفها وشباب العالم أتابعها ياخي انت أولى تشوف وش عندها
خزامى مدري أحس حياتها بتغير والدلع اللي كانت عايشه مدلعتها بيتغير لان فيه كم شخص بيدخل حياتها هيله والجد محمد وعلي وعيال عمها
وكل واحد فيهم نظرته للي تسوي غير
وهم ناس يهمهم الستر أشواق صحيح تعمل في مكان مختلط بس مكان معروف وظيفته معروفه
هذي رقمها عرضه الناس واجد فيهم من اللي ما يخاف الله ولا هوب كل واحد أمين وصادق معها
عشان كذا الوضع عندها بيتغير
ريم غموض أحس وضعها أصعب بكثير من وضع بنات احمد
هل بتروح مع خواتها البيت محمد إيه نبوضه البنات مهوب خواتها الحين هي خالتهم صح مهيب ريم أخت رقيه
أو بتجلس مع عايشه وتقوم فيها بعد ماياخذ محمد بنات ولده
ولا بكون لها نصيب من شباب العائله
عايشه ومادرك ما عايشه بصراحه مهما سوت للبنات هذا مايغفر لها اللي سوته اللي سوته فيهم جريمه
تغير نسب وخطف وغيره ولادها والأمر أنها سافرت فيهم البلدها
بس من خلال كلامتس فهمت أن أهل عايشه من اليمن لأنتس قلتي جبال وتسللو للبلد مع أهلها ومدري أيش ( يمه لاتكون من اسره حوثيه فك الله أشواق وخواتها منها )
لكن يوم قلتي بشره سمراء طارت عيوني يمكن يعني اثيوبيه ولا سودانية
عايشه لازم تأخذ جزأها واللي ساعدها يأخذ جزاه الدنيا فوضه غربلكم الله حرمتو البنات من أهلهم
عمر مهوب سهل ضاع والبنات بعيد عن جدهم وجدتهم وعمهم
عاشوا بدون رجال ياقف معهم
ليش يالخايبه يوم أشواق بغت تروح كندا ماعلمتي عنها أهلها عشان يرافقها جدها او عمها ولا تأخذ واحد من عيال عمها مهوب تبيعينها على ذا الماهر اللي يعايرها
أنها هي اللي بغتة وبغت ذا الزيجة
نبوضه في الانتظار واحداث أقوى وتجذب أكثر
البارتين الأخيرة شدتني بصراحه وخلتني ارد واكتب بدون توقف إصبعي يمشي على الحروف وثمي يتكلم ويملي إصبعي
|
ياهلا وسهلا نوووورتي واسعدني تواجدك وردك كثيرر
والله اني ضحكت عليك الله يسعدك كلامك يجننن
بخصوص اني تكلمت فقط عن الجنوب في المشاركة في الحد
انا قلت في بداية البارت الأول ان كل مناطق المملكة بها جنود كلن ع ثغر
وتكلمت بوجه الخصوص عن المنطقة الجنوبية لسبب قربنا من الأحداث
يعني انت متخيلة انا ساكنة في ابها وتنزل صواريخ وقذائف ولا نحس به
ولا اعرف إلا من هشتاق في تويتر ..
وغلب رجال عائلتنا مشاركين في الحد انا زوجي في نجران و4من اخواني
وعيال اخواني واخواتي .
وثلاث شهداء من جماعتنا علشان كذا قلت قدمت الجنوب 82شهيد
وإلا في كل منطقة من المملكة شهداء وابطاال ااسأل الله ان يديم علينا
نعمة الأمن والأماان ..؟
اسعدني جدآ تواجدك ❤❤🌹🌹🌹
|
19-04-17, 02:30 AM
جديد مواضيع قسم القصص المكتمله من وحي قلم الاعضاء
العرض العادي
