جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي أبها - الصفحة 25

17-04-17, 10:24 PM

المشاركة رقم: 121

المعلومات
الكاتب:	نبضي آبها
اللقب:	ليلاس متالق

البيانات
التسجيل:	Nov 2012
العضوية:	248010
المشاركات:	207
الجنس	أنثى
معدل التقييم:
نقاط التقييم:	922

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

البارت السادس عشر

جنوبية برت حالي ولا ادري وين ديرتها

وكل ماأسأل من ين أنتِ تجاوبني جنوبية

أقول عنها عسيرية إلى من شفت مشيتها

ولا من ناظرت فيني أقول أنتيِ تنومية

ولا من شفت كفيها وباهي حسن نقشتها

أقول يمكن من الباحة شرود البنت ريمية

تشيل من الشعر أشقر تعدى طول قامتها

أناظر فيه وأسألها اقول اميد عمرية

لها مبسم تقول إنه غروب الشمس شفتها

نماصيه جمال الوجه وإما الغنج قرنية

تحير منها فكري وأنا اسمع بس كلمتها

جنوبية ترد إبها الامن قلت من هيه

أشواق/

تحاول قد ماتقدر تثبت تكون قوية كانت تحسب إن

طيحت ومرض أمها اقوى شي صار لها وخلاص

بعدها تتصالح معها الحياة لأنها تعبت كثير ولازم ترتاح

لكن مرض أمها كان بداية الأحداث اللي مثل العقد

اللي انفرط وتناثر حباتها بكل مكان كل يوم تتفاجئ

بحقيقة مثل العلقم كل يوم حقيقة تهد حيلها وتكسر

ظهرها حست في أمها اللي ماسكه يدها وتضغط

عليها قد ماتقدر حاولت انها تجبر عيونها وتناظر أمها

أمها الوهيمه أمها اللي خلتهم يعيشون سنين كلها

مزورة كان يحملون نسب جد مزور وهمي ايش

كان بتخسر لو خلتنا نعرف حقيقتنا حنا مين

كم مرة بكت خزامى وندى يبغون لهم سند وعزوه

وكان رد أمي ابوكم مقطوع من شجرة حتى ابوي

كان يقول نفس كلامها .

لو ان أمي ماسوت اللي سوته ماكنت راح اضطر

اروح اطلب ماهر زوج لي علشان اقدر اكمل الدراسة

في كندا كل ماتذكر انها طلبته الزواج تحس بنار تكويها

نار تكويها كل مااكتشفت شي سيئ في ماهر وحاولت

تنصحه تعدله يقول لها هذا انا ماجبرتش على نفسي انت

اخترتيني مازالت تتجرع مرارة اختيارها كل يوم حتى

بعد انفصالها عنه .

ناظرت في وجه أمها وهي تجبر نفسها تكون طبيعية

ولا توضح لها الضيق مهما صار منها ماراح تنسى

جميلها وبتظل أمها رغم مرارة الواقع سمعتها تناديها

بصوت بان فيه التعب والندم واشياء كثيرة .

أشواق/ليبه ياروح أشواق أمري جعلني قبلش.

عايشة /من سمعت كلام اشواق نزلت دموعها

بسرعه وهي اللي ماعمره بكت قدامهم .

كانت مثال للقوة والتحمل واليوم عاجزه تتحمل

شي وبصعوبة انا متكله على الله ثم علاش

تبيضين وجهي قدام اهل ابوش ماابغاهم يقولون

اخذت بناتنا ولا عرفت تربيهم .

وهم اهلش لحمش ودمش ولا فرطوا فيكن لا والله

انا كنت انانية فيكم حبيتكم حب خلاني عمياء مااشوف

إلا نفسي وبس نسيت ان لكم اهل وسند وعزوه.

ماتدرين اني من يوم مات ابوكم

وانا مااعرف الراحة لا ليل ولا نهار ان دق الباب

تالي اليل قلت اهل احمد بيجون ياخذون بناتهم

خاطرت بكم وبنفسي كله خوف يعود عمش يدور لكم

حتى ماعاد صرت اعالج احد واذا سألوني ليه

قلت جاني قرار منع من وزارة الصحة وانا اكذب

كنت اخاف يجي ناس ويعرفكم ويعلم اهل ابوكم

و كنت اخاف اموت واخليكم بلا سند

ولاعزوه ولكن اليوم بموت وانا مرتاحة

كل وحده فيكم مطمنه علاها

وخاص لما شفت عمش شفت فيه ابوكم

وشفت كيف فرحته ان اخوه عنده بنات

لا تلومين ولا تعاتبين احد فيهم الغلط مني

انا ذحين بيجون جدش وجدتش وعمش

البسي عباتش انت واخواتش واستقبلوهم

احسن استقبال ولا يجون إلا وغداهم زاهب.

أشواق /وبدون اي كلمة فكت يدها وقامت

واقفه ناظرت في الممرضة الفلبينية اللي جابتها

علشان تهتم في أمها .

سرواتي انتبهي لماما كويس وطلعت لأخواتها

المنهارين من البارح بعد ماقالت لهم أمها الحقيقة

كلهم على نفس الوجع بس هي تختلف عنهم

ماتقدر تشكي ولا تبكي ولا شي مثل الصنم واقفه

تدور عليهم من البارح تحضن ذي وتخفف عن ذي

وتروح تطمن على أمها وهي تعيش حطام في داخلها

وساكته وكلهم في كفه وحال ريم في كفه اللي

من عرفت انها مو اختهم وهي منهاره تبكي وتصيح

من البارح وماسكتت لحظه ..

والله اللي قاعد يصير لنا كثير كثير حيل مالنا طاقة

نتحمل الحقيقة الغائبة اللي سمعتها من أمها ضرب

من الخيال من الجنون ماعمرها شكت انها مو أمهم

رغم سمار بشرتها ودائم تقول الحمدلله انكم ماخذتوا

مني شي اخذتوا جمال ابوكم وجمال اهله ..

وحالة ريم هي اللي اتوقع انها الأصعب بيننا

من عرفت الحياة وريم اختنا كانت تنادي

ابوي مثلنا وحتى لما كبرنا سألت ابوي

ليش ريم ماتكتب اسمك مثلنا في كتبها ريم أحمد

مثلنا قال لي لأن ابوها واحد ثاني مات من زمان

وخلاص من بعدها ماعاد صرنا نسأل ابد

كون ان ريم أمها الحقيقة عايشه وعندها

بس ماعمرها شافتها هنا الف استفهام.

وهي من عرفت الحقيقة وهي منهاره .

وصلت غرفة اخواتها وهي تشوفهم على نفس

حالتهم اللي تركتهم فيها من البارح نفس الوضع

ريم متكورة على فراشها مثل عادتها لما تتضايق

او تتعب تسكت واحيآنآ تجيها حالة تصرخ وتكسر

كل شي قدامها بس ذحين ساكته يمكن تعبت

من البكاء .

قربت منها وهي تجلس على طرف

السرير جنبها سحبت البطانية عن وجها

اللي كان احمر وعيونها المنتفخه من اثر

البكاء ناظرت فيها ريم بنظرت هزتها

من داخل هي جايه تواسيها توقف معها تخفف عنها

مسكت يد ريم و تجلس وتتعدل على السرير

وتحضنهاوهي ساكته مااتوقع عندي كلام يخفف

مصاب ريم والله ماعندي اي كلام كيف اخفف

مصابها واهون عليها وانا بنفسي عجزانه اواسي

نفسي بس مجبورة تعيش دور الشخص القوي

الذي يقف عكاز لهم بكل الحالات .

حضنتها بقوة وهي تسند راسها عليها

ريم حبيبتي انت شايفه انش بالعزلة هذي والبكاء

بيتغير شي من وضعش وين ريم القوية

ريم اللي صار لش صار لنا كلنا على نفس الوجع

شوفي انا قدامش وقبل ماتكمل اشواق

دفتها ريم وهي تصيح لا كلكم منتوا مثلي

على الأقل ياأشواق عرفتوا اهلكم سندكم عزوتكم

الشي اللي كنتوا تتمنوه ربي جابه لكم ..

رجعت تنهار من جديد وهي تبكي

لكن انا وهي تضرب صدرها وين اهلي اعمامي

أمي الحقيقية وينها حتى اسمها محد يعرفه

وينها ليش تركتني السنين هذي كلها عند وحده

ماتقرب لنا ليش انا منبوذه ليش .

ليش امي عايشة اخذتني ليش ماخلتني عند أمي

حتى لو ماتبغاني مصيرها بتحن علي ..

وليش دوبها تتكلم أمي عايشة ذحين وتكشف

المستور ليتها سكتت كان احسن علشان

نكمل مسلسل حياتنا السخيفة.

أشواق/ماحاولت حتى تسكتها هي مؤمنة ان الأنصات

افضل انواع المواساة رجعت تحضنها من جديد

وهي تسمع كل سؤال من ريم مثل الوجع ينخر روحها

اسئلة عالقة في خاصرة الحقيقة ..

مسحت على شعرها لين حست فيها تهدأ

قالت لها ريم حبيبتي كل اللي قاعد يصير لنا

مقدر ومتكوب مالنا يد ولاحيله فيه وماندري لعل

في الأمر خير .

ريم /بعبرة خنقتها وين الخير ياأشواق وانا مااعرف

وين أمي واهلي قولي لي .!

اشواق/الله الذي خلقش من العدم مستحيل يتركش

كذا بدون مايصرف ويختار لش كل شي ثقي بالله.

وذحين قومي غسلي وجهش المفقع هذا ومري

أمي طمنيها عنش ياريم مهما كان تظل أم لنا

حتى لو ماانجبتنا من البارح تسأل عليش

اجبري بخاطرها لو شوي .

وبعدها تعالي المطبخ ساعدينا بنطبخ غدا لأهل ابوي

حست شي يرفرف في صدرها بمجرد نطق كلمة اهل

أبوي قامت من ويم وهي تناظر في اخواتها يالله الحمل

ثقيل علي يارب ساعدني وقفت في الوسط بين سرير

ندى وخزامى وهي تحط يديها على وسطها دليل

الحيرة وهي تشوف ريم تاخذ لها ملابس من الدولاب

وتخرج .

رجعت تناظر في اخواتها وبصوت عالي

خزامى انت وندى خلاص عاد ترى مسختوها الحمدلله

ماصار شي الأمور طيبة والحمدلله ان عندنا

عندنا اهل وسند وعزوه تطمنهم ان كل شي بيكون بخير

وهي تحتاج من يطمنها ان بكرة افضل لأنها خايفة

من بكرة وبعد بكرة وخايفة الأيام كلها

سحبت بطانية خزامى ورجعت تسحب بطانية ندى

وبحزم يله قومي انت وهي خلاص ماكفاكم بكاء

من امس لحد ذحين طيب النهاية ايش

وهي تشوف اخواتها كل وحده حاطه يدها وجها .!

وبعدين مو انت وهي صدعتوا راسي من زمان ليش

جد وجده واعمام وترى مااحد فيكم صغير كلكم

كبار بلا انهزامية وضعف ودلع يله قدامي غسلوا

ومروا امي تسأل عنكم من البارح وبعدها تعالوا

المطبخ ساعدوني انا وريم وإذا جوا اهل أبوي

تراكم بتدخلون تسلمون ولا ابغى دمعة تنزل

سامعين ولا طولة لسان .

وخرجت بخطوات ثقيلة اليوم راح تواجه

اهل ابوها تواجه جزء من حقيقة غابت عنهم

ولاتدري تحمل مين المسؤلية .!

..................................................
محمد/
وكل شياطين العالم راكبه راسه يبي يفرغ

عصبيته بأي طريقة يحس ان الدم يغلي

في عروقه كل ماتذكر اللي سوته الكلبه

أشواق ويحمد الله ان البلاغ وصل بيد

اخوه عبدالله في هيئة التحقيق والأدعاء العالم

ربي لطف به .،!

والله مايفوتها لها الكلبة بنت عمه واللي زاد

عليه ان ابوه غصبه يروح معهم عندها

هو مايضمن نفسه اذا شافها يقوم يذبحها.

زفر بقوة وهو يستغفر اكثر من مرة ويعلق على بوري

السيارة وفتح مساحات السيارة علشان الزجاج الأمامي

من المطر اللي ينزل من الفجر عدل شماغه

واخذ عطره وهو يرش من اكثر من مرة

اخذ جواله وهو يشوف الساعة12الظهر

له ربع ساعة ينتظرهم في السيارة نزلقبلهم

مايتواجه هو وابوه رفع يده يتحسس خده مكان

الكف اللي جاه من ابوه .

ابوه اللي ماعمره ضرب احد فيهم وخاصة هو .

وضربه علشان الكلبة بنت اخوه لكن طيب رجع وهو يعلق

على البوري طفش وكل اللي قدام الفندق يناظرون فيه

ولا اهتم لهم وهومستمر معلق على البوري .

انفتح الباب اللي جنبه وهو يشوف

جده يركب وباين على وجه الأنزعاج قفل الباب

بقوة وهو يناظر فيه ايش قومك انت خبل ازعجت العرب.

ولا رد على جده وهو يشوف أبوه ماسك جدته وفارس

يفتح لها الباب ويساندها لين ركبت

وركب ابوه واخوانه وهو ساكت

حرك السيارة وهو يشوف المطر بدء ينزل بكثرة ويشغل

المساحات علشان يقدر يشوف

تحرك مبتعد عن الفندق وبدون مايلتفت

قال بضيق من وين طريق بيت بنات اخوك يقصد ابوه.

علي/بضيق من ولده ومن كلمته الظاهر ان محمد

بيتعبه كثير ماكان يبغى يروح بس غصبه

يروح وهو يعرف ولده لما يعصب ماعاد يقدر يتحكم

في تصرفاته ولا يلومه ابد خاصة ان اشواق قدمت

بلاغ ضده مايدري ليش حس بفرح في غير مكانه

عجبه تصرفها انها قادرة تحمي نفسها وذكية

قال بعصبيه مستغربه منه بانت في صوته محمد

للمره المليون لا تحسب انك كبرت مااقدر عليك

خلك رجال قبل لا تشوف الوجه الثاني مني.

خذ سيده وبعد الكبري اشارة وبعدها السودة

قدامك سيده على طول

محمد /وهو يضغط بيده بقوة على الدريكسون

علشان مايتكلم كلام يزعل ابوه

الجد (محمد)وهو يشوف محمد كيف معصب

من الصباح وذحين كلامه هو وابوه هو مايرضى

عليه يعتبر ولده اللي ماجابه اخذه من أمه وهو

صغير ابو شهر وكبر قدام عينه اخذ منه كل شي

نهر ولده علي ايش قومك على ولدك .

علي/بأحترام ولا شي يجعلني قلبك ياأبو احمد

الجد(محمد)وهو يناظر في محمد وانت ايش

قومك ماتقول بنات عمي ها.

محمد /وهو وصل حده كمل جده الناقص.،

سكت ومارد وهو يتجاوز السيارات بسرعة

يبغى ينهي السالفة ذي في اسرع وقت .

فارس /بخوف محمد بشويش ليش السرعة

ذي تتجاوز والدنيا مطر ترئ باقي ابغى نفسي

دوبي مجمع لي قرشين .

محمد /وهو ماصدق احد يتكلم علشان يبرد

حرته قال انت انطم ولا كلمه قبل انزل اوريك شغلك

الجده هيلة/وهي تشوف ولدها علي الهادي

كيف صار عصبي وهو يهاوش ولده

وجده اللي قام يهاوش قالت ياعوال

الحلال خلاص صلوا على النبي

تعوذوا من ابليس تراه حاضر معكم

جعلني قبلكم لاتخربون علي فرحتي

ببنات ولدي والله ان ودي اطير لهم واشوفهم .!

علي /وهو يمسك يد أمه راح تشوفينهم يالغالية

وتقر عيونك بهم.

ورجع الصمت في السيارة مايقطعه إلا صوت

مساحات السيارة وهي تسحب موية المطر

ومحمد وهويشوف لوحة وسهم السودة

لف ومشى سيدة لين دخل بين جبال

شااهقة اللي مغطيها الضباب بكثافة

رفع جواله وهو يشوف الوقت 12ونص

ورجع شاف درجة الحرارة كانت 15درجة مئوية

رغم برودة الأجواء إلا انه يحس بحرارة بكل جسمه.

سمع جده موجه كلامه لولده علي اخوك

عنده عيال ذكور .

علي /وهو مستغرب من سؤال ابوه اللي

ماقال كلمة من عرف عن بنات احمد ولاحتى

سأل وخايف من ردة فعله لما يشوفهم ولا يضمن

ابوه مرره ويعرف ان ابوه يحب الذكور ويميل لهم

علي لا والله عنده بس ثلاث بنات.

الجده /بحب فديتهم جعلني قبلهم والله انهم

عند قلبي كأنهم الف رجل رضيت بهم.

الجد(محمد)سكت ولا علق بكلمة.

محمد/وهو يشوف المطر مازال مستمر

خفف السرعة وهو يقول يبه هذا حنا في السودة

وين البيت .

علي/خلك ماشي سيده راح تحصل مسجد والبيت

قريب منه .

رجع محمد يمشي بسرعه لين ظهر لهم المسجد

ويشوف بوابة مفتوحة قدامها جمس وسيارة هايلوكس.

سمع ابوه يقول وقف عندك ونزلوا كلهم وهم يشوفون

السواق شايب في استقبالهم عند الباب ويرحب بهم

فارس نزل وهو يحضن نفسه اح يابرد عندهم

في الظهر وهو يلف ويناظر حوله مكانهم خطير بنات عمي

ورجع يناظر في السيارات اللي قدامهم اخس يابنات

عمي سيارات اخر موديل ماشاء الله.!

:
:

أشواق /وهي متوترة وتحاول قد ماتقدر تكون

طبيعية وقفت قدام المراية وهي تلف طرحتها

وتثبتها وترجع تلبس النقااب .

خرجت لين وصلت المطبخ وهي تشوف

اخواتها يشتغلون بصمت ولا وحدة

تكلم الثانية قالت ندى خزامى اذا خلصتوا

تجهزوا بروح استقبلهم وصلوا

خرجت من باب الصالة وهي تحس

ان رجولها مو قادرة تشيلها وبدال ماتخرج تستقبلهم

رجعت لداخل الصالة وهي تسمع صوت السواق يرحب

فيهم ويدخلهم ماتدري ليش حست انها مو قد المواجهة

جلست على كنب الصالة قريب من باب وهي ترجف

اكثرمن شعور غريب تحسه اختلاط مشاعر.

قامت وهي تاخذ نفس عميق وهي تحضن

نفسها بقووة وهي تخرج بعد ماتأكدت انهم

دخلوا المجلس.

خرجت وهي تمشي بسرعة والمطر ينزل

تمشي بسرعة علشان ماترجع تدخل الصالة

لازم من المواجهه ذي لازم ،مؤمنة ان اقدار الله خير

مهماكانت موجعه .

وصلت عند المجلس وهي تشوف اكثر من فردت

حذاء رجالية قدام الباب يا الله كم مر عليهم

من الوقت مااحد جااهم ولا دخل بيتهم رجل

لا في عيد ولاغيره.

وقفت باب المجلس وهي تناظر بلا هدف

بس تشم ريحة ابوها والله ريحته تحسه

حولها وهي تسمع اصواتهم صوت ابوها

دخلت وهي ترجع من الخوف من الموقف

من برودة الأجواء وقفت تشوف السواق يوزع عليهم مويه.

ومن شافوها وقف لها عمها ومعه واحد شايب.

وحرمه لابسه عبايتها تشجعت وبصوت حاولت قد مايقدر

يخرج واضح لان العبرة خانقتها ومن شافها السواق

تدخل خرج..

يامرحبا يامرحبا يامرحبا يالله حييهم ومحتارة تسلم على

مين اول .؟

وقبل ماتتقدم تسلم على الشايب

قامت الحرمه لها وهي تقطع المسافه بينهم

وهي تبكي وتصيح وتحضنها المرحب باقي

حست انها تحلم يالله الوجه ذا تعرفه مستحيل

تنساه يالله سبق وشافت جدتها هي مسويه لها العملية

حضنتها بقووة وجدتها ماخلت مكان ماسلمت عليها

فيه واخر شي تحاول انها تفك نقابها وبأستعطاف

يمه أشواق وريني وجهش وريني .!

حست انها تورطت كيف تكشف وهي لمحت عيال عمها

اربعه موجودين .!

علي /وهو يشوف امه كيف حاضنه بنت اخوه

وماسكه غطوتها تبيها تكشف تحرك وهو يسحب

أمه يمه الله يهديش بشويش هوني على روحش

وعلى البنت وهو يسحبهاويمسك يدها

وبيده الثانية قرب من اشواق وهو يحضنها

وبحب مرحبا مرحبا ببنت الغالي مرحبا.!

أشواق/ وكل وجع الدنيا اللي حسته راح في حضن

جدتها وحضن عمها كان ودها تقول وينكم عنا من زمان

بادلت عمها السلام المرحب باقي فديتك جعلك سالم

فكها عمها علي وهو يأشر لها على الرجل اللي

كان واقف من دخلت وكان خايف من ردت

فعل ابوه قال لها سلمي على جدش محمد يااشواق.

أشواق /وقفت وهي تناظر في جدها ملامح

ابوها الحاده بكل شي يشبهون ابوها كلهم

كل واحد فيهم مااخذ شي من ابوها حتى

الكلب ولد عمها ابو لسان طويل قربت

من جدها وهي توقف قدامه تحاول تبوس

راسه ماعمرها سلمت على رجل

الحركه الغير متوقعه من جدها انه حضنها

زرعها في صدره رغم انها تشوفه كبير

في سن إلا انه واضح انه يتمتع بصحه ممتازة .!

حضنها وهو مايدري ليش حضنها من دخلت

وهو يحس قلبه بينفطر من الفرحه ايه بالله

فرحان يحس كأنه احمد في حضنه اللي ماعمره

حضنه .،!

اشواق وهي تفك يد جدها وتبوسها وتبوس راسه .!

وترجع لورا وهي خايفة انها تطيح مرتبكه ولا تدري

ايش تقول .!

اشواق /وهي تلف بوجها ناحية عيال عمها وبصوت عادي

يامرحبا يامرحبا بعيال عمي واخواني الله يحييكم .!

ماانتظرت تسمع منهم اي رد لفت وهي تسمع جدتها

تقول تعالي اشواق تعالي جنبي اتنشدش عنش وعن

اخواتش وينهم ابغى اسلم عليهم.!

أشواق /وهي تاخذ ثلاجة القهوة واليد الثانية

فناجيل وتتقدم من جدها قالت لبيه ياجده

ابشري بي خليني اقهويكم وابشري واخواتي

شوي وبيجونش مدت الفنجال لجدها وهي تقول سم ياجد

شافته ويده ترجف وهو ياخذ الفنجال وساكت .!

علي/وهو يناظر في عياله اللي كل واحد يحاول

يشغل نفسه بجواله ولا احد فيهم رافع

عيونه لهم وقف وهو يمسك الثلاجه من يد

أشواق بحب والله مايقهوي إلا انا انت

اجلسي هنا جنب جدتش تبغااش شفقانه

عليش انتِ واخواتش .

جلست أشواق بين جدها وجدتها وهي

تشوف جدتها تمسك يدها بشريني عنكم مالله قضى

فيكم بعد ابوش.

أشواق /وهي تتمنى انها تتكلم او تبكي على

الأقل تحسد اخواتها انهم يبكون يفضفضون

مسكت يد جدتها وهي ترفعها وتبوسها بخير

جعلش في خير والحمدلله .

مسكها جدها بيدها الثانية وهو يقول بوجع اوجعتكم الدنيا

عقب ابوش.

أشواق/ وعلى غير المتوقع منها سندت راسها على كتف

جدها اللي تمنت انه كان سند لهم من زمان .!

اوجعتنا الدنيا ياجد وحنا في كل رمضان

وعيد مجلسنا هذا خالي عقب ابوي

اوجعتنا الدنيا ياجد و نار ابوي طافية عقبه .

وإلا غيره الحمدلله أمي ماخلت علينا خلاف

ربتنا احسن تربية وقبل تكمل سمعت صوت

تعرفه بين مليون صوت يقول باين التربية

ماشاء الله .

قالت بكل بفخر أمي ربتنا احسن تربية

وابشرك بنات ولدك اللي يدوس لهم

على طرف يوسمون خشمه وسم .

وابشرك عندي خير كثير يارب لك الحمد.

ندى خريجة صيدلة وخزامى اصغر وحده

فينا عمرها 17 ماتت أمي رقية بعد ولادتها

الجده /وهي تبكي الله يطعن قلبي عنكم

يابنات احمد والله ماكنا ندري بكم الله علينا شاهد.

اشواق /بحب لجدتها وهي تمسك يدها

جعلني قبلش ياجده كيفش انت من عمليتش

ان شاء الله احسن وليش ماعاد عودي للمراجعة.

الجده /وهي تناظر فيها وايش دراش اني سويت عملية.

اشواق /انا اللي سويت لش العملية ياجده

ولاكنت ادري انش جدتي والله لكن من شفتش

تعلق قلبي فيش.

حتى موعد مراجعتش استغربت اني ماشفتش.

علي/وهو مو مستوعب بنات اخوه كانوا حولهم ولايدرون.

قال سبحان الله ياأشواق اكثر من صدفة نلتقي ولانعرف

بعض وحلم جمعنا تفسيره.

أشواق /الحمدلله وهي تقوم واقفه عن أذنكم

بروح اشوف البنات وترى غداكم زاهب وهي تخرج.

محمد/وهو ماصدق انها تخرج الكلبه جريئه ماكأن

معها رجال جالسين ولا من قوة الوجه تبي تقهوينا

لو انها سوتها والله ماغير احرقها بقهوتها.

حس بغيرة عليها مايدري ليش وهي ماخذها

راحتها واخوانه موجودين .

وتسلم بعد وتقول عيال عمي واخواتي وعيال عمت عيونش

يارب .
متعودة على مناطح الرجال والجلوس معهم حتى

صار الوضع عادي.

فارس/ياارباااه عندنا بنات عم ولا ندري الحمدلله .

علي/وهو يناظر في ولده بنظرة لها مغزى فارس.!

فارس /بخوف سم يبه والله مااقصد شي اشبك

متغير من لقيت بنات عمي .

احمد/يبه ايش ناوي تسوي انت وجدي.

علي/كل خير إن شاء الله وهو ناوي انه

يوقف مع بنات اخوه مستحيل يسمح لأحد يأذيهم

حتى لو كان ابوه صح انه غير راضي عن وظائفهم

وخاصة خزامى .

ناظر في ابوه وقال وإلا يابو احمد ايش هو شورك.!

هيلة/ وهي تشوف زوجها الساكت وقفت وهي تجلس

على ركبها قدامه وتخلع شيلتها وترميها في حضن

زوجها وبصوت كله رجاءتكفى يامحمد طلبتك بنات

احمد لا يجيهم الضيم وانت حي تكفى وانا لك عصالك

اللي ماتعصاك وبصلح اللي راح والخراب اللي بيننا

بنات أحمد عماره.

محمد(الجد)/انتفض وهو يشوف زوجته

ترمي شيلتها عليه واول مره يشوفها تسويها

او تخلي شعرها مفتوح قدام احد حتى ولدها

وعياله.،؟

شاف شعرها الطويل المجدول نازل بحضنها

قام وهو يمسك شيلتها يلبسها ويقومها ويبوس

راسها ويجلسهاويجلس جنبها مسك يدها بقوة

رفع عيونه لعلي ولده وعياله بنات احمد في وجهي

واول مرة تخذله قوته وعيونه تمتلي دمع

والله ياهيلة يابنت ولدي مايلحقهم ضيع وهذا الراس

عايش.

هيلة /وهي تستند على كتف زوجها وتبوسه جعله يسلم

راسك يا أبو احمد .!

الجد(محمد)جاهد ان دموعه ماتزل

بس ماقدر غمض عيونه اكثر من مرة

هو غلط في حق ولده كثير غلط كثير

ولا بيعيد نفس الغلط مع بناته مهما

صار كان يتمنى لو يرجع ولده لحظه

ويعوضه لكن ربي رحمه ببناته

رغم ان صدره ضاق لما عرف ان ثنتين في مجال الطب

والثالثة مشهورة وهو رجال يضربه العار ويغار على

على طرف محارمه كيف وبنات ولده في مكان مختلط.

حط يده على كتوف زوجته وهو يسمعها

تدعي له هذا القرب اللي تمناه من سنين.

:

:

أشواق /في المطبخ وهي تفتح قدر المزين

أمها اصرت ان يكون غدا اهل ابوها من طبخهم

السواق ذبح الذبيحه واعطاهم وهي وريم

طبخوها مندي في قدر المزين

قسمت الرز واللحم في صحنين

زينته بمكرونه وبيض مسلوق وزبيب

وشرائح ليمون.!

شافت ندى تدخل قالت لها خلاص رتبتي السفرة .!

ندى خلاص جيت اخذ الصحون اخذتها وهي تخرج.

خزامى /وهي تحط سلطات وايدام في صحون.

وريم /تطلع الخبز من الصينية

أشواق /قالت انا بروح لهم وانتوا اذا خلصتوا

تعالي ياخزامى انت وندى سلموا عليهم .

وخرجت تطمن على امها وبعدين بتروح

لهم تقلطهم على الغدا.

:
:

علي/يبه انا لما جيت هنا زوجة احمد الله

يرحمه اعطتني شنطة في اوراق كاملة تخص

احمد وبناته وفيها وكالة شرعية ووصية لي ولك

احمد يبه بعد ماخرج من عندنا ماقدر يتوظف

اي وظيفة كان خايف ان احد يشوفه ويعرفه

ويعلمك عن مكانه اخر شي اشتغل في الحلال

مع منصور ابو زوجته الأولى رقية أم البنات

لكن بعد موت رقية تزوج عايشة علشان يساعدها

ويكون لها محرم اذا دخل البيت .!

الجده هيلة /ياضيم قلب ولدي تلقى المصايب كلها وحده

الله يطعن قلب أمك عنك ياأحمد تزوج مرتين وحده

وانجب ومحد فرح له وماتت زوجته وهي صغيرة

وتزوج عجوز كبر أمه يارب ترحم أحمد

وتعوضه خير ياكسر قلب أمك عليك.

علي/يمه أحمد كتب انه زواج كان على ورق

بس ماعمره قرب منها ماتزوجها إلا علشان

بناته وبس وهي في الحقيقة ماقصرت

مع بناته بيض الله وجهه شالت حمول كثيرة .!

محمد/بأندفاع إلا سود الله وجها رعية جماله

ومعروف سيبت بنات عمي المفروض انها

جتنا تسأل اي احد لين تحصلنا وتسلمنا

بناتنا إلا شردت بهم ديرتها .،!

وكل وحده مخليتها تاخذ راحتها اللي دكتورة

وسنتين وهي في كنده وحدها تدرس.

والثانية تخصص صيدلة والثالثه مشهورة

كل من هب ودب يعرفها

أحمد/بأنصاف وطبعه الحكيم تراك

غلطان إلا بيض الله وجها الف مرة

الحمدلله بنات عمي من احسن مايكون

لا خريجات سجون ولا رقاصات والحمدلله

وحكاية ليش مادورت علينا إلا هو عمي

ماقال لها عنا شي كيف هي تجي تدور.

ولما ابوي جاء يسأل عن البنات صح انها غلطانة

بس نلتمس لها العذر ولا نجحد فضلها .،!

كانت تخاف نحرمها منهم وهي صاحبة التعب

الكثير .،

علي /كل واحد من عياله قال كلام هو بيقوله

وكل واحد صادق في كل كلمه قالها .

ناظر في ابوه اللي ساكت وقال يبه

وهو يمد بورقة له هذي وصية من احمد

يقول ان بناته في ذمتي وذمتك لين

تقوم القيامة لا يلحقهم ضيم

والورقة الثانية صكه وكالة عامة لك

انت يأبوي على البنات

الجد(محمد)
وهو يلبس نظارته فتح كل ورقه وهو مو قادر

يركز في حرف واحد فقل الورق ومدها لعلي وقال

إن شاء الله بناته مايحلقهم ضيم وكل وحده من بناته

زوجها بيكون وصي عليها .!

ست ازواج من العيون كلها تناظر في الجد

كمل بعد ماسكت موجه كلامه لعلي

عيالك ثلاثه ياخذون بنات عمهم .

اول من ثاار محمد اللي وقف وهو

يقول مستحيل والله مااخذ وحده منهم

لو تنطبق السماء على الأرض.

عبدالله اللي وقف مثل المقروص

لاوالله ياجد مااخذ وحده منهم

انا مالي دخل اصحح غلطاتك انت وعمي .!

فنجان القهوة اللي ارتطم بفكه كان جواب جده.!

وبعصبيه فز جدهم واقف وهو يقرب

من سميه محمد والله لو سمعت واحد

فيكم جاب سيرة بنات عمه بالشينه

مايلوم إلا نفسه والزواج راح يتم

واللي فيه خير يقول ماابغى..!

انفتح باب المجلس ودخلت اشواق اللي سمعت صوت

هواش ولا قدرت تسمح بوضوح دخلت وهي تشوف جدها

وافق بعصبية ويضبط شماغه ،

قالت معليش تأخرت عليكم تفضلوا على الغدا الله يحييكم.

وهي ترجع توقف عند باب المجلس وتقول الغدا في المقلط

ابتعدت عن الباب وهي تشوفهم يدخلون المقلط والعصبية

واضحه عليهم خاصة جدها

تشجعت وهي تدخل بعدها وهي تناظر

في الأرض قالت الله يحييكم على واجبكم

واعذرونا على قل الكلافه.

جدها وجدتها وعمها بحب لها قالوا

لها بأصوات متفواته الله يكرمش يابنت

احمد وماقصرتي وكلفتي على نفسش

أشواق/جعلني فداكم اعز من جانا مابه كلافه الذبيحه

من الشبك و طبخها في البيت عز من زارنا

وخرجت.،

محمد/
ماصدق انها خرجت يكره فيها جرأتها وهي تتكلم

قدامهم جلس على السفرة بدون نفس بس ريحة

الأكل خلاه غصب يشتهيه ،

الجده (هيله)بأعجاب يالله انك تكثر خيرهم

ويحفظه ماشاء الله تبارك الله .

فارس /وهو يأكل لذيذ ماشاء الله

وحده دكتورة والثانية تخصص صيدله

والثالث مشهورة بس سنعات ماهو أميرة

الخبلة اللي ماتعرف تسوي شي.

علي/بحب لبنته فديت طاري أميرة

وانت يعني ماترتاح إلا لما تجيب سيرتها.

الجد(محمد)وهو يأكل من الخبز والمرق

قال تسلم يد من سوته والله ماله شبيه

إلا خبز يدش ياهيلة حس بألفه مع زوجته

وهو يحاول يصلح شي بينه وبينها كان مجرد

أمنيه او حلم والحمدلله انه رجع !

محمد/والله مااتوقع احد يجي يخبز مثل جدتي.!

فارس/هو يناظر في اخوه قال المشكلة انك تسب

الخبز وتأكل منه انت مايعجبك شي مرة.!

محمد/وهو بدون مايلتفت لفارس ويأكل ممكن تنطم.

علي/بطفش منهم انتوا ماغير مناقره ماتستحون

على وجيهكم .!

عبدالله /وقف وهو يقول جاد الله على من تكلف

يبه انا ماشي المطار رحلتي 6المغرب

يادوب اوصل الدنيا مطر وزحمة وعندي اشغال

بكره لا زم اخلصها قبل الظهر وهو يبغى يهرب

من تسلط جده وقراره.!

محمد /وهو يقوم وانا بروح اوصلك المطار واروح عند أمي.

الجد(محمد)/وهو عارف ان كل واحد منهم يهرب من

سالفة الزواج قال بأمر اسمع انت ويااه بنات عمك

مايتعدونكم وخاصة انت يامحمد الدكتورة اشواق تاخذها

وانت ماتشوف الطريق روح سلم على امك وبعد الفجر

وانت عندي سامع.!

عبدالله /عصب وانا والله لو تنطبق السماء

على الأرض مااخذ وحده منهم وخرج بعصبية.!

محمد/ناظر في جده وفي ابوه وخرج بدون كلمة .؟

انتهى

غراس الجنة/سبحان الله والحمدلله ولا اله الا الله والله اكبر يغرس لك بكل واحدة شجرة من الجنة".

17-04-17, 10:32 PM

المشاركة رقم: 122

المعلومات
الكاتب:	نبضي آبها
اللقب:	ليلاس متالق

البيانات
التسجيل:	Nov 2012
العضوية:	248010
المشاركات:	207
الجنس	أنثى
معدل التقييم:
نقاط التقييم:	922

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

توضيح الشخصيات

1/ الأب محمد احمد ال زايد

له من الأولاد اثنين أحمد وعلي التوأم

•علي اولاده محمد الكبير من زوجته الأول (مطلقها)

راح نتعرف عليها في البارت القادم.

ولده الثاني أحمد والثالث عبدالله والرابع فارس

وأميرة .(أمهم جميلة )

أحمد المتوفي زوجته الأولى رقية متوفية بناته اشواق

وندى وخزامى .!

•عائشة إبراهيم عيسى زوجها الأول سعيد وطلقها

لأنها (عقيم )

زوجها الثاني منصور ناصر ال مزهي سعودي عنده

بنتين رقية وريم وكل وحدة من أم مختلفة

وباقي الشخصيات راح تظهر وفق تسلل الأحداث

اتمنى تكون الشخصيات واضحه لكم

نزلت بارتين طووووووويلة مرررة حتى بدون مراجعة

البارتين هي هدية لكل وحده توقعت توقع صحيح

من بداية الرواية الى الفصل الرابع عشر

شكرآ لكم ولتواجدكم ولنا لقاء إن شاء الله الخميس

بارت يخص ريم اكثر 🌹🌹🌹

واذا خصلت البارت يوم الأربعاء إن شاء الله ينزل وماانتظر الخميس.!

17-04-17, 11:16 PM

المشاركة رقم: 123

المعلومات
الكاتب:	شيماء علي
اللقب:	قارئة مميزة

البيانات
التسجيل:	Feb 2015
العضوية:	289774
المشاركات:	1,941
الجنس	أنثى
معدل التقييم:
نقاط التقييم:	4305

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

😻😻😻
فصلين روعة روووعة روووووعة
وطلعت عايشة اللي مخبياهم 😑😑
ما توقعت ذا الشي ابددد

.
.

عيال علي طبعا متوقعة ردة فعلهم
بسس توقعت عبد الله بياخذ ريم مدري ليش

برجع بتعليق طويل لما اقوم من النوم ان شاء الله

17-04-17, 11:50 PM

المشاركة رقم: 124

المعلومات
الكاتب:	صباالجنووب
اللقب:	ليلاس متالق

البيانات
التسجيل:	Mar 2012
العضوية:	236809
المشاركات:	305
الجنس	أنثى
معدل التقييم:
نقاط التقييم:	707

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

[COLOR="GreenYellow"]الذين يشاهدون محتوى الموضوع الآن : 56 ( الأعضاء 12 والزوار 44)
‏صباالجنووب, ‏Amirah ahmad, ‏فتاة طيبة, ‏ذاكرة الجسد, ‏عبق فرح, ‏الورده الذهبيه, ‏ام البنين, ‏sareeta michel, ‏بيبي بيبي, ‏فياصل, ‏فيتامين سي, ‏ارادة الحياة

يااااااهلا ام خزامى )ماراح اناديش إلا أم خزامى يزيد خلاص تقاعد😂😂

💃🏽💃🏽💃🏽💃🏽💃🏽💃🏽💃🏽💃🏽💃🏽💃🏽💃🏽💃🏽💃🏽💃🏽💃🏽💃🏽

توقعي طلع صح عجوز النار هي سبب كل شي

محمد جعلك الماحي ليت فنجال الجد صااك راسك بدال عبدالله

رغم اني احس ان عبدالله وراها بلا يخص اشواق شكل البلاغ بينقلب ع اشواق

العكس بما ان عبدالله الواسطه هناك ؟؟؟

فااارس ياافاارس ضحكني ع طريقته في اقناع جدته علشان تسافر مع جده

ههههههههههههههههههههههههههههه مجنون رسمي والله

اهم شي فااارس لخزامى تكفين تكفيييين ..قد جهزت اغراض الملكة😅😅

في انتظارك يااعسل 🌺🌺

18-04-17, 12:01 AM

المشاركة رقم: 125

المعلومات
الكاتب:	ثرثرة حنين
اللقب:

البيانات
التسجيل:	Apr 2017
العضوية:	325063
المشاركات:	121
الجنس	أنثى
معدل التقييم:
نقاط التقييم:	336

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

السلام عليكم ورحمة الله وبركاته
البارت روعه وممتع جدا
لاكن فيه ثغره في بارت سابق قلتي ان الجد طلع ابرنت عن احمد يعني استعلام عن سجله المدني وماكان متزوج

والان قلتي ان زواجه وبناته مثبتات رسميا في بطاقة العائله الخاصه في احمد
مستحيل يكونون مثبتين رسميا ومايضهرون على سجله المدني