كاتب الموضوع :
فيتامين سي
المنتدى :
القصص المكتمله من وحي قلم الاعضاء
رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي
البارت الرابع عشر
خزامى /
تتجهز علشان اعلان الفلل ومعها أمها وريم
وندى أشواق مشغولة
مع الدوام وقالت لأمي تختار لها اي شي يعجبها
وفرحت أمي ماتوصف لهم رغم ان كل وحدة فيهم عندها
عقارات ويجيهم أجار سنوي ومبلغ كبير خاصة أشواق
عندها عمارة اربع ادوار عبارة عن شقق مفروشة
وعيادة خاصة لها ومجمع كامل .
وانا الحمدلله عندي راس مال كبير وكل يوم يزيد
محلات ومطاعم نسائيه كاملة اشتريت سيارتين جديدة
كان خاطري فيها علشان اكشخ فيها اذا بسوي أعلان
والحلم الكبير انها تشتري فله كبيرة مرة في بالها تصميم
معين كل الفلل اللي شفتها ماعجبتني اتمنى اسكن فله
كبيرة انا وأمي واخواتي بس أمي رافضة تقول بيتي
ماراح اخرج منه واللي تبغى فله تروح تسكن فيها
مستحيل نخلي أمي لوحدها مهما كان .
تذكرت الشخص اللي مشغل فكرها وقلبها فارس
جلست على سريرها وهي تفتح السناب بعد صراع
قررت تحذفه وحذفته بس عجزت تكمل رجعت تضيفه
من جديد وصارت تتابع يومياته كاملة وإذا مانزل شي
يضيق صدرها تعقلت فيه بشكل يوجعها حيل.
اول مرة في حياتها تضيف ولد بالعادة ماتضيف
ولا تتابع احد بس فارس غير اخذ قلبها
اضافها بعد الأعلان وقبلت الأضافة
ماتدري الى وين راح توصل مع مشاعرها
فتحت الاستديو على مقطع سناب له محفوظ عندها
واقف مع جده وابوه في عزبتهم ويضحك ويسولف
معهم صارت تراقب تعابير وجهه وهو يتكلم ويضحك
ضحكته تجنن ..فتحت مقطع ثاني له مشغل شيلة
ويلعب عليها(يلعب بمعنى يرقص )عندنا عيب اذا قلنا
الرجل يرقص الرقص فقط لنساء !
لابس ثوب اسود شتوي ماسك على جسمه المعضل
ولاف الغترة البيضاء بطريقة العمامه الأمارتية
شعره الأسود مقصوص على غير العادة واصل
لتحت رقبته ليش يخفف منه كان يجنن وهو طويل
ماسك عصا سوداء براس مدبب فضي ويلعب
ببراعة على الحان الشيلة لعب قزوعي وقف
وهو يتحرك يمسك يد جده ويوقفه ويسحبه
ويلعب معه كان جده يجاريه بنفس طريقة
لعبه كانوا ينزلون ويرتفعون مع بعض بدون
اي غلط حتى ضربت رجولهم في الأرض تكون
بنفس الوقت كان في قمة الجمال من كل النواحي
جمع جمال الوجه وجمال المظهر وخفة الدم .
المقطع الثالث وهو صاحي الصباح مداوم
صور نفسه وكتب صباحكم فارس وهويضحك
ماتدري كم مرة اعادة المقاطع والسنابات
صارت تعرف عنه اشياء كثيرة يدرس ثالث ثانوي
في مدرسة اهلية وصرح وقال انا دخلت مدرسة
اهلية علشان يعطوني 100٪بفلوسي طبعآ
ضحكت لما سمعته يقول كذا .
حتى جدته صارت تحبها على كثر مافارس يصور
وهي معه تسمع سوالفها تشوف فارس كيف يحبها
كيف يشتغل معها شكلها بتحب العائلة كلها والسبب
فارس حتى اخوه الغثيث يصوره وهو معصب وفارس
يطقطق عليه وفي النهاية يرجع فارس يبوس راسه
ويعتذر ..
واخته أميرة صارت علاقتها قوية معها على طول تتواصل
معها وطلبتها تجي مع ابوها اليوم علشان تشوفها قالت
مااقدر اخلي أمي لوحدها .
قالت لها طيب لما اجي الرياض عادي نتقابل في
اي مطعم قالت مااقدر اخواني متشددين مااقدر
اخرج ولا مكان بدون أمي .
فتحت صورة ثانية له وهي تناظر عيونه الواسعة
وحواجبه ورموشه الكثيفه طول خشمه ويباض بشرته
نقزت بخوف لما انسحب الجوال من يدها
ندى وهي تضحك علي شكل اختها اللي انخطف لونها
من الخوف رفعت الجوال وهي تناظر فيه وبسرعة
نزلته وناظرت في اختها ها رجعنا لفارس
مو قلت لش تحذفينه.
خزامى/سحبت الجوال بعصبية وهي تحس
بتسارع نبضات قلبها وخوف وخجل من ندى
ايش دخلش ياملقوفة وثاني مرة لا تعيدين الحركة
السخيفة ذي
ندى /اوكي ماراح اعيد الحركة لاني ذحين بروح
اعلم أمي وبتصل في أشواق واقول لها كل شي .
خزامى / وهي تشوف ندى بتخرج ندو بالله لا تعلمين
أحد جزاتي اللي وثقت فيش وقلت لش كل شي .
ليش كذا بدال ماتساعديني تفضحيني عندهم .
وبأستعطاف وضح من نبرة صوتها وخوفها من
انكشاف امرها خاصة من أشواق اللي بتذبحها
وأمي مستحيل تعارض اي قرار من اشواق
ندو حبيبي ترى مايجوز تفضحين إنسان استري علي
الله بيستر علاش .
ندى /وهي تشوف خزامى كيف تتراجاها حبت انها
تبتزها واصلآ مستحيل انها تروح وتعلم أمها وأشواق .
قالت لها تبغين اسكت .!
خزامى /بفرح ايه تكفين ندو طلبتش.
ندى/بلعانه ذحين تطلعين الساعة جيس ومونتانا.،!
خزامى /بصدمة ايش تقصدين اللي من الركن
السويسري،
ندى/ايووه عليش نوور اللي من اخر اعلان جبتيها
عجبتني وخاطري فيها.
خزامئ/لا بالله ماصدقتش اقوول روحي بس،
ندى/اوكي لا تعطيني عادي وشوي راح اعلم
أمي عن فارس واقول لها ان ابوه صاحب
الأعلان وانش متحمسه علشانه هو.
ندى وبلعانه عادي تعرفين أمي سم قلبها الكلام
اللي مثل كذا .
توقعي انها تحلف عليش ماعاد تمسكي جوال
حياتش كلها ولاتخرجي من الباب.،
اتوقع انت تعرفين أمي عايشه زين.
خزامى /بجزع وقهر يااحماررره خلاص تعالي
خذيها الله لا يهنيش فيها هي تعرف امها زين لو عرفت
والله ماعاد تشوف شي اسمه جوال .
ندى/وهي تحاول ماتضحك ايش قلتي تدعين علي
أنا إنسانه عندي كرامة مستحيل اخذها وانت تدعين علي
ماعاد ابغاها بروح اعلم أمي .
خزامى /ندى بلا لعانه ليه انت نذله كذا
ايش تبين اقول لش .!
ندى /وهي مستمتعه وهي تبتز خزامى أول مرة تكون
ضعيفة كذا .
تروحين تجيبين الساعات وتقولين تفضلي عمتي ندى
وتبوسين راسي ويدي .
خزامى / لا ياشيخة اقول ترى زوديها انت .
ندى /خلاص برروح وقبل تخرج سمعت صوت أمها تنادي
عليهم رجعت لفت لها وقالت فديت أمي اختصرت على
المشوار صارت قرريب وهي تضحك على شكل اختها.
خزامى /بأستسلام خلاص انتظررري
وراحت عند درج التسريحة وسحبت علبتين
واعطتها لندى اللي ترقص حواجبها وتضحك
قالت لها تفضلي واخذتها.
قالت ندى وهي حابها تطفشها ماكأنش نسيتي
تحبين راسي وقبل ماترد خزامى قالت لها
خلاص مابغى توسخين راسي دوبي متسبحه.
وقبل تخرج وحطي في بالش من اليوم ورايح
راح يكون سعر اي اعلان عندش بيني
وبينش بالنص وخرجت بسرعة قبل ماتسمع ردت فعل
خزامى على كلامها من وين نزلت علي يافارس
والله مااخلي خزامى في حالها عرفت نقطة ضعفها.
خزامى /وهي مقهوره من ندى ليتها ماقالت لها صارت
تبتزها خلصت ليس بسرعة وهي تتمنى تشوف فارس
رغم انها متأكده ماراح يجي مرتبط بدوام مدرسة
والعصر مع المطعم المتنقل اليوم كله ماصور ولا سناب
يتغلى فارس.
خرجت وهي تشوف اخواتها وامها راكبين ركبت بصمت
وهي تفكر في حالها ليه انا صرت كذا ليه من قبل
مااعرف فارس وانا مرتاحة كان كل همي كيف اكون
نفسي ومشاريعي بس ذحين فارس اشغلني حيل .
سمعت السواق يسأل عن المكان ردت حي الورود
بعد شركة الخالد للأثاث اللي قبل يومين سويت لهم اعلان
السواق عمر ايه خلاص عرفتهم.،
سندت راسها على شباك السيارة وهي تناظر
الجبال جبال السودة الشاهقة المكسوه بالخضار
والضباب يعانقها من كل مكان .
...............................................
محمد/
واقف قدام سيارته ويتصفح جواله طفشان
المفروض انه خلاص في نجران بس ابوه اتصل
وقال بما انك باقي عند امك العصر تروح عند الفلل
خزامى بتجي تسوي لها اعلان انا ماعاد بجي فاتتني
الرحلة
وهذا هو واقف من بعد صلاة العصر وحضرتها ماجت
كرهت هذي الخزامى كره العمى افكر واقول وين اهلها
ابوها اخوانها اعمامها خوالها معقولة محد فيهم
عنده ذرة غيره عليها المصيبة انها باقي صغيرة
وعادي ماخذها واحتها بكل مكان رفع راسه وهو يشوف
السيارة اللي جنبه جمس يوكن شفروليه تاهو 2017
ابيض كرستالي نزل النظارة وهو يتمعن فخامة
الجمس اللي قدامه يحق لها مشهورة اقل اعلان
عندها عشرة الاف ريال .
ابوي علشان اعلان الفلل دفع لها 40الف.
اقل شي قيمته الجمس ذا 170الف ريال .
رجع يلبس النظارة ويشوف في السواق اللي نزل
يفتح لها الباب مرة متغمسة دور المشهورة والمهمة .
شافها تنزل وجزء من ساقها واضح بسبب العباية المفتوحة
حذاء ابيض و تركواز (اديداس اروجينال)
وقفت وهي تحط الشنطة على كتفها وتعدل النظارة
العريضة على عيونها عبايتها تحتاج عباية ثانية.
خزامى /كانت متعلقه بأخر آمل انها تشوف فارس
اليوم او ابوه على الأقل بس تحطمت لما اتصل عليها
علي صاحب الأعلان واعتذر يقول فاتته الرحلة
بس ولده ينتظرها ارسل لها كل شي يخصص الفلل
ولما شافت اللي واقف ينتظرها زاد ارتباكها وخوفها
تتمنى ترجع خلاص هو اللي تكلم عليها مستحيل
تنسااه ناظرت فيه واقف لابس بنطلون قطن اسود
وبلوزه ابيض كت خافت منه حيل طويل وخضم
ماقدرت تحدد نظراته لها وهو لابس النظارة
حاولت تتشجع وهي تتقدم له وهو تشوفه يكلم في
الجوال يقول خلاص ابشر يبه هذا هي وصلت
على خشمي مع السلامه ونزل الجوال .
قربت منه وهي تقول بصوت خافت السلام عليكم .
محمد/وهو يناظر فيها وهي تقرب منه ريحة عطرها وصل
لين المخ عنده من قوته سمعها تسلم بصوت ناعم .
مارد عليها وبخشونه وأمر شوفي وهو يأشر بيده
هذي الفلل ادخلي شوفيها وانتبهوا داخل في عمال
في الحوش الخلفي لاتروحون هناك .
مايدري ليش قال لها انتبهوا ندم لما قالها ..
تحركت خزامى مبتعده عنه وكل خليه بجسمها ترجف
تحس رجولها بتدخل في بعض وصلت السيارة
وكلمت امها واخواتها ونزلوا وهي تتقدمهم دخلت الحوش
كانت خمس فلل نفس التصميم لكن تختلف المساحة
امها واخواتها انبهروا في الفلل والتصميم .
ريم قالت تبي الفله اللي مساحتها صغيرة على قد فلوسها
وماتحتاج اشواق تكمل لها المبلغ .
أمها اختارت الفله الكبيرة لأشواق والثانية مساحتها نفس
مساحة فلة ريم أمي حلفت ماغير اخذها غصب.
كملت تصووير الفلتين الباقي ..
وخرجوا امها تعبت من المشي فرجعت السيارة مع ندى
وهي ريم راحوا عند محمد يكلمونه .
محمد كان في السيارة ولما شافهم نزل رفع عيونه
لخزامى وهي تقترب منه ومعها وحده اقصر منها
نفس استايل اختها خزامى عباية على الكتف بس
اهون من عباية خزامى اللي عبارة عن حفلة .
خزامى /وهي تقوي نفسها علشان تكلمه لو سمحت حنا
بنشتري ثلاث فلل رقم 1-3-4.
محمد / نزل النظارة من عيونه وبنظرات كلها احتقار
خاصة وهو يشوف عيونهامليانه كحل ورموشها الطويلة .
بياض يديها والمناكير بلونها التيفاني الخواتم والساعة
كانت عبارة عن فتنة تمشي على الأرض ذي مستحيل
ذي مستحيل يكون عمرها 17سنه .
خزامى/ تلقائي وهي تحتضن نفسها بيديها
وتقرب من ريم كأنها تحمي نفسها من نظراته لها
كلها نظرات احتقاار ومارد عليها اعادت نفس الكلام ..
رد بسرعة وهو يبي الفكه منها قبل ياهور ويقوم يسحبها
في الشارع طول بعرض كفاية المرة اللي طافت ابوه زعل
منه علشانها رد بنبرة كلها كره خلاص ذحين نروح
المكتب علشان نوقع العقود واتوقع انش تعرفين الأسعار
ولازم يكون عندكم الأثبات الشخصي الأصل وليس
الصورة بطاقة الأحوال وهناك راح نصورها .
خزامى/كانت ناوية تعترض على الأسعار خاصة
فلتها هي وريم لأن المساحة صغيرة بس لما عرفت
انه بيروح معها توقع العقود والله ماعاد تقدر تقول
حرف قالت له خلاص روح وحنا نلحقك ..
انسحبت من قدامه وهي تمسك يد ريم .
ريم /وهي مستغربه من تصرفاته ونظراته لهم
قالت خزامى ليش يناظر فينا كذا .
خزامى /مدري عنه يااريم اتوقع انه مرريض
ماحبت تقول لهم انه هو اللي تكلم عليها.
......................................................
عايشة(الأم)
خلصت صلاة المغرب وهي تحس بضيق في التنفس اليوم
بذلت مجهود وهي تمشي في الفلل وتشوفها فرحتها
ماتقدر توصفها ذحين تحس انها ارتاحت على الأقل
صار كل وحدة فيهم عندها بيت ملك وظيفة ومدخل زرق
ثاني غير الوظيفة واحسن شي انهم بنفس المكان .
وباقي ندى اللي رفضت تتوظف تقول
تبغى ترتاح السنة ذي وانا يمه مرتاحة وانا اخدمش
واجلس معش .
اكثر من مرة كلموها يهدون البيت ذا يبنون فله كبيرة
مشتركة بينهم ويكتبون عقد الفله بأسمي ورفض .
أنا حتى رواتبهم مستحيل اخذ منها ولا ريال
وانا ازيد من عندي لهم اليوم تمنيت الفله الرابعة
لندى لكن سعرها كبير وماعندنا المبلغ الله يعوضها
ويحفظهم لي ضحيت بكل شي علشانهم وتعبت
وماخرج من الدنيا إلا بهم اذا شفتهم ارتاح وانبسط
تمنيت ان كل وحدة فيهم متزوجة لكن الله ماكتب
فرحت في اشواق ومااكتملت الفرحه .
وهي خايفة عليهم من الدنيا عقبها والمرض هد حيلها
ماعاد تقدر تتحمل ادنى حركه سبحان من ابتلى
عباده بالمرض كنت انا اعلاج الناس من يوم وانا
صغيره كنت احلم ان يدي اليمين كلها تسيل عسل
ولا اعرف ايش معنى الحلم المستمر معي .
بس كنت اعالج الناس بالأعشاب والعسل..
اعالج عقم النساء البهاق والبرص كنت اعالج كل
الأمراض واعجز عن علاج نفسي .!
ولا كنت اشترط فلوس او مبلغ اللي يعطوني ارضى به
واكثر من مرة تجيني المباحث ويمسكوني
شاكين فيني اني ساحرة واستخدم السحر.
ويكتب الله لي البراءه
مرة اخر الليل الباب كان يدق بقوة وزوجي مسافر
فتحت وكنت احسب انهم ناس يبغون علاج .
إلا حرمتين طول بعرض مسكوني وقالوا لش
4دقايق البسي عبايتش وتعالي معنا قلت لهم بخوف
وين بنروح قالوا خلصي وبعدين راح تعرفين
وانا ارجف من الخوف لبست ورحت معهم
وساعة وانا في السيارة ماادري وين بنروح
واكثر من سيارة تمشي قدامنا دخلوني قصر
كبير اول مره في حياتي اشوفه وقالوا لي انتظري
وأذن الفجر وانا بنفس الغرفة وماشفت احد قمت صليت
كنت خايفه علي بناتي صغار وحدهم وخايفة على نفسي
انفتح الباب وتدخل علي حرمتين معهم ملابس طبية
وادوات تعقيم قالوا غيري ملابسش والبسي ذي وعقمي
نفسش لش عشر دقايق وبنرجع ناخذش سويت اللي
قالوا لي عليه ودخلوا علي ورحت معهم في اسياب طويلة
والمكان فاضي موحش لين دخلت غرفة كأنها غرفة عناية
مركزة سرير طبي وعليه ولد شباب من اجمل ماشفت
موصل بخشمه جهاز اكسجين وانبوب ثاني واجهزة
كثيرة اول مرة اشوفها وهو كأنه نايم مايتحرك فيه شي
عنده ممرض وممرضة واقفين لابسين كمامات ..
ورجل بنفس عمر زوجي واقف معهم ولابس
جونتي وكمامات طبية ناظر فيني وقال انت عايشة
قلت له ايه وانا بموت من الخوف وارجف .
قال لي وهو يشوفني كيف خايفة قال انا والله مااعرفش
ابد ولاعمري سمعت عنش لكن لي اكثر من سنة
وانا احلم فيش تأكلين ولدي ذا عسل وهو يأشر
على ولده .
ومرة وانا نايم اسمع صوت هتاف يقول علاج بندر
في يد عايشة في قرية الخضراء في السودة .
قربت من ولده و قلت له كم عمره وكم له تعبان .
قال بحزن وهو يمسح على شعره عمره 16سنة
خرج من بطن أمه مثل اي طفل طبيعي.
وبعد خمس سنوات فجئه ماعاد تكلم ولا تحرك
ولا شي 11سنة وهو علئ ذا الحال.
ماخليت به مستشفى داخل وخارج المملكة
إلا رحت به وقالوا ماله علاج.
قربت منه وهي تناظر في الولد سبحان
من اعطاه الجمال هذا
لكنه جلد على عظم مايتحرك فيه شي
اصابع يديه متشنجه وبين اصابع يده
حاطين شاش علشان ماتتجرح
شفايفه البيضاء الجافه .
شافت انبوبه موصله في خشمه انبوب تغذية
وانبوب ثاني للاكسجين موصل بالاسطوانة
شالته ولما شالته سمعت ابو الولد يصيح
لا تكفين رجعيه والممرض الممرضة دفوني
ويحاولون يرجعون الأنبوب بسرعة .
قلت له ماراح يموت صدقني ابغى اشوف
ايش في حلقه لازم اشيل الأنبوب علشان مايتعور.
قال لي بخوف انت متأكدة .
قلت له انا وانت وهو كلنا بالله.
قال لي خلاص شوفي شغلش .
شالت الأنبوب وفتحت فمه وفعلا اللي كنت شاكة
في حصلته دخلت اصبعي داخل حلقه ورفعتها لفوق
بسرعة وفي اقل من ثانية إلا دم اسود كأنه نافورة
من فم وخشم الولد وبعدها ماتدري كيف انحذفت
على الأرض وصوت ابوه والممرضين يصيحون علي ..
قام ابوه لعندي ومسكني بقوة لدرجة انه رفعني عن
الأرض ويهدد ايش سويتي في ولدي يامجنونة
يامتخلفه قسم بالله لويصير له شي ماغير انفيش
من على الأوض شكلش ماتعرفين انا مين .......؟
لما سمعت الأسم بردت كل اطرافها دفعها على الأرض
وراح يشوف ولده وهي مصدومة ايش جابني هنا انا .!
شوي سمعته يقول يارب لك الحمد يارب لك الحمد
قامت واقفة وهي تروح تشوف سبحان الله الولد يحرك
راسه فتح عيونه يحاول يتكلم بس صوته رايح وحلقه جااف.
لف لها الرجال وهو ينسى نفسه وينسى هي مين
انكب على يدها وهو يبوسها ويرجع يبوس راسها
قال لها اطلبي لش من المية الف لين المليون.
انت انقذتي ولدي الوحيديأست انه باقي يقوم.!
قالت له وهي تعدل عبايها على راسها
هو طاح وهو صغير على راسه صح.
الرجل/والله مدري انا واحد راعي سفر ولا اجلس كثير
عايشة/ إلا طاح طيحه قوية على راسه كانت عظمه
ساده مجرى التنفس والأكسجين مايوصل بكمية كافية
لباقي اجزء الجسم خاصه المخ علشان كذا التشنج
واضح من يديه المعكوفه على قدام .
قال لها اطلبي وانا مستعد بلي تبينه.!
عايشة /الله يكثر خيرك ماعمري اطلب حقي
بتعطيني راضيه فيه .!
وذحين رجعني تكفى تأخرت على بناتي
في مكان( قفره )بمعنى المكان المنعزل عن الناس
لوحدهم ابوهم مسافر.
الرجل /ابشرري مالك إلا كرامه
وهو ينادي وليد
دخل وليد وهو يقول سم طال عمرك.
الرجل/اكتب شيك ب 100الف واعط الخالة عايشة
ووصلها بيتها بنفسك .!
وليد بطاعة ابشر كتب الشيك ويمده لها .!
ناظرت في وليد وفي يده هي ماتعرف ايش هو شيك
ولا تقرأ ولا كتب قالت له والله مااعرف ايش شيك
فهم عليها ابو بندر وقال لوليد اعطها نقدآ .
واستفادت من المبلغ هذا واخذت لها سواق
وسيارة واعطت باقي المبلغ لأخوها خليل اللي
كان محتاج فلوس متزوج حرمتين وماعنده وظيفة
وكان زعلان منها اعطته فلوس علشان يرضى عنها
وفي النهاية ماات وهو زعلان مايكلمها .
علي/
جالس مع ابوه اللي فارس جابه وأمه وزجتة وأميرة
جواله بيده يراسل خزامى اللي قالت له هي واخواتها
بيشترون ثلاث فلل وتبغااه يراعيهم في السعر
قال لها راح اراعيكم في سعر فله وحده بس
لان الفلل في موقع ممتاز ومستحيل يبيعها بخسارة
وكان محتار يختار مين قال لها انت سوي قرعة بينكم
واللي يخرج اسمها راح اسوي لها تخفيض كبير
والقرعة طلعت من نصيب ريم حظها .
والشي اللي مستغرب منه انهم اخوات كلهم
على كلام خزامى ليه كل وحدة فله مستقلة.
باقي عنده فلتين ماراح يستعجل ويبيعها
كل الأتصالات اللي جته من بعد الأعلان
رفض يبغى فيها سعر حلو لأنها كبيرة ..
انتبه لأمه وهي تكلمه .
علي /ايش رديت على خالك وولده في زواج فهد واميرة.!
دق علي عتبان عليك يقول يتصل عليك ماترد.
علي /وهو يرجع يناظر في أميرة وهي تشغل
نفسها بالجوال.
ابد يمه كلمني وقلت له مافي زواج لين فهد يتوظف
يتوظف وظيفة حكومية ووقتها يجي الله يحييه.
واتصل خالي مرتين وكنت مشغول ونسيت ارجع
اتصل عليه.
أمه /وليش ياولدي تنشبها وهي سهاله
خالك يقول ان المهر زاهب والبيت زاهب
ويبشر علي باللي يبغى وفهد يمكن ينزل اسمه الشهر
الجاي.
علي/بطفش من السالفة ذي من سنة وهي تكرر
لو بكيفه والله مايزوج أميرة وحيدته
يمه مانشبتها والله ومن حقي اضمن مستقبل
بنتي ولاعندي إلا بنت وحده ليش استعجل عليها
من وين بيصرف فهد على بنتي يمه ياخذ
مصروف من أمه وابوه .
وبنتي مدلله عندي ليش اجيب لها الضيم.
والبيت يمه سبق وقلت لخالي ابغى لبنتي
بيت مستقل .
وهو يوجه كلامه لأبوه وإلا ايش رايك ياابو احمد.
محمد(الأب)
وهو سمع كلامهم قال بصرك في بنتك اللي تشوفه صح
انا معك وسكت ورجع يناظر في زوجته اللي ماعبترته
بكلمة او نظرة جاء عنده فارس في المزرعة وحصله
تعبان وحلف ماغير اجي معه .!
فارس /بلعانه وهو يناظر في أميرة اللي باين
الخجل في وجهها وهي تحاول تلهي نفسها بالجوال.
يبه ليش تنشبها على قول جدتي من زينها أميرة
ماادري ايش عاجب جدي علي وخالي حسن فيها
المفروض ذي نعطيهم مهر غير انها شينة وغثة وخبلة
ماتدري وين الله حاطها وهو يضحك .
أميرة /بأندفااع الشينه زوجتك وانت الشين .
فارس /ضحك بقوة وين اللي قبل شوي
مستحيه وساكته وزوجتي لا تجيبين طاريها الحب
جعلني فداها .
هيلة / اللي جالسة جنبه وتناظر فيه بحب يالله في الصلاح
تتفدا لوحده ماتعرفها الله يزينك بعقلك ولا يضحك
الناس عليك .
فارس /وهو يمسك يدها تشوفين يالجده كيف بحبها
واموت فيها ومن ذحين الكلام موجه لش انت وأمي
زوجتي مالكم دخل فيها لا تستقعدون لها زوجتك سوت
زوجتك فعلت من ذحين اذا تزوجت انسوا ان عندكم
واحد اسمه فارس اجيكم كل جمعة وخلاص .
هيلة/ وهي تضحك ياغبن قلبش ياهيلة وهي تحط
يدها على شعره بسم الله علاك ياولدي خرج وجهك
يوم بقيت من شعرك لاعاد تخليه يطول .
جميلة/ وهي تحاول تمسك عبرتها ولا قدرت صارت
وتبكي و من خطبة بنتها بولد اخوه وهي خايفة
من اليوم اللي بتروح بنتها الجنوب وتخليها
ابوها و اخوها اكثر من مره يكلمونها يبون الزواج
قريب وكل مرة تتعذر لهم بعذرهي وزوجها.
فارس /وهو يشوف أمه اللي تصدد بوجها وتمسح
عيونهاوقف وراح لها وجلس جنبها وحضنها افا
جمول تبكي ليش علشان الشينة أميرة هوني
على روحش باقي مابتتزوج ذحين احسبي لولد اخوش
النشبة الثاني كم سنة يعيد اختبار الهييئة
وبعدين مستحيل أميرة تتزوج قبلي عيب وشق
جيب ضحك وهو يشوف أمه تبتسم .
هيلة/وهي تشوف بنت اخوها اللي حالها
مايسر عدو ولا صديق ومحد يلومها لو بكت
ذي بنتها الوحيدة و بمواسه لها جميلة يمه صلي على
النبي ذا حال الدنيا وبنتش ماهي عند غريب
عند خالها وبيهب شانه بها
عنش انت تزوجتي ورحتي مع رجلش الرياض
وخليتي اهلش في الجنوب.
وانا تزوجت وانا دون دون(بمعنى اصغر منها سنآ)
عن أميرة فديتها والحمدلله ماصار شي .
جميلة/وقفت بدون ماترد وخرجت شقتها وتلحقها
أميرة .!
هيلة /يالله انك تريح قلبها وتشفيها يارب
وانت قووم الحق مرتك موجها كلامها لعلي.،
علي ولا علق بكلمة على زوجته مرة شايل عليها
بقلبه وطفش منها وهو مربوط بعياله ومربوط من
خاله وعياله لكن لجل عين تكرم مدينة
قام واخذ وجواله وقبل يخرج سمع ابوه يناديه .
علي /رجع يجلس لبيه ياابواحمد أمرني،
الجدمحمد /بعد صمت ولاهو داري ايش يقول
وانت ياهيلة انا لي فترة طويلة احلم في
احمد الله يرحمه وسبق قلت لكم وسكت ويحس قلبه
يتفطر على فقد ولده لكن الشهر هذا كل ليلة وانا
احلم بنفس الحلم يجيني احمد لابس احرام
وبيده كيس ويقول كلام كثير ولا فهمت منه
إلا يبه انا عريان لبسني ملابس .!
علي وهو يناظر في أمه اللي تناظر
في ابوه بدون اي ردة فعل.
الله يرحمه ويغفر له وانا احلم به كثير الأيام هذي
ولا ادري ايش تفسير الحلم.
هيلة/وهي تغموض عيونها لايكون ولدي مات وعليه دين
ويتعذب.
محمد (الجد)والله ماادري تصدقت له بنيت له مسجد
وحفرة بير.
فارس/ هو يسمع كلامهم عن عمهم اللي مايعرفون
عنه شي غير انه خرج ولا رجع إلا ميت .
قال اعرف مفسر احلام ثقه اعطيكم رقمه وقولوا
له الحلم يمكن له معنى .
علي /خلاص ارسله لي واتس وانا اكلمه بكره
انا وجدك خرج هو وولده فارس وهو يفكر في
اخوه الميت والأحلام المتكررة ..!
محمد(الجد)وكل ندم الكون يأكل روحه من وقت ماخرج
ولده وهو يتعذب وساكت اصعب شي انك تدفن جزء
منك في التراب بيدك واكثر شي باقي يحرق قلبه
انه كان قاسي عليه باقي يتذكر كيف كان يضربه
لما جاه خبر موته كأنه حلم يقول اكيد تشابه اسماء
مستحيل ولده يموت باقي صغير بعد مادفنه مابكى مرة
الكل يحسب ان موت ولده كان عادي عندي وماآثر عليه
وكان يشوف في وجوه المعزين كلام عرفه بدون
حتى ماينطقونه تجلد وصبر وهو يتقطع من داخل.
خلصت أيام العزا وبعدها انهار لوحده وبكى
لأول مرة في حياته يبكي .!
ناظر في زوجته في المطبخ المفتوح على
الصالة وهي تشغل نفسها يعرف طبعها
اذا متضايقة تروح تشتغل وقف وهو ياخذ شماغه
على كتوفه يبغى يخرج يروح عزبته مكانه
من مات ولده بأمر وطلب من زوجته اللي حرمته على
نفسها سنين وهو محروم منها كيف صبر مايدري
وقبل يخرج وقف وهو يشوفها معطيته ظهرها
والمنديل اللي مغطيه به شعرها رفعت اطرافة لفوف
دخل عندهاوقرب منها لين لصق فيها وصار يشم
ريحتها اللي يعشقها نفس الريحة ماتغيرت ريحه
مميزة في هيلة وبس .
هيلة/غمضت عيونها لما حست فيه ولاعندها طاقة تتكلم
هي تتمنى بس تشوف ولدها حلم ولامره حلمت فيه.
مسحت يدها من المويه وهي تحاول تحاول تفك يدين
زوجها لما حست فيه يتمادى .
محمد خاف الله فيني انا تعبانة لا تزيد علي لو تدري
ماهو بقلبي والله ماتفعل كذا احشم شيب راسي وراسك
لا يدخل علي ذحين ولدي وإلا عياله وانت كذا .
وهي تدفه انا قد حرمتك على نفسي خلاص .
محمد/وهو يرجع يمسكهاويلف وجها له كيف تحرمين
مااحل الله كيف ترى الملائكه كل يوم تلعنش
من زمان وصلاتش وصومش وحفظ القرآن ماتفيدش
وانا غضبان عليش وهو يناظر في وجها
اجمل من شاف في حياته حبها حب قسوة
كان عنيف معها بكل شي حتى مشاعرة
كان غيور عليها لدرجة مايسمح لها
تخرج مكان حتى عند جماعتهم.
هيلة/وقلبها يتقطع من كلامه هو صادق ان الملائكه
تلعني لكن ماعاد لها رغبه في قربه و في حياتها
حست فيه وهو يقرب راسها ويبوسه فكها وخرج
انتهى
غراس الجنة/سبحان الله والحمدلله ولا اله الا الله والله اكبر يغرس لك بكل واحدة شجرة من الجنة".
|
15-04-17, 07:34 PM
جديد مواضيع قسم القصص المكتمله من وحي قلم الاعضاء
العرض العادي
