جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي أبها - الصفحة 17

14-04-17, 10:39 PM

المشاركة رقم: 81

المعلومات
الكاتب:	نبضي آبها
اللقب:	ليلاس متالق

البيانات
التسجيل:	Nov 2012
العضوية:	248010
المشاركات:	207
الجنس	أنثى
معدل التقييم:
نقاط التقييم:	922

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

البارت الثالث عشر

اشواق

بعد ماتطمنت على ريم تحس اليوم انها احسن

مر اكثر من اسبوع ثقيل علينا وعليها هي بذات

الشي اللي صار لريم وانخفاض السكر المفاجئ لأمها

كلها احداث ثقيلة على روحها غير جدول دوامها المزحوم

ماتقدر تاخذ يوم واحد إيجازة مرتبطة بتدريب طلاب

الأمتياز ودوام رسمي في مستشفى حكومي

عيادتها الخاصة تحس انها مقيدة بشكل كبير

مرات تحس انها ندمانة انها دخلت مجال الطب

المجال هذا اخذ منها كثير وهي بطبعها صابرة

بتتحمل بس تحتاج تنام سنة قدام وترتاح

تحتاج ترتااح تعبانة نفسياآ اكثر من جسديآ.

بس لازم تكون قوية وتمثل قدامهم انها قوية وتتحمل

علشان أمها اللي تعتمد عليها بشكل كبير

اكثر حتى من ريم وعلشان اخواتها

خاصه بعد اللي صار مع ريم

دخلت عند أمها وهي تشوفها قاعدة

على سريرها والتعب واضح على معالم وجها .

تورم جسمها خاصة رجولها صعوبة التنفس

ومستحيل تشكي لهم .

وقفت قريب منها وهي تشوف جنبها على السرير

صينة فيها أكل عبارة عن قرصان بر اسمر

وصحن فيه سمن والثاني عسل وفنجال قهوة

تأكل بشرود وذهن غايب ولا حست فيها وهي توقف عندها

قربت منها لين انتبهت لها أمها وهي تشوف كيف ابتسمت

لها بمجرد ماشافتها.

عايشة/فديت ذا الفال وذا الوجه تعالي يمه كلي معي.

أشواق /مالها نفس تأكل شي جلست قريب منها

وتمد يدها لصحن علشان تجبر بخاطر أمها.

عايشة /وهي تناظر في وجه أشواق بحب

عظيم تحس لما تشوف بناتها انها تملك

الكون كله يكفيها من الدنيا انهم معها وحولها.

تحس ان اشواق بخاطرها شي من رجعت من الدوام

مرت سلمت عليها وكان في عيونها كلام ولاحبت تضغط

عليها تعرف انها راح تجي وتقول لها في الوقت المناسب

تعرف أشواق انها غامضة ولا تشكي مثل خواتها

كتوم ولا ادري ايش بخاطرها بس تعرف ان شخصيتها

قوية وحكيمة وتوزن الأمور بعقل وحكمة علشان كذا

ما اعارض اي قرار تتخذه .

اخذت فنجال القهوة وشربت منه شوي

وخلته في يدها وهي تناظر في أشواق

قالت لها ايش معش من علم عساه خير .

اشواق /وهي تغمس الخبز في السمن وبعدين

في العسل وتاكل بتلذذ وفي محاولة هرب فاشلة

من أمها مين من البنات مسوية الخبز يجنن.

عايشة/نزلت الفنجال من يدها وبحزم

أشواق قولي ايش معش من علم تراني

ساكته عنش لي اسبوع .

أشواق /وهي تزفر بقوة مسحت يدها بالمنديل رفعت

عيونها لأمها يمه جعلني قبلش .

وقبل تكمل انتفضت امها بجزع استغفري استغفري

الله لا يستجيب لش لاوالله جعلكم الباقي انت واخواتش

وجعل سنينكم تبطي ولا اذوق لكم حزن وبغضب

كم مره قلت لكم لاعاد اسمع وحده تتفداني وتقول

جعلني قبلش .

أشواق /طيب طيب ابشري ماطلبتي شي.

المهم انا جيتش وعندي علم يخصش انت وعلم

يخصني انا .

وهي تناظر في أمها الساكتة وتناظر في وجها

كأنها تقول كملي.

العلم اللي يخصش يمه نتائج التحاليل اللي اخذتها

منش طلعت اليوم يمه لازم تراجعين عيادة السكر

ضروري يمه السكر عندش ماهو مستقر مره يطلع

ومره ينزل والضغط نفس الشي .

بلعت ريقها بصعوبة وهي تناظر في أمها وعندش

وظائف الكلى منخفضة مرة ومجموعة حصى

في المثانة والحالب تحتاج تدخل جراحي .

لازم تاخذين حبوب الضغط بانتظام وحبوب الأسبرين

علشان الجلطات بعيد الشر عنش .

ولازم تروحين معي المستشفى علشان السكر يحددون

تاخذين حبوب او ابر .

وامشي على جدول تغذية حمية السكر

علشان تتعدل نسبة السكر عندش يمه.

ناظرت في أمها اللي مطنشتها

وهي تغمس الخبز في العسل والسمن

تاكل ولا عبرتها بكلمة او اي ردت فعل.،

قالت يمه سمعتي اللي قلته لش.

عايشة/الله ياسمعته ودخل من هنا وخرج

من هنا وهي تأشر على أذنها.

تبغين اخذ حبوب والله ماتطب بطني ووالله ماغير

آكل اللي خاطري به والموت واحد .

يعني اذا اخذت علاش ولا بموت هيا لاعاد اسمع كلمة.

أشواق /وهي متوقعة من أمها لانها ماتحب المستشفى

ولا عمرها تذكر انها راحت مستشفى تقول انا اعالج

الناس بعجز اعالج نفسي .

حتى التحاليل غصب رضيت ان اشواق تاخذها

قربت يدها من أمها وهي تمسكها عجزت حتى

انها ترتب الكلام وهي تعرف عناد أمها

اذاقالت كلمة مستحيل تتراجع عنها بس ضروري

تاخذ على الاقل حبوب الأسبرين وحبوب الضغط والسكر

والحبوب المدرة للبول علشان تساعدالكلى وتروح السوائل

المحتبسة في جسمها علشان ماتتأثر الرئه من السوائل

خاصة وهي تلاحظ صعوبة في التنفس عندها

قالت بمحاولة يائسة ابشري يمه اللي تبغيه بيصير

بس الحبوب تاخذينها علشان خاطري يمه وبجيب

الش ممرضة وتشوف لش كل شي ماتحتاجين نروح

المستشفى.

والأكل يمه شهر بس حميه لين يتعدل السكر

وبعدها بالعافيه عليش.

عايشة/تراش اتعبتي روحش على الفاضي

قد خرج مني حلف ماتطب بطني حبة

وحده والأكل والله مااخليه اللي خاطري

فيه بأكله والموت واحد.،!

واللي بتجيبنها والله ماغير اسرحها مع الحلال ترعى.!

أشواق /انجلطت من أمها وعاجزه كيف تقنعها وخايفة

عليها.

اشواق /بتعب يمه طيب على الأقل المويه لاعاد تشربين

من البير اللي برا اشربي معنا من العلب صحية وافضل .

عايشة/والله مااشرب إلا موية ربي اللي خلقها

احسن من العلب اللي كلها كلوركس وبسرعة

قولي ايش هو علمش .

أشواق/وهي مثقلةبالعجز وقلة الحيلة من أمها

ومثقلة بالخيبة من كل شي .

ناظرت في أمها يمه انا قبل شهر جيت

وكلمتش اني ماعاد ابغى ماهر يمه حاولت

وفكرت واستخرت بس عجزت يمه عجزت

سنتين وانا اقول بيتغير

بحاول اغيره وهو يمه على نفس الوضع

انت تعرفين ظروف زواجي منه كيف.

رحت وسويت الخلع يمه ودفعت له 50الف

والحمدلله حسيت اني ارتحت.

عايشه/وهي تحس ان حمولها كل يوم تزيد

وهي مو قد الحمول ذي اربع بنات في

ذمتها وهي تعرف انها ماعاد هي بخير

مثل اول رغم انها ماكانت موافقة على الزواج هذا

ناظرت في اشواق انا ربيتكم على اتخاذ

القرار المناسب لكم بس بشرط ان كل

وحده فيكم تتحمل نتيجة قرارها

انا ماانكر اني تمنيت لش زوج صالح

لو ادفع نص عمري الزوج سند وحماية لش .

ولا قلتي لي ايش هو بينش انت وهو ولا ابغى اتدخل .

ولكن دام هذي رغبتش الله يعوضش خير منه.

اشواق/يمه اي سند ماهر لي لا والله ماهو سند

انا راضية يمه اعيش طول عمرري بلا زوج

ولا يكون ماهر زوج لكن كنت مجبرة على الزواج منه.

والكلام يمه ماعاد يفيد قده رجال اجنبي عني

ولايحق لي اتكلم عنه بيننا عشرة سنتين لازم احترم

اللي كان ببينا وقبل ماتقوم مسكت يد أمها وبرجاء

يمه انتبهي لنفسش علشاني انا اللي اتعذب كل ماشفتش

وخرجت صدرها ضاااق تحس انها شايلة ثقل جبال

تحتاج احد يحضنها يسندها بقوة تحتاج صدر مايخذلها

مشكلتها ان الأحساس عندها بوقع مصيبة عالي جدآ

ولا عمرها حست بشي إلا يصير لكن ماراح تستسلم

للأحساس هذا هي مؤمنة بالله وان كل شي يصير لهم

قضاء وقدر حتى لو كان مصيبة عندها يقين ان الله يختار

لهم الأجمل دائمآ وانها مسيره في هذا الكون لا مخيره

عندها يقين وثقة بالله راح يجي يوم جميل وتتحقق

لها احلام وأماني كانت ومازالت تدعي الله انها تتحقق

وصلت عند اخواتها وحاولت مايظهر عليها الضيق

رفعت راسها على صوت خزامى وندى متهاوشين

على ترتيب السفرة نفس كل مرة نفس السيناريو

قالت بطفش اخلصي انت وهي بسرعة

جيعانة وفيني نوم وارهاق الدنيا كلها.

خزامى/ايش اللي بسرعة ذي حفلة لش

بمناسبة الخلع اللي ماندري ايش سببه.!

أشواق /انفجعت ماتوقعت ولا واحد بالميه

انها حفلة ابد هم متعودين علي خزامى

وندى وريم حتى ايام الأسبوع

يرتبون لهم جلسة وسفرة عليها كل شي

قالت بعصبية خزامى بلا كلام فاضي

حفلة بمناسبة خلع انت من جدش ذحين.

لا اشوف وحدة فيكم مصورة او كاتبه في

السناب او الانستقرام شي .

خزامى /بخوف من عصبية اشواق اللي

اتضحت من احمرار وجها وهي تخاف من اشواق

طيب عادي انت خلعتيه ليش مستحية ومتفشلة كذا

أشواق/وكل الضغوط اجتمعت عليها وكملت

سخافت اخواتها خاصة خزامى اولآ ليش اتفشل الحمدلله

ثانيآ انا اعتبر انه شي شخصي جدآ مايحق لأحد

يطلع عليه خاصة ناس مانعرفهم .

احترموا الخصوصية السناب والانستقرام مو

كل شي لازم يظهر فيها

وبعدين بالله خلع وانفصال نسوي له حفلة ارتقوا شوي .!

ريم /وهي تحس نفسها احسن وتحاول تساعد نفسها

وانصدمت اكثر بخلع اشواق لزوجها بدون ماتعطيهم

جواب كافي اشواق طبعها إنسانة كتوم وغامضة وتتحمل

قالت موجهه كلامها لأشواق اجل لو تشوفين الكيكة

اللي مجهزتها وايش متكوب عليها اتوقع ذبح.

خزامى /وهي تناظر في ريم وترجع تناظر في

اشواق اللي الغضب واضح عليها

قالت بأستعطااف والله العظيم مااقصد

والله بس حبيت نسوي حفلة بسيطة والكيكة

عادي مابحطها.

وهي ترجع تناظر في ريم اللي تضحك

هي وندى رغم انها فرحانة وهي تشوفها

تضحك اول مرة تضحك كذا معهم بعداللي صار لها.

مسويه نفسش ماشاركتي ولا خططي معنا.

ريم وهي تمسح عيونها من الضحك انا متى الظلم شين.

خزامى /يمه منش يالبريئة .

ندى /خلاص ياأشواق ولا يهمش اعتبريها مو حفلة

جمعة مثل كل مرة وابشري ماراح نصوور اي شي

لا تزعلي .

خزامى /وعلشان تغير مزاج اشواق ناظرت فيها

ترى بكرة عندي أعلان في أبها خمس فلل مع

بعض نفس التصميم بس المساحات تختلف .

اللي فيكم تبغى تشتري تقول لي.

أشواق/من زمان تبي تشتري فله جاهزه

افضل لها ماعاد فيها للمقاولين والشركات

ولا تفهم في الأشياء ذي مرة قالت لها خلاص اوكي انا

ابي وحدة وتكون مساحتها كبيرة .

وانت وهي موجهه كلامها لريم بتشتري معي.

ريم /عادي حتى انا ابغى وحده بس البنك

ناشبين لي .!

أشواق/ كم معش على الحساب حاليآ.

ريم /حدود 700الف وباقي آجار المحلات ماراح يعطوني

إلا على بداية السنة .

اشواق /حلو الباقي انا بكمله لش.

خزامى /بحب لا والله مايكمل المبلغ إلا أنا

ان شاء الله صاحب العقار مايقصر معنا

أبو أميرة قال لي اذا جبتي لي اثنين مع بعض

لهم خصم وكيف لويعرف انها لكم راح يراعينا

في السعر .

ندى /بحزن ريم انا ماعندي شي اعطيش

بس الترتيب كله علي وهي تضحك.

ريم /فديتكم جعلني مااخلى منكم الله لا يحرمني

والله اني احبكم اكثر من نفسي احساس ان عندك

ناس تحبك وتهتم لك وتخاف عليك احساس عظيم

هي واخواتها يحبون بعض بشكل مايوصف .

انتهى

غراس الجنة/سبحان الله والحمدلله ولا اله الا الله والله اكبر يغرس لك بكل واحدة شجرة من الجنة".

14-04-17, 10:41 PM

المشاركة رقم: 82

المعلومات
الكاتب:	نبضي آبها
اللقب:	ليلاس متالق

البيانات
التسجيل:	Nov 2012
العضوية:	248010
المشاركات:	207
الجنس	أنثى
معدل التقييم:
نقاط التقييم:	922

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

شكرآ لك من مر هنا

بارت واحد يفصلنا عن الحقيقة

❤

15-04-17, 12:02 AM

المشاركة رقم: 83

المعلومات
الكاتب:	ريما حرب
اللقب:

البيانات
التسجيل:	Nov 2016
العضوية:	322149
المشاركات:	20
الجنس	أنثى
معدل التقييم:
نقاط التقييم:	68

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

يمممه اثيوبي اي والله سيل والا نمر اهون
بس زين انها قضت عليه كفو الله انها بنت رجال
تذكرت بنت خالتي يوم تعينت قبل 12 سنه في نجران كانت كذا السلاح مايخرج من شنطتها لان الطريق يخوف زين الحمدلله جلست اربع سنين مااحتاجته
اكيد روحتهم لابها بيقابلون المغثه محيميد بيكون فيه اكشن 😀😀
عرفنا ان اشواق كانت متزوجه بس ايش سبب انها خلعته🤔🤔
حلو شعور الاخوه اللي بينهن شي جميل💕💕
اكيد يوم بيشترون الفلل ويشوف اسماءهم بيعرفون الحقيقه🤔🤔
بارتين كل واحد اجمل من الثاني
يعطيك العافيه💕💕

15-04-17, 12:06 AM

المشاركة رقم: 84

المعلومات
الكاتب:	صباالجنووب
اللقب:	ليلاس متالق

البيانات
التسجيل:	Mar 2012
العضوية:	236809
المشاركات:	305
الجنس	أنثى
معدل التقييم:
نقاط التقييم:	707

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

ام يزيد ياحلاتش ويازينش تسلم يدينش

ظهر العرق الجنوبي بقوة الليلة 😂❤

بارتين تجننن خرشتي قلبي ع ريم توقعت ان النمر

متعشي بها وخلاص طريقة وصفش للموقف جميلة

وبسيطة جدآ .

خزامى من ذحين لفارس والملكة وكل شي علي

خلاص

كيف ماادري تصرفي انت .

وتجهزي بهدية السمية خزامى ع اسم بنتش خزامى

لازم هدية .

محمد واشواق كنت اتمنى انهم لبعض بس اشواق

طلعت متزوجة وذحين مطلقة من ماهر اتوقع ان

سبب الزواج يكون لها محرم علشان الأبتعاث في

كندا لأنه ممنوع تسافر بدون محرم اتوقع كذا

علي لازم يتزوج يا أم يزيد لازم الرجال يتزوج

بكيفش تصررفي

اشتغلت خطابة الليلة ههههههههههههه

اعلان خزامى اتوقع راح يصير شي

العجوز ياسااتر عنيدة حيل اتوقع انها بتموت

قريب بسبب جلطة 🤷🏻‍♀ههههههه وتوضح الحقيقة

او تعترف لهم قبل ماتموت ..الشطحة قوية مرره

في انتظار البارت القادم

15-04-17, 12:16 AM

المشاركة رقم: 85

المعلومات
الكاتب:	نبضي آبها
اللقب:	ليلاس متالق

البيانات
التسجيل:	Nov 2012
العضوية:	248010
المشاركات:	207
الجنس	أنثى
معدل التقييم:
نقاط التقييم:	922

االدولة

مدونتي

الإتصالات
الحالة:
وسائل الإتصال:

كاتب الموضوع : فيتامين سي المنتدى : القصص المكتمله من وحي قلم الاعضاء

رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي

الذين يشاهدون محتوى الموضوع الآن : 31 ( الأعضاء 9 والزوار 22)
‏نبضي آبها, ‏Amirah ahmad, ‏ايمان عطية, ‏فيتامين سي, ‏امواج الخريف, ‏من فهمني ملكني, ‏عبيرك, ‏نورس الامل

منورين ❤❤

عدد المشاهدات 8،169