أنت تدري وأنا داري ولكن وش تبي ؟!

سبحان الله
ما في خيار السعادة الكاملة ولا الحزن الكامل
اليوم سويت شي أسعدني وأنعشني لكن بمجرد ما وصلت السكن بفتح الباك حصلت العسل مسكوب جواها وعلى رواياتي اللي جوا
واحدة منهم بالاخص كان لها نصيب الأسد
فالحمد لله انها جت خفيفة أولا وأخيرا
ومعوضة ان شاء الله

أكيد كلنا مرينا بشعور اللي خاطره يتكلم ويتكلم ويتكلم ويكتب ويكتب ويكتب وما عنده حرف يترجم به مشاعره صح ؟؟

إحساس غريب
قاعدة أقرأ بدايات رواية ما أنهيتها للحين ولا اقتربت من كتابة نهايتها حتى
بالروايات اللي تستغرق فترة طويلة بالذات الواحد يقدر يستشف نفسية الكاتب ويمكن لو نافذ البصر شوي ممكن يخمن شي من الظروف اللي أحاطته بوقتها
يمكن هو واضح أكثر عندي لأني متذكرة سبب بدايتي بكتابة الرواية
كيف جت ببالي الفكرة
وكل شي وأي شي صار عقبها
ويمكن
يمكن بوصل لتفاهم معها يسمحلي أنهيها بيوم

الليلة بستهلك مخزوني من القهوة التركية كما يبدو
ورانا بلاااااوي
اهيء اهيء