كاتب الموضوع :
نغم الغروب
المنتدى :
القصص المكتمله من وحي قلم الاعضاء
رد: أغداً ألقاك ؟ / بقلمي
كلمتين عاوزه أقولهم كده على جنب
أنا يا حضرات ماقدرش أخش عالمنتدى كتير
انتو عارفين النت بيروح و بييجي
ما تسألونيش بئه بيروح على فين و بييجي منين اصلي ما بحبش أخوض في أعراض
المهم حبيت أقول إن في صعوبات بتقابلني و أنا بكتب
احب اقلكوا كمان اني مش مصابه بجنون العظمه فأنا مش من النوع الي بيقول أنا لا قبلي و لا بعدي ، بالعكس
أنا ساعات مثلا بقرى الي كتبتو فبحس انو مش بطال ، ساعات تانيه بئه و ده الأغلب بحس ان الي بكتبه ده هاجه عبيطه و لعب عيال و بقول لنفسي قومي روحي يابنت و شفيلك شغلانه تانيه أحسنلك
أكيد انتو لاحظتو من خلال كتاباتي اني بني آدمه مزاجيه و اذا كنتو ما لاحظتوش فأنا بعترفلكوا : ايوه انا مزاجيه جدا و مش بس كده ، انا مزاجي راكب مرجيحه ، على طول بيتمرجح فمره فوق و مرات تحت
الحاجه الي تخليه يتظبط شويه هي التفاعل بتاعكو
من خلال التعليقات أنا بفهم هل أنا لسه على الطريق الصح و لا اتزحلقت و خرجت بره السكه
و ما تقولوليش ارجوكو خلي عندك ثقه بنفسك
انا رصيدي من الثقه بالنفس خلص من زمان
فشوفولنا حل في الموضوع ده
تفاعلكو معايا يديني أفكار
ما فيش تفاعل ما فيش أفكار
هي هتيجي ، بس في المواصلات
فلو عايزينها اكسبرس محتاجه زقه
يلا كفايه عليكو كده النهارده
دمتم في حفظ الله و رعايته
|
19-11-17, 12:54 PM
جديد مواضيع قسم القصص المكتمله من وحي قلم الاعضاء
العرض العادي
