يا صباح ومساء الحرف الأنيق على ام اليزيد ومتابعاتها

احترت منين ابدا من القصيده الي تحمل في طياتها دلالات على مضمون الرواية
كما عودتنا ام اليزيد من ايام رواية غرورك تستفح الرواية بقصيدة
او من جزئية المومياء العتيقه ذات الاسرار المرعبه الباقية على مر العصور..

نبدا بسم لله

أخوي كواني في الحشا كيتين بضو...
وانا لاجيت اكويه ماناشته ضوي...!

البيت هذا بلحاله رواااية
عسى من قالته والا من كتبته ماينشل لسانهاولا يدها

حقيقة لخص الرواية
عيال ال بندر عقاب وبندر
والصراع والقطيعة الي صارت بينهم الي بذرتها مقارنات
لكن الي فجر العداوه امرأه بدون قصد من الكل
ماهو ذنب بندر ان عمه الح عليه ياخذ بنته
ولا بيد عقاب انه حب بنت عمه
ولا ذنب العنود انها رافضه عقاب

ولا ذنب العم انه اختار لبنته الافضل

خصوص ان عقاب مشهور عنه زي ما يقولون مطيور

وابو العنود رجال كبير ويبي ظهر لبنته

مافكر في وضع عيال اخوه ولا توقع الصراع الي بيكون بينهم والسبب بنته

او ان عقاب بيوصل للي وصل له

صعب نرغم غيرنا بوجهت نظرنا او الي نشوفه صح غيرنا يشوفه غلط ابو العنود وخصوص بالفتره الي فيها الاحداث
بالفعل البنت الي مالها اخوان اوعزوه تعتزي فيهم غير عيال عمها الاثنين مثل وضع العنود
تعيش مكسورة اذا تزوجت رجال ما يستحقها حسب عادات وتقاليد ما انزل الله بها من سلطان

الحمدلله في وقتنا الحاضر كل شي تغير البنت لها كيانها المستقل
الدولة تكفل حقها ووظيفتها تضمن لها بعد الله مستقبل طيب..

ورب ضاره نافعه ياعقاب هذا انت صرت عقاب اسم على مسمى

شخصيات آل بندر كلها شخصيات سمعنا عنها او مرو علينا با اسماء اخرى في مجتمعنا..


بدايه واقعية ورااائعه ومشوقه ام اليزيد

وبأذن الله لي عوده مع باقي الشخصيات

بردود مفصله

ننتظر منك الأجمل يا مبدعه ..

يالله ياضمضم. من وين ابتدئ. جمال جمال لا يوصف من الام نفود. وجمال اسمها فوق زين الاسم زين الطبع والتضحيه. تجيب عزوة لولدها جعل أميمتي للفردوس.

ولا من الاخوان الا فرقتهم مرة انا مع طيف. وتحليلها والعم مايطري على باله القطيعة بتصير لان الاولين لو يخالط الحب العظم مايبينون الغلا

ولا من فارس ومخروشتة عهود. الواحد يقط الهرج. مايحسب له حساب ولا يدري وش عواقبه كسرت خاطري تدرون عاد هالموقف صار لولد اختي خاطب بنت اخوي
ماتقل خرشة من عهود قالت كلمة عفوية في مجلس وطيري يالهرجة للولد قال مير لو مايبقى من بنات حواء الا هي ماطقيت لها باب.



أم غيام رغم من علاقتة شي من المستحيل في الواقع وخصوصا نظرة الرجل الشرقي لكن والله أني مطيت الكشرة عندهم حسّيت بشي من شطح الخيال. (والله من الخبال الا مالي راسي )
ياخوفي المقرودة الا لحقتها الشغالة وأنقذها ان يحلف ابوها انه يتزوجها
رد للمعروف


فخر الا سم لحاله حكايه. معقولة تكون متربعه بقلب غتار وصمته هو سبب القطيعة


قلوب تنبض للضمضم. وقراء الحظوظ

دودي تسلمين يالحب لك وحشة. وبارك الله بضمضم الا اجمعتنا

عودا حميدا كاتبة مبدعة ولكن لي تعليق على غيام هذا ليس حبا وبالطبع حرام حتى لو كان بما وصف

‏

‏
‏

يامساا النوور و السرور ..


ياااهلااا وغلااا..
والله يام اليزيد نوورتي عالم الروايات بكبره ماهو بس المنتدى ..
ترا يوم بديت اقرا ماقدرت اركز من الفرحه هههه الله وكيلك يالله عااااد تماالكت نفسي وركزت 😂😂💔
طبعا هالجمال اسم الله عليك ينقرا اكثر من مرا ..


المهم عااد جهزي شنطة اليزيد حقت النجوم نبدا نجمع << فيسي الواااثق .. بس اتوقع اليزيد كبر عليها نخليها لأخته 😂


قلمك ماشاء الله جمييل ومن يومك ملكه الحرف ماشاء الله ..
الروايه متخمه بالفخااامه هي شخصيات هي سرد هي حوارات .. ماشاء الله تبارك الله لا يحرمنا هالإبداع 😍


نبدا من المدخل .. ترا دايما مداخلك تعجبني وصادقه طيف تكون فعلا كل كلمة فيها تعبر عن الرواية كله..


ال بندر ..
عايلة الحسب والنسب .. والطبقة المخملية والصراع اللي بينهم هل وصل لصراع الدام فعلا..والفرقى اللي صارت ..

ببدا من بندر لانه قهرني ..
تصدقيني ضمني بندر بعد وفاة نفود حسّيت في تخبط بقراراته وان نفود كانت مآثره عليه تأثير قوي وهو كان
يحبها بشكل كبير والغلا اضغاااف مضاعفه لغتار لانه ولد النفود.. يعني حتى زواجه ع حياتها ماكان رغبه منه ماجا
الا باصرار منها ولا من خاطر منه وحتى وفاتها يكفى الحزن اهلكه وبعد هالسنين كلها مانساها ..
ومن بعد رحيلها وهو في تخبط...


بدايتها من زواجه من العنود.. هو مايبيها ولا في باله بس عااارف ان اخوه ميت عليها.. كان اعتذر من عمه في وقت
ثاني وانه مايقدر ياخذها وأخوه خاطره فيها .. عقاب انجرح من اخوه .. صحيح انه موجوع وعمه ماهو مزوجه
وبيزوجها غيره بس صعب انه اخوه هو اللي يتمم الموضوع .. ترا المساله ماهي مسأله مره كثر ماهي مسأله
انه كيف اخوه هان عليه .. وعقاب مصيره يرضى طال الزمن ولا قصر لان الدم عمره مايصير ماي بس الظاهر
هو لسى في حررقه بقلبه وبيطلعها ثمن يهجد ..


انا اللي قهرررني كيف يترك العنود بعد مااخذها خلاص قدر الله وكتب وأخذتها كيف تتركها لعب عيال هو ..
وعقاب ماهو راضي حتى لو تركتها.. الاولى انه تركها من قبل مايملك عليها ماهو توه بعد سنه .. توه يندم يعني توه يحس بعواقب الموضوع ..
ليه ماصار قد الفعل وتحمل عواقبه .. تراه والله ظلمها و ظلمها ظلما شيين كيف حدد مصيرها عشانه هو و اخوه ..

وحتى بنته المهر طالها هالظلم .. عوورني قلبي عليها وهي تترجاه مايطلق ..وش الفايده انه عمه شاد الظهر فيه
ومزوجة بنته وآخر شي يتركها هنا نقدر نقول وش فرقه عن عقاب !!
ياترى هل بندر حس بتأنيب ضميره من ناحيه العنود ؟ زي ماحسه لعقاب؟؟



ثاني شي .. رفض يزوج غنام بغض النظر ع انه متعرف عليها .. هل يترى لو جاه غتار بنفس الطريقة بيرفض؟
الاكيد لا ماهو رافض لان قال مستعد يرمي كل العادات والتقالييد ويخطبها .. هينا يبان ان مبدأه ماهوو واحد
وعند غتار تهوون كل المبادئ .. عشان كذا المفروض يزوج غنام لان بندر ماهو صاحب مبدأ لان لو صاحب مبدأ كان
قلت معه حق يرفض الزواج ..

نشوف يابندر وش بتسوي لعقاب عشان يرضى بولدك لابنته كأن الزمن يدور بينهم..
وهل فعلا بتنذل لعقاب وترمي هيبتك وقدرك عشان خاطر غتار ؟


عقاب باين انه حاقد ع بندر ومن قلبه .. وماهو مفوت فرصة يذله ويوجعه فيها.. الظاهر اشتغل ع نفسه وحصله خيرر
وكأنه إثبات لهم انه المرجوج ماعاد ع خبرهم.. واذا غتار يبي بنته جاته فرصة من ذهب انه يذلهم ويرد اللي بقلبه ..

رياش صديقه كرريه لا يكون يلمح انه يبي فخر لولده

اقتباس :-   المشاركة الأصلية كتبت بواسطة ضمني بين الاهداب

. هز رياش رأسه بـ أسى...\ الله يقطع النسوان ان كان لاجاء لهم يد في شي يخربونه دايم...!

‎الله يقطعك انت .. وع هالثقه اللي مااليتك والله حريمك مايبون الا دراهم ،، وشكلك حتى الرجال فطن فيه... وجعل حرريمك ذولي يقصرون عمرك ويجيبون لك ضعف الهم اضغاف ..
‎الا هالرجال الي أمخاخهم توقف عند المره .. وصغر عقولهم وفي النهايه ووشوو تفرقهم مرره ..

‎ع قوله حامد زيد
‎لا بارك الله في رفيقٍ تزعله كلمة عتاب
‎ولاجمع الله الرجال اللي تفرقهم مره*!




غتار .. جذبني الاسم والشخصييه .. شخصيه تعبق بالفخااامه ..الغموض يلفها والكبر والعنهجية بدمه ..
الظاهر مورثات عمه عقاب .. واللي الظاهر منصبه العسكري زايد هالشي عنده وصاير مكروه من اللي حوله..
الحادث سررعه زايده ولا مدبر من شخص كاره ولا من عمه.. وبعد العسكرية والمناصب صار يشتغل مع ابووه
والله شي ماهو سهل يتخلى عن شغله بشي غصبنا عنه .. عشان كذا الظاهر كل طاقته وخبثه مفرغها بهالتجار
ياجعله دايم حييلهم بينهم اذا الشعب هو المستفيد ..غتار وش عنده متررهبن عن الزواج ؟!
الاكيد وراه شي وماقد شفت رجال معيي الا وراه بلى ..

وهو في الغيبوبه ماادري ليش أحسه سمعهم وهم يتكلمون عنه
سعد صاحبه هو اللي يبكي عند أذنه .. شكل العلاقه حييل قويه بينهم ..
سيف اعوذ بالله منه .. تدرين ضمضم ذكرني بمين خاصة هالمقطع مت ضحك عليه 😂😂💔

اقتباس :-   المشاركة الأصلية كتبت بواسطة ضمني بين الاهداب

. ‎سيف..\وشايف عمره علينا بـ اسم ابوه واسمه..ماكأن في ذا البلد الا ذا الولد لاكلم احد كأنه يعد الكلام عد ..وكله غرور وشوفة نفس..وشوف ربك وش سوا فيه..ربك مايحب الي شايفين عمارهم بعد!

ذكرررني يااعمييري بمنايرر هههه يكون من عيال عمها اللي كانت تدق الصدر فيهم 😂💔




فخرر .. باين اننا موعدين بشخصية جذابة .. يكون هذا اول لقاء بينها وبين غتار.. والظريف اللي يتميلح مزديتن به
يوم تغسل شرراعه شكل بيحرم يتميلح بعد هالتفشيله.. متحمسه لهالشخصييه جداا😍




غيام.. باين ان قلبه حييل طيب .. قصته مع وهج بدايتها مراهقة .. ولأنه هو نقي ولا له سوابق حبها.. فتح عيونه ع حبها بس ..
العلاقات اللي زي كذا حاليا الوضع تغير ولا هي زي قبل الناس مستنكرتها اشوف في كثير انتهت بزواج ..

اعرف واحد زي كذا اخو صديقتي تعرف ع وحده وحبها وتزوجها كان يقول ماابي اتزوج زواج تقليدي ابي أحب وحده واتزوجها ..
ماادري هو تفكير الشباب تغيير وصاار اكثر انفتاحيه .. نقدر نقول تعتمد ع المجتمع والبيئة اذا كانت اكثر انفتاحيه هالشي بيصير فيها ..
بس المجتمع النجدي مااتوقع وصل هالدرجه من الانفتاحيه وتقبل للفكرة اصلا ..

انا شخصيا ضده هالشي.. لان له أبواب كثير أولها انه حرام وأنها خانت ثقه اَهلها وثالثها نظرة الازدراء اللي
بتلاحقها من اَهله لو أخذته وعندنا الناس ماتنسى ابدا بيجلسوا يدقونها بالماضي دق ..
وهي عاارفه ان هالطريق مسدود وشهوله تكمل فيه،،

اقتباس :-   المشاركة الأصلية كتبت بواسطة ضمني بين الاهداب

. ‎..\أنت أذا هان عليك نفسك لذي الدرجه انك تكلم بنت وتبي تتزوجها...هان عليك أبوك يجي بكامل قدره وهيبته يجي يخطب لك وحدة مثل هذي !!

‎بندر كلمته هنا زي السكين .. استكثر نفسه ع هالشي متحمسه اشووف وش بيسوي مع غتار

غيام هل هو نقى لدرجة انه ماكذب ع ابوه و قاله انها اخت صديقه ولا لف الموضوع وجايها بطريقه ثاانيه..


تصدقين احس كرهت وهج ،، لان في العلاقات اللي كذا البنت هي الملاامه الوحيدة وكيف ماقدر تخفظ نفسها وثقة
اَهلها حتى لو الموضوع مايتعدا مكالمات البنت سمعتها زي القزاز اي شي يخدشها.. يمكن انها طاارت بغيام ولد
اصلا وفصل وسمعه زي الذهب .. وبالنسبة لها بصير لئطة ! .. والصراحه اني مستخسره غيام فيها ماتستاهله ..
هالتاافهه فوقها بعد تبي تفتن ع زوجة صديقه .. انا اللي ودي افتن عند ابوك ولا اخوك يضفك يالي ماتستحيني😤


بنت الجيران .. يممه انا احس قلبي وقف معها بِسْم الله والله هالشغالات صاروا يروعوون..
يلاا هاللي طاحت في في حضنه .. يمكن ابوه ولا ابوها يزوجها له .. هههه ثمن يتحسف غيام انه صار المنقذ



غتار و غيام .. شخصياتهم متضادة الاول يلفه الغموض .. شوفة النفس .. الغرور .. والثاني النقاء .. والوضوح .. طيبة القلب .. التواضع ..

باقي المهر .. ماشفنا شخصيتها بس اذكر من المقتطفات فيها يباست راس شكلها طالعه لغتار 😅




فارس وعهد .. الملام الوحييد فارس هو يوم يخطبها كان عارف شخصيتها قد اش تافها المفروض هالشي يخليه
يتوقع منها اي شي وحتى اخته منبهته وقايلتله..غريب فارس يعني كان داري بشخصها ويوم صار الموقف صار
يقول ماادري وشلون ارتبط فيها ؟؟ المفروض مايستغرب منها شي ..هذا وهو توه مملك عليها مابعد عاش معها..

هي جرحته بس هو لو يحبها صحيح بيلقى لها الف عذر ويعذرها ويدمح الزله ..صغييره .. مطفووقه .. وانها طاايره
بالعجة مع هالصديقات.. هو كان رافع سقف طموحاته فيها والاكيد بعد حركاتها دمرته .. لو يحبها بيرحم يتمها
والظروف اللي تخبطت فيها ..شكل اللي مرت فيه ماهو سهل اللي يخليها تدرك قد اش كانت غلطانه في حقه ..

مو بعد ما مانضجت و تغيرت شخصيتها يترركها .. مزديتن فيه امه الدنيا ماهو ع كيفه .. شكله لسى ماطلق

واللحين صاحب نوادي ويتميلح بهالسناب بنشوف المعجبات كيف يتحاذفون عليه..





ادري استرسلت واااجد .. بس عاد لسى في خاطري هرج لي رجعه ان شاء الله 😂❤
تسلم الايادي ياام اليزيد .. ويسعد قلبك اللي يسعدنا بهالجمال والابداع .. باين ان الروايه تهببل واكيد ماتقل
جمال عن سابقاتها هذا اذا ماتفوقت عليها .. الله لايحرمنا من هالإبداع ..






بانتظارك بكل شوق يالحب 💕😍
‏
‏
‏
‏