كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
رد: الحظوظ العاثرة بقلمي / ضمني بين الاهداب
السلام عليكم ورحمة الله وبركاته
يسلموا دياتك على هالبارت الجميل
نورة
عجبتني قوة شخصيتك الي خلتك ظاهريا تتقلبي العيش في بيت البندر ومحاولتك الحثيثة حتى تتخذي لك مكانه عندهم وتحاولي جعل بندر وعبير مكان امك وابوك والحين تحاولي بجعل حاكم مكان عبدالرحمن اخوك جالسة تكوني عائلة بديلة لك
بس نسيتي اهم شئ هو ايجلد مكان نورة الاصلي وشخصية نورة وروح نورة انتي نسيتي ان اهم شئ بالانسان روحه والا الشكل يتغير مع مرور السنين ماهو شئ جوهري بس انتي ماخذه حجة المسخ حتى تكون شماعة تعلقي عليها سبب تباعدك عن حاكم انتي تبي حاكم بمنزلة عبدالرحمن وماودك يتخطى هلامنزلة لمنزلة الزوج
لازم تتصالحي مع شكلك عشان تقدري تكملي حياتك
فيه سؤال محييرني وراح يبان مع الوقت هل خضعتي لعلاج نفسي بعد اصابتك والمصيبة الي نزلت بك بفراق اخوك وامك الي اعرف لازم المصاب ياخذ كورسات اثناء العلاج وبعده عشان يقدر يتاقلم مع وضعه ويتقبل شكله الجديد حتى لو شخصيتك قوية حتى لو كنتي واثقه من نفسك تحتاجي اذن تصغي لك وتسمعك بدون ما يكون عندك خوف من حكم حد عليك ما اظن وجدتي هالشخص بالعايلة للان حتى لو علاقتك اتحسنت بالمهر وابوها وحتى حيادية ام حاكم معك بس باقي ودك حد يسمعك وتسمعيه بدون خوف من الحكم المسبق لكذا طلبتي من حاكم يبقى معك حتى لو احتجتي للكلام تلاقيه موجود
اتوقع ان حاكم يتابع مع طبيب نفسي حالتك بدون ما يبلغك وخطواته معك متأنية وصحيحه جدا اول شئ كان صديق لك وجعلك صديقة وباح لك بكل حكاياتهم واسرارهم الي حتى امه ما تعرفها (قصة غيام )
وبعده لما ما اجبرك على البقاء معه حتى خلاك تشوفي ايش نهاية العمليات وانك رجعتي مثل قبل واحسن يعني شكلك مقبول
وبعدها لما جعلك تحسي انه مافيه شئ ناقص بشكلك الخارج وانه حتى لو طلقك ماعندك مشكله بشكلك بس وضح لك خياراتك الباقيه يا انك تحطمي حياة عمك او تبني حياتك المحطمة العاقل راح يفكر بالبناء وما راح يفكر باهدم
وفي بيت اهله بين مكانتك عندهم وحفظ لك كرامتك
وبعدها تركك تواجهي لوحدك لما اعطاك مفتاح كل شخص بالبيت حتى تبعدي عنك الاتكاليه عليه وانك تستمدي قوتك منه لازم تستقلي بحياتك
واعطاك مساحة بوح عشان تطلعي كل الاضطرابات الي تصير داخلك لما جهز لك مكان للابداع بموهبتك من كتابة ورسم
اتوقع اذا فيه صدق خطه علاجية نفسية لك يكون بعد فترة لما تتجاوزي عدم ثقتك بنفسك ووالدونية الي تشعري فيها راح تقابلي طبيب نفسي حتى يتم اقفال كل الملفات المفتوحة داخلك وتتجاوزي كل شئ بحرية التعبير عنه وتكلم اخيرا بكل شئ جواك
فيه جزئية اتذكرتها اليوم من البارت السابق في قصتك عن المرأة الي تبين صورة الشخص الحقيقية يعني روحه لما يقف قبال المراية الي في اعماق البحر لازم تستفيدي من هالجزئية لازم تغوصي باعماقك وتوقفي اما مرائتك الخاصة وتشوفي كل شخص بحقيقته ما هي صفات تعمميه
اول شئ حاكم انه ملزم بالزواج منك وانك حمل ثقيل
وام حاكم انك سلبتي فرحتها باول ولد لها لا عمل زواج ولا هي سعت باختيارزوجته بنفسها وانها ماراح تتقبلك نهائي
لازم ترفعي من مستوى ثقتك بنفسك وانك تستحقي الافضل وتقاتلي لنيل فرصتك بهالحياة
ورد
قسم بالله انك جدعه على قولة اخوانا المصريين انك بعشرة رجالة
سجليني من مشجعينك ومحبيك
عجبتني وقفتك وعدم سقوطك عند معرفتك ان لزوجك علاقات يمكن يرجع هذا لاطلاعك على حياة اخواتك يعني تخطيتي الصدمة لانه عشتي هذا الموقف من قبل ومطلعه على اسبابه وطرق حله يعني عندك قاعده تنطلقي منها
اول شئ تجنبتي المواجهه المباشره
وثاني شئ وجهتي رساله مباشره بس في الصميم انك تعرفي وانك ترفعي بوجهه التحدي
لما غيرتي رقمها برقمك اتوقع انك تبي توصلي راسلة مباشرة لغيام لو كان فطين راح يفهمها لما يعرف انه رقمك موجود باسم حبيبته السابقة انك تعرفي ومستعده للحرب ويكشف مقدار قوتك وانه ما يستهين فيك
وثاني شئ انه مثل ما هتك عرض غيره راح يجي حد ينتهك عرضه حتى لو بسماع الصوت (دقه بدقه لو زدت لزاد السقى)
وثالث شئ يعتبر تصريح منك انك راح تغتصبي مكانتها وتحتلي غلاه كله مثل ما حتليتي جواله
كنت اقول يمكن غرضه شريف من وهج وانه يحترمها ولها مكانه خاصة بحياته بس حتى ادنى درجات الاحترام ما يكنها لها بس طلع يحب نفسه اكثر واناني لابعد حد كيف قدر يخدع زوجته الي على اسمه وتابع بعلاقة معروف نهايتها وكيف قدر يستمر مع وهج وهو يكمل حياته وتكون هي مثل المنديل الي نمسح فيه دموعنا وانوفنا وبعده نرميه بالزبالة بكل بساطه لو صدق يحبها لما جلس يتذكرها كان البسها باي صفة حبيه كانت مجرد صديقة
ومثل ما فهمنا ان غيام يشتغل طيار يعني يهوى الصعاب ويحب كل شئ يثير فيه التحدي يمكن كل تمسكه بوهج هو قدرته على تحدي اهله واثبات سيطرة والحين جته ورد وراح ترقصه على اصابعها
الي مستنيته الحين المواجهه ما اظن ورد راح تقول عرفت بوجود وهج ولا انا غيرت الرقم راح تستنى منه يهاوش ويعاتب على مسكها جواله يعني اعتراف مباشر منه بس اتوقع بعد ما نام وهدي رجعت له قدرته على التحكم باعصابه مثل ما يتحكم بطيارة ما راح يواجهها ويهاوشها راح يسكت يتعامل مع الامر بهدوء لانه عرف أي نوع هي
يعني راح نعيش حرب ايرادات وحرب باردة تلعب بالاعصاب بس الرسائل واضحه
ووهج خلاص ما اتوقع بعد ما وقفت اما مرأة الحقيقة وشافت هي ايش صدق وخطئها بحق ربها وبحق نفسها واهلها كيف خلت الناس تتجراء عليها يتهموها بشرفها واخلاقياتها ما اظن حبها لغيام راح يغفر له الي عايشته من المواجهه مع زوجته ماراح تظهر بحياة غيام من جديد
عقاب وغتار
ما اظن ان عقاب كان ناوي يغدر بغتا راو يقرص اذنه او يطعنه بظهره باي شكل من الاشكال
لو صدق عقاب كان ناوي على هالشئ او بالاصح قادر على هالشئ كان من زمان
طعن بندر بظهره
بس هو سواها حماية لغتار لما اخذ من كبار التجار عهد من انهم ما يتعرضوا لغتار واوهمهم انه له بالمرصاد وانه حاول يعلمه درس بس غتار قوي وماحد يقدر يوقف بوجهه يعني اعطاه هالة القوة وماحد له قدره عليه
الي خلاني اقول كذا عقاب يعرف كيف يقدر يدير صفقة رابحه ماهو ولد اليوم بالسوق يعني معروف الي يبي يبيع شئ بمواصفات خيالية ووده سعر كويس يثقل ويبان انه يدور فرص اكثر ما يلح على المشترى حتى يحسسه انه منقذه الوحيد واظن ان كثر الحاح عقاب رساله واضحه لغتار انه انتبه فيه شئ غلط بالبيعه وكمان يختبر ذكاء غتار شكل عقاب يخطط لشئ كبير وهو يشوف بغتار نسخه منه وولي لعهده من بعده
انا الفكرة هذه من البار تالي قبل وهي في راسي لما عرض على ولده انه يتعلم شغله عشان يكون خليفه له ولما رفض فارس ما اصر ولا حاول يجبره او يغريه بكذا الا اذا كان عنده بديل
اذا جد جديد راح ارجع
دمتي لنا بخير
|
11-02-17, 12:49 PM
جديد مواضيع قسم القصص المكتمله من وحي قلم الاعضاء
العرض العادي
