ي مساء النور والسرور ..
الله الله الملكة 😍 والله اني ابرك من
احلام ،،
ضمضم الظاهر عندك تزامن مع القرارات الملكية 😋 لا ليش تقصيين الحسودة حوليه ع احد غيري بسرعه 😂
تسلم الايادي ،، باررت مبددع ماشاء الله كلها احداث مولعه والاهم عرفنا مشاعر عقاب ،،
الا القفله طبعا اللي تتتتجلط ولو ان فيها ابداع وباين أنك مختارتها بعناايه 😒
مشاعر عقاب اللي وضحت و اعترافه ان ماعاد تعني له شي العنود ،، كنّا متوقعين بس انه يقولها وهي اللي عززت شعوره بالنقص قدام بندر.. للحين ماقدر يتجاوز هالشي ع النجاح اللي حقق واسمه اللي بناه للحين موقف عند هالنقطه ،،
لقاءه مع المهر فوق الووصف .. يمكن لانها قدرت ع قلبه وفجرت مشاعره غصب عنه ..
بهالبارت شفنا جانب من شخصية المهر جدا جمييل ،، لا شفناه مع بندر ولا مع دامر ،، عفوويه وفرحتها بعقاب كانها المحروم ولقت الشي اللي فاقده ،، وهالشي اللي اخذ قلب عقاب ،،
كلامها موجع عن حالها وكيف قدرت تعترف فيه قدام عقاب .. وانت ي عقاب ماجنيت ع نفسك وأخوك بس ،،هي اللي ضاعت بينكم ،،
يوم لامس كلامها قلبه طردها ولا يبي تأثيرها عليه،، ومستمر بالمكابر ع نفسه ،،
وعند اقرب مشهد للفقد طلعت مشاعره بصورة جمييله ومااقاوم و حضنها وحن الدم غصب عن مكابرته،،
باين ان في علاقه جميله بتجمعهم ويمكن تلقى فيه اللي مالقته في بندر ،،
كنت متوقعه الطلاق اللي سوته المهر ماهو سهل مع شخصيه شرار ونار زي دامر ومتحامل عليها ،، والله وانا قرا كلامه احسه يصرخ فوق راسي اعوذ بالله منه 😣،،
شخصية مقيته ماتعرف تمسك غضبها وتفجره باسوء صوره ،، زي موقف بنته طلع كل قهره بالمهر و سمعها كلام زي السم كابته ،، وبعد مافرغ غضبه وطخ جا واعتذر ،،
ونفس الحاله اللحين ،، ليش مامسك نفسه لين ترجع البيت جاي يهابد بشياطينه ..
سحبته لها ماهي سهله ابدا خاصة قدام عمها ،، وان عمها يسكت ويبلعها صعبة عليه .. سواء عمهم مقاطعهم يوم ولا الف سنه الموضوع مايخصه ،،
تمنيت انها ماعطته مجال من اول ياخذ ويعطي بموضوع عقاب ،، لا يدخل نفسه بمشاكل اَهلها ماله دخل رأيه يحتفظ فيه لنفسه ..
يعني بيفهمني انه منحرق ع بندر اكثر من عياله ولا اش بالضبط عجزت افهمه .. هو له موقف مع عقاب قبل و كاره من قلب ولا تفريغ حره ،،
في شطحه صغنونه اني لآخر لحظة توقعت اللي سواه دامر تمثيل قدام عقاب يبي يستفزه ويخلي الدم يحن غصب ،، بس الخبيث طلع من جده مايلعب 😆
عقاب مادرى ان دامر اختيار غتار ولا كان دمرهم الاثنين🤓
يمكن اذا زارت فخر تبارك ع الملكة يسألها عقاب وبتقول وهو بيتفاهم مع دامر،، وان كان دامر فيه شي يطّلع ،،
والله حزنتني المهر صحيح غلطانه بس كسر فرحتها بعقاب..
اتوقع انها الطلقة الثانيه مابدت تحسب الا بعدها .. و الاولى نفس الحاله شكلها كان معصب وطلق ..ع كذا المفروض يصير عنده كنترول اكثر ع نفسه ..
بس برضو المهر احسها تبي توصله لأقصاه كأنها تقوله وريني وش بتسوي💀
وبما انها وصلت لطلقة الثاانيه أتمنى كبرياءها يتنازل وتقول لاهلها يتفهمون مع دامر بحل يرضي الجميع،،
لان كلهم غلطانين و عندهم لغة التواصل مفقودة لاهي اللي قادره تفهمه ولا هو قادر يفهمها ،،
ترا انا متعاطفه جدا معها و متاكده ان طفولتها واللي مرت فيه مأثر عليها بدليل كلامها لعقاب وإحساس الفقد اللي تحسه،، راحت بذنب مالها يد فيه وهي اللي صارت الملامه والذكرى المؤلمه ..
لسى ماتوضحت اسبابها بالضبط يمكن هي عندها وجهه نظر بالموضوع انها ماتترك شغلها خايفة تكون بنفس ضعف العنود وهذا اللي مخليها ماترضخ ومتمسكه بشغلها..
اللي مستغربته وين دور العنود امها من هذا كله .. مااتوقع انها بتعجز عن بنتها وتخليها تروح مع رجلها كيف ساكته عنها كذا 🤔 ،،
عقاب ضحكني وهو يتفشخر بكل اللي يقدر عليه هو للحين عنده مشكله إثبات الذات قدام بندر ولا اش وضعه ،، 🙄
عمشا اكثر وحده فاهمته توجعه بهدوء ،، ولا انها تعدي له كلمته اجل يحسب بس هو اللي يقدر يوجع ولا يبي اي ردت فعل ،، نستناه ينطق يخوفي يطول شعرها ولا ينطق هالحجر 😂
ياهوو مستفزز وهو يتسحب ولاهمه ،، لاطعهم وهم جايين يخطبون وآخر شي عشان مكالمه اكثر من كذا تحقير مافي ..
والله ابومحمد يداريه مدارات احس بس يستنى الملكه تتم ويسمعه كلمتين يبرد خاطره
ماعليه ي عقاب هذي من حرتك اجل لو دريت ان الموضوع فيه ملكه ع طول 👹
مشكله عقاب انه يحسب نفسه اذكى واحد ولا احد يجاريه بالذكاء ،، تناسى ان في نسخه تشبهه بالضبط وهذا اذا ماكان اكثر ذكاء منه بعد..
اتوقع فخر بتشرط تسكن عند عمها مااخذت ولده لسواد عيونه ،، ههههه عاد دوروا عقاب وقتها ..
وشرط مايمنعها من وظيفتها مع اني مااحسه بيمنعها وهو عارف انها دكتوره بس عشان تفكنا من مزاجيته في المستقبل ..
بندر اللي جابه اجل زياره فخر له ،، ي حليله شكله متحمس لها ياليت يطال بنته شوي من هالمشاعر 🤗
ترا للحيين مقهووره ع القفله ،، ابي اعرف شلون جااك قلب تحطينها😔💔
نورة اخيرا قدرت تحل مشكلتها والله رسايل خالاته ع انها خبيثه بس جابت نتيجه ،، الله يبعدهم هالشياطين لا يرجعون يأثرون ع ام حاكم ..
اجل سافرت يعني مافي قصر المرايا الا لين ترجع😆
شكرًا من القلب ضمضم والله ماتتصورين قد اش نستمتع واحنا نقرا هالجمال ،، الله يعطيك العافيه ويسعد قلبك ي يارب💕
23-04-17, 10:34 PM
رد: الحظوظ العاثرة بقلمي / ضمني بين الاهداب
جديد مواضيع قسم القصص المكتمله من وحي قلم الاعضاء
العرض العادي
