صباح النور والسرور ،،


العثرة بتكون مسائية ،، اتوقع اني انا الوحيدة اللي مبسوطة بهالشي 😂


انا اللي رجعني ان في شي محيرني اللي هو بندر
كيف بيجي بعد حركة عقاب يخطب منه ،، 🤔
قبل هالحركة كنت اقول بالعكس بيجي بس بعد هالسوات ماظنيت ،،
بيفرح بالخطبة بس انه يروح يخطب احسها قويه عليه وبتعز عليه نفسه..اذا راح عقاب بيقلب وجهه عليه ويحقر فيه ،، يمكن غتار يستخدم الوعد آللي وعده زمان،، بس حتى هو كيف يرضاها ع ابوه 🤕


عقاب اللي حسه ناحيه بنته هو الخذلان ،، كسرت كل توقعاته لو يدري كان مااوجع نفسه بهالطريقه ولا رجع الموضوع لها ،،
تمنيت ابومحمد اللي قالها ولا يحشرها عقاب بهالزاويه وتصير حجه عليها ،،

كل شي متوقع منه يمكن مايحضر ويخلي فارس يتمم موضوع الخطبه والملكه .. اكيد بيرضى عليها بس بياخد وقت الا لو هو بيعاند نفسه ويكابر كالعادة
ويمكن في نفسه خوف داخلي ع بنته وانها بتنوجع لان الموضوع صار عناد بعناد

انا اشوف انه يستاهل لان هذا العناد اللي ذوقه أمه يوم كانت تبكي عليهم يصلحون .. يذوق نفس العناد من بنته 💀

والله رحمة فخر كلامه مووجع واللحين بيمارس هوايته بالهجر معها ،، من قهره صار يذب كلام مايدري عنه اجل ولد بنيدر اخذ عقلك🤕

كلمته لعمشا توجع من حرته يوجع بالعظم عشان يحس انه نفس عن غضبه ،،روح ي عقاب جعلك السكته هههههه معليش بس انا مصره ع السكته لان هالشخصيات مايهدها الا المرض ،، انا كنت اتوقع يضغطون عليه وبيطخ بس عقاب ولا همه بيسفل فيهم 😂
واللي لاحظته ان عياله متفقين انه متحسف ومشتاق ،، بس كبرياءه هو اللي واقف له ،،

ولا يجلس يسب غتار لانه نسخته كانه يسب نفسه🤓
وبعدين يمكنه مسكون كل هالسنين مافكروا يودونه لشيخ يقرا عليه 👻




والله في شي لفت نظري ..
ع كثر عناده وعصبيته وحمقه شلون ماغزا شعره الشيب المفروض قلب شعره ابيض كله 😂 الا لو انه يصبغ من زود التمسمس 🙃


غتار مطامره هذا ولا شي قدام وقفه ابومحمد ،، يعني لولاه ماكان وصل مواصيل الخطبة ،، المفروض يسمي عليه يستاهل والله 😂
وبيقدر لفخر موافقتها وبيحطها ع رأسه خاصه اذا عرف موقف عقاب منها ،، طبعا هي كبرياءها مارح يسمح لها تقوله وهو بيفطن من تعامل عقاب معها ،، اهم شي لا تدخل عليه وهي حاده سكاكينها


فارس مااسحبه من الرياض لجده الا انه يبي يأثر عليه بعيد عن عقاب ،، و مااخذ وقت وتقبل اللقاء ع طول ومن سعادته حتى عهد شاركها بهالسعاده ،، وبيرجع لفخر ويمدح بغتار ليل نهار وبتكمل سعادته لمن يدري انه خطبها🤗 ويمكن زيارته لبندر وبيروح هو اخته ،، وعقاب يجلس يطبخ وينفجر ويجيب المصيبه لبندر 🙂


المهر ضربة بكلام دامر بأقرب جدار .. الشي الوحيد اللي ممكن يشفع لها عنده لو انه هالزيارة جابت نتيجه مع اني اشك ،، احس ممكن يتقبلها انها بنت وعانت بسببه ماهو عشانها بنت العنود .. او ممكن انه يعجب بشخصيتها وانها بعيده عن بندر هههههه ،، ما اتوقع انه باقي ع العنود وهو عارف انها ماتبيه يعني كرامته ماتسمح له يبي وحده ماتبيه 🙄



وهج يظهر ان عندها اهل مارح اقول تحسب لهم حساب لان لو تحسب لهم ماكلمت ،،
بس حسّيت فيهم خير كون انهم مارح يوافقون لو جاي بطوله يعني حتى لو عشان اسمه مارح يغريهم ويخليهم يوافقون ،،
ويظهر انها هي ماعندها مشكله تاخذه حتى لو بدون اَهله ، حتى لو انه متزوج بعد ،،
من كلامها حسّيت ان ورد علقة وان هي اللي معها الحق🤕

غيام فارط السبحة كلها عندها مابقى شي ماقاله يمكن يدل ع صدقه معها ،، بس ماادري اذا الطيبه والوضوح صارت مشكله وهالوهج جالسه تستغله بيان انها عارفه شخصيته تمام وكل شوي تذكره بسنينها اللي راحت عشانه.. احسه كأنه معمي ع قلبه ولا هو شايف شي


ورد لازم تبطل كلامها ع انها مارح تتركه ماهو كل شوي تقوله ،، لانها جالسه تعزز دفاعاته ضدها .. اتوقع ماجا يكلمها بموضوعه هالوقت الا انه خاف من تأثيرها عليه 😆

اممم في شغله لازم تسويها ..الحرب مارح تصير ع وهج بس حتى ع غيام .. أولها تكتيك زرع الفكره 😈 تزرع الشك في غيام يعني تشككه بوهج ،، بطريقه غير مباشر ولا يمنع انها تكون بطريقه خبيثه توصل ان تضربهم ببعض،،

لعبها مع وهج يكون بعيد عن غيام ولايدري عنه لانه لو درى بينقلب الموضوع ضدها،، ولا افضل فكره انها تزورها ابدا لان هالتعبانه بتقوله وهو بيجي ينتفخ عليها ،، الا اذا بتشوف شكلها ومستواها ترسل اختها ولا احد يوصلها الصوره ،،

وجا في بالي انها تاخذ سوالفهم الماسخه وترسلها ع اَهلها بس مااش ماينفع اخاف يتّلوون غيام ويزوجونه بنتهم💀



وبس تسلم الايادي ي ضمضم ،، الله يسعد قلبك يارب اضغاف ماتسعدينا بهالجمال 💕