عظم الله اجزك ام اليزيد والله يتغمدها بواسع رحمته ويغفر لها


غيام مادري وش يحس فيه متى يترك هباله وخباله انا حامت كبدي منه كيف أهله
يحمد ربه بندر صابر عليه كل ذا السنين
والظاهر ما بيطخ الي في راسه الا يوم يجيب جلطة لبندر والا يفضحه بين الناس والا فيه واحد ربي ساتر عليه ويتبجح يقول لابوه عن سواد وجهه انا عجزت استوعب تصرفه هو العناد والا الخبال والا جينات عقاب

غيام احس ماهو خالي وفي راسه شر وبيسوي تكتيك عسكري ويقلبها على ابوه وغتار يمكن يملك على وهج ويروح لابو سليمان ويقوله انه ملك على وحده غير بنته يتيمه و فزع لهم لكن بنتك ابيها وابشر انا رجال ومقتدر اقدر افتح بيتين عاد وترجع لابو سليمان وبنته وقتها يتممون او ينسحبون ليلة العرس وتطلع لناس وهيج وياخذ غتار ورد <<كيف وأنا استهبل
عاد بتقولون وفخر فخر جايز لي اعطيها حاكم لا مايصير وزوجته وش ذنبها بس اتوقع شفنا الجانب البندري في المصعد فقط
حاكم ما فيه ذره من جينات ال بندر حنون وذرب ومسالم ماتوقع نرفزه إلا فخر وخلتنا نشوف جانب من شخصية حاكم بس اتوقع المواجهات قادمه بينهم يمكن يستعين بغتار في القضاء على الكائن المتمرد الملسونه

غتار والله انه شيخ ولد شيخ الحال المايل ماهو عنده وبعدين الي ماهو معجبهم ابو الغناتر تشوفونها سهله عليه يعيش يتيم الام مهما وفر الاب من حب وحنان الام مالها بديل وثانياً الحياة العسكرية وبعدها الحادث والي صدمه
وصار بهذا الجمود فترة الغيبوبة وكلام اصدقائة وعمه عقاب الي حن عليه لانه ولد نفود واكيد شاف كسرة اخوه بدر على غتار
واتوقع الي صحاه صدق فخر اذا ابوها مر اكيد جاها فضول بعد مادرت عن زيارة ابوها<<احس اني استهلكت طاقتي العقلية وانا البس قناع كونان

وان ما خاب ضني الشبة الي مضيعه عقاب فيه هو اخوه بندر في شبابه
او عمه ابو العنود او العنود الشارد

جاني خبال جديد يقول ان نفود اخت العنود <<وش رايكم فيني وانا كونان صدق
ويزيد الغلا والمحبة لغتار الي من ريحة الحبايب ههههه
وممكن يكون النسخه الرجاليه من شبه بنته فخر


بندر والله انه يسو قبيلة والا فيه احد يطلق مرته وبنت عمه عشان رضى اخوه صحيح ماهو معجبنا تصرفه بس في النهاية ضحى بكل شي عشانه

عقاب العاق ناكر الجميل حتى في امه ماخاف الله وشمت فيهم الناس اجل عزاء في بيته وبيت اخوه
عقاب يحسب انه مستغني عن بندر وانه بشطارته وصل للي وصله كله من خير بندر وسمعته وهو الي مسهل له الامور ويخليه ياخذ الصفقات وغاض الطرف عنه بس متى يعرف الحقيقة قبل جلطة بندر ولا بعد موته من غيام الغثيث

بس عندي احساس انه بيجدد الحب وياخذ العنود الي ما اتوقع انها تزوجت بعد بندر راحت عليك ياعمشه هذا وانت تدرين انه مقاطع اخوه عشان مره وش شعورها لادرت عن افكاري
والا ينشب لاخوه ويكسره والمقابل المهر زوجه لولده فارس

ام اليزيد شكراً لشخصك قبل حرفك شكراً بحجم بحجم السماء