صباح ومساء الحرف الأنيق على ضمضم وجماهير
الحظوظ الحمدلله مع البارت الثاني من فضل صرنا جماهير 😊
انا ماودي اقول عاثره ها المره لكن متعثرة بما انها تقوم وتطيح حظوظ ابطالنا ناس يقوم حظها وناس يطيح
قبل ادخل بالتعليق
اذا على حسب علمي مشت ام اليزيد على المسودة الي انا شفتها
بيصير زواج عجيب غريب بطريقه مااا ادري وش اقول عنها
لكن من جد كل ماتذكرته قلبي يدق مليون
استغفر الله واضحك بالحالي واتوقع الي الآن البنات مااجابوه بحسب ماشفت من بعض الردود
اول شي حبيت اناقش موضوع علاقة غتار وبندر
وماااادري والله هل انا على صواب او خطأ
مرات احنا كآباء وامهات يكون احد الابناء مقرب الي قلوبناء اكثر من اخوانه وهم عسى الله لايبين غلاهم كلهم
لكن الابن المقرب هذا نبلع له بعض الاشياء ربما لو كانت من اخوانه الاخرين تزعجنا
انا واحد من اولادي مع الولاده كان معاه صمام في القلب<<قامت تسترجع طيوف ذكرياتها 😩
يعني عانيت فتره معاه معاناه اخذت مني نصف عمري
من الخوف وتعلقت في ها الولد الله يحفظه لي تعلق لاحول ولاقوة الابالله
والحين كبر والله الي فتره قريبه الكل ينتقدني على خوفي عليه حتى اولادي الثانين الي اكبر منه واصغر منه
مااعاد يناقشوني في موضوع يخص ولدي هذي مهما كان يقولون
امي عند عبادي تنقلب كل الامور

غتار عاش مع والده الولد الوحيد فتره من الزمن وبعدها يتيم الأم وكان ولد الزوجه المحبوبه لبندر وعلاقة بندر في ام غتار اكبر من انها فقط زوجة
او يمكن يشوف بغتار مو بس الولد ربما الأخ الي فقده وهو حي،
العضيد الي ارتكى عليه خصوصا بعد اتجه لتجاره والحادث له اثر كبير وهو خوف الفقد
وغيام الي خرب عليه سالفتة مع وهج سوت بين بندر وغيام صِدام ومعاند
ربما انه اوجد قناعه عند بندر ان غيام دااايم اختيارته خطأ
وغتارلايمكن يحط نفسه بها المواقف خصوصاً انه شارف على الاربعين وما سوى شي يفتح مجال لأنتقاده ..
شخصيات واحداث استثنااائيه ام اليزيد

لي عوده بأذن الله

السلام عليكم ورحمة الله
ويسعد مساكم جميعا

تسلم الايادي ام اليزيد
في البارت بدينا نتعرف على العائله البندريه بالكامل

حاكم / نوره
إنسان هادي وعاقل عكس اخوانه
شهامته خلته يتزوج اخت صديقه بوصيه منه قبل وفاته
نوره شايفه انها حمل ثقيل على حاكم وعائلته وتبي يرتاح من ذا الحمل بس لو ماهو قده ما شاله
ام حاكم موب راضيه عن الزواج ولا هي متقبله البنت
بس ام حاكم مو ام الزوج المسيطره والقاسيه راح تتقبلها شوي شوي

غتار
بعد حديث حاكم مع ابوه عن فخر
ارتفعت نظرات بندر بغتار فيها إيحاء انه وده تكون بنت عمه له
بس شخصياتهم متضاده ذا الاثنين كيف يلتقون
كلام ام الوليد عن قرب وتفضيل ابن عن اخر صحيح
مكانة غتار عن ابوه غير
هو ابن نفود حب عمره وشخصيته نفس شخصية ابوه ومطيع له
وهذا مو معناه انه مايحب غيام بس غيام عنيد وحكاية وهج مأثره على علاقته بابوه

عقاب
(حبيب النوف )
تابع اخبار اخوك من بعيد وش معناه هذا
انت نادم على القطيعه وتحن له
والا مجرد متابعة اخبار التجاره
شكلك معجب في غتار وراح يكون لك لقاء معه في امر تجاري
ويمكن هذا اللي يهد السور اللي بنيته بينكم
فارس
عايف بنت خالته بالمره ولا يبيها
وحتى لو اخذها بعد إلحاح امه ماراح يحبها مثل قبل

غيام
تلك التي سقطت علي من السماء
هذا انت قلتها من السماء يعني ربي ارسلها لك عشان تنسيك وهج اللي ابد مو مناسبه لك ولأهلك
اخوك قال لابوك كلمه

وبعدين انت تحسـبني بخلي ذي البنت تاخذه..تطمن بس انا ضمانك...!
يعني غتار ناوي لها نيه اذا خطيت خطوه للزواج منها

ورد شكلها هي اللي بتهبل فيك مو العكس
ان كيدهن عظيم
انت ناوي على شئ في بالك لها بس بنقلب السحر على الساحر

في انتظار القادم الاجمل
دمتي بود