يوم الاربعاء في السكول

دانه : ساروه لاتروحين
ساره : لا برووح
دانه : وانتي صدقتي
ساره : اي
دانه : لالا انتي مب ساره
ساره : هههههههه امبلا انا ساره
دانه : جان فيج خير روحي والله لاعلم عليج امج
ساره : جربي انتي بس والله بخلييج تدفعيين الثمن
دانه : شبتسوين
ساره : هههههاااي خليها مفاجأه
دانه : مايهمني بعلم امج
ساره : وصورج يا حلوه
دانه : هييييييييه انتي شنو .,!! تههديين رفيييجتج حراام عليج انتي وحش مب انساسه ليش صرتي جي
ساره : خلج معاي اوكي اكون معاج اوكي
دانه : دام السالفه جي انتي بطريج وانا بطرريج
ساره تمسكها من جتفها : ابركها من ساعه بس ان وصل خبر لامي لاتلوميين الا نفسج فاهمه
دانه : لاتخافين مالي خص فيج من يوم ورايح

يوم الخميس
في الستي
ساره قاعده ف ستار بوكس مع ربعها

اتصلت ساره في سعود
ساره : الوو
سعود : الوو
ساره تهمس : وينك
سعود : انا عند السنما وانتي وين
ساره : انا في ستار بوكس معاي ربعي
سعود : شلون عبايتج
ساره : اممم عباتي عبايه مغربيه ع اطرافها لون ذهبي ترا ربعي ميينن تلاقيهم يسولفون ويصارخون
سعود:هههههههه اللهم لاشماته من وين يايبتهم
ساره : ههههههههههه
سعود : اي اي شفتكم هاي البنت الي لابسه عبايه جنها ثوب الي توها وقفت
ساره : اي هاي طاولتنا
سعود : انا ماسك خريطه حمره
ساره تلفت : ماشفتك
سعود : كاني واقف ماشفتني
ساره : اي اي انت ماعطني ظهرك
سعود : اي
ساره : احنا بنروح السنما بنروح فلم رعب
سعود : اي سييد .,؟؟!!
ساره: احنا في النص
سعود : اها اوكي
ساره : بنقوم الحيين
سعود : اوكي انا وراكم باي
ساره : باي

عند السنما
ساره : هجور
هاجر : هلا
ساره : بنروح فلم رعب
هاجر :اوكي
شيخه بويه : اي اي عاشت سروي
ساره : انطمي لاتفضحينا
دخلو الفلم وسعود كان معاهم هو ربعه قعدو معاهم في نفس السيد سعود قعد يمب ساره اونها صدفه والسنما كانت زحمه
فا ربعها ماشكو في شي

ساره : هجور بروح اجيب بوب كورن
هاجر: زيين
طلعت ووراها سعود
سعود : ساره
ساره التفت : هلا
سعود : شخبارج
ساره اونها مستحيه : بخيير
سعود : امممم اخيراً شفتج
ساره : امممم جني تأخرت
في واحد قرب منهم ., طلال رفيج عمر
طلال : ساره
ساره تخرعت وتوترت : هلا طلال
سعود : عيل انا اترخص
طلال : من هااي
ساره : هاا من .,؟!
طلال : هاي الريال
ساره : اي هاي هاي هاي اخو رفيجتي هو وصلنا ودخل معانا الفلم ويوم شافني بطلع اجيب البوب كورن هو وصلني وراح
طلال : انا شفته يكلمج
ساره : اي اي يسألني عن اخته
طلال وهو مب مصدق : انزين انتبهي لنفسج وترا حتى ولو اخو رفييجتج عيب تكلميينه
ساره : انزين اسفه
طلال : يلا تحملي بنفسج
ساره دخلت بسرعه وهي متخرعه
ساره : هجور انا برووح البيت
هاجر : ليش
ساره : بس بروح يلا باي
هاجر : باي
طلعت بسرعه من الستي خطواتها كانت سريعه وقلبها يدق بسرعه
ساره : سيدوه طلع السياره بسرعه
سيد: جين ماما

ساره عند الباب الرئيسي
سعود: ساره
ساره بخوف : هلا
سعود : وينج
ساره : طلعت بروح البيت
سعود: ليش
ساره : بس تعبت شوي
سعود : من الريال الي كلمج
ساره تجذب : هاي ولد عمي
سعود : اها
ساره : اوكي انا بخلييك باي
سعود : خذي الكيس
ساره : شنو هاي
سعود : امم شي لاتبطلينه الافي البيت
ساره : لالا ماقدر اخذه
سعود : علشاني
ساره : انزين مشكور باي
سعود : باي


في ماليزيا الصبح

منيره : صج ونااسه
عمر : والله اقولج المكاان روووعه اليوم بنطلع من هني بنرووح سان وي لاقون
منيره : ربعي يقولون المكان واايد حلوو
عمر : عقب هالمنطقه بنرووح جنتق ومن جنتك بنروح جزيره رووعه
منيره : الله
عمر : يلا جهزي نفسح بنروح نتريق ترا باجر عقب الريوق بنطلع
منيره :اووكي

في بيت شوق
ابوها : شوووق متى العرس
شوق : مادري يبا
ابوها : شرايج عقب شهرين
شوق وهي تقوم : كيفك يبا

ابوها يكلم جاسم : شفيها
جاسم : يبا شوق شكلها مب مرتاحه
ابوه : توا الناس تقول المفروض من قبل خلاص الحين اتفقنا ع كل شي
جاسم : يبا شهالكلام الله يهدييك الحين بدال ماتكلم شوق وتعرف شفيها تقول هالكلام
ابوه :لا حول ولا قوة الا بالله ., جاسم انا عارف شاسوي
جاسم : خلاص بكيفكم بس باجر لما تجيك بنتك معاها ورقتها وتطيح في جبدكم انا مالي خص

وطلع عنه

ساره قاعده في غرفتها تذكرت الكيس وبطلته
ساره : الله ياربي وايد حلو فديت قلبه انا
سعود عطا ساره دبدوب ابيض ومعاه عقد
ساره : الووو
سعود : هلا هلا
ساره : اهليين
سعود : ها عجبتج الهديه
ساره : وايد واييد ثااانكس
سعود : ولكم كم ساره عندي ., عقب كم يوم جهزي نفسج بجي بيتكم اخطبج
ساره : هاا صج .,!!!!
سعود : والله بس بشرط ابي اشوفج
ساره : وي وي لالا ماقدر
سعود : يلا عااد
ساره : اوووكي اوووكي دونت وري

في ماليزيا

منيره : عمر جيب الشنطه بسرعه خل ارتب الاغراض
عمر : انشاء الله من عيوني
منيره : عمر ابي اتصل الدوحه ابي اكلم اخوي
عمر : بااال مامداج تونا من اسبوع هني
منيره : والله مالي خص برتب الاغراض وبكلم اخوي
عمر : بنشوف من بيخليج

خلصت منيره عقب ساعتيين << ايه عليها

مسكت التلفون
منيره : الووو
نايف : الووو هلا بالقاطعه
منيره : لاتقول قاطعه والله مانسيتك يا اخوي
نايف : اي اي من تزوجتي نسيتيني معليه انا لي الله
منيره شوي وتصيح : لاتقول جي
نايف : اشفيج بتصيحين
منيره : لا
عمر : اشفيييج شصاير
منيره : ولا شي
عمر : تكلمين من .,؟؟
منيره :/ اكلم اخوي
عمر ياخذ التلفون : الوو نيوف صج ماتستحي
نايف : تفو عليك شمسوي في اختي صارت وايد حساسه
عمر : هاا انت شقلت لها كانت بتصيح ولا هي عندي كله تضحك
نايف : لالا انت الي مخرب اختي يويلك لو زعلتها
عمر : جب جب توصيني ع عيوني
نايف : وووخخخخ
عمر : وخ علييك
منيره : هههههههههههههههههه
عمر : شووف كاهي تضحك
منيره : عطني بكلم اخوي
عمر : جبي مافي
منيره : بعد جبي
عمر : لالا كله ولا هالنظره ., تفضلي
منيره : الوو
نايف : ههههه شكلك لاعنه خيره
منيره : اعجبك يا اخوي
نايف : ها خيتو مرتااحه معااه
منيره : اي وايد
منيره : ماتبي شي من هني
نايف : لا مابي الا سلامتج وابيج لين رجعتي تختارين لي وحده خلاص نبي نعرس
منيره : صج
نايف : صجييين
منيره : والله فرحتنييي

منيره قعدت تسالف مع اخوها ونست عمر عقب لما سكرت حصلته راقد

منيره : هههههه مسكين رقد

الصبح

جهزوا اغراضهم وراحوا يتفطروون تحت
منيره : امبيه شكلها الدنيا بتمطر
عمر : عاادي
منيره : انزين انا خصلت وانت
عمر : اي بس انطرج
منيره : يلا عيل
راحوا البهو

عمر سوا جك اوت

في السيار ه

منيره تهمس : عمر الدنيا تمطر
عمر : انتي وايد تخافين ترا مابصير شي بس بينزل مطر
منيره صدت : لا ماخاف
عمر : ههههه


عقب شهر

شعاع خذت سلفه حق اختها
فجر : ها دبرتي المبلغ
شعاع : تفضلي ., هاي 50 وال50 الثانيه بعدين
فجر : من وين لج
شعاع : الظاهر نسيتي اني اشتغل
فجر : نو نو مانسيت





الساعه 6 الصبح في قطر

وصلوا قطر

منيره : عمر وين بنسكن الحين
عمر : في بيتنا
منيره : بيتنا .,!! بيت عمي يعني ,.,.؟؟
عمر : لا حياتي بيتنا بروحنا
منيره : اهـــا ., البيت في منطقتنا .,
عمر : يب




ساره : ها سعودي ., شتبي
سعود بجد : ساره .,
ساره : عيوني امرني
سعود : ساره .,’ انا بتزوج .,!!
ساره :شنو .,؟؟؟؟؟ من وليييييش
سعود : بس خلاص فكيني من اسألتج
ساره : شنو شنو ليش افكك .., قووول لي ليش جي سوييت
سعود : باخذ بنت عمي
ساره : شنو ., وانا
سعود : سمعيني عدل ., انا باخذ بنت عمي لان ادري هي شريفه وماعندها هالسوالف .,

ساره : جب يعني شقصدك
سعود : بنت عمي بنت نااس ومب بنت شوارع
ساره : جـــــــــب يا الحقيير يا الخيااس انا اشررف منك ومن طوايفك
سعود : هييييي انتي كلي خره وااييد شريفه لالا الصراااحه واايد شريفه
ساره : اسمع والله لافضحك واقول حق بنت عمك عن سوالفك
سعود : هههههه روحي لها يعني شباسوي ., بس تدرين قبل لاتروحيين لها صورج ومحادثاتج معاي ف المسن توصل حق اخووج راشد واخوج الحلوو المعرس عمر .,
ساره : هااا وانت شعرفك في اخواني
سعود : هههههههآآآآآي يا الشيخه شلون ماعرف الي باقو حلالنا سمعيني لاتفكريين بشي غبي وتروحين حق بنت عمي ., لاني والله قد الكلام وبسوي الي ابيه ., تدرين انا كنت بنهي السالفه بطيييب لاكنج خربتي ع نفسج .., امممم تبين الحيين انشر صورج ..,

ساره : لاااااااا الله يخليييك لا
سعود : تذكرين امنه صح .,.؟؟؟
ساره وهي تصيح : امنه .,.
سعود : اي امنه ال *******
ساره : شفيها .,؟؟
سعود : هاي اختي ومثل ماكنتي تهديينها جا دورج يا بنت خاطر
ساره : انت حيووان
سعود : يؤ يؤ لاتغلطييين
ساره : اكــــرهك
سعود سكر في ويها

ساره : رد يا حيووواااان
رضخت تلفونها ع الطوووفه وتمت تصييييييح


عقب اسبوعييين

منيره وعمر يتغدون في بيتهم .,

منيره : عــمــر
عمر : هلا
منيره : اممممم بطلب طلب صغيرووون
عمر : انتي تامرييين
منيره : ابي ارووح السوق
عمر فج عينه : يييه
منيره : خلاص اذا عندك شغل مب لازم ارووح
عمر : لالا حبيبتي عاادي متى تبين تروحيين
منيره : خلاص مب لازم
عمر : قعدي مكانج متى تبين تروحين
منيره : اي وقت .,
عمر : انزين بس بنمر بيت ابوي بنسلم عليهم
منيره : اوكي
عمر : عقب الساعه 4 بنروح بيت ابوي وعقب نروح السوق
منيره : اوووكي



في بيت شوق .,!
شوق قررت تنهي كل شي مع خليفه .؟.,

شوق : خليفه
خليفه : نعم .,
شوق : خليفه طلقني
خليفه : شنو .,؟!!!!
شوق :اسمعني خليفه قبل لاتعصب ., انا ابي هالشي علشان مصلحتنا يعني شوف لا انت ولا انا نقدر نصبر شوف كل يوم مشاكل وهواش يعني احنا تونا ع البر خلاص خليفه انا عذبتك واايد وغربلتك ., انا اسفه علي سويته بس والله ماقدر استحمل انت الف بنت تتمناااك وصدقني والله مافيك عيب بس بس انا مادري ليش مب مرتااحه ارجوك خليفه افهمني
خليفه : بس بس .,,,..... خلاص بنت عمي الي يريحج بسويه بس انشاء الله يكون قرارج ماخذته عدل يعني مب مستعيله .,.

شوق : بالعكس كان وايد متأخر
خليفه :الي يريحج ., يوم الاحد بتوصلج ورقتج والله يوفقج يا بنت عمي
شوق : وانت انشاء الله تحصل بنت الحلال .,

خليفه : يلا عن اذنج
شوق :اذنك معاك
من طلع خليفه

شوق حست بهم انزاااح عن قلبها


في بيت خليفه

خليفه : شاسوي زين يما انا مارتحت لها ولا هي ارتاحت لي
ام خليفه : مب ع كيفك ولا على كيفها
خليفه : لا على كيفكم عيل ., يما خلاص انسي شووق انا امابيها لا تحاولين
ام خليفه : خلووف
خليفه يركب الدري
بو خليفه : خليييه يا مره
راشد طالع من غرفته .,
راشد : شفييج يما
ام خليفه : خلني روح عني
راشد : لحووووووووول
خليفه : راشد تطلع معاي
راشد : لالاماابي
خليفه : مب ع كيفك يلا اركب السياره
راشد : يلا زيين
خليفه يشيل اخوه : انت شفيك ليش ما تاكل
راشد : نزلني انا مب ياهل
بو خليفه :هههههههه الله يخلييكم لبعض
خليفه : امييييييين .,و بس لما اخطب واعرس خل يوخر عني
راشد بطل عيينه
في السياره :

راشد ": خلووف انت شتقصد لما قلت حق ابوي خل اخطب واعرس خل يوخر عني .,
خليفه : اييي انا طلقت شوق
راشد ": شنوووو .,؟!!
خليفه : بعد ماصار نصييييب
راشد : من الي طلب الطلاق
خليفه : شالفرق يعني
راشد : في فرق يلا قووول
خليفه : شوق
راشد مستانس: وماعرفت شنو السبب
خليفه : لا البنت قالت لي مب مرتااحه ..,
راشد : اها

خليفه : اوووووف

في بيت ساره

سعود : هاا شقلتي
ساره : ماقدر اقولك شي انا موافقه .,
سعود : زين زين انجلعي

ساره تصييح : آآآآآه ياربي ليش جي
منيره دخلت عليها الغرفه : سروووي انا هني
ساره تمسح دموعها : هلا هلا
منير ه: سروي شفيج ليش تصيحين
ساره : لا ماصييح والله مافيني شي
منيره : امبلا فيييج قولي لي افاا الحين ماكو ثقه يلا قولي
ساره انهاارت : منوور انا في مشكله والله بمووت والله
منيره : شفييييج .,؟!!!

عقب ساعه قالت لها السالفه

منيره تصارخ عليها : الله يلعن بليسج شسويتي ليش جي
ساره انصدمت : لاتصرخيين علي
منيره : لا ولج ويه تتكلمييين انتي غطيتي راسنا بالتراب والله لو يدري اخوج بيذبحج
ساره نو كومنت << امحق تعبير
ساره : بتساعديني
منيره : اي عيل بخلييج سمعيني بحاول الهي اخوج وبكلم هالزفت وبتفاهم معاه

في بيت شوق .,

جاسم : من صجج .,!!
شوق تتنهد براحه : يب
جاسم : يعني انفصلتوا
شوق : اي
جاسم : وابوي
شوق :انا وخليفه اتفقنا نقول لهم ان مارتحنا
جاسم : اهـــا ., والله احس ابوي بيلعن شكلج لو درا
شوق:هههههههه عادي
بوجاسم : شوق من زماان ماسمعتج تضحكيين
شوق : هههههههه يبا مستانسه
بو جاسم : دووم انشاءالله
جاسم بجد : يبا
بوجاسم : نعم
جاسم : اختي شوق انفصلت
بو جاسم : شنو
جاسم : كــــــح
بو جاسم : انت شتقوول
جاسم : يبا شوق مب مرتااحه ولا هو ارتااح فقررووا ينفصلون يعني الحمدلله انهم ع البر ., لو تزوجوا جان من اول اسبوع تتطلقوا
بوجاسم : بس
شوق : يبا الله يخليييك انا ابي هالشي
جاسم : زين انا بروح الحيين


في فيلاجيو
عمر : ماتبين شي .,؟!
منيره : هاا لالا مابي شي
عمر : مب مسااعه تقولين تبين السوق
منيره : لا ماحصلت شي
عمر : خلاص تعالي الكوفي بنشرب شي
منيره : لا عمر مابي ابي ارد البيت


في بيتهم
عمر يقعد عندها : اشفييييج .,؟!
منيره تلفت له : ماشي سلامتك
عمر : مساعه شفيج في السوق
منيره : ولاشي بس صداع
عمر يمسك يدها : اها ., منيره انا عندي دوره اسبوع
منيره انصدمت : متى .,؟!! وليش .,؟!!
عمر : بل بل صبري بقول لج ., عندي دوره الاسبوع الياي في البحرين بتم اسبوع
منيره : انا مب قاعده هني اخاف
عمر : من قال لج انا بوديج بيتنا تقعديين هناك
منيره : هاا ., لالا ابي بيتنا
عمر بغشمره : عن حركات اليهال ., اعقلي
منيره : هههههههه
عمر يبوس يبهتها : الله يخلييج لي

الاسبوع الي عقبه
منيره : حمدي ربج اخوج سافر
ساره : انزين منور يلا تصرفي الله يخلييج
منيره : يبي التلفون وطلعي برع
ساره :انشاء الله



منيره : الوو
سعود : الوو
سعود : من انتي
منيره : انت سعود عدل
سعود : يب من انتي .,؟!
منيره : انامن اهل ساره
سعود : soo
منيره : اسمع يا سعود انا ابي اتفاهم معاك مابي غشمره
سعود : اووكي اسمعج
منيره : اسمعني يا سعود انت عندك صور ساره وانا عندي صور اختك
سعود فج عينه بل هاي الي ماحسبته : يعني شقصدك
منيره : اي جي تعجبني تكلم عدل
سعود : كملي
منيره : تبي صور اختك عدل
سعود : اي
منيره : وانا ابي صور ساره
سعود : هاا
منيره : عرفت شبي عدل اعتقد كل واحد بياخذ حقه
سعود : اي بس ابي مبلغ مع الصور
منيره : وانا بعد ابي مبلغ مع صور
سعود بل هاي قويه : خلاص خلاص مابي شي
سعود: بس شيضمني .,؟ انج ماراح تنشرين الصور
منيره : وانا بعد شيضمني .,؟؟ عيل مافي الا نتقابل في مكان تعطيني الصور وانا بعطييك الصور ., وابيك تجييب كل نسخه عندك وانا بجيب كل الصور وراس اهلك تجييب الصور كلها
سعود : خلاص وراسهم زيين باجر وانتي بعد حلفي
منيره : منيره وراس اهلي اني بجيب الصور ., باجر تعال على هالعنوان ********
سعود : زييين مع السلامه
منيره : باي


ساره : منور شصار
منيره : خليني بروح انام
ساره : انتي لين الحيين زعلانه
منيره : خليني بروح اناام تلفونج بيتم عندي


منيره مابغت تعلق ساره بأمل ., لان ماتدري شبيصير باجر

اليوم الثاني


فجر : شعوع هاج
شعاع : شنو هاي
فجر :فلوسج
شعاع : ,’!!
فجر : يب يب فلوسج
شعاع : ليش ماتبينهم
فجر : نو انا حاولت مع ولد عمج بس ماطاع
شعاع : اووووووووف منه


منيره قاعده تفطر الصبح مع ام ساره
ام ساره : ها يا بنتي ماكو شي في الطريج ياي
منيره فجت عينها : هاا
ام ساره : ماحملتي
منيره نزلت راسها : لا خالتي
ام ساره : معليه حبيبتي توج متزوجه
منيره : يلا خالتي انا تأخرت بروح اخذ الدوام
ام ساره : وين يا بنتي قعدي اكلي
منيره : لا خالتي شبعت


في مكتب منيره

منيره قاعده تتنظر

اتصلت حق سعود : الووو
سعود : الوووو
منيره : وينك
سعود : كاني وصلت انتي وينج
منيره : انا موجوده في الطابق 4
سعود : زين دقايق باي
منيره : باي
منيره تنهدت وحطت الغشوه ع ويها
سعود : السلام
منيره : وعليكم السلام ., تفضل
سعود : دام فضلج
منيره : شتشرب
سعود : مشكوره مستعيل
منيره : خلاص عيل بدش بالموضوع
سعود يطلع الظرف : هاج الصور وهاي الفلاش فيه الصور
منيره : وهاي صور اختك
سعود : شيظمني ماكو غيرهم
منيره : يلا بحلف لك ع القرآن ماكو غيرهم
منيره حلفت له
منيره : دورك .,
سعود حلف لها
منيره : اعتقد لو كان عندك صور بتم في ذمتك لين يوم الديين
سعود : ماعندي شي يا بنت الحلال
سعود : أنا استأذن
منيره : الله ويااك بس لاتنسى لاتتصل ع هالرقم ., وبقول لك الدنيا دوراه مثل ماسويت في بنت خالتي الله بيبليك بأختك
سعود تخرع من كلامها


ساره وهي تسوق : الوو
منيره : انحل الموضوع
ساره : هاا قولي والله من صجج .,؟!!
منيره : والله ولا عاد تعدينها مره ثانيه
ساره وهي تصيح ": والله ماراح اعييدها
منييره : بعد على بالي ههههه
ساره : يلا بنطرج في البيت علشان نتغدا
منيره : اوكي

ساره تصيح: الحمدلله انحلت السالفه
ساره : الوو يما
امها :ها بنتي شفيج
ساره : يما شخبارج
امها : ويه شفييج توج شايفتني
ساره : وحشتني يما شاسوي
امها : هههههههه
ساره : يما يما احبج والله احبج
امها : وييي استخفتي
ساره : يما ارضي عني الله يخلييج لاتزعلين ولاتشيلين علي
امها : انا راضيه علييج يما
ساره : فديتج يما ., يلا اشوفج على الغدا
امها : يلا تحملي على نفسج
ساره : زين زين يما باي
امها : باي
منيره : عمر حبيبي لحظه عندي خط
عمر : يه ., يلا ردي بسرعه
منيره : الوو
راشد : الوو
منيره : هلا راشد
راشد : منيره يلا تعالي بسرعه البيت
منيره : ليش خالتي فيها شي
راشد : لالا انتي بس تعالي
منيره : انزين

الخط الثاني

منيره : عمر حبيبي انا بروح البيت الحيين اووكي اليوم متى بتوصل
عمر : اليوم الساعه 7
منيره : اها اوكي بخليك الحيين
عمر :تحملي بنفسج

في البيت

راشد : تعالي هني بسرعه
منيره : خرعتني شصاير
راشد : انتي مرت اخوي واقرب وحده لأمي الحيين
منيره : شصاير
راشد : ساره سوت حادث
منيره : هاااااااااااااااااااااااااا شنو متى
راشد : من شوي امشي معاي خل نروح نقول لأمي
منيره تصيح : توني مكلمتها ماكان فيها شي
راشد : يلا بسرعه
منيره : انشاء الله
راشد : يماا
ام ساره : شفيك يما ., منيره ليش تصيحين
راشد : يما ساره سوت حادث
ام ساره طاحت على الكرسي: شنو
راشد : يلا يما بسرعه خل نروح لها
ام ساره تصيييييح : ايييه عليج يا بنتي
راشد : يلا يمااا


في المستشفى
الدكتور : حالتها حرقه اووي حندخلها دلوئتي العمليات

راشد فج عينه : شتقول انت .,؟!!
ام راشد اغمى عليها
منيره تشهق وهي في حظن اخوها : نايف نايف ساره كانت زينه والله انا كنت اكلمها مافيها شي
نايف : معليه حبيبتي الله يشفيها
منيره تصييح : نايف والله والله والله كانت زينه
نايف : ادعي لها

ام ساره ودوها الغرفه علشان ترتااح

منيره : الله يشفيييج يا ساره
ام ساره تصييح : ايه عليج يا بنتي كله منكم ليش عطيتوها السياره كله منكم انتوا الي ذبحتوا بنتي
منيره تصييح : بس خالتي الله يخلييج

الساعه 10
في الليل

الدكتور طلع لهم

راشد : بشر يا دكتور
الدكتور يهز راسه : مافيش فايده كليتها متمزئه أووي من الحادث
راشد: يعني شنو .,؟! اختي شبيصير فيها
الدكتور : حنشوف ازا حنحط لها كلية تانيه
راشد : انا بعطيها كليتي
الدكتور مش بالبساطه ديت ., للازم تكون انسجتكم متوافقه
راشد : انت سو لي تحليل

منيره راحت لدكتوره الثانيه :
منيره : دكتوره يصير اشوفها
الدكتوره : لا ممنووع
منيره : بس خمس دقايق الله يخلييج
الدكتوره : لالا ممنوع
منيره : دكتوره الله يخلييج حس فيني حطي نفسج في مكاني
الدكتوره : عندج دقيقتين بس
منيره والله لو ماكنت ابي اشوف بنت عمي نتفتج : مشكوره

دخلت منيره : هيييه
قعدت عند راس ساره : ساره
ساره ماترد عليها
منيره تصيح : ساروه حبيبيتي انا حليت مشكلتج شدي حيلج حبيبتي الله يخلييج صدقيني اول ماتردين لنا بالسلامه بزوجج اخوي وبسوي لج عرس احلى من عرسي بس انتي قومي

دقايق الا ويرن الجهاز والدكاتره يدخلوون الغرفه
النرس : حبيبتي روحي برع
منيره طلعت وشافت راشد يكلم عمر ونايف قعدت تصييح
نايف يركض لأخته : منيره ادعي لها
منيره تصيح : بتروح منا ساره بتمووت
عمر : خلاص حبيبتي لاتصيحين الله يشفيها
منيره : عمر لو صار فيها انا بمووت تعرف شنو يعني بمووت
عمر : اسم الله عليج يعل يومي قبل يومج
الدكتور طلع