كاتب الموضوع :
ام حمدة
المنتدى :
القصص المكتمله من وحي قلم الاعضاء
رد: يوم اللقا تاهت عناويني ( اماراتية ).... بقلمي \ ام حمدة
اقتباس :-
المشاركة الأصلية كتبت بواسطة NoOoFy  |
شكرًا أصبع شكرًا أصبع
أبي الأصبع والشكراً اللي تجئ في نهاية الرد بالأزرق هاا فهمتوني بزعجكم لين تحطونها لي فيس يرافس برجلينه يبي شكرًا
بأخواتي علموني وشلون أكبر الخط والون واحط شكرًا في ليلاس الصفحة صمعا ما فيها أي شئ بس ليلاس
نجي للروايه الطر ياويح قلبي بس أم حمده جعل حمده وأخوانها ينجحون ويأخذون أعلى الدرجات
لا يهمتس مستوى عيالتس انتي اكتبي الرواية وحنا بنقنت لعيالتس الله يوفقهم وينجحهم فيس رافع يده يدعي
تسلمين يا قلبي والله يوفق عيالنا وعيالكم والرواية ولا يهمج كاملة وجاهزة
علي بس إني أنزلها
بما أن الروايه جازتلي وبقوه ببثرتس بردي الطويل وفصله تفصيل
قولي يلي تبيه حبيبتي أنا أستمتع بردودكم
نجي البومايد محمد اللي يسويه في عياله من عقله أكيد الرجال مسحور مافيه اب متبلد إلا فيه بلا
أم حمده انتي مافصلتي لنا عائلة محمد وشلون خذ المصرية وحياته مع أم العنود كيف كانت
وأم العنود وينها حيه ولا ميته وش سالفتها تزوجها قبل المصرية ولا بعدها
والعنود وين خوالها عنها أكيد أمها مهيب مقطوعه من شجره
كله راح يتوضح ونعرف تفاصيل عائلة عنود، بس اصبري شوي
على العموم محمد اللي تسويه مع بنتك وأخوها لو كنت مسحور مهوب مبرر ياخي انت مالك عيون تشوف البنت تكرف ومع ذلك هي الشينه
أم غوايش مدري أحس شكلها يشبه فيفي عبدو ذهبان وعيون شريره والسان طوله مترين
ههههههههههه لا حرام عليج فيفي عبده بعدها أحلى منها، بس بطريقة هزها لجسمها لما تتكلم وحركاتها ولسانها الطويل أظن كل المصريات يتشابهون بهذا الشي ههههههههه
يمه روعتني وأنا ماشفتها حسبي الله عليتس انتي ما تدرين أن فيه رب يشوفتس
وين تروحين من رب العالمين يا عجوز قريح وجع ومن زين الحلا جايه للبنت في بيتها انتي وش طينتس وجاره معتس بنتس
جارنها الفلوس والجاه والمال، ما كانت تعرف هي كانت متزوجه مين
ليه العنود مالها سند لا يا حبيبتي مهيب العنود الاوله هذي ورآها الشيبه أبو عبدالله ولاهوب أي سند شيخ العرب حمدان بن عبدالله ( مدي اسم أبوه عبدالله بس أكيد مسمي ولده علبه )
ههههههههه هيه اسم أبوه عبدالله على اسم ولده عبدالله
توكلي على الله ولله لو تحفرين الأرض حفر بهبديتس انتي وشحومتس مالمستي شعره منها زمن اول تحول ياوليه
تحسبين حالها مثل يوم كانت عندتس لا ياشيخه الله يخلي للحرمة رجالها اللي بياخذ حقها وحق أخوها وحق أبوها منتس
وجع بلا وجع وإذا راح رجع عمى الجدري الله يلهيتس في نفستس وياثر العنود عليتس وتشوفينها في أحسن حال
وتصيرين عندها شاغله الله يشغلتس في نفستس (مسكت خط في الدعاوي )
لا اتركي شوي من الدعاوي لأن بلاويهم بعدها ما بدت
ولله لو تقوطر سعابيلتس يالداجه يالهايته مهوب كل طير يتاكل لحمه
ليه ابوعبدالله مثل السلق اللي تعرفينهم لا ياحبيبتي هذا شيخ العرب مهوب انتي واشكالتس يجيب راسه
وتراه حط اللي مثلتس تحت رجله وداس عليها ولله لو تجيبين عشر ارقام أرقام له ماجبتي راسه
هو مع حمامة الحرم الشريفة عنوده يمشي بالبركة وشلون أنتي اللي وصاختس تسحبينها وراتس
اجل عبايه بيضاء وطرحه بيضاء الأخت ممرضه داخله مستشفى
ههههههههههههه يا زين تعليقاتج يا اختي، والله وناسة
أقول ضفي عمرتس ترا الشيخ مهوب ساكت ولله أن يطلع ريحتس ويخليتس تدورون حول عمرتس دوران
ولا من الثقه الزايده تكلم وتقول أنا ابتسام
بس تدرين انتي قدمتي أكبر خدمه للعنود لان ابوعبدالله بيدر منهي البنت ضائعة الشرف اللي في بيت أبو مايد وأكيد سمعتس واصله الإمارات السبع
والكل يحسب أن البنت اللي تلعب بذيلها من بيت ابومايد بنته بس الله بيفضحتس وبيعرف الشيبه منهي العنود ومنهي انتي
إيه مير منهو ابوتس يالهايته انتي قلتي عمي محمد يعني منتيب أخت العنود بنت مصري ولا إماراتي
إذا بنت مصري قولي أمين جعلتس الماحق والبلا المتلاحق اللي يطيرتس مايردتس إلا الغردئه ولا سكندريه
هههههههههههههههه الله يوسع صدرج مثل ما وسعتي صدري بتعليقاتج،
يا الله ويني عن منتداكم؟؟... واللهجة الحلوة يلي تبرد الخاطر
أمون لبي قلب البريئة مدري عندي إحساس أن مصيرتس يبصر عند العنود وأمتس بتروح قلعت ودارين أن شاء الله
أمممممممممم تقريبا قربتي بتخمينج عن أمون
مايد لبي قلبه مدري عندي احساس أن موته فيه أن وعجوز قريح وبنتها لهم دخل في موته وشكل ابوعبدالله شيخ الشيبان اللي بيجيب الحقيقة وبيدخل العجوز وبنتها السجن
لا شطحتي لبعيد بس هو في سبب ولكن كل واحد راح ياخذ جزاته تابعي وراح تعرفي كيف
نجي البوعبدالله طحت ولا احد سمى عليك اجل بطلق اللي يطلق مايلحق البنت وين راحت هذا وانت ماتبيها اجل لو تبيها وش بتسوي
بيسوي بلاوي هههههههههه، الرياييل فيهم منكر، يقولون عكس ما يبون
أقول وراك رزقك ورزق عيالك ترا ملاحق ذا البزر مهوب نافعك اكذب اكذب عليك ولله أن قربها بيجيب لك العافية ويفتح نفسك على الشغل ويرجعك عشر سنوات وراء
تدري وش اللي أعجبني في العنود أنها ما حاولت تبرر لك أنها شريفه وانت تكيل عليها التهم خلتك انت تكتشف بنفسك وشي من مره
مهوب معقولة بنت صايعه ضايعه تسوي سواياها من أدب وأخلاق وسنع
كلامج صح، أصلا دفاعها عن نفسها راح يكون ضايع مع واحد أصلا خلاص حاط في باله انها ضايعة، فليش تتعب نفسها وتبرر
بس انتبه لا تسوي شئ يكسر البنت وبعدها تبي قربها ولا تحصله العنود شكلها مهيب من اللي ينكسر بسهول ولا يرضى بسهوله
شكلج عارفة شو بيصير!!.
الشيبه حافظ عليها لا تضيع من يدك الله رائد لك الخير يوم حطها في طريقك وراحم ضعف ذا البنيه حنون ورزقها بأم تعوضها
تعال انت دريت عن الصايعه وعرفت أنها أخت حرمتك وصرت إذا دقت قمت تكلمه برا لا يكون ناويلك على نيه شينه للعنود ترا ماراح يخسر إلا انت
العنود حره عنود الصيد مهيب اي بنت بتراضيها وبترضى لا حاسب على فعلك لا تفلت الامور من يدك
يا قلبي يا قلبي بس جيت للزين شيخة البنات العنود بنت محمد جعل محمد الفلس
ولله بقدر مايوجعني قلبي عليتس بقدر ماتعجبني ردات فعلتس روحي ياشيخه جعلتس تخرفنين الشيبه وتخلينه يمشي يهذي باسمتس
يا عمر عيني عليتس اللي شفتيه ماشافته بنت بعمرتس بس ادري أن الله بالمرصاد الكل من ظلمتس ويأخذ حقتس وياثرتس عليهم وأولهم شيبتس
عندي إحساس انتس بتملكين قلوب أهل البيت كلهم أكبرهم الجده وأصغرها حنان
أشي أشي اللي تعرف تطبخ الذبيحة ذبائح مره وحده يالعنود وين انتي بأي زمن وأي عصر جنستس راح أيام امهاتنا من اللي تعرف في ذا الوقت تطبخ ذبيحه
الحين البنات فطورها وغداها وعشاها من برا وياويله لو قال ادخلي المطبخ وإذا حملت تحس أنها حامل ببعير من زود ماهي تعبانه
ههههههههههه والله كلامج صدق تعالي شوفي بنات ألحين حتى طريق المطبخ بتقولج ما أدله، بس في بنات أمهاتهم ما شاء الله مربينهم صح ومعلمينهم وأولهم أمي جزاها الله كل الخير، وصرنا نطبخ الذبايح بالعزايم.
المهم خليتس من شغل المطابخ واشتغلي على شايبتس وهبلي فيه المطبخ مهوب جايب راسه بيجيب بطنه فيس يغمزلتس ويقول انتي أدرا وش اقصد
ههههههههه ولا يهمج راح تجيب راسه وزود بس هو بغباءه راح نشوف شو بيسوي
أم حمده بارتاتس توسع الصدر وغنيه بالأحداث
روايه ما تشعرين فيها بالملل ودي اكتب واكتب في الرد بس الظهر تقوس من الكتابه
ولله ان أبطالتس ممتعين وتنجبرين تتكلمين عنهم بإسهاب
في الانتظار يالغاليه
تسلمين يا الغالية كفيتي ووفيتي وما قصرتي، واستمتعت بقراءة تعليقج يلي يوسع الصدر
وترا ما نسيت شكراً والأصبع الأزرق حطو لي ولا معاد رديت وتابعت بصمت فيس عيون ادمع ولا علموني كيف أحطه
|
وشكرج وصل يا قلبي وتسلمين ومشكورة مرة ثانية
وشكراااااااا لمروووووووووووووورج العطر
|
15-12-16, 05:16 PM
جديد مواضيع قسم القصص المكتمله من وحي قلم الاعضاء
العرض العادي
