اللهم اجعل الامتحانات برد وسلام على الجميع ويوفق ابنائك
الله يسعدك ام حمده طمنتينا ماراح تقطيعين فينا بالنص
زي بعضهم الي عطونا وعود
ووعودهم ذهبت مع الريح
متفائله خير انك بتوصلين الروايه لبر الأمان
ومعذوره ام حمده لعدم تعليقك ع الردود
اهم شي البارتات 😊
الردود ملحوق عليها
مابعد قريت الي نزل
انتي روايتك يبي لها جو
تبااارك الله على ها الابداع
لي عوده بأذن الله بعد القراءه

بارت يوسع الصدر ويبرد الخاطر ودي ارد بس النوم سلطان
وعندي دوام فيس يصبح
اعجبني البارت وفيتي وكفيتي لي عوده ان شاءالله

موفقين العيال ان شاء الله حبيبتي ام حمده ..

تراني ببدا الاسبوع الجاي يعني الله الله في البارتات الزينه و بلاها القفلات الموووجعه ..


بارتات ممتعه ممتعه ممتعه ربي يبارك لش

يا وجع قلبي وجعاااااااااااااااااااااااااااااااااااااه
ربي يرحم مايد و يصبر قلب عنوده ..

صراحه ما توقعتهم يكونون بذي القسوة..اقل شي اقل شي اقل شي كان قالون للضعيفه
حسبي الله عليهن عجوز قريح و ام الدويس
عساني اشوفهن مقهورات عاااااجل غير اجل يا الله ..

حزن عنوده اجع قلب حميدان بس بعده ماسك ثوب البرود ..
بس المشاعر الدافئه منحنونه و عبودي ما عليها خلاف ..و ارتباطهم بعنوده بيوقف في وجه مخطط ابيهم بانهم يتركها

جعله ما يتحمل يبعد عنها ساعه ..

لا و البعدا .. فوق شينهم قوة عينهم
مالت بس
و بكل وجه مغسول بكلوروكس مهوب مرق يبون يجون و زعلانين انها فاتنتهم ..
مالت عليهن طوفه فوقها طوفه فوقها فيل

امون . واقليبي عليها ..حاسه بالذنب
مهوب ذنبش حبيبتي
من ريا و سكينه اللي جالسات معش
و ابيها
خليني ساكته بس .. الرجال شيبه ..
بس نظرة الغموض ذي عساها تصحي العرق النايم اللي في قلبه ..

رحلة المزرعه ..
توقعتها اكشن و طلعت اكشنات

هههههههههههههههه
اجل يالشايب تبا توهقها ؟؟ عنوده بليا مبالغه لو تجيب لها قعود مهوب ذبيحه طبخته ..
اثره ايب صدق و نسى الاسباجيتي..هههههه ما الومه ما تهنا باللقمه الا و جدته عند الباب

الحين ابا اعرف .. على وشو ناوي الشايب ؟؟
هدوءه مهوب مريحني ..

و شي ثاني

لا تكون ام الدويس حصلت رقمه ؟؟
عسى الارقام تاقف في حلقها لا تعرف تصد و لا ترد

شكرًا أصبع شكرًا أصبع
أبي الأصبع والشكراً اللي تجئ في نهاية الرد بالأزرق هاا فهمتوني بزعجكم لين تحطونها لي فيس يرافس برجلينه يبي شكرًا
بأخواتي علموني وشلون أكبر الخط والون واحط شكرًا في ليلاس الصفحة صمعا ما فيها أي شئ بس ليلاس

نجي للروايه الطر ياويح قلبي بس أم حمده جعل حمده وأخوانها ينجحون ويأخذون أعلى الدرجات
لا يهمتس مستوى عيالتس انتي اكتبي الرواية وحنا بنقنت لعيالتس الله يوفقهم وينجحهم فيس رافع يده يدعي

بما أن الروايه جازتلي وبقوه ببثرتس بردي الطويل وفصله تفصيل
نجي البومايد محمد اللي يسويه في عياله من عقله أكيد الرجال مسحور مافيه اب متبلد إلا فيه بلا
أم حمده انتي مافصلتي لنا عائلة محمد وشلون خذ المصرية وحياته مع أم العنود كيف كانت
وأم العنود وينها حيه ولا ميته وش سالفتها تزوجها قبل المصرية ولا بعدها
والعنود وين خوالها عنها أكيد أمها مهيب مقطوعه من شجره
على العموم محمد اللي تسويه مع بنتك وأخوها لو كنت مسحور مهوب مبرر ياخي انت مالك عيون تشوف البنت تكرف ومع ذلك هي الشينه

أم غوايش مدري أحس شكلها يشبه فيفي عبدو ذهبان وعيون شريره والسان طوله مترين
يمه روعتني وأنا ماشفتها حسبي الله عليتس انتي ما تدرين أن فيه رب يشوفتس
وين تروحين من رب العالمين يا عجوز قريح وجع ومن زين الحلا جايه للبنت في بيتها انتي وش طينتس وجاره معتس بنتس
ليه العنود مالها سند لا يا حبيبتي مهيب العنود الاوله هذي ورآها الشيبه أبو عبدالله ولاهوب أي سند شيخ العرب حمدان بن عبدالله ( مدي اسم أبوه عبدالله بس أكيد مسمي ولده علبه )
توكلي على الله ولله لو تحفرين الأرض حفر بهبديتس انتي وشحومتس مالمستي شعره منها زمن اول تحول ياوليه
تحسبين حالها مثل يوم كانت عندتس لا ياشيخه الله يخلي للحرمة رجالها اللي بياخذ حقها وحق أخوها وحق أبوها منتس
وجع بلا وجع وإذا راح رجع عمى الجدري الله يلهيتس في نفستس وياثر العنود عليتس وتشوفينها في أحسن حال
وتصيرين عندها شاغله الله يشغلتس في نفستس (مسكت خط في الدعاوي )

ولله لو تقوطر سعابيلتس يالداجه يالهايته مهوب كل طير يتاكل لحمه
ليه ابوعبدالله مثل السلق اللي تعرفينهم لا ياحبيبتي هذا شيخ العرب مهوب انتي واشكالتس يجيب راسه
وتراه حط اللي مثلتس تحت رجله وداس عليها ولله لو تجيبين عشر ارقام أرقام له ماجبتي راسه
هو مع حمامة الحرم الشريفة عنوده يمشي بالبركة وشلون أنتي اللي وصاختس تسحبينها وراتس
اجل عبايه بيضاء وطرحه بيضاء الأخت ممرضه داخله مستشفى
أقول ضفي عمرتس ترا الشيخ مهوب ساكت ولله أن يطلع ريحتس ويخليتس تدورون حول عمرتس دوران
ولا من الثقه الزايده تكلم وتقول أنا ابتسام
بس تدرين انتي قدمتي أكبر خدمه للعنود لان ابوعبدالله بيدر منهي البنت ضائعة الشرف اللي في بيت أبو مايد وأكيد سمعتس واصله الإمارات السبع
والكل يحسب أن البنت اللي تلعب بذيلها من بيت ابومايد بنته بس الله بيفضحتس وبيعرف الشيبه منهي العنود ومنهي انتي
إيه مير منهو ابوتس يالهايته انتي قلتي عمي محمد يعني منتيب أخت العنود بنت مصري ولا إماراتي
إذا بنت مصري قولي أمين جعلتس الماحق والبلا المتلاحق اللي يطيرتس مايردتس إلا الغردئه ولا سكندريه

أمون لبي قلب البريئة مدري عندي إحساس أن مصيرتس يبصر عند العنود وأمتس بتروح قلعت ودارين أن شاء الله

مايد لبي قلبه مدري عندي احساس أن موته فيه أن وعجوز قريح وبنتها لهم دخل في موته وشكل ابوعبدالله شيخ الشيبان اللي بيجيب الحقيقة وبيدخل العجوز وبنتها السجن

نجي البوعبدالله طحت ولا احد سمى عليك اجل بطلق اللي يطلق مايلحق البنت وين راحت هذا وانت ماتبيها اجل لو تبيها وش بتسوي
أقول وراك رزقك ورزق عيالك ترا ملاحق ذا البزر مهوب نافعك اكذب اكذب عليك ولله أن قربها بيجيب لك العافية ويفتح نفسك على الشغل ويرجعك عشر سنوات وراء
تدري وش اللي أعجبني في العنود أنها ما حاولت تبرر لك أنها شريفه وانت تكيل عليها التهم خلتك انت تكتشف بنفسك وشي من مره
مهوب معقولة بنت صايعه ضايعه تسوي سواياها من أدب وأخلاق وسنع
بس انتبه لا تسوي شئ يكسر البنت وبعدها تبي قربها ولا تحصله العنود شكلها مهيب من اللي ينكسر بسهول ولا يرضى بسهوله
الشيبه حافظ عليها لا تضيع من يدك الله رائد لك الخير يوم حطها في طريقك وراحم ضعف ذا البنيه حنون ورزقها بأم تعوضها
تعال انت دريت عن الصايعه وعرفت أنها أخت حرمتك وصرت إذا دقت قمت تكلمه برا لا يكون ناويلك على نيه شينه للعنود ترا ماراح يخسر إلا انت
العنود حره عنود الصيد مهيب اي بنت بتراضيها وبترضى لا حاسب على فعلك لا تفلت الامور من يدك

يا قلبي يا قلبي بس جيت للزين شيخة البنات العنود بنت محمد جعل محمد الفلس
ولله بقدر مايوجعني قلبي عليتس بقدر ماتعجبني ردات فعلتس روحي ياشيخه جعلتس تخرفنين الشيبه وتخلينه يمشي يهذي باسمتس
يا عمر عيني عليتس اللي شفتيه ماشافته بنت بعمرتس بس ادري أن الله بالمرصاد الكل من ظلمتس ويأخذ حقتس وياثرتس عليهم وأولهم شيبتس
عندي إحساس انتس بتملكين قلوب أهل البيت كلهم أكبرهم الجده وأصغرها حنان
أشي أشي اللي تعرف تطبخ الذبيحة ذبائح مره وحده يالعنود وين انتي بأي زمن وأي عصر جنستس راح أيام امهاتنا من اللي تعرف في ذا الوقت تطبخ ذبيحه
الحين البنات فطورها وغداها وعشاها من برا وياويله لو قال ادخلي المطبخ وإذا حملت تحس أنها حامل ببعير من زود ماهي تعبانه
المهم خليتس من شغل المطابخ واشتغلي على شايبتس وهبلي فيه المطبخ مهوب جايب راسه بيجيب بطنه فيس يغمزلتس ويقول انتي أدرا وش اقصد

أم حمده بارتاتس توسع الصدر وغنيه بالأحداث
روايه ما تشعرين فيها بالملل ودي اكتب واكتب في الرد بس الظهر تقوس من الكتابه
ولله ان أبطالتس ممتعين وتنجبرين تتكلمين عنهم بإسهاب
في الانتظار يالغاليه

وترا ما نسيت شكراً والأصبع الأزرق حطو لي ولا معاد رديت وتابعت بصمت فيس عيون ادمع ولا علموني كيف أحطه

ماقدرت احط ردي ولا قدرت اقتبس
المشكله من عندي والا من المنتدى

انا مع النوفي
نبي نعرف تفاصيل اكثر عن عنوده
سبب لون عيوها وين خوالها عماتها خوات ابو مايد
كيف قدر الشايب يوصل لعنود وكيف خطبها اصلا
ماشفنا الا خذوه فغلوه
من حق عنود الصيد تعرف

لي عوده بأذن الله برد مفصل ع البارتات
الله يسعدك ام حمده ويسهل اختباراتكم