حمدا لله علي السلامة
وبانتظار البارت الختامي
والرواية الجديدة ان شاء الله

الفصــــل السبعين والأخير
(( الكره والإنتقام رحى تدور وتطحن الجميع ولن يكسرها سوى التسامح والتعايش وقبول الآخر ))
اسامة المسلم
عقدت حواجبها بضيق .. لكن هالمرة ماقدرت تلزم مكــانها وقفت بثقل وهي تتــوجه للمطبخ وتنطق بعصبية : إذا بتشتغلين وانتي تصارخين وتهدين في هالبزران اجلسي وانا اقوم بالشغل !!!
غادة التفتت وهي ترفع العصا الخشبيه وتنطق بطفرة اعصاب : شاسوي بهالبنت طلعت براسي نخله !!
ابتسام : لا تلومينـــــها .. على مين بتطلع ؟
غادة التفتت لرنيم اللي ترقص بحركات متهـورة فوق طاولة المطبخ : رنيم قسم بالله لو ماتنزلين لاحرقك بالقدر
ابتسام شهقت : أعوذ بالله من غضبه !! صاحية انتي ؟ ( تقدمت لرنيم وهي تنطق بهدوء ) رنيم اذا مانزلتي اليوم بنطلع كلنا ونتركك لحالك هنا !
رنيم نـزلت وهي تتعلق بساق ابتسام : احبك خاله
غادة فتحت عيونها بصدمة : عشــــــــتوا ! وانا لي ساعة اهاوش وماعليها مني ؟!!!
ابتسام وهي تراقب رنيم اللي طلعت من المطبخ .. التفتت لابتسام : ماتعرفين بنتك انتي ؟ ماتجي بالصراخ تعاند اكثر !! وانتي لك يومين ماغير تصارخين
غادة كشرت وهي تلتفتت للفرن وتخلص الطبخة : وانتي وش جابك ؟! اصبري بيخلص الغداء اللحين
ابتسام : وأنتي ليش معصـــبه اللحين ؟ قايله لك امس اتركي عيالي ينامون عندي متعودة عليهم بس هايطتي واخذتيهم وسهرتي واللحين خرب مزاجك !
غادة بكئابة : مــــو عشان كذا , آف خلاص بشرب قهـوة اللحين وبروق !
ابتسام طلعت : انا بجهـز الجلسة بالحديقة
غادة بخمول : لاحقتك ....
شـــالت غادة صينية الغداء وهي تلحقـــها لبرا ... ابتسام استنشقت ريحة الطبق : ما شاء الله وش هالكبسة تشهي
غادة وهي تجلس قدامها بالحديقة : وكمــــلها الجو روقــــــــان !
ابتسام وهي تـاكل : من جـد
غادة بضيق : وين رنيم تجي تتغدا
ابتسام : اتركيها ما أفطرت الا متأخر مستحيل تاكل اللحين
غادة حاست فمهـا : ايه ؟ وشخبار نايف ؟!! ماكــــفاه شهر للحين هناك ... ماعنده نيه يرجع ؟
ابتسام ببلادة اعصاب : رحلته مو شهر عشان يكفيه شهــر ... يعني مطول
غادة : ماني مستوعبة كيف عادي عنده تولدين وهو هناك
ابتسام وهي تمسح على بطنـها : احـــلى شي خل استقبله والنونو بين يــدي
غادة كشرت : يـــــــابلادة اعصابك !! طبيعية انتي ؟
ابتسام : لا أصير مثلك آجل ! شاقة القاع وقايله مباع عشان زوجــك مسافر اسبوعين
غادة بكــبر : ميـــن قال ؟ بالعكس مبسوطة إنه سافر عشان اجلس عنـدك هالفترة ادير بالي عليك
ابتسام : بس ترا انتي غلطانة .. مو معناها لك اسبوعين مارحتي تشوفين أهله !
غادة تنهدت : عارفه تو خالتي قبل امس مكلمتني وتقول وينك تعالي نشوفك
ابتسام : مايـــحق لك روحي شوفيهم
غادة : بحـاول ( طالعتها ) عادي عندك تجلسين لحــــالك .؟
ابتسام : شنو غادة تحسسيني ماعمري جلست لحالي ! ايه عادي ونص ... وبعدين يمكن ازور اهل نايف
غادة : يـــــــــــــوه الله يعينك .. أم نايف شايله عليك بشكل ماتتخيلينه
ابتسام ببرود : بكيفهـا ... اذا صعب عليها تستوعب خصوصيتي وتفهمها بهالشكل .. فانا ماني مضطره المع صورتي قدامها
غادة : والله هو كلامها منطقي اذا فكرتي فيه
ابتسام باصرار : انسي غادة مستحيل اروح اعيش عندهـم ! ماراح ارتاح كذا اكثر .. وهي مفروض تحترم قراري وماتجلس تتكلم عند الكل بهالشكل
غادة : هي تتكلم كذا من خوفها عليك .. يعني بجد ابتسام لاسمح الله لو يصير شي عضينا كلنـــا اصابع الندم
ابتسام بضيق نطقت بتشديد : ماحيـــــــصير شي !! اعرف متى راح اروح للمستشفى وراح يكون كل شي بخير !! بطلـــوا تشاؤم لو سمحتوا !!
غـادة تنهدت : خلاص تمام سكرت السالفة لاتطيري فيني ..
ابتسام : إلا انتي وش صار ع سجى ؟ لاتقولي للحين حاجزينها ماتدرس ؟!!
غادة حاست فمها : بصراحة هي تستاهل اكثر .... بس ايه للحين ماتدرس ! وانا قلت له ماضروري تعتذر لي رجعها خلاص راح تفوتها اشياء كثيرة كذا .. بس هو مصر وراسه والسيف ! ! وآخر شي قالي اطلعي منها مالك دخل
ابتسام : والله لو عشان عمته بس خلاص .. مر فترة طويلها اكيد انحفر الدرس بقلبها !
غادة : مالي علاقة يصطفلون مابقى الا افزع لها اكثر من كذا بعد !! خلها تستاهل ترا للحين مقهـورة من تقريرها !! من عقب هالطرد وانا مرتاحه ماشفتها ولا ازعجتني ولا شي
ابتسام هزت راسها .. : أقولك .. انا بروح انام لي شوي , شيلي الغداء
غادة تمغطت بكسل : يــــــــــــوه شوي تو ظهري ما ارتاح ! لي ساعة واقفة بالمطبخ
ابتسام : وانتي لزوم مدح 24 ساعة بين كل شغله وشغله بتسوينها لي !
غادة : ايه طبعا حبيبتي تعويض كرف
ابتسام وهي توقف بثقل وتشيل معها كم صحن : شلت كم شي الباقي عليك !! يله تسنعي وقومي
***
: آخ يا يمه وانا وش طــــــــالع بيدي اللحين ..؟!
ام نايف بطفرة اعصاب : اقنعها تترك منهـــا هالإنعزال بفلسفتها المختله هذي !!
نايف : يـــايمه صعبه ... والله مستحيل , وبعدين هي قالت انها حجزت بالمستشفى يعني بتجلس هناك من بدري احتساب للظروف !
ام نايف بقهر : اصــــــلن الغلط كله منك ! انت الحمار والغبي .... ولا حركتك مايسويها الا المجنون
نايف ببرود : الله يريحك يمــه .. يقولون المجانين هم اللي يسوون تغيير حقيقي بهالعالم
ام نايف بقهر : انت فاهمني ولا تسوي نفسك مب فاهم ؟!!
نايف : اسوي نفسي مب فاهم لان المقصد ما اعجبني
ام نايف : ما أعجبك ان زوجتك تجي عندي وادير بالي عليها وعلى صحتها
نايف : يا يمه ريحي لي بالك الله يريحك !! حاليا غادة عنــدها يعني مو لحالها
ام نايف بعصبية : وغادة دايمـــــة لها ؟!!! مصيرها يرجع زوجها وترجع بيتها
نايف : وقــتها نتفاهم
ام نايف : وليش مو اللحين ؟
نايف : لأني اسلك بس وقتها حتى مابيدي شي ..
ام نايف : ماتقدر تقنعها يعــــــــني ؟
نايف باحباط : واللي يقولك انها ماتكلمني اساسا ... يا دوبها ترد علي مره كل عشر مكلمات ! تعاقبني ع هالسفرة بطريقتها
ام نايف : تستـــاهل !!!
نايف : ايه استاهل .. ممكن عاد اخذ عقاب على شي يسوى .. ؟ واروح استفيد من هالرحلة ؟
ام نايف بيأس : روح روح ... والله انك واحد مدري وش آقول عنه غير اهبل ومافيه عقل
نايف برضا : يله ســلام اجل
***
صحـت من النوم على رنة جوالها , تثاوبت وهي تسحب الجوال بكسل وترد : هـلا ...
بنبرة مستنكرة : نـــــــــــايمة ؟!!
تثاوبت اسماء وهي تجلس : ايه نايمة
هيثم : مو كأنه كاثر نومك ؟ كل ما أدق عليك احصلك نايمة ! وانتي اللي كنتي ماتنامين غير كم ساعة باليوم
اسماء : شاســــوي بعد ..؟ بيتنا صاير زهق .... فراس سافر وغادة راحت عند ابتسام وبدر ماعاد نشوفه مشغول
هيثم : وماعندك زيارات شي .؟
اسماء : فيه .... بس مالي مزاجها ..
هيثم : اســــــــماء مالها مزاج زيارات ! ياكبرها ... وش صاير بغيابي اجل .. ؟
اسماء : ماعلينا ... انت شتسوي اللحين ؟
هيثم : ولا شي ياقلبي ... تو طالع من الدوام وبالطريق للبيت قلت اكلمك اشوف شمسويه , بترجعين تنامين ؟
اسماء : لا بقوم اشوف ماما وش تسوي
هيثم : طيب شرايك احجز لك بعد يومين تجين جـدة نشبع منك شوي
اسماء مباشرة : لا لا !! مالي خلق اسافر هالفترة ..... اتركها بعدين
هيثم بنبرة متوجسة : لا بجد انتي مو طبيعية ..... وش صاير معك بديت اشك في وضعك !
اسماء وهي ترتب سريرها : هههههههههه اتغلى , حرام ؟
هيثم : من متى تتغلين انتي ..؟ الله يرحم ايام ما كنت اتعثر فيك وين ما أروح
اسماء : والله ي حبي يقولك اذا مازادك البعد حب فأنت ماحبيت ... وانا جالسه اترك حبنا يزيد براحته
هيثم : صــــح لسان القايل ... عاد تدرين يمكن اجي انا قريب بس جالس ارتب اموري قبل
اسماء تنهـدت : ياليته تجي .... والله اشتقت لك بشكل ماتتخيله
هيثم : ماعليك قصـــور حياتي ... عاد الظاهر تعودت ع البشر بزيادة صاير استنكر وضعي بشقة لحالي
اسماء : ههههههههههههههههه تعودت على البشر ؟ وانت وين كنت اجل ؟ بالمريخ ؟
هيثم : لا تضحكين والله بجد ... ماتدرين انا اساسا هذا وضعي الطبيعي اني لحالي
اسماء : طيب عندك اهلك اللي بجدة ليش ماتشوفهم ..؟
هيثم بقرف : يخســـــــــــون هذولي اسميهم اهلي .. والله لو ما أشوف غير الجدران مافكرت حتى اقابلهم
اسماء شهقت برعـــــــــــب .... هيثم بخوف : بسم الله شفيك ؟!!!
اسماء : الشفق الأحمر بيغيب وانا العصر حتى ماصليته !! بسكر بسكر اصلي
هيثم : خلي هالنوم ينفعـــك !
اسماء : العتاب اتركه للمكالمة الجاية ... بروح اصلي , اكلمك عقب
هيثم : لا صلي وشوفي امك انا وصلت اللحين وبنام
اسماء تنهدت : ماشي نوم العافيه ي قلبي
هيثم : يعافيك
سـكرت اسماء السمـاعة وهي تتوضى وتصلي العصر والمغرب ... طلعت من غرفتها وهي تحس بهدوء البيت المبالغ !! نـــزلت لتحت وهي تنادي : يمـــه ..... يم
الشغاله : مدام برا حديقة
طـلعت اسماء برا للحديقة وهي تشوف امها جالسه وتتقهـوى ... علقت لما شافتها : اخيرا نورتي ! مابغيتي تقومين .؟
اسماء ابتسمت بكسل وهي تجلس جمب امها : والله يايمه ما أرتاح الا وقت النوم ... حتى اتوقع لو ما دق علي هيثم ماصحيت
ام فراس بلوم : وللحين ماقلتي لي ؟
اسماء ابتسمت بخبث : لا ماقلت ولا راح اقول .... راح اتركه لين يحس بنفسه
ام فراس : ياويلك من الله ... اول مره اشوف وحده كل النــــاس يعرفون انها حامل إلا زوجها
اسماء وهي تصب لنفسها كاس شاهي : والله يايمه انا من لما وافق على الانتداب وانا مقهـوة وافكر كيف انتقم منه .... وسبحان الله جت على رجليها ! لما دريت اني حامل حلفت ما أقوله لحد مايطلع بطني ويهوجس بنفسه ! ههههههههههههههه اقوى مقلب اتوقع بيتعرض له
ام فراس : والله انك بزر .. مدري كيف بتربين هاللي ببطنـــك !
اسماء : ومحلفه ابتسام واخواني مايقولون له ولو بالغـــلط !!
ام فراس : لا تحمليني خربتها عليك وقلت له انا
اسماء برجاء : لاااااااااا يمه تكفيـــــــــــــن لاتخربين علي
ام فراس : المهم ترا غادة كلمتني وبتجي بكرة بإذن الله
اسماء : مابغت الزفته ! كل هذا تغلي علينا
ام فراس : والله عاتبتها بس الظاهر انها منخبصة صدق مع ابتسام ... تقول حالتها حاله
اسماء : ولـو ! من راح فراس ماطلت حتى ....... إلا على الطاري فراس متى بيرجع .؟!
ام فراس : والله مدري عنه كل ما اسأله قالي مافيه موعد واضح ... اول مايخلص شغله بيرجع
اسماء تنهدت وهي تمسح على بطنها المسطح : تصدقين يمه احس الغثيان اخف اليوم .. اقلها مو زي أمس
ام فراس : ان شاء الله يخف ... بس انتي متى موعدك الجاي ؟
اسماء : تقولي الشهر الثالث تعالي .. يعني قولي بعد اسبوعين كذا
ام فراس ابتسمت : الله يبلغني شوفته يارب .. اخيرا بصير جده !
اسماء : العتب ع فراس وبدر ولا مفروض من زمان وانتي جده
ام فراس تنهدت : إن شاء الله قريب ....إلا اقولك وش مشتهيه تاكلين على العشاء ؟ يكفي امس ما أكلتي
اسماء : الشـــوربه احسها كويسه ... وعموما متوحمه ع كوكيز جايبه لي بدر راح آكله عقب
ام فراس : اكلي اكل صحي ينفعك ! اتركي منك هالخبال
اسماء : شاسوي مشتهيته ... احرم نفسي يعني ؟
ام فراس وقفت : عن الهذره وقومي معي يله حتى اخوانك ابيهم ينامون بدري اليوم
اسماء : دقيقة بتنفس شوي هواء هنا وبجيـك .. وبالمرة اكلم غادة ابرد حرتي فيها شوي بعد
دقـــت اسماء وبعد فترة جاها الرد : هــلا وغلا !
اسماء بهجوم : هلا وغلا , هاه ؟! وينك يالخايبة ! ماتنشافين .... يعني خلاص البيت مايسوى الا عشان فراس حنا بيض ؟!
غادة : هههههههههههههههه هجـوم على طول ! وانا اقول حامل اكيد مالها خلق تهاوش
اسماء : بالعــــــــــــكس ! مع الهرمونات الله لايوريك صرت حريقة .... بس بكيفك انتي جالسة تفوتين كل هذا
غادة : احجزي لي مقعـد بالصف الأول بكرة ... جايه اتابع حريقتك ! بس هاه انتبهي توجعين راس خالتي وقتها مافيه شي يخلصك مني
اسماء : صــاه بس والله اني حاقده عليك
غادة : لا تحقدين ياروحي .. الحقد يخليك تصيري عجوز بسرعة
اسماء : يازينك من زمان ماحسيت بصوت وازعاج ... ماتتخيلين قد ايش البيت هادي
غادة : العــــكس تماما هنا ... يالله يا أسوم ! انصحك من اللحين تشبعين نوم وراحة وكل شي من يجيك بزر انسي كل هذا .. لو تشوفين الوضع عندي مع عيال نايف البثرين شي مو طبيعي صفارات انذار
اسماء : يـــــــــوه لا توصين حريص وربي طول وقتي نايمة ... اساسا حرقة الكبد ماتخلص إلا بالنوم
غادة : الله يعينك , وش متوحمة عليه اجيبه معاي بكرة ..؟
اسماء : والله للحين مافيه شي معين ... اشتهيت كوكيز قبل كم يوم وماقصر بدوري جابه
غادة : اجل بجيب ع ذوقي ... فيه شي تكرهينه قولي من اللحين ما أجيب !!
اسماء : كلش منك زين ... انتي تعالي وبس , إلا بتجين زيارة ولا بتجلسين بكرة عندنا ؟
غادة : لا والله زيارة .... وابغى كم غرض من بيتي باخذها وبرجع مستحيل اترك ابتسام لحالها حاليا
اسماء : طيب ليش ماتجي ابتسام معـاك بكرة ؟
غادة : مالقيتي الا العجوز ابتسام تطلع ! حتى ام نايف تكلمها هالفترة تبغاها تجيها ومو راضية
اسماء زفرت : يله مايخالف ... انا بدخل اشوف امي تسوي العشاء , وانتي اهم شي نشوفك بكرة ان شاء الله
غادة : ان شاء الله .. على خير
***
بــدر , مجرد ماطلع من دوامه الساعة 7 مســاء ..... دق على ميهاف : هلا حياتي , خلصت ؟!
بدر بكسل : ايه تو خلصت ... بالطريق جاي آخذك
ميهاف : تقول امي انزل تعشى معنا
بدر : لا لا ... تافل العافية وتعبان وجويع وماراح يجيب راسي غير ستيـك هاوس , باخذك وخل نتعشى برا
ميهاف : واو فكرة مغرية . . اجل يله بتجهز وانتظرك
بدر : بدق عليك دقة واطلعي
ميهاف : اوكيه
سكـرت السماعة ... وبعد مسافة الطريق دق عليها وركبت , ميهاف : غريبة دوامك هالأيام صاير يتاخر مره .. ماكان كذا
بدر : ايه لأن فراس سافر وكان ماسك عني كثير
ميهاف : اهــــا
بدر : شخبار خالتي وعمي ؟
ميهاف : ماعليهم ... امي طول ما أنا عندها وهي بس تشكي من نايف وتهاوش بسبب نايف
بدر هز راسه : الله يهديه هالولد مايتعلم ولا يفهم ... انا اقول تروق اعصابها ترا اكثر انسان مطنش هو
ميهاف : هو مطنش وزوجته نفسه ... امي تترجاها تجي عندها وهي رافضة
بدر : اكيد بتشتري راحتها
ميهاف : وامي تعرفها مرة مقهـورة ... وابتسام ماعطتها وجه
بدر ابتسم : اتركينا منهـم ... خلينا في المهم , انبسطتي اليوم ؟
ميهاف : ههههههه اقولك امي مرة مقهورة وتقولي انبسطتي ! طول ما أنا هناك وهي تتشكى ... وابوي ماشفته الا قبل شوي لما كلمتني هو دخل مالحقت اجلس معه
بدر : معـــوضة تجلسين معه بعدين ان شاء الله
لمــا وصلوا المطعم .... اختاروا طلبهـم بينما استنشق بدر الريحة : يـــازين ريحة الأكل ترد الروح
ميهاف وهي تتلفت : غريبة المطعم مو مره مزحوم .. ما أذكر جيتهم قبل كذا الا يكونوا زحمة
بدر : من حـــظنا اجل .. عارفه هالمطعم بالذات لو ما اجيه اسبوعيا ما أكون بدر ! ادمان ادمان
ميهاف : والغريب انك مدمن لهالدرجة وهذي أول مرة اجيه معك
بدر : ههههههههههه من حظ الجحلط العيال دايم اروح معـاهم
ميهاف : لا لا حبيبي غير حجوزاتك ... من اليوم ورايح انا اروح معك
بدر : تكرمين ... كم ميهاف عـندي ؟
فور وصـــول الطلب شمر بدر اكمـــامه : يبي لي أغوص جوا الأكل .. يله سمي نبي الصحون تخلص
ميهاف : هههههههههههه قواك الله .. انت اللي مشتهيه انا باكل قد ما أقدر
بدر وهو يـاكل ومستمتع بالطعـم : همممممممـ .. والله اخلصه وآخذ دور ثاني بعد
ميهاف تو بلعت لقمتها شرقت .... غرقت بنوبة سعال , بدر ضرب ظهرها بخفه وهو ينطق بفزع : بسم الله !! ( قدم لها كاس ماء ) اشربي اشربي ... على هونك
ميهاف لما زرطت اللقمة .. تداركت انفاسها بتعب : نشبت بحلقــــي
بدر : هههههههه بشويش على لقمتك
ميهاف وهي تشرب الماء : انسدت نفسي بعد هالشرقة .. ( مسحت فمها ) تبي حقي ترا فداك
بدر : تستهبلين ..؟ تنسد نفسك عشان شرقتي ؟ عن الهبال وأكلي
ميهاف كشرت : ماحبيت طعــمها متغير علي مو زي كل مرة أجيهم
بدر : والله انتي اللي متغيره ولا هـــو نفسه ماتغير
ميهاف رفعت كتوفها : يمكن ... عموما شبعانه اصلن اليوم ماقصرت عند امي
بدر وهو يتدارك جمـــلته .. نزل الشوكه وهو ينطق بحذر : انتي اللي متغيره ....؟ ميهاف شلون كبدك ؟ قالبه شي ؟
ميهاف ابتسمت : ههههههههههه تحمست مع حمل أسوم صرت تهوجس فيني بعد ؟!
بدر : وليش لا طيب ؟ ( وقف ) عارفه شـــلون ؟ قومي قومي ماراح ارتاح قبل نحلل
ميهاف كبست عيونها : يـؤ بدر شفيك اجلس كمل صحنك ... صدقني احتمال بسيط بعـدين ..
قاطعها : مافيه بعدين ولا غيره !! اللحين قومي نشوف .... اسبقيني تحت بدفع الحساب وبجي
ميهاف بضيق : يالله يابدر .... اتركها لبكرة و ..
بدر بنبرة صارمة : اخــلصي علي قومي !!! ناسيــه اللخبطة اللي صارت لك الأسبوع اللي فات بعد ؟ مافيني صبر بعد لبكرة
ميهاف استسلمت وهي تطــلع ... بدر انتبه لها طول الطريق ساكته وشابكة يدينها ببعض , نطق بهدوء : شفيك لبسك اكتئاب كذا ؟
ميهاف صحت من سرحانها : هلا ؟!
بدر عقد حواجبه : اقول شفيك اكتئبتي ..؟ من قلت لك وانتي سرحانه وشاردة وماودي اقولها .. بس ضايقة بعد
ميهاف : لا حبي مو كذا ..... ( تنهدت ) بس مو عارفه انلخمت فجاة
بدر ابتسم : وليش تنلخمين .؟ ولا اسوم اشطر منك ؟
ميهاف : لا تعايرني باسوم .. الله يوفقها ويرزقها اللي ببالها , بس انا ماكان في بالي الموضوع
بدر : وهذا اللي ماني فاهمـة ... ليش مو في بالك ؟
ميهاف : مرتبكة بس .. خايفة ما أكون قد هالشي
بدر : قـده ونص .. وبعدين انا بكون جمبك على طول
ميهاف ابتسمت ابتسامة صفراء : خل نأجل هالكلام لحد ما نتأكد .. للحين كل هذا افتراضيات
هز بدر راسه بصمـت وهو يحرك اعدادات السيارة لحد ما سدح كرسيها نصفيها : ارتاحي شوي لحد مانوصل ..
***
غـــادة ..... بثقل كانت شايله رنيم لحد ما سدحتها بسريرها , زفرت بتعب وطلعت من غرفتها وهي تنطق لابتسام : بتنامين .. ؟
ابتسام وهي تمسح على ظهر مشعل اللي باطحته بحضنها : ايوه بصعـد اللحين
غادة شالت مشعل من حضنها : آجل هاتيه احطه بسريره جمب اخوه !
ابتسام : هاتي ي قلبي انا اصعده معاي مره وحده
غادة وهي تتجاهلها وتصعد : تتكلمين كأنك غزال مو دب قطبي
ابتسام : دب قطبي بعينك يالوقحه
غادة : هههههههه احس بمعجزة كونية انهم ناموا هالحزه
ابتسام : لا تتحمسين مع المعجزة الكونيه دام نامو هالحزه آجل بيصحون قبل الفجر
غادة : يتحلمون اعطيهم وجه .. والله استهبلوا عيالك !
ابتسام وهي تدخل غرفتها : شعليك فيهم انتي ..؟ عيالي اذا صحوا اتفاهم وياهم
غادة طرحت كتوفها باستسلام : الصبر فيني بجيهـم .. نامي انتي ! آف بس
طلعت من غرفة التوأم بعد ماضبطت التكييف وسكرت الاضاءة , تجولت بالبيت تخفف الإناره وتستعد للنـوم ... ابتسمت لما دق جوالها , دون تطالع الشاشه كانت عارفه إن هذا وقته ردت بكل روقان : يامســـــاء الحب والإحساس اللي راح اسمع فيه صوتـك دون صياح عيال نايف !!
الصوت الرجولي الناعس : يامسـاء الهدوء آجل دام عيال نايف نايمين وماحضطر اسمع زوجتي تتجرد من أنوثتها وهي تصارخ عليهم
غادة شهـقت : اتجرد من انوثتي !!
فراس : لا معليش سامحيني غلطت بالجمله ... قصدي تتجردين من انسانيتك
غادة وهي تستلقي ع سريرها : آآه يالظلم بس ... وانا اعـاني طول اليوم وانتظر هالساعة اللي تفضى فيها تكلمني عشان أسمع هالكلام ..؟! ( استدركت بصوتها ) إلا صح وينك امس مادقيت .. وادق ماترد
فراس : اجتماعي ماخلص إلا متاخر .. وكنت تعبان فنمت مباشرة
غادة : اهــــااا .... نوم العوافي ياقلبي , ومطـول هناك ؟
فراس : ما ادري .. ولا راح ادري الا بالساعة اللي احجز فيها تذكرة العـودة
غادة بقهر : ودايم هالسفرات تجي . ؟
فراس : على حسب .. وبعدين انتي وش قاهرك ؟ مفروض مبسوطة ! ولا ناسية الوضع قبل كل يوم رايحة لاختك
غادة : ايوه طبعا خاطري ادير بالي عليها بس والله وحشتني
فراس : ماحـطول بإذن الله ... إلا تعالي رحتي لأهلي اليوم ؟
غادة باحباط : لا ماقدرت ...
فراس : مو ع اساس تقولي اليوم بروح !!
غادة عضت شفاتها وهي تنتبه لنبرته الضايقة : ايوه .... بس انشغلت وراسي مصدع فقلت ارتاح اليوم
فراس : تكفين يالصداع ! الظاهر الاجتماعات ورا بعض ماتركتك تفضين وتصدعين .... ع كذا يله سلام مصدع مقدر اكلمك
غادة : ليش معصب ..؟ مو قصدي كذا بس يعني الظروف جت كذا
فراس بنرفزة : معصب لأنك لك اسبوعين متكيه وماشفتي اهلي ! مهما كان امي توصلينها كل يومين .. او ثلاثة بالكثير !!
غادة : خلاص بكرة بـــروح ان شاء الله روق انت
فراس : ومن بيصدقك اصلن ..؟
غادة شهقت : اكذب يعـــــــــني ؟
فراس بنبرة سخرية : حشـــى لله .. انتي تكذبين ؟ !!
غادة استنشقت هواء المكان : حبي .. بكرة بروح خلاص هد اعصابك
فراس : بكــرة بوصي السواق الساعة 4 وربع يكون قدام الباب تطلعين يوصلك
غادة : ان شاء الله ... اساسا اشتقت لخالتي بعد عمري
فراس بنبرة سخرية : بسم الله عليك انتبهي لايذبحك الشوق بس لخالتك
غادة باحباط : حياتي خلاص ... شنو كل هذا عتب يعني ؟ غلطنا ومنك السماح ولك بوسة راس بس ترجع
فراس : عموما ! انا بحط راسي وبنام .. وانتي لمصلحتك تكوني بكرة عند امي
غادة بقهر : لسى بدري .. بتنام اللحين ؟
فراس : ايه عندي موعد فطور بكرة .. ومالي خلق اكون ( كمل بتشديد ) مصـــدعع !!
غادة رفعت عيونها بصبر وهي تستوعب انه مسكها بهالكلمة : معناها نام حبي .. نوم العوافي يارب
فراس : يعافيك
سكرت السماعة وهي تتنهد باحباط ... معـه حق .. مفروض زرتها من فترة ..
***
ابتســــــــــم بوسع وهو يلتفت لها ويشد على يدها : سمـــــــــعتي ؟!
كانت شاردة بالخبر وهي تبلع ريقها وتنطق : شلون يعني ؟
ضحكت الدكتورة بخفه على ردة فعلها : ههههههههه انتي حامل يامدام , ان شاء الله الف مبروك
ميهاف كانت عيــونها ضايعة بين الدكتورة وبدر الطاير من الفرحة : يعطيك العافية دكتورة والله هالخبر بيوقف قلبي من الفرحه ( التفت لميهاف وهو يمسك وجهها بين يدينه ) شفيك ي قلبي ؟
ميهاف هزت راسها : مدري .. مو مستوعبة ! يعني انا صدق حامل ..؟ مو فاهمه حتى شلون اتصرف
الدكتورة : طبيعي حبيبتي انتي بكرية وكل حاجة راح تكون جديدة عليك بس بالمتابعة وخطوة بخطوة انا وزوجك معك وان شاء الله لحد مايصير الطفل بين يدينك بعافيته وصحته
ميهاف : تسلمين دكتــورة
تنهد بدر : نطلـع .؟
الدكتورة : حابه تتابعين الحمل هنا مع دكتورة كـ...
قاطعها بدر : لا شكرا .. يكفي كذا ( مسك يد ميهاف يساعدها توقف ) يله قلبي مشينا
طلـعت ميهاف معه بينما نطق : شرايك تتابعين في نفس مستشفى اسماء .؟ مرة كويس وتمدحه
ميهاف ابتسمت بخفه : ههههههه الظاهر انا واسوم حتى الحمل راح نكون فيه سوا
بدر : كويس والله وكان احتريت وانا اشوفها تهايط بكرشتها
ميهاف شدت شفايفها وهي تتعلق بذراعه : مستوعب بدر ؟ انا وانت نصير ام واب ؟
بدر ابتسم : اخيرا قدرتي ترتاحين شوي ؟
ميهاف : بالعكس مربوكة اكثر .. ومتحمسة اكثر .. ومبسوطة .. وخايفة .. احس بكل هذا بنفس اللحظة ! بس ماني مصدقة هذا اغلب شي
بدر : ههههههههههههههه صدقي صدقي ( ابتسم بوسع ) والله مبسوط من قلبي , مولود فيه انا وانتي سوا اكبر هدية ممكن توهب لي
ميهاف : المشكلة اني كنت حاسه كل هالفترة بس ساكته !
بدر فتح عيونه بصدمة : جـــد ؟
ميهاف هزت راسها : ايه والله .... ما أدري كنت خايفة اني احلل ويطلع صدق واواجه اني خلاص صرت ام
بدر : خــوافة بجد ! ( تحمس فجاه ) خل اقول لأمي
ميهاف مسكت جواله : لا لا ... بكرة خل نزورها ونقولها !! ماحقاوم لازم اشوف وجهها وقت تعرف
بدر ابتسم للفكرة : معـــك حق وعقبها نمر أهلك بعد
ميهاف بحماس : تـــم
بدر : هذا طبعا اذا تركتنا امي نطلع
***
الكـــويت /
بعد مانامت مايا اخيرا طالع الساعة .. الوقت متأخر بجد !! زفر وهو يمسك جواله يدق ...... مافيه رد جلس قدام التلفزيون وعيونه على الساعة .. ويراهن نفسه على أطول مدة ممكن تتأخرها ...... ماطال رهانه لأن الباب انفتح ودخلت على عجـل : معــــــــــــليش معليش تاخرت بس ..
قاطعها بنبره ضايقة : معقولة لهالحزة اجتماع ..؟!!!
سارا تنهدت وهي ترمي شنطتها وتجلس جمبه : والله ماخلص الا اللحين ... مباشرة طلعت حتى العشاء ماجلست له
لؤي بطبيعته المرنه ابتسم : مايخالف عشاك موجود , بدلي على ما أحرره لك
تنهدت سارا بحب : يلوموني فيك ؟
ابتسم وهو يتوجه للمطبخ بينما نطقت : مايا فين ؟ نامت ..؟
لؤي : ايوه نامت بس على فكرة مدرستها تشكي منها تقول صايره زفره ... شوفي شغلك كلميها
سارا : وانت ماقلت لها شي .؟!!!
لؤي : لا هالشغلات ياليت تجي منك ... انا مابي اهاوشها ولا غيره اساسا قلبي مايطاوعني من اشوف هالعيون انصاع لها وارحمها
سارا تخصرت : أيــــــــــــــــواه ! شكرا حبيبي عشان اصير انا الشريره بعيونها وانت البطل اللي بس تتمشى معها بحديقه وتشتري لها العاب
لؤي : ههههههههههه اساسا ما أقدر اسوي معها غير كذا .. اما اهاوشها للحين قلبي مو مطاوعني عليها
سارا : بس ترا بجد البنت مو عارفه ايش صاير عليها .. اخلاقها مره متغيره لدرجة افكر اغير الحضانه يمكن هم السبب
لؤي : براحتك انتي شوفيها وافهمي وش مفروض يسوى ... على فكرة العشاء جاهز
سارا جلست وهي تبتسم للطبق المتقن : الله يالؤي وش هاللذاذة كلهــا .؟!
لؤي مسك كتوفها وهو يطبع بوسه ع كتفها ويجلسها : اللذاذة منك وفيك .. ( جلس قدامها ) ذوقي عطيني رايك
سارا جربت ملعقة من الحساء وهي تنطق بتلذذ : هممممـ .. وش هالفن بالنكهةة ؟
لؤي : عوافي حبي
سارا ابتسمت وهي تاكل : عاد بجد جويعـــــــــة راح اخلص الصحن ويمكن آخذ ثاني بعد
لؤي : كويس اشبعي لأن فيه موضوع بأكلمك فيه عقب
سارا عقدت حواجبها : قول اللحين ليش لازم عقب ؟
لؤي ابتسم : أبد ماتفرق .. ( تنهد وهو يعدل جلسته ) سارا شرايك نجيب أخو لمايا ؟
سارا فتحت عيونها ونطق بفغاره : هـاه ؟!
لؤي : اتكلــم من جدي .. ( كمل بهم ) للأسف مايا وانا وانتي ماعندنا أهل .. عشان كذا اتمنى لها اخوان كثير يعوضونها
سارا بإحباط : حتى لو ماكان عندنا اهل .. كثرة الناس حولنا اساسا ماتجيب غير القروشة والهم !
لؤي عقد حواجبه : مو قادر اقتنع بهالشي .. اللمة حلـوة بكثرتها
سارا : مو عارفه لؤي احس ماني مستعدة حاليا ... وبصراحة احسني مكتفية بمايا وما أبي غيرها
لؤي فتح عيونه : للأبد يعني !!!
سارا : حاليا ايه ..... مو عارفه ايش ممكن يتغير بعدين بس في الوقت الحالي خل مانتكلم بالموضوع
انتبهت للمحة لؤي محبطة بشكل واضح , سارا بمحاولة لتغيير الجو ابتسمت وهي توقف : لعيـون هالعشاء اللذيذ راح اجهز لنا مشروب رايق نشربه ونطلع برا نشوف النجوم .. مره واضحه اليوم
لؤي وقف : ماسويت لك العشاء عشان تكافئيني .. ( زفر ) عموما مالي خلق اطلع راح انام ..
سارا نزلت راسها وهي تنتبه له يدخل غرفة النوم وواضح انه محبط ... شدت على الصحن وهي مقهـورة من نفسها .. تدري انه يستاهل تتخلى عن هالقناعه بس للأسف ماكانت مستعدة حاليا تنصاع له ... أو بالأحرى خايفه تنصاع له ..
***
المغرب /
غــادة كانت وصلت بيت أم فراس , استقبلتها ام فراس بوجههـا المشرق كالعادة : هلا وغلا ببنتــــي القاطعة .؟!
غادة : ههههههههههههه , الله يهديني والله اني خايبة ! ( باست راسها ) شلونك خالتي عساك بخير ؟
ام فراس : بخيــــــــــر وخيرات بعد !! تعالي حياك اسماء وميهاف داخل
غادة : واااااو وش هالحظ الحلو ميهاف هنا حتى .؟!
ام فراس بفرح : أيــــــــــــــــــــــه وعندي خبر يوسع الصدر بعد ! بس ادخلي قبل ويقولون لك
غادة : لا السالفة اخبار بعد ... اجل ليتني جايه من أول
دخلت غادة مع أم فراس واسماء استقبلتهم مع ميهاف بسلام حــار .... غادة رتبت شكلها وجلست : شخبارك يالكرشة .؟!
اسماء : هههههههههههههههههههه يفوتك من طلع كرشه بعد ؟
غادة عقدت حواجبها : كيف .؟
ميهاف ابتسمت : هاتي البشارة
غادة فتحت عيــونها بوسعها : بعـــــــــــــــد انتي !!
ميهاف هزت راسها : ايه والفال لك عاد انتي الحقينا خل نجيب عصابه سوا
اسماء : ههههههههههههههه من اللحين اللي ببطني هو شيخ عصابتكم
غادة : الف الف مبـــــــروك حبيبتي والله انبسطت لك ! بتجيني عدوى كل اللي حولي حوامل
ام فراس : يازينها من عدوى اللهم امين
ميهاف : عاد اسوم اقولك من اللحين ترا انا مجرد ما يوضح جنس البيبي ببلش اجهز ! ولا اقولك ليش انتظر انا طاااااااايره من اللحين بفضي غرفة بالبيت وبشتري الغرفة واصبغها واصممها .. معاي ؟
اسماء باحباط : لا ... هبله انتي ؟ كيف اسوي كل هذا وحضرة الأب مايدري للحين اساسا !!
ميهاف : والله هذا الغلط منك ومن راسك المهوي ... ما أدري كيف للحين ماقلتي له ؟
غادة : هههههههههههه يقالها تنتقم حضرتها لانه تركها
ميهاف : عقلك فاغر .. والله ماني مستوعبة كيف ماقلتي له ؟! يعني امانه مافكرتي انه ممكن لو قلتي له يحاول يرجع ؟
اسماء فتحت عيونها بوسعها : شقصدك !! يعني انه بيده انه يرجع ؟ وماحيرجع عشاني ؟!!
ميهاف : لا انا ما أقول كذا .. انا اقول يكون له دافع يعني
اسماء بقهر : هش هش بس ! ماحشتري ولا شي دون هيثم .. وبعدين لسى بدري ع ايش انتي مستعجلة ؟
ميهاف : ههههههههههههه مو بس انا ياقلبي والله .. بدر متحمس اكثر مني جالس يدور تصاميم ويفكر
اسماء : ياكرهي ... يعني شوفوني انا وزوجي نعيش حياة طبيعية !
ام فراس : خل مني خرابيطكن !! غادة شخبار ابتسام ؟ عسى مرتاحة ..؟
غادة : بخير والله تسلم عليكم كلكم
ام فراس : الله يسلمها .. ( وقفت ) غادة تجين معي شوي تساعديني بشي في المطبخ ؟
ميهاف : اجي بعد انا خالتي ؟
ام فراس : لا لا ارتاحن .. غادة تكفي
اسماء : تعالي ميهاف بوريك شي اساسا بيعجبك
طلعت غادة مع ام فراس للمطبخ ... غادة حست ان ام فراس قاصدة تاخذها تكلمها .. وكانت تقريبا تدري وش الموضوع ...
ام فراس بمقدمات : ماقالك فراس متى بيرجع ؟
غادة : لا والله ... ع كلامه مو واضح قد ايش بتطول رحلته
ام فراس هزت راسها : اهــــا
غادة ابتسمت : خالتي اكيد هالمعلومة تقدرين تسألين فراس عنها ... في فمك حكي ثاني , صح ؟
ام فراس ابتسمت : والله انك تقريني من عيوني
غادة هزت راسها : قولي خالتي مايحتاج مقدمات .. انتي حسبة امي وايش ماحتقولين تمونين ويحق لك
ام فراس جلست : اجل تعالي جمبي
غادة جلست جمبها بينما ام فراس مسحت على شعرها وهي تبتسم : اول شي بسألك عشان افهم ... انتي حاطه الحمل ببالك ولا مأجله الموضوع ؟
غادة تنهدت : لا والله خالتي ما أجلت .. ( تلككت ) بس ايش اقولك ؟ هذا امر الله .... يعني مو بيدي
ام فراس : طيب بخاطرك تراجعيــن عيادات او شي ؟
غادة توترت : ما أحس اني تاخرت لدرجة اراجع العيادات ...
ام فراس بتدارك : لا لا لا مو قصدي تأخرتي ! ( ابتسمت بحنيه ) انا كان اقول يعني فرصة اللحين مع البنيات وحتى لو تحسي نفسك ما تأخرتي ..... ( تنهدت ) فراس مـاعاد صغير ..
غادة شبكت يدينها ببعض بالهاء وهي تنطق بكئابة : خالتي يعني قولتك انا ماودي ؟ والله امنيتي ...... ( ابتسمت ) واذا يريحك اروح اراجع مايخالف بكلم فراس واروح
ام فراس بحماس : اذا تبين انا اروح معك ؟
غادة : لا خالتي ارتاحي جعلني فدا عيونك ... في هالموضوع اتوقع اروح مع ابتسام دكتورتها اضمن
ام فراس ابتسمت : اللي يريحك بنتي
غادة اشرت : يله اجل انا بالاذن بصعد بيتي شوي ابي كم غرض وعقب انزل
ام فراس : اذا ودك خذي الشغاله معك ترتب
غادة : لا مايحتاج خالتي التنظيف قبل يجي فراس بيوم راح اجي وانظف كل شي
ام فراس : الله يرجعه بالسلامة يارب
غادة : يارب
طلـعت غادة من المطبـخ وهي تصعد لشقتها .. بطريقها دقت على فراس , جاها الرد : الو
غادة : سلام حبي .. كيفك ؟
فراس : وعليكم السلام ...كيفي ؟ ماعلي بس مشغول مو قايل لك لاتدقين انا ادق
غادة : عارفة انك مشغول وجالس تستقبل تقارير وكذا فقلت ادق اسلمك تقريري بعد انا مع موظفينك
فراس ابتسم وهو ينطق : تفضلي اسمعك
غادة : حضرة المديـر فراس
فراس قاطعهـا وهو ينسحب من المكتب للبلكونة : مانقولها كذا
غادة : معليش جديدة .. ايش تقولون اجل ؟
فراس وابتسامته زادت وسع : طـال عمرك
غادة : شنو شايب انت يقولوا لك طال عمرك .؟
فراس : الظاهر الموظفة الجديدة عندها اعتراضات على سياسة الشغل .. أو إن زوجتي عندها اعتراضات على الفارق العمري ؟
غادة : هههههههههههههه ماعندي اعتراض الا على غيابك ,
فراس رفع حواجبه : لا الموظفة متحمسة تغازل بعـد ..؟ هيييه انضبطي متزوج ترا !
غادة بنكف : معليش سامحني ماني متعلمة ما أفهم
فراس : لا يكثر هرجـك بس وهاتي تقريرك اخلصي !
غادة برسمية : احـــم .. احم ! طال عمرك احب افيدك إني صرت في قلب البيت وسلمت على الوالدة طال عمرها واللحين في بيتنا اتطمن عليه , تحب تضيف اوامر ؟
فراس : تقرير مضبوط ما شاء الله بس برضو بيخصم عليك لأنه تقرير متأخر !
غادة وهي تستلقي على السرير تنهدت : والله اشتقت لك .. واشتقت لبيتنا .. مره مره اشتقت
فراس تنهد : مايوحشك غالي ان شاء الله قريب راجع , إلا امي شخبارها شعلومها ؟
غادة : احوالهـــا تسر .. ( عدلت جلستها ) ع طاري امك , هممم ..... ابي اكلمك بموضوع , ممكن ؟
فراس رفع معصمه يطالع ساعته .. : موضوع ايش ..؟!
غادة شدت على قبضتها : اول شي , دريت ان ميهاف برضو حامل ؟
فراس : لا ... تو اسمع , بس مبروك عموما
غادة وقفت وهي تتجول بانحاء البيت اثناء كلامها : ايه والله تستاهل كل خير هي وبدر ..... ( عضت شفاتها ) فراس , انت تحس إنا تاخرنا شي ؟
فراس عقد حواجبه : تاخرنا بايش ؟ قصدك بيبي يعني ؟
غادة : ايه ......... امك حتى قالت لي اليوم اراجع وكذا ..
فراس باستنكار : ليش تراجعين , لسى بدري ندرعم ونقول تحتاجين مراجعات !!
غادة : مو شرط يكون فيه شي ... بس يعني بشكل عام ماحيضر , إلا اذا انت عندك مانع يعني ؟
فراس تنهد : هالموضوع مو على الفون يتكلم فيه ... لارجعت نتفاهم وقبل ارجع لاتقدحين شي من راسك ! سامعة ؟
غادة تنهدت : عموما انا مقدر دونك اساسا ...
فراس : خلاص اجل نتفاهم بعدين انا لازم اسكر اللحين , لاتركبين مع السواق متأخر اليوم ... ارجعي بدري .. ويكون احسن لو تركبين مع بدر وميهاف دام موجودين يوصلونك
غادة : راح اشوف على حسب التساهيل
فراس : ردي لي خبر عموما ....
غادة : ابشر , يله شوف شغلك .. اكلمك بعدين
فراس : على خير
سكرت غــادة السماعة , وقبل تنزل سمعت صوت رجولي تحت .. رجحت إنه صوت بدر .. فقررت تكمل شغلها هنا
***
اسماء بسخرية وهي تطالع بدر متعلقه عيونه ببطن ميهاف : تحسسني انها بالتاسع !! ترا لسى ماتكون حتى !
بدر تافف : اففف .. مابي اسمع هالحكي من اللي مافكرت تقول لزوجها حتى اهم خبر بحياتهم
اسماء : مفاجأة مفاجاة !! وش الجزء من كلمة مفاجأة منتو فاهمينه ..؟
بدر : امحق مفاجأة طيري بس ... والله لو انا مكان الرجال واصير آخر من يعلم ان زوجتي حامل لأطربق الدنيا ! وش هالهبال ؟
تنهدت اسماء : كويس آجل ان زوجي مو همجي مثلك
بدر التفت لميهاف : ميهاف انا اثق بحكمك ! تفضلي قولي لو أنتي مكان الرجال وش بتسوين ..؟
ميهاف وقفت بنص أكلها للفطاير : هاه ! لا لاتدخلوني بنقاشكم تفاهموا لحالكم
بدر : لا لا جاوبي فهمي الغبية هذي كيف الدنيا ماشية ! بتصير أم وهي للحين افكارها بزرانية ... مفاجأة وانتقام ومدري ايش
اسماء : اقول مع نفسك وبعدين مطول هنـــا ؟!! ترا غادة هنا نبيها تنزل نجلس معها
بدر : ولا يهمك جاي آخذ ميهاف وبطلع
ام فراس : لا لا وين بدري ؟!!!
بدر : لا يمه للحين ما قالت لامها وابوها بعد ... نبي نمرهم نقولهم
ام فراس ابتسمت : مادام كذا .. الله يستر عليكم
بدر وقف وهو يمسك يد ميهاف توقف معه : يله اجل مشينا .. ( حاس شعر اسماء بطريقه ) انتبهي لنفسك ياسبهه
اسماء طالعته بنص عين : أنت السبهه
ام فراس : اســـوم عطي غادة خبر إن بدر راح
: شفت سيارته
ابتسمت اسماء : أم قليب تراقب
غادة جلست وهي تنطق بحيوية : إيــــــــــوه ايش اخر الأخبار ؟!
***
الكـــــــويت /
لؤي ابتسم وهو يستقبل مايا فور خروجها من الحضانه .. مسك يدهـا وهو يمشي معها : نروح ناخذ ماما ..؟!
مايا هزت راسها بتاييد .... لؤي : لا تتحمسين ترا ناوية عليك امك !
: وناوية عليك معهــا
التفت لها : خلصتي دوامك ؟
سارا : ليش ماقلت لي انك راح تمر مايا .؟ مريت ع بالي انك لسى بالدوام
لؤي : ماتوقعتك تلحقي .. بالعادة تطلعين متأخرة
سارا : اليوم استثناء .. خلصت بدري حمدالله
لؤي ابتسم : اجل مايا جاك التهديد بدري !
سارا : ههههههههههه لا سمـاح هالمرة ! ( رفعت حواجبها ) بشفاعتك بس
لؤي : عارفـه ..؟ ماتطلعين من دوامك بدري الا اذا بفمك حكي بتقولينه ..
سارا تنهدت : يب يب ... بس خل نوصل البيت قبل
لؤي هز راسه بموافقه دون يعلق .. فور وصولهم البيت توجهت سارا مع مايا لغرفتها عشان تنام , بينما تطوع لؤي لمهمة القهـوة ..جلس بالحديقة يحتسي كاسه باستكنان ...... ابتسم وهو ينتبه ليدينها تطوقه من رقبته من ورا : غريبة عليك تبـــادرين
سارا ابتسمت : لكل شي مرة أولى
لؤي : يارب مايكون لهـا أخيرة آجل
سارا افلتته وهي تجلس جمبه وتحضن كاس قهـوتها : عارف اليوم بالدوام دخل موظف يالله نسخة أخوك نايف !! مرة مرة نسخته
لؤي : لا يكون هو بس ..؟!
سارا : ههههههههههه لا اسمه محمد ومو شكل ... قصدي شخصية
لؤي ابتسم : ياحليله نايف ... وربي ما انسى له زيارته طول عمري
سارا : من جد ما انساها له .... يكفي انه بسبب هالزيارة بس تغير مزاجك وصرت أحسن 180 درجة
لؤي تنهد : الحق معـــاي ... وامنيتي يجي اليوم اللي احصل فيه ابوي عند بابي بنفس الطريقة اللي حصلت فيها نايف
سارا : بس عارف ايش استغربت ..؟
لؤي بهدوء : عارف ....
سارا : ابي اعرف ليش يراقبنا للحين ..؟
لؤي ابتسم وهو يكرر اجابته : عشان واحد غبي زي نايف مايروح لبيرث يحسبني هناك
سارا بهدوء : عذر سخيف ...
لؤي : عذر سخيف بس لغته وااضحه لي .... ( تنهد ) عارفه اني انبسطت لأني عرفت هالمعلومة ؟
سارا عقدت حواجبها : من جدك ؟
لؤي هز راسه : ايه ... وصرت ارسل له رسايل خفية من عرفت هالخبر !
سارا : كيف يعني .؟
لؤي ابتسم : صرت ازور اماكن هو يعرفها زين ... وصرت اسوي نشاطات خاصة فينا ! ازور المقهى اللي دايم نجتمع فيه .. اتابع المباراه وين ماتعودت اتابعها معه ..
سارا : غريب ..... على اساس انك قطعته خلاص ؟
لؤي : اللي بيني وبين فراس معقد .. معقد وصعب احد يفهمه ! حتى انا ساعات ما أفهم .... بس اللي فهـــمته اني فقدت دوره في حياتي من غاب عنها !
سارا بهدوء مقهور : العكس معي اجل ..
لؤي : لأنك ماتعرفينه باختصار ... واللي مايعرفه مايثمنه
سارا : آجل عساني طول العمر ما أعرفه ....
لؤي تنهـد : تطمني ماراح تعرفينه ... ولا حتى انا ! ( وقف وهو يتمغط ) ندخل ننام ؟
سارا : شعندك صاير دجاجه ... مسرع ما تنام !
لؤي جلس : تفضلي وش عـندك .. بفمك حكي من أول
سارا : لا مو حكي حكي يعني , بس قلت نسولف يعني
لؤي باستدراج : تمام راح نسولف ... بإيش ؟
سارا رفعت كتوفه : ما أدري وش تحس أحسن ؟ نسولف بأخو ولا أخت مايا ؟!
لؤي عقد حواجبه ... بعدها انفكت ملامحه وهو يفتح عيونه وينطق بدهشه : إيــــــــــــــــش ؟!
سارا : ههههههههه ابشرك فكرت والظاهر انك غلبتني حتى بيني وبين نفسي
لؤي مسك يدينها بحماس : صدقيني ماحتندمين !! بعدين انا ماجربت اصير أبو من البداية ... حتى وأنتي حامل ماشفتك نهائي !! فرصة اعيش هالتجربه معك من أول خطوة
سارا : وانا مستحيل اتجرأ اعيدها إلا معك
لؤي ابتسم بوسع : بس دام هذا نقاشنا آجل سهرة اليوم صبــــاحي
سارا : وهذا المطـــلوب
***
إبتســـام مسحت على ظهر دحـوم المنبطح بحضنها ونايم , التفتت لما سمعت صوت الباب ينفتح ...... ابتسمت لما شافت غادة تدخل وتفك عبايتها : جيتي .؟!
غادة رمت عبايتها وجلست بتعب : ليش توقعتيني ما أجي يعني ؟
ابتسام : ايه قلت يمكن تنامين ببيتك
غادة تنهدت : لا ..... رجعت ..
ابتسام عقدت حواجبها : شفيك ؟ كانك مو مبسوطة !!
غادة عدلت جلستها وبنبرة كئيبة : ميهـاف حامل
ابتسام ابتسمت بوسع : ما شاء الله ... الف مبروك عليها وعلى قلبها ياحليلها
غادة تنهـدت : بدر أصغر من فراس بكثير ....
ابتسام : فراس قايل لك شي آجل .؟
غادة هزت راسها : لا بالعكس ... ساعات احس مايهمه الموضوع كثير ! بس ام فراس يهمها .. وجده يهمه ..
ابتسام : طيب بالروقان يمدي
غادة : عارفه .. بس شوفتك ميهاف واسماء وهالأجواء وترتني
ابتسام : اذا ودك تروحين معي دكتورتي بكرة ..
غادة قاطعتها : أم فراس تقول روحي بس فراس يقول لا ... ع اساس اني مستعجله
ابتسام تنهدت : وهو صادق . . انتي مستعجلة !
غادة هزت راسها تنفض افكارنا : ماعلينا !! انتي شخبار زيارتك لأم نايف ؟!
ابتسام كشرت : زفت .... محاضات ومحاضرات وبالأخير ماتفاهمنا وطلعت وهي شايله بخاطرها
غادة : ماعليك هذا كله من خوفها عليك !! مير الشرهه مو عليك وعليها الشرهه على الحمار اللي سبب هالوضع اصلن
ابتسام : خلاص غادة امنيتي اجلس معك جلسه دون تسبين وتهاوشين فيه
غادة بانفعال : ايه لأن معاي حق .. يعني بجد ما أدري كيف انتي متقبله وراضيه بالوضع !
ابتسام تنهدت : انا وياه متفاهمين انتي ارتاحي
غادة تكتفت : واو , بجد ؟ اشرحي لي هالتفاهم كيف !
ابتسام : ايه ... لأني عارفه نايف وعارفه طبيعته ! ياغادة نايف اهم شي عنده ان الشخص اللي معه يتفق مع افكاره .. احيان احس يهمه هالشي اكثر من اني اتفق مع مشاعره ! عشان كذا انا جالسه اجاهد نفسي احاول اتفق معه
غادة : والمشكلة ان افكاره كلها عبيطة
ابتسام : ولو .. تضل افكاره وطموحاته ومستحيل ارضى تدمر بسببي ! زيادة على كذا هو يستاهل مني هالتضحية
غادة : ودي اصدق ! لو انتي فعلا راضية كنتي رديتي ع مكالماته نصها تحقرينها
ابتسام ابتسمت : بالعكس داخل خاطري ماني زعلانه ... ( زادت ابتسامتها وسع ) عارفه ياغادة انه أول شخص احسه يحبني بجد ! يعني يحبني مو لأنه ملزوم فيني ... لا يحبني لانه يبي يحبني ... انا ماصرت بهالشخصية اللحين إلا لاني اشوف نفسي بعيونه
غادة عقدت حواجبها : من جدك ؟
ابتسام : نايف كثر ما أسوي فيه وازعل واعصب .. ما عمره انكر عشرتي , مهما غلطت مجرد اني ابتسم له ينجرف لي ويدحر الزعل مع أول محاولة استرضاء .... ماعمري تعبت معه ..
غادة ابتسمت : ي حبيبتي يا ابتسام وش كل هالشاعريه فجأة
ابتسام : بالعكس انا كذا على طول ... بس مشكلتك انتي ماتعطين احد مجال من تجلسين تسبينه كانه يهودي !
غادة : خلاص اسفه حقك علي .. عقب هالمشاعر المنجرفه كلها ماعاد بيدي شي
ابتسام بحالمية : عارفه لما قال لي أحبك ... قشعريرة مشت بجسمي كله ! احس تزلزلت .ورغم اني مارديت له الكلمة الا عقب فترة طويله ماعمره ضغط علي
غادة استمتعت بانها تسمع اختها : ......................
ابتسام : انا لما تزوجته كنت منكسره ومحطمة من تأثير عماني ! هو قواني .. هو تركني اسوي اللي بخاطري .. وللحين احس نفسي حره بشكل .. عشان كذا مستحيل اكبت حريته .... ومستحيل اكافئ الإنسان اللي سوا لي كل هذا باني اسب فيه بغيابه
غادة : اذا كذا معك حق ... ( وقفت بحماس ) رايحة اجيب مشروب دام فتحتي قلبك اجل ماسكتك الليلة مسكة للصبح
ابتسام : ماحقـــول لا بس اهم شي رواقتك اتركي شيطاينك بزنزانتهم
انتبهت ابتسام لجوالها يدق ... طالعتها غادة : من ؟
ابتسام كشرت : هيثم !! الله يصلح اسماء من حلفتني ما أقوله شي وانا صايره اتضايق من مكالماته ...... خصوصا اني احسه شاك صاير يسألني اسئلة تلخبطني
غادة : والله هالبنت لاتناقشيني بعقلها .. اعبط منها ماشفت
ردت ابتسام : هلا وغلا
هيثم : هــــــــلا فيك .... شخبارك ؟
ابتسام : حمدالله بخير ... انتي كيف جدة وكيف الإنتداب ؟
هيثم : أبد كلهم يسلمون عليك ... وجاي عقب كم يوم ان شاء الله زياره
ابتسام : بجــــــــــــد !!! كويس والله خبر بمليون
هيثم سكت لوهله ثم نطق بجدية : ابتسام بسألك سؤال وحلفتك الله تقولين الصدق !
ابتسام ضرب قلبها .. : هاه .. سؤال ايش ؟
هيثم : سؤال ! وتراني حلفتك ..... انتي شفتي اسماء من يم رحت ؟
ابتسام بلعت ريقها : ايه يمكن مره بس
هيثم : لاحظتي عليها شي .؟ متغيره ؟ نفسيتها شكلها ؟
ابتسام : لا مالاحظت شي مره ... ليه ؟ انت ملاحظ شي ؟
هيثم : شــــــــــاك بحاجة من تصرفاتها ... ( تنهد ) حقولك ع بلاطة ... شاك انها حامل وحاطه العلم بجيبها !
ابتسام عضت شفاتها ( الله يسلط على بليسك يا اسماء ) : .......................
هيثم : ابتسام .؟
ابتسام بربكة : هلا هلا .. معك .. آآآآآآ ! ما أتوقع يعني لو حامل كان تقولك
هيثم : انا بعد اقول كذا .... بس شاك اقولك ,
ابتسام : وليش شاك ؟
هيثم : نومها كاثر .. ماكانت تنام كل هالوقت
ابتسام : طيب يمكن زهقانه خبرك بيتهم فاضي
هيثم : اوكيه زهقانه ..... انا توقعت لما اروح اسماء بتنشب لي زيارات ! اللحين اقولها بحجز لك يومين تصرفني !! وهي تكلمني تلمح لي تلميحات غريبة وتسألني وش يعجبني اكثر البنات ولا العيال !
ابتسام كبحت ابتسامتها : والله ياهيثم انك لقطتها .. مقدر اكذب خلاص بس ترا محلفتني ما أقولك !
هيثم تغير صوته نطق بتوجس : كيــــــــــف يعني ؟!!! صــــــــــــــدق !!
ابتسام ضحكت : ههههههههههههههههههههه سلط الله على بليسك وبليسها ! ايه حامل على البركة والله يرزقك الذريه الصالحة
هيثم : مـن متى ابتسام ؟
ابتسام : من لما كنت هنا وهي حامل .. واكتشفت عقب مارحت بكم يوم
هيثم : ولا قالت لي ؟
ابتسام : على قولتها تاركتها مفاجئة لك
هيثم رفع حواجبه : مفـــــــــــــــاجأة قلتي !!
ابتسام : شفيك ؟ ما أنبسطت ؟!
هيثم بقهر : ايه ما انبسطت !! على شنو انبسط ؟ ان كل العالم يدرون عنها وانا اللي مفروض أول واحد يدري متروك ع جنب وآخر من يعلم !!
ابتسام : مفاجأة يخي
هيثم : اكره المفاجأت هذي !! بس هين ارد لها المفاجأة مفاجئتين .... بس تصبر علي
ابتسام فتحت عيونها : شنو بتناقرها وهي حامل ؟!
هيثم : والله ما أشوف انها حامل هجـدها من انها تكذب وتناقر
ابتسام : مين قال كذبت ؟ هي بس ماقالت لك ؟
هيثم : انها تخش هالمعلومه عني هذا برضو يعتبر كذب بقاموسي !!
ابتسام : هــونها تهون .. اهم شي ترا انا ماقلت شي !
هيثم بنبرة ساخرة : لا من قـال ؟ يله بسكر اكلمك بعدين .
عضت ابتسام شفاتها وهي تسكر السماعة .... ابتسمت لغادة : عصب الأخ
غادة وهي تجلس صينية شاي شهقت : لا يكــــــــــــون قلتي له !
ابتسام : ماعرفت اكذب تخيلي سألني مباشرة ! الأخ شاك
غادة : ياويلك من اسماء بتعلقك بالمروحه
ابتسام : حيلهم بينهم مالي دخـــل .. جيبي بس اشرب شاهيتي واروح انام
***
اسماء صحت على هز امها لها .. عقدت حواجبها بضيق : شنـــو ؟!
ام فراس باستعجال : قومي قومي ورانا شغل
اسماء بضيق : شغــــــــــل ايش ؟
ام فراس ابتسمت : فــراس يقول بيجي اليوم ! اخلصي نعجل
اسماء تنهدت : والله هالولد بيجلطنا ! شدخلنا حنا نسوي كل هذا ليش مايسوي هو ؟
ام فراس : اقول انشبي وقومي انا ماصدقت يتسهل ويقدم ع هالخطوة وانتي تتكاسلين
اسماء باحباط : جايه جايه بغسل وجهي وبجي
لما طلعت امها مسكت جوالها وهي تبتسم لرسالته ( اذا صحيتي كلميني )
سندت ظهرها على الوساد وهي تدق .. جاها صوته : صـــح النوم , غريبة صاحية بدري؟
اسماء : صحتني ماما ... صباح الخير ي قلبي , شخبارك ؟
هيثم بنبرة لها معنى : اخباري تعتمد على اخبارك !
اسماء : شفيها اخباري ؟ حمدالله تمام
هيثم : إلا اقول ... مبروك حمل زوجة اخوك !
اسماء : يمه شعرفك ؟!
هيثم : اعرف .. وليش ما أعرف الاخبار تنتقل على طول ؟! واعرف اشياء ماتطري ع بالك برضو
اسماء كبست بعيونها بارتباك .: مـ .. مثل ؟
هيثم بقصد : خليك من مثل ... ( تنهد ) عارفه اسوم لما عرفت الخبر اشتقت .. تمنيت بجد حنا كمان يكون لنا ولد ولا بنت يعبون لنا حياتنا
اسماء بلعت ريقها : ................................
هيثم : الو ؟ وينك !
اسماء : هنا هنا ... آآ معليش بس بالي مع ماما راحت للشغل لحالها
هيثم رفع حواجبه : اهـــــــــا ... لا أشغلك اجل روحي لامك , نكمل موضوعنا بعدين
اسماء بربكة : اوكيه ..
سكرت السماعة وهي تكبس بعيونها : يمـه وش هالحكي ! كأنه يدري .......؟!
نقزت من سريرها وهي تنـــزل مسرعه لأمها .. : يمــــــــــــــــه !
ام فراس : شنو !
اسماء : انتي قايله لهيثم شي عن حملي ؟
ام فراس عقدت حواجبها : من سافر ماكلمته الا مرتين وقدامك ! مع وين بقوله ؟
اسماء مسكت قلبها : يمه خايفه احسه يدري ! قمطت
ام فراس بلوم : تستاهلين ... قايله لك هالأمور ماتتخبى ولا ... وماتسمعيني !
اسماء : والله ما أدري شاسوي ! شكلي بقوله قبل تصير صدق ويدري من غيري
ام فراس : خلي مني هبالك اللحين ! اخلصي اعجلي خل نستقبل العمال بيجون
اسماء تنهدت بضيق : زيـــن
***
فـراس , دق على غادة .. جـاه صوتها الكسلان : هلا والله
فراس ابتسم : نايمة ؟
غادة وهي مازالت مسكرة عيونها : أيـــه .. كم الساعة ! ؟
فراس وهو يطالع بـاب بيت نايف : الساعة 6 ونص
غادة : اووه تو بدري
فراس تسند على كرسيه : أيـه تو بدري بس معليش وصيت لك مع مسعود ظرف ابيك تحطينه بمكتبي ضروري ماودي يجلس بالشركة معليش تاخذينه
غادة عقدت حواجبها : اخذه وين ؟
فراس وهو يفتح باب سيارته وينزل : بيحطه قدام الباب
غادة : اوكيــه تمام , بس ترا ماحروح للبيت هاليومين بخليه معي ومتى مارحت حطيته
فراس ابتسم ابتسامة جانبية : يصير خير خذيه اللحين ونتفاهم بعدين
غادة وقفت : خلاص ابشر
فراس : ســلام
سكر فراس السماعة وهو يوقف قدام الباب ويترك ظرف فعلا , انتبه للباب ينفتح ويدها تسحب الظرف عقدت حواجبها وهي تقرا الورقة
الحديث معك إرتواء
فكيف عناقك !!
انتبه لها تشهق وهي تنطق : مسعود هالوصخ !!!
قاطعها اللي دخل فجأة وضمها : الله يعين مخك عليك قد ايشه مفهي !!
غادة فتحت عيونها بوسعـها : فــــــــــــــــــــــــــــــراس !!!!
فراس وهو يبوس كتفها : وحشتيني ياقلبي
غادة ابعدته وهي تطالعه وفاتحه عينها : ليش مـا قلت لي !!!!!!
فراس حاس بفمه وهو يطالعها من فوق لتحت بقميصها وشعرها منتفش : معك حق ليش ماقلت؟
غادة حمر وجههـا : كويس كذا فشلتني والله ماتجهزت ولا استعديت ولا ..
فراس قاطعها : ولا كبيتي سطل مكياج ولا ارتفعتي خمس عمارات ولا روضتي هالقشة ! اوكيه فاهم ... بس كله مايهم اللحين البسي عبايتك وتعالي
غادة فتحت عيونها : فراس من جدك ؟ حتى شنطتي ماجهزتها ! روح لاهلك وبعدين تعالي خذني اكون جهزت
فراس حاس فمه : اوكيه بروح لاهلي بس مافيه رجعه اليوم
غادة مسكت يده قبل يطلع : مــــــــــن جدك ؟!
فراس رفع حواجبه : ايه من جدي .. لي يومين انام مع الوســـد واتقهوى مع عملاء زي العقوبة بحياتي ! واللحين يوم رجعت تصرفيني ؟
غادة : مو اصرفك والله بس ...........
فراس قاطعها : لا بس ولا غيره ! اللحين دون أي تغيير البسي عبايتك وتعالي ماحنتظر خمس دقايق حتى ... نروح بيتنا تلبسين هناك وامورك تمام
غادة استسلمت : خلاص اوكيه عطني وقت شوي اقلها اعطي ابتسام خبر
فراس : تعطينها خبر ع الجوال ... قلت لك دقيقتين واحرك
غادة تو بترد طلع .. تنهدت بتعب وهي تمعط شعرها : مجنون رسمي وراح يجنني معه !!
دخـلت بسرعة وهي تلبس عبايتها وتـطلع , ركبت وهي تنطق بضيق : وربي انك تقهر .. لو تاركني ع راحتي كان أحسن
فراس عقد حواجبه : عارفه ياقلبي ؟ احس كل مازادت مدتك عند اختك زادت مشاكلك معي ... ولا انا ملاحظ كذا بس ؟
غادة : شدخل اختي ! تتوهم اكيد .... انا بس منقهره من شيفتي
فراس وهو يحرك سيارته : شيفتك علاجها ربع ساعه لاتشيلي همها
غادة بقهر : وبعدين ايش هالعناد معاك ! ترا من الذوق انك تقتنع ان مو كل اللي يقنعك ويناسبك يقنعني ويناسبني
فراس بدبلوماسية : كلميني بمنطق رجاء ولا اسكتي .. يعني اذا انا عاجبك ؟ ومناسبك ؟ وتحبيني ! معناها قراراتي مشموله ضمن شخصي
غادة رفعت حواجبها : لا والله
فراس بهجوم : وبعدين تعالي شقصدك بهالحلطمة ؟ يعني ما اشتقتي لي ؟ ماتبين تروحين معي !
غادة : ماله علاقة انت عارف ان شوقي لنظرة وحده لوجهك بس كانت تقتلني
فراس : تقتلك ؟! تقتلك وعادي عندك ارجع البيت لحالي ؟
غادة : ايه هذا شي وهذا شي
فراس : غادة ! ياخليك قد كلامك ياخلي كلامك ع قدك ! ماني ورع تهايطين عليه بحكي بمليون نكهه
غادة عقدت حواجبها فجاة : اقول فراس .. مو كأن الطريق غريب ؟!
فراس ابتسم : تذكرتيه آجل ..؟
غادة كبست عيونها وهي تنطق بتوجس : لا تقـــول ؟
فراس بتأكيد : بالضبط ... وين مابدينا كل شي
غادة ارمشت بعيونها وهي تنتبه لهم يدخـلون الفيلا ... بلعت ريقها وهي تنطق بضيق : ما أحبها ....
فراس شد يديها : اذا ما تحبينها معناه فيه جانب بقلبك للحين مو متقبلني .. ( تنهد ) وانا بصراحة ودي أغير ذكرياتي هنا .. وماحرضى اغيرها مع غيرك ! تعالي نبدل كل زاويه بضحكه ... موافقة ؟
غادة شدت على يده وهي تبتسم : ومو على اساس بنروح البيت ؟
فراس وهو ينـزل : بنروح البيت بعدين ... اليوم انتي تحت رعايتي , ( مسك يدها وهو يسحبها معه ) كل شــي اليوم بعنوانك
فتحت عيونها وهي تنتبه لتصميم الصالة المجـهزة بفطور كــامل رايق .. والريحة الشديه بالمكان , ابتسمت لهم الخادمه : اهلا وسهلا .. نورتوا
غادة : فــــراس ايش هذا ؟
فراس وهو يتلفت على المكان : فطـور .. وبعد الفطور المغطس ينتظرنا , وبعدها اللي تبين
غادة سحبت نقابها وهي تتقدم : مو كأن تصميم المكان اللي وريتك قبل ؟
فراس : شفته عاجبك قلت نغيره .. كنت اتمنى احطه ببيتنا بس انتي عارفه ان تصميم ابوي بالمكان مابي اغيره نهائي ..
غادة ابتسمت : يجـــنن ياقلبي .. يعطيك العافية
فراس رفع يدها وباسها : يعطيك العافية قبلي .. ( شدها لعند كرسيها تجلس ) تفــضلي وش تامرين
غادة استنشقت هواء : انتظر اتنفس واستوعب كل هذا
فراس صب كاس قهـوته : استوعبي ع راحتك
غادة بحب : عارف ان حياتي بدونك صعب اسميها حياة ؟
فراس ابتسم : عارف
غادة : وعارف ان قلبي قلبي بس نبضه انت .. وما احسه بيقدر ينبض دونك
فراس : بعيد الشر ياعمري وش جاب الطاري
غادة : مافيه طاري غيرك
فراس : شتشربين ؟
غادة ابتسمت وهي تطالع قهـوته : ايش تشرب انت ؟
فراس : قهـوة سوداء .. تبين ؟
غادة : لذيذة ؟
فراس وهو يرتشفها : ايه والله لذيذه جربيها
ابتسم بجانبية وهو ينتبه لها توقف من مكانها : غادة عارف اللي في راسك ارجعي
غادة وهي تشبك يدينها ورا ظهرها وتتقدم منه بدلال : عارف شنـو ؟
فراس جلس كوبه وهو يهز راسه : تجنين على نفسك ترا
غادة وهي توقف قدامه وتنحني له : وانا أحب الجناية اللي قانونها أنت !
تو بتندفع انتبهت له يوقف وهي بين يدينه .. ابتسم بشوق : قهـوة بس ؟
غادة شدت ع شفاتها : انت كريم وانا استــاهل
فراس احنى راسه بموافقه : ايه والله تستاهلين
***
اسمـــاء ... ابتسمت بوسع لما قرت رسالته التفتت لامها وهي تنطق بحماس : مــــــــــــــاما !! هيثم بيجي بكرة !
ام فراس ابتسمت : بجد ؟ لا هذي يبيبلها عزيمة هيثم بيجي وفراس جا .. حمدالله يارب
اسماء : إلا فراس وينه ؟! قلنا جا وماشفناه للحين
ام فراس ابتسمت : ماراح يرجـع اليوم
اسماء كبست عيونها : بأي قانون ؟
ام فراس : هـاو ! بقانون انه ويا زوجته وكيفهم
اسماء شهقت : ووين بينامون ! لاتقولي فندق !
ام فراس رفعت كتوفها : الله العالم ماجلست اسأل .... طلب مني كم طلب انفذه وقال بيجي البيت بكرة !
اسماء : واشوفه عادي عندك ؟
ام فراس : مو بس عادي إلا مبســــوطه .. ( تنهدت ) انا ماصدقت هاليوم يجي عسى الله يسعدهم ويهنيهم يارب
اسماء : وعادي عندك ماتشوفي حبيب القلب فراس ؟
ام فراس : وهو بيهاجر !! بكرة بشوفه
اسماء وقفت باحباط : اجل بقوم اجهـز اغراضي دام هيثم بيجي .. عساه يخطفي بعد انا ومانرجع البيت
ام فراس هزت راسها على حكي بنتها وكملت كاس شاهيها دون تعلق ..
***
صحـــت غادة على صوت جوالها يدق , سحبت الجوال وهي تنتبه للمتصل " ابتسام " ومكالمات فائته كثير منها ! عضت شفاتها وهي تقوم , طلعت من الغرفة وهي ترد : هـــلا هلا
ابتسام : ايوه نايمه بالعسل عيوني يحق لك ماتردين الا اللحين !
غادة ابتسمت : هههههههههههه شعرفك ؟
ابتسام : لما صحيت وماحصلتك خفت ودقيت عليك ماتردين اضطريت ادق على ام فراس وقالت لي
غادة : شاسوي يختي خبني اختطاف رسمي حتى اغراضي ما كفيتها
ابتسام : ولا يهمك على راحتك تعالي وخذيها
غادة : فـــدوة انا
ابتسام : نفداك ولو ... يله روحي انبسطي اكلمك بعدين
غادة : خذي راحتك نايم واضح تعبان ماراح يصحى اللحين
ابتسام : لا بروح نايف يدق ... اكلمك بعدين
غادة : اوكيه ع خير
سكرت السمــــاعة وهي تتنهد .. طالعت الساعة كبست عيونها الساعة 6 !! نامــوا كل هذا ؟!! رجعت للغرفة وهي تبدل بسرعة ... لبست بنطـال جنز مع بلوزه رسمية باللون الموف , هزته بخفـــــه : فـراس .... فراسي .. حبي !!
فراس فتح عيونه عقدت حواجبه : هلا ؟
غادة : الساعة 6 المغرب وحنا نايمين مو حاسين !! قوم الصلاة
فراس فز مباشرة وهو يرفع ساعته من الطاولة الجانبية مسح عيونه وهو ينطق بتذمر : كــــل هالنوم ياساتر
غادة ابتسمت : الظاهر هالسفره تعب صدق
فراس نهض وهو يقبص خدها : توضي خل نصليها جماعة اجل
غادة هزت راسها : انا توضيت .. انتظرك تتوضى
ابتسم وهو يهز راسه : جايك
بعـــــد تسليمة الركعة الأخيرة ... تنهدت غادة : اجهـز نمشي ؟
فراس رفع حواجبه : وين ؟
غادة عقدت حواجبها : البيت ؟!
فراس سدح راسه بحضنها وهو يرفع يده يمسح على خدها : ايش دعيتي لنا ؟
غادة ابتسمت : انت أول ... اشوفك طولت بالسجود
فراس زادت ابتسامته وسع : دعـيت ان الله يسعد أمي ويحقق لها اللي ببالها كثر ماضحت عشاني وعشان اخواني ..
غادة حضنت يده على خدها وهي تبوسها : وايش بعد ؟
فراس : ودعيت ربي يرحم ابوي ويغفر له ويرزقني شوفته بالآخـــرة .... ودعيت لبدر ربي يرزقه بنـــت لأني مو ناقص أربيه بداله اذا طلع ولد !
غادة : هههههههههههههههههه وليش بس ؟
فراس : فدا ضحكتــــها ياناس
غادة توردت خدودها : فراااس ... شوي شوي علي اليوم بتقتلني رسمي
فراس : هش بس خل أكمــل ... ايوه دعيت لأسماء ربي يعطيها عقل لأنها صارت تحتاجه وبقوه !
غادة هزت راسها بيأس من سخريته : ..................
فراس : ودعيت إن انس يكبر ويصير طيـــار لأن ابوي كان يتحلم انه يصير طيار ولا قدر ... ودعيت لياسمين تصير نسخة من أمي
غادة بحب : آمـــين يارب
فراس تنهد : والأهـــم دعيت لزوجتي وحبيبتي وعزوتي سعادة الدارين .. وحياة طويلة جمبي يارب , ( ابتسم ) ودعيت بفهـــاد ينور حياتنا قريب
غادة عضت شفاتها ونطقت بقهر : على طــاري ... ( طالعته برجاء ) ايش قلت ؟ نروح نراجع
فراس تنهد : طولي بالك ي غادة امي خوفتك ترا ولا وضعك طبيعي .. تو بدري على انك تخافين وتراجعين
غادة بيأس : ما أحس كذا ..
فراس : بس انـــا أحس فطمني بالك دامني متطمن ..
غادة باحباط : اوكيه .. على قولتك اجل ..
فراس وهو يتأملها تنهـد : اضحـــــكي ياهناي وشوله التكشيره ؟
غادة رفعت كتوفها : مافيه شي بس .. ما أدري احسك موفاهمني .. الموضوع غصب مقلقني
فراس : انا مو افهمــك .. انا اعيشك اكثر منك , وعارف ان الموضوع مقلقك عشان اسماء وميهاف !!
غادة : مو عشان كذا ...
فراس رفع عيونه بصبر : وعشــــاني اكبر من هيثم وبدر وبزعل اذا هم سبقوني ؟!
غادة عضت شفاتها وهي تهز راسها ... رد مباشرة : اجل انتي متعبه عقلك على الفاضي !! اولا ماني مستعجل ويا حَي ما استفردت فيك .. ثانيا لافكرت بالعقل هيثم وبدر متزوجين قبلي ... يعني ريحي نفسك وريحيني واللي بيجي من الله حياه الله متى ما أنكتب !
غادة ابتسمت نص ابتسامه : اوكيه .. احبـك ..
فراس تنهد براحه : ياربي ساعدني .. وربي أحب هالبنت اكثر من كل شي بهالدنيا الفانية
غادة : وهي تعشـــقك وتموت فيك
فراس جلس : على فكره ترا اليوم بننـام هنا ... بكرة نرجع !
غادة فتحت عيونها : من جدك ؟!
فراس : أيــــــــه من جد جدي ( مسك يدها عشان توقف معه ) قـومي بس مـت جوع
***
الـــــيوم , بيـــت أم فراس مزيـن بالبخور والمســك .. أول ماضرب الجرس طـلعت بلهفة وحمـاس ... فتحت وهي تبتسم بوسع : يـــــاهلا ومرحبا ومسهلا بأبو مشعــــل !! حمدالله ع السلامة يالغالي
باس هيثم راسها ويدهـا : يامرحبـــا فيك خالتي , شلونك انشديني عن صحتك ؟!
ام فراس : بخير دامك بخيـــر .. ( عقدت حواجبها بضيق ) ليش نـــاحف كذا ؟!
هيثم رفع حواجبه : مدري والله الظاهر بعض الناس شفطـوا وزني !
ام فراس حبست ابتسامتها : من شفط وزنك ؟
هيثم بنص عين : عـلي خالتي ؟! من شفط وزني يعني !
ام فراس : ههههههههههههههههههههههههههه قالت لك اجل ؟
هيثم : لا ماقالت وهذي المصيبة بس حسابها قريب ماعليك
ام فراس رفعت يدها : انا أرفع يدي قواك الله ... والله يشهد علي اني قلت لها لازم تقولك بس خبرك بعقلها
جاهم صـوت رجولي : يــــــــــهلا ومرحبا
التفت لهيثم لبدر اللي طلع من داخل البيت : وينك يابن الحلال أبطي تترا خاطرنا بالشوي بس ننتظركم !!
هيثم : من المطــار دغري هنا وين بعد اعجل اكثر ؟
سلم عليه بدر وهو يقلطه : حياك اقلط البيت بيتك ( التفت لامه ) إلا فراس وينه ؟!
ام فراس : علمي علمك ادق عليه جواله مغلق هو وزوجته محد يرد
هيــثم دخـل وهو يتلفت ماحصلها ... بابتساامة صفراء : اسوم وينها ؟
بدر : مع ميهاف داخل .. ( رفع صوته ينادي ) اسمـــــــــــــــــــــاء !! هيثم وصل
: جاااااااااااااااايه
بدر : آجلس استريح .. بتجي اللحين
هيثم رفع حواجبه لما دخلت وهي مسرعه وتنطق بلهفه : يــــهلا ومرحبا بعمري وحياتي ودنيتي
هيثم ابتسم : هلا فيــــــك ( سلم عليها سلام الخد ) شخبارك شمسويه ؟
اسماء : بخير جعـــــلك بخير ... حمدالله على السلامة حبي
هيثـم : يســـلمك
ام فراس اشرت لبدر يدخل معها عند ميهاف ويتركونهم براحتهم ...... اسماء ابتسمت بوسع وهي تدور على نفسها : حبيبي متغير فيني شي ؟
هيثم قرر يمشي معها المسرحية .. ركز بنظره وهو يقول : لا ما انتبهت .. ليش مسويه شي بنفسك ؟
اسماء قربت منـه خطوه : ركز زيــــن راح تعرف !
هيثم زفر وهو يقلب نظرته لإنتقاد وهو ينطق دون نفس : مبـروك عموما !
اسماء فتحت عيونها بوسعـها : هـــــــــــــــــاه !
هيثم رفع حواجبه : هويتي ببيـر ماله قاع قولي آمين
اسماء شهقت : بسم الله علي !
هيثم بنبرة حادة : أبفهـــم كيف ماتقولين لي كل هالمدة ؟!!! لا والكل يدري وانا هناك بقريح ماني داري عن الدنيا
اسماء بلعت ريقها : شعرفك ؟
هيثم : مـــــــــــــايخصك ! عرفت وبس ... وبرافو بدل انبسط بهالخبر تركتيني انقهر انك كذبتي علي
اسماء كبست عيونها : ماكذبت !
هيثم : انك ماتقولين الحقيقة هذا يعتبر كذب برضو
اسماء : بس انا ماقصدي اكذب .. كان خاطري افاجئك ( كملت باحباط ) ما تفاجئت ؟!
هيثم : شلون ما اتفاجئ ! تفاجئت بس بطريقة مب حلوه ... المفاجئات مو بهالمعلومات ! هالخبر مفروض انا اول من يسمعه
اسماء بزعل : خـــــــــــــلاص هيثم مسافر كل هالفترة وجاي تعاتبني اللحين ... يكفي اني فاقدتك ! وزهقانه كل هالفترة لحالي ... اقلها خل نتقابل صح
هيثم : مو العتب عليك انتي ! لو قايله لي كنت رجعت قبل وانبسطت زي أي شخص طبيعي !
اسماء برطمت : خلاص تمام اسفه ..
هيثم طالعها بصمت : ..................
اسماء بتميلح : الصمت علامة الرضا ؟
هيثم بانفعال : الصمت يعني قافله معي ! علامة الرضا عند جدتك
اسماء تنهدت بضيق : وش يرضيك طيب ؟
هيثم : ولا شي .. عموما اسكتي حاليا ( جلس القرفصاء حتى صار وجهه عند مستوى بطنها ) شايف امك ؟ من اولها نصب وهي بتصير ام بعد !! بس ماعليه انا وياك عليها وقت تجي
اسماء : أيــــــــواه شهالغش ! واتعابي وينها ؟
هيثم : اتعابك وفريها للمرة الجايه خبي عني بعد
اسماء تنهدت : ياليل ما أطولك
وقف هيثم لما ضرب الجرس : نتفاهم بعـدين شوفي من عند الباب
اسماء بضيق : أكيد فراس وغادة من غيرهم !؟
هيثم : روحي افتحي طيب
اسماء دون نفس : بــــــــروح زين !
طـلعت اسماء وهي تتحـلطم دون نفس .. قالت بصراخ : مــــــــــــين !
: أنـــــــــــس افتحي
اسماء زفرت : من الغباء اقول فراس ! فراس بيدخل مباشرة معه مفتاح
فتحت وهي ترجع تدخل ... ابتسم هيثم لانس : هلا والله بأنــــــــــس
انس : حمد الله على السلامه .. شخبارك ؟!
هيثـم : بخير جعلك بخير
طلعت ام فراس وهي تنطق بضيق : الظاهر بنتغدا ماراح ننتظر فراس للحين مارد اكيد بيبطي
اسماء دون نفس : ايه خل نتغدا ميته جوع اساسا وماراح انتظره
***
: غـــــــــــادة ... غادة !!! ( صوت عالي ) غااااااااااااااااااااادة !
فزت من نومها برعب وهي ترد : هلا
انتبهت له عاقد حواجبه وهو يسكر كم ثوبه : طبيعيه انتي ؟ لي ساعتين اصحيك ومافيك حياة
غادة مسكت راسها من الصداع : ليش كم الساعة ؟
فراس : ماقصرنا الساعة 4 .. وانتي معذبتي من ظهر حكمك حكم الميت ! وش هالنوم ؟
غادة : شاسوي نومي خايس له كم يوم بجـد كنت مرهقه غطيت
فراس : مايخالف قومي اللحين خل نمشي .. يكفي امي مواعدها على الغداء ومالحقت
غادة وهي تدعك راسها : يله تمـام جايه
فراس ضيق عيونه فيها ... قرب منها وهو يلامس جبينها بيده : دافيه
غادة ابتسمت بتعب : صداع شوي معليش
فراس مسك ذراعها : قومي راح نمــر الصيدلية قبل البيت ناخذ لك حبه
غادة : لا مايحتاج معاي بشنطتي بندول ... باكله وبيسكن راسي
فراس هز راسه : اجل بوصي الشغاله ع كاس ماء
توضت غــادة وصلت وبعدها لبست ... ماخلصت الا على المغرب , نـزلت حصلته ع ايباده .. انتبه لها : خلصتي ؟
غادة وهي تسكر عبايتها : أيوه خلصت مشينا
فراس وقف وهو يسكر ايباده : يـــــله اجل ... كيف راسك اللحين ؟ احسن ؟
غادة : ايوه بعد الحبه راح الصداع
فراس ابتسم : حمدالله
ركبـــوا السيارة استغربت غادة انه وقف من الباب الخاص بالشقة : ماراح تمر امك ؟
فراس وهو ينزل : لا شلون راح امرها .. بس ابي ابدل , وشنطتي بنزلها هنا مباشرة
غادة : اهـــا .. ع طاري الشناط انا شناطي عند ابتسام مدري شاسوي
فراس : بوصي السواق يمر وياخذها متى مابغيتي
مجــــرد مادخلوا استنشقت غادة اكسجين البيت : يابعد عمر يابيتنا اعشقه
فراس ابتسم : وفيه مفاجئة بالبيت راح تخليك تحبينه اكثر
غادة كبست عيونها : وانت ماخلصت مفاجئات .؟
فراس بهدوء : هذي غير ... روحي واكتشفي
غادة عقدت حواجبها وماقاومت حماسها تركض لفوق ... تلفتت بانحاء الصالة : وين طيب ؟
فراس وهو متكتف عند المدخل : شنو بالصالة بس ! دوري بكل مكان
غادة دورت بكل غرف البيت ماحصلت شي ... طالعته بلوم : لايكون تطقطق علي بس ؟
فراس تنهد : ياليل النية الشينه ... اللحين ابي افهم غرف البيت ماتشمل هذي ( وهو ياشر لغرفة غير مستعملة )
غادة : بس هذي مانستعملها
فراس ابتسم : روحي افتحيها وشوفي اذا نستعملها او لا
غادة تقدمت باستنكــــار لحد مافتحت الغرفة .... فتحت عيونها بوسعها وهي تنتبه للغرفة الانثوية الطفولية .... وصورة رنيم الكبيرة بالحائط توضح عن ملكيتها لهالمكان .... نطقت بصدمـة : غرفة لرنيــــــــــــــــم !!!
فراس وهو يطالعها من برا الغرفة : ورنيم صارت تحت .. ومن اليوم هذا بيتها ومنورته و ....
قاطع كلامه عناقها الحــــار له ضمته من قلبها وهي تفقد السيطرة على محابس دموعها : كـــذا ... كثير ....
فراس حاوطها وهو يبتسم : مب كثير على اللي وقفت معي حتى صرت انا اليوم ! والله مب كثير
غادة مسحت دموعها وهي تبعد وتنطق بفرح : يعني خلاص اكيد اكيد !!!
فراس بابتسامة دافية : وانا ما أرجع بكلمتي
غادة وهي بتطير : وهي تحــــــــــــــت اللحين ؟!
فراس : واكثر من انها تحت ... افتحي الدواليب عبيتها لك مايحتاج تشيل من هناك شي
غادة : لا فراس منت صاحي !
فراس : إلا تو ماصحيت ...
غادة ابتسمت من قلب : عارف انك دعوة من السمــــاء لي
فراس : واللحين خـل ننزل لامي نشوفها وبالمرة تاخذي بنتك
غادة وهي تحاول تكبت فرحتها : شوي اضبط نفسي ما راح اقدر انزل واسلم كذا
فراس : هههههههههه سابقك اجل .. اضبطي نفسك ع راحتك
ابتسمت وهي تشوفه يطلع ... بينما التفتت بهدوء للغرفة وهي تتمشى بانحائها وماهي مصدقة ... شدت ع الستاره وهي تبتسم من قلب .... ارخت جسمها على السرير وهي تطـالع السقف : حمدالله يالله ... حمدالله يارب .. حمدالله اللي رزقتني شخص أنتمي له ..

***
بعــــد مـــرور ســــنه /
سكرت ابتســـام غطاء طفلتها وهي تنطق بحب : فدوه للنوري انا !!
: وابوها بعد ؟
ابتسمت وهي تنتبه لدخول نايف الغرفة : خلصتي ؟
ابتسام باست خده : هلا حبيبي .. ايه خلصت بلبس عبايتي اللحين ونمشي
نايف : وترا مشعل ودحوم لاتشيلين هم تركتهم عند امي
ابتسام بضيق : والله ماهي ناقصة يكفيها ولد ميهاف 24 ساعة عندهم !
نايف : ماعليك ميهاف موجودة بعد يعني بتنتبه لولدها وامي ماعندها شي ... وميهاف تشره عليه وتقول كان تركتي النوري مع خلود
ابتسام : لا لا لا بنتي تجلس معي اعرف ميهاف تتركهم ينامون ع راحتهم وانا عقب الشين عدلت نوم بنتي
نايف : والله بتزعجك في المستشفى صدقيني !
ابتسام : ابد ماراح تزعجني ولا شي اساسا ماراح نطـــول على كلامها فراس اليوم بياخذ اجازه من دوامه ويقعد عندها
نايف : معناها مشينا يله
وصلت ابتسام المستشفى وهي تدخل الغرفة ... ابتسمت لغـــادة اللي كانت جالسه وجمبها ام فراس اللي حاضنه الرضيع بين يديها : الســــــــــلام عليكم
: وعليكم السلام ورحمة الله وبركاته
انحنت للرضيع وهي تنطق بحب : هلا بفهــــــــادة ! مبسوط حضرتك سرحوك شوي من الحضانه
غادة ابتسمت : هاتي بس النوري عروسة ولدي اشوفها
ابتسام : منـــــــــاك بس أي عروسة ! ولدك اصغر
غادة : عشـــــــــــــــــتوا وإن كان اصغر هذا ولد فراس بيكبر ويغدي ارجل واسنع من فصعتك
ابتسام : لا ومن أولها حماة قشرى زيك مانبيها
غادة كشت عليها : انتي الخسرانه اصلن
ام فراس باست فهاد بعمق : كله ولا فهــــــــــــاد هذا عروسته عندي محفوظه لحد يشيل همه ( التفتت لغادة ) إلا فراس وينه مو على اساس اليوم اجازه ؟
غادة بضيق : كان يقول اجازه بس ماضبطت له الظاهر ... مداوم اليوم بعد
ام فراس تنهدت : هالشغل ماتركه حتى يتهنى بولده
غادة حاست فمها وهي نفسها منزعجه من هالشي : ............................
ام فراس بتغيير جو : ترا بكرة اسوم بتجي البيت وقت يسرحـونك
غادة ابتسمت : يابعد عمري واحشتني والله زيارتها بالقطاره صايره
ابتسام : ايه حتى انا معد شفتها الدبه ... وشهوده اشتقنا لها بعد
غادة : الظاهر بنتها شهوده ع قولتك السبب .. من جت وهي قاصره رجلها عنا
ام فراس : ع قولتها تعجــــز تجينا وياها ... عموما انا ناويه ازورها اليوم عازمتني هي وهيثم واستحيت اردهم
غادة : اجل اتركي ياسمين عندي بدل تروح هناك وتنعزلون
ام فراس : لا ياسمين مواعده رفيقتها بعد
غادة : اهــــــــا .. ( أستلمت فهاد من يد ام فراس وهي تستنشق ريحته ) ياجعلني فدا روحك ي ماما
استلمت جـوالها وهي تصوره بين يديها وترسلها لفراس ... /
حمدالله الي جاني ولد يونسني بدل بعض المشغولين
التفتت لابتسام : الا شياطينك وين صرفتيهم ؟
ابتسام : عند جدتهم وبصراحة صايرين مزعجين عشان كذا شوي وبروح اخذهم
غادة : مدري شهاب عليهم يختي !
ام فراس : عادي هذا عمرهـم .. ( دق جوال ام فراس ) هذا السواق جا .. ياسمينه امي قومي يله مشينا
غادة : في امان الله خالتي
ام فراس : راح اوصي الممرضة تاخذ الولد منك قبل اطلع
غادة بضيق : لا خالتي اتركيه مونسني
ام فراس : لا انتي تعبانه يكفي انك عمليه وحالتك حاله ارتاحي ونامي
غادة استسلمت لانها فعلا تمنت تنام شوي .... ابتسام : اجل توصليني خالتي بطريقك عادي ؟
ام فراس : ايه حبيبتي حياك
غادة : الله يحفظكم
انتبهت لجوالها يرن ... قرت رده :
امي مكلمتي قبل ربع ساعه تقول انه معك .. ممكن اعرف ليش للحين معك ؟! رجعيه للحضانه قبل اوصيهم معد يعطونك اياه
غادة انقهرت وهي تكتب /
يعني لا أنت جمبي ولا هو ! اقابل الجدران
سمعت صوته فجأة : من اللي مب جمبك ؟!
كبست عيونها وهي تنتبه له قدامها : جيت !!
فراس دخل والممرضة وراه وهي ينحني يشيل فهاد ... رفعه له وهو يطبع قبله ع جبينه ويدينه : جعلني اشوفك عريس يابعدي
غادة بحب : آميـــــــــن
كبست عيونها من رده : انتي اص !!
التفت فراس للممرضة يعطيها اياه بينما تقدم ناحيتها وهو يسحب اذنها بخفه : شوفي غادة ترا بالي مب طويل ! انتي عملية ومسويه فوضى تطلعين بكرة ! وفوق كل هذا ما ترتاحين ولا تنامين .. ولا تركتي حتى الولد يرتاح كل شوي خاطفته من نومته !! فاللحين قدامي تنامين زي العالم والناس .... وترا وصلني خبر انك رافضة الدواء ( كمل بسخرية ) اللي طعمه وع ... بس ابشرك انك بتاكلينه وفخشمك نغافه بعد تكلمي ! عــــــــلم ام فهاد ؟
غادة بلعت ريقها : بعد كل هالمحاضره شاقول !
فراس حط اصبعه السبابه على جبينها ورجعها لورا حتى استلقت : كويس يله نامي
غادة تنهدت بملل : زهقانه .............
فراس : الحل سهل .. نامي ولا تزهقين
غادة برطمت : وانت مشـغول ما اشوفك .......
فراس غمض عيونه بصبر : حتى لو مشغـــول ازورك كل يوم واسأل عنك امي كل ساعه
غادة بقهر : مايكفي
زفر فراس : اللحين هذا وقته تهتمين فيني ؟ اهتمي في حالك يابنتي ترا والله وضعك مو سهل ..... والتعقيدات اللي صارت معك للحين تاركه عرق براسي ينبض ماهجد
غادة : التعقيدات مو بيدي طيب
فراس : بس العلاج السليم بيدك !!
غادة تنهدت : خلاص طيب
فراس وقف : رايح امر الحضانه واسأل الدكتور كم سؤال وراجع .. ( رفع اصبعه بتهديد قبل يطلع ) ياليت ارجع واحصلك نايمه ... ( وقف لوهله .. رجع خطوتين واخذ الجوال من جمبها ) عشان اتأكد انك تنامين بس
غادة : بزر انا ؟!!
فراس : اللي مايعرف مصلحته ويعذب اللي حوله كذا بزر ونص !!
غادة حاست بفمها بينما طـــلع ..... مر الدكتور وهو للحين عنده مخاوف كثيرة بخصوص العنايه عقب عمليتها الصعبه .. بعد ما خلص رجع للغرفة ... ابتسم لما انتبه لها نايمه من قلب وواضح عليها التعب والإرهاق .... جلس جمبها وهو يمسك يدها تنهد من قلبه وهو يبوس يدها النحيله وللحين كلمة الدكتور ترن باذنه لما قال ان حياة الأم والجنين بخطر وقت الولادة ...... كان بلحظة بيخسرهم كلهم ...... سدح راسه جمب يدهـا وهو يهمس : ياجعل كل مداخل التعب لك تضيع طريقها وتجيني ولا أشوف فيك شر ...
بالأخير ما قاوم ارهاقه وغط جمبــها ....... وهو يحس بقلبه ينبض براحه .. والأرق ينتشل تماما اذا صار حولهـا ... وكأنها تعبر عن كل معاني كينونته ..





تمــــــــــــــت بحمد الله ..*

السلام عليكم ورحمة الله وبركــــــــاته
تخذلني حروفي في اني اختتـــــم جولتي المتواضعــــــــه هنا , وفي أني اشكر كل من دعمنــي حتى بالمشاهدة
لكن اولا واخيرا أحب اشكر منتدى ليلاس لإحتوائي هنا وما أنكر فضلهم في تطوري ولو بالقليل
أحب اشكر متابعـــاتي من البداية ومن المنتصف ومن النهاية .. ومن ما بعد النهاية ,
فعلا هالرواية كونت لي حلقة تواصل مع ناس رائعين وكلي فخـــر بوجودي بينكم
ورغم معرفتي ان الرواية بسيـطة ومتواضعة إلا اني حبيتها وحبيت وجودي فيها وياكم .. وحبيت لهفتي لتعليقاتكم وحبيت الرضا اللي منحتوني اياه
في هذي الرواية طرحت افكـار مبعثرة بعقلي صورتها خلال الشخصيــات اللي فعلا اعتبرهم قريبين مني ومن قلبي

نـــايف & إبتسام
الثنائي المتضاد , شخصية نايف اعتبرتها تمثيل لفارس أحلامي .. كل الصفات اللي تمنيتها يوم بالرجــل بشكل عام كونتها فيه ... لطالما استمتعت بتصوير حياديته بالمواقف وقدرته على الإعتصام بقراراته دون أي تأثير
إبتسـام اقتبستها من عنــــوان " الصبر " , وكثير حولي اشوفهم بنفس نمط شخصيتهـــا .. شخصية ما أقدر انكر احترامها حتى من بيني وبين قلمي ..
لــؤي & سارا
لؤي حبيت أصور فيه نمط الرجل الحســـاس اللي لطالما حسيته منبوذ .. أو غير مفهوم في طبيعتنا الصحراوية , لكن محد يقدر ينكر إن الحساسية تعتب مطلب ومكسب برضو
سارا حاولت كل جهدي اني اتعامل معها كإنسانه طبيعية ... سهل تنكسر .. وسهل تتخلى .. وسهل تجبر نفسها .. لأن كلنا بشر ومافيه حاجه بعنـوان الحب القادر على المستحيل .. مو عند الكل .. كلنا لنا لحظة ضعف
هيـــثم & اسماء
هيثم الإنسان العصامي القاسي اللي انهى رحلته بالروايه دون الإستجابه لمعظم الرغباب .. وما تصالح مع اخته , شخصية صعبة وماترضى بالغلط ... لكن كل إنسان مثالي تكون عنده رغبة خفية وحب خفي لنقيض الصح .. وهو الغلط .. وهذا اللي تركه ينجذب لمجنونة الرواية ,
اسماء , بصراحة هالشخصية اقتبستها من أختي الصغيره تماما .. دايم كنت احب عفويتها وطريقة تصرفاتها وكيف هي اللي بقلبها على لسانها وماقاومت انها ماتكون بطله دراميه معي برحلتي
بــدر & وميهاف
الثنــائي الذهبي .. واللي يشكل معظم زيجات هذا الوقت ... الثنائي السطحي .. تمركزت فيهم بصفات كرهتها بكثير شباب وبنات بهالوقت وحاولت اعالجها عن طريق التجارب والزمن
فـــراس & غادة
فراس نمــــوذج الجلمود اللي داخله احساس مدفـــون تحت تراب القسـوه والزمن والخيانه
وغـادة نموذج الطفــــوله المقتوله بسكين التجارب والإضطهاد والكذبـات الكثيرة بحياتها
كان هدفي اجمـــع شخصيتين مستنزفات من جروحـــها وينتهــون بأنهم يكونون الدواء لبعض ..
ولو كـان بالطريقة الصعبة




أراكـــــــــــــم في لقاء آخر <3
دمتم بخير

مبروك كاتبتنا الجميله على ختام الروايه…
الصراحه روايتك هاذي جميله و تجنن فيها شد أعصاب غير طبيعي…
فراس وغاده مبروك فهاد… حلووه حياتهم واهم شي وصلو لـ الاستقرار اللي كلن بعيد عنهم…
ياليت كل الرجال في الحقيقه كذا ويقدرون يغيرون انفسهم عشان انهم حبوو وشافو كل شي حلووو بعيونهم…
بدر وميهاف…
ميهاف موقفها لما عرفت بالحمل وفهاوتها وعدم استيعابها ذكرني بنفسي قبل كم سنه مرت لما كنت حامل بولدي احس اني ضايعه مومستوعبه هالخبر واني راح اكون ام واشيل بيبي خاص فيني .. واتحمل مسؤوليته… وربي يحفظ اولادنا واولاد الجميع ويرزق كل محروم…
نايف حبيت شخصيته وكيف تحول من شخصيه الى اخرى كان انسان غير مبالي ولا زال عنده سلبيات بس حبيت شخصيته والكل يتمنى يحصل زوج كذا… وان شاءالله يكون فارس احلامك كاتبتنا افضل من كل الشخصيات… .
اسماء البزره الى نهاية الروايه واهي ماتغيرت استغربت كثير انها ماصبت العلم بـ إذن هيثم من البدايه… بس اهي لها قناعاتها…
هيثم زين قام يحس مثل البشر وحاول يغير من اسلوبه ويتجاوب مع الحياه بشكل اكبر ويتحمل تصرفات اسماء الطفوليه…
لؤي وسارا يحاول لؤي يكون له عيله من الحرمان والحسره اللي يحسهم ببعده عن اهله وان شاءالله يجتمع معهم في يوم ما ..
كاتبتنا الجميله مشكووره على الروايه الرائعه ..
انتي كاتبه مبدعه وعندك اسلوب رائع … بجد كل الكلام مايوفي حقك… وان شاءالله في المستقبل نشوف اسمك لامع بين الكاتبات…
ونشوفك قريب بروايه جديده…
وفي أمان الله وحفظه…

ماني مصدقة خلاص وصلنا نهاية المشوار 😿
بفتقد اني افتح كل اثنين وخميس احصل فصل نازل 😿
بفتقد الرواية بكل تفاصيلها
صلابة فراس اللي ذوبتها غادة بالنهاية
جلافة هيثم اللي تغلبن عليها طفولية أسماء ولو جزئيا
كان خاطري اعرف مصير علاقته بأخته وشكل حياته بعد ما صارت عنده بنت
بفتقد تهور نايف وجنونه الدائم والأبدي وتورط ابتسام بدور الأم له ولعياله كلهم .. اكيد شيبو براسها المسكينة
بفتقد بدر وميهاف بمبادئهم العجيبة ولؤي برقة قلبه الزايدة
ام نايف بقلقها ع الكل وام فراس بحنانها المطلق
هواش ياسمين وأنس مع بعض ومع أسماء
بفتقد جنون الجد المراهق
قسوة أبو نايف اللي ما ندري متى يحن على ولده وعياله
كل كل كل التفاصيل بتترك مكانها فارغ

ما أخفيك حسيت الفصل قصيييييير مرة ومختصر على الختام
باقي تفاصيل ياماا ما عرفناها عن هيثم ولؤي وفراس ونايف والكل
باقي ما عرفت أنس صار طيار ولا تجاهل حلمه
كيف بتتصلح علاقة لؤي بفراس وباقي أهله >> متأكدة ان مصيرها تتصلح
بتمسك دائماً بأمل نزول جزء خاص بما بعد النهاية يعطي التفاصيل حقها بصورة اكبر
وكمان بأمل نزول رواية جديدة لك عما قريب

شكرا جدا لانك كنتي ملتزمة معنا من البداية بدون اي تأخير تقريبا
ممتنة لفضولي اللي خلاني أتابعها ولو انها متابعة متأخرة وغير موفية للحقوق

سلمتِ وسلمت يداك
ونقول إلى لقاء قريب إن شاء الله
❤