تشابتر ستين
ربما عليك ان تتوقف عن عتاب مستمر
لشخص لايهتم بما تقول ..
× سككوتك قد ينبهه أكثر من عتابك ×
من ينام على صوت المكينة يوقظهه سكوتها !!
سلمان العودة
سيـــأرة فراس /
كانت جالسة وهـو يسوق بهدوء ... غادة : طول الزواج مو مصدقة ان هذا عرس اسوم .. ياحليلها ما اتخيلها متزوجة
فراس التفت لها ثم رجع يطالع الطريق : مو مصدقه انه عرس اسوم ومصدقة انه عرس اخوك ؟!
غادة بضيق : لاصار يحسبني اخته قررت ما أصدق
فراس وصورة علاقتها مع هيثم صارت واضحة عنده ... سكت دون يرد : .............
غادة بتاثر : بس جد فراس مشكور على الطقم .. اليوم الكل سأل عنه , هههه حسيت اني كشخة جد وانا ماوراي سالفه
فراس سكت وهو يتذكر شكلها بالطقم والفستان كيف كان فاتن :..( وقف سيارته عند باب الفيلا وهو ينطق ) انزلي
غادة فتحت الباب بضيق وهي تنزل .. قبل تسكر الباب وقفت وهي تنطق : فراس ..
فراس التفت لها وهو عاقد حواجبه .. وعنده ضيق دايما من نطقها لاسمه بهالطريقة , لانه يعرف ان بعدها كلامها المعتاد : وش تبين ؟
غادة نزلت راسها وهي تحاول تجمع كلماتها : انت ساكن بالفندق ؟
فراس : مو شغلك .. ادخلي اللحين خليني امشي
غادة تمالكت نفسها وهي تنطق بقوه : ليش ماتنام هنا .. ؟ وش الداعي فندق وانت عندك بيتين ..
فراس بضيق : غادة مالي خلق كلامك وحنتك .. خلي ..
قاطعته بقهر : بس انا مو فاهمه ليش لازم انحرم منك ومن آهلك ! انا ع بالي خالتي مبسوطة وانت جمبها وجالسه اتبلع وحدتي واسكت ... بس انت حتى مو عندها , كنا في بيت واحد كلنا وفجأة رميت كل واحد بديره .... ليش ؟
فراس انقهر وهو يرد بانفعال : انا اللي رميت كل واحد بديرة ولا لقافتك ياشاطره ؟!
غادة : لقافتي ماحتمت عليك تسكن بفندق ! ( كملت بغبنة ) وبعدين انا مو فاهمه ليش ماتتنازل شوي ؟ عشان نخلص من هالمشكلة انت لازم تتنازل وتلاحظني وتنتبه اني مستحيل اتكلم .. ومستحيل اقول ..
فراس ظل يطالعها : ..........................
غادة : انا تنازلت وجلست هنا وجت اختي ومارحت معها وقررت اتعاقب ع لقافتي .. خلاص دام تعاقبتنا ليش ما تعطيني فرصة اوريك توبتي ؟ ( كملت بقهر ) ويمكن مايكون عندي قدرة اجبرك تحبني .. بس اقل شي راح اقدر اجبرك تحترمني ونعيش طبيعي .. والله هذي مو حاله ..
فراس : انتبهي انتي لاتجلسين تذليني بجيت اختك هذي وكانك ماخليتي ولا بقيتي !! والله حتى لو تشبثتي فيها بيديك وبرجليك مالك طلعة
غادة انقهرت .. نطقت بخيبة : كالعادة تحسب كل كلامي لك هجوم ..
فراس وهو يلاحظ نظرة الخيبة بعيونها : ........... ( شاح بنظره ) عموما أنتي ادخلي اللحين وبكـرة راح ازور اسوم .. ( حاس بفمه بربكة ) اذا ودك أقدر اخذك معي
غادة كانت محبطة انه مصر يرجع لكن كبست عيونها بفرحة : اروح معك عادي ...؟
فراس : مو انتي مجهزه هديتها وماجتك فرصة تعطينها ..؟ خلاص بكرة نروح وعطيها
غادة بلعت ريقها وهي تبتسم بوسع : آيه اكيد بروح ! متى بس ..؟
فراس فتح درج سيارته وهو يطلع جوالها ويمده لها : راح ارد لك خبر خذي
غادة كبست بعيونها : جوالي ..؟
فراس : مافيه رصيد يعني مايفرق معي .. خليه معك وبدق عليك بكرة واقولك متى نروح
غادة وهي تحس انه احسن هاليومين : ان شاء الله
فراس : يله اجل خليني اشوفك تدخلين عشان امشي عاد
غادة ابتسمت : ان شاء الله ... تصبح على خير
فراس رد بهدوء مستنكر : وانتي من اهله ....
سكرت باب سيارته وهي تدخل الفيلا وتسكر الباب وراها ... اما فراس سند ظهره وهو يفتح الدريشة ووينفخ خدوده وهو يزفر ويفك مقدمة ثوبه : وش هالخطط فجاة زيارة اسوم وعطيتها جوالها ؟!! ( نفض مقدمة ثوبه وهو يطالع الفيلا ) ....... تمخول راسي الله ياخذك يالؤي ..
***
لــــؤي /
جلس كاس قهوه قدامها وهو يجلس ..ويشبك يدينه ببعض : شتسوين هنـأ ؟
سارا ومايا بحضنها : جايه ارجع مايا لبيتهـا
لؤي مباشرة : هذا بيتها ! واي بيت ثاني تتكلمين عنه مايعنيني
سارا : ماراح اتناقش معك زيادة عن اللزوم قدام بنتي .. بس صدقني انا راجعه وهي معاي
لؤي ابتسم بسخرية : وانا اللي بشوه طفولة بنتي بهالنقاشات يعني ..؟ اساسا محد شوه طفولتها غيرك ( وقف وهو ينحني لها ويسحب مايا من حضنها ويرفعها على ذراعه ) وقت نومها ... اشربي قهـوتك و( اشر لغرفته ) هناك السرير نامي وارتاحي والصباح رباح
سارا طالعة الغرفة ثم نطقت بهدوء : ماراح انام بغرفتك ... راح استاجر لي شقه واخذ مايا لها و...
لؤي قاطعها بهدوء : مايا ماحتطلع ولا امها .. راح اجهز لك بغرفة مايا مكان تنامي فيه , اجلسي معها الليلة اكيد مشتاقه لها
سارا تنهدت بضيق : لؤي لا تسبب لي مشاكل انا مستحيل انام في بيتك .. فاذا ممكن رجاء راح احجز الشقة جمبك عشان ترتاح لحد مانتفاهم
لؤي : سارا مو انا اللي راح اسبب لك مشاكل .. واذا لاحظتي بس انا معاد لي علاقة فيك تبين تروحين شقه جمبي شقه بآخر العالم مايخصني ! بس بنتي هذي تظل بنتي ومالها غير بيت ابوها تجلس فيه
سارا بقهر : جايه كل هالمشوار عشان اطلع لحالي دونها !
لؤي رفع اصبعه لفمه ياشر لها تسكت وهو ينطق بهدوء : تسؤ .. ماتتناقشين زيادة عن اللزوم قدامها ! ولا برستيجاتك الفاضيه كالعادة .. !؟
سارا رفعت حواجبها : برستيجات فاضية ؟
لؤي : آيه .. ماراح اتناقش بعد خمس دقايق تتناقشين ... ماراح اتركك بعد اسبوعين تتركين .. هذا كله اسميه برستيجات فاضيه !
سارا : اها للحين بتظل تحاسبني على اللي راح ..؟ بس انا ماراح ادافع ولا يهمني ايش تفكر
لؤي بدفاع عن كرامته : وانا مايهمني دافعتي او غيره .. ( دخل الغرفة المخصصه لمايا وهو يسدحها بسريرها ويجلس بالكرسي جمبها ويهز سريرها عشان تنام )
سارا عضت ع شفايفها بقهر .. صاير التفاهم مع لؤي اصعب من قبل هذا اذا ماكان مستحيل تنهدت بضيق وهي توقف وتتوجه للغرفة وتنتبه له معلقه عيونه في مايا .. نطقت بهدوء : دام راح انام هنا اتركها راح انومها بنفسي
لؤي التفت لها يطالعها ونطق بهدوء : حقـك .. ( وقف وهو يمر من جمبها يطلع ) خذي راحتك معها واغراضها كلها متوفره حولك اذا ماحصلتي شي انا بغرفتي اساليني
شدت قبضتها وهي تنتبه له يسكر باب غرفته وراه تنهدت بضيق وهي تدخل غرفة مايا وتسكرها وراها ... واعصابها متوتره من انها ممكن ماتقدر تاخذ مايا .. بس هي مستحيل ترجع دونها .. شاسوي ياربي ...
***
نايف عقد حواجبه وهو ينتبه للدموع على خدها وهي اللي ماعمرها بكت قدامه .. : إبتسام ؟
ابتسام سندت مرفقها على المغسله وهي تحضن وجهها : .......
نايف قرب منها وهو يمسح بيده على ظهرها ويمسك بيده الثانية يدها : ابتسام لا توتريني بهالدموع .!
ابتسام بردة فعل انفعاليه لفطت يده وهي تصرخ فيه بقهر : اتركني نايف في همي !!
نايف فتح عيونه بدهشه : ابتسام استغفري ربك وش هالحكي ..؟!!!
ابتسام شدت على شفايفها وهي تنطق بقهر : استغفر الله ياربي , استغفر الله ... بس انا ما استعديت نايف عيالي توهم يرضعون مني كيففف
نايف زفر بضيق وهو ينطق : متأكدة من الاختبار ترا مو على طول يطلع صح
ابتسام : كيف مايضبط يانايف انا ماسويته الا لاني شاكه .... اكيد يعني ( مسكت راسها وهي تطلع لغرفتها وتجلس ع سريرها ) ياربي سامحني بس والله ماني قد هالمسؤولية اللحين
نايف التفت لها : يمكن حمل كاذب .. اذا كنتي تاكلين الحبوب اكيد فيه غلط بالموضوع ..
ابتسام بقهر من نفسها : الحبوب نسيتها كم يوم .. مع حوسة هيثم وتجهيزات زواجه فاتتني
نايف تكتف : ابتسام روقي اللحين ! عموما بكرة بنطلع للمستشفى وناخذ فحص اكيد ... ماطلعتي حامل حمدالله , واذا طلعتي حامل مابي اسمع منك هالكلام واللي يجي من الله حياه الله .. ( شد بنبرته ) ماراح نعيف ولدنا طبعا ! ولا حتى بالفضفضة !!
ابتسام رفعت عيونها بحده له وهي توقف وتدفره من صدره : ايييه الموضوع بهالبساطة بالنسبة لك ! اساسا وش تدري عني ولا عن هالمووضوع كله ( رجعت تدفره بكل قوتها ودموعها ع خدها ) انا راحت نص عافيتي وانا حامل بمشعل وعبدالرحمن وانت كنت تسافر وتتشره وتسوي اللي براسك وتفرغ ازمة المراهقة عندك ... واللحين تعطيني محاضرة عن المثاليات وانا راح اتحمل الموضوع كله لحالي
نايف بقهر : والله كاني مو واقف قدام ابتسام ! هدي يابنت الحلال اول مره تنفعلين كذا ع كثر مايجيك ولما انفعلتي انفعلتي عند شي زي كذا ..؟
ابتسام بقهر : ايه خلاص حسيتها اللحظة المناسبه اللحين اني معد ابلع الكلام اللي بفمي ! راح اقولك وارتاح لاني وقت اسكت مثل العادة اجلس بس بجمره تشتعل بصدري ! وانت مو حاس حتى فيني وانا متاكدة اني بعمري ماراح اكون من اولولياتك خصوصا بهالاوقات
نايف عقد حواجبه بضيق من انفعالها مسك يدها قبل تدفره : ابتسام صاحية انتـــي ؟! وانا كل ما اغلط غلطة راح تسجلينها لي بالدم !! ماحيصير الا كل خير تعوذي من ابليس
ابتسام سحبت يدها من يدينه وهي ترجع تدفره حتى طلع من الغرفة : اسجلها الدم عشان ما أطيح فيها مرة ثانية !! واللحين لو سمحت اتركني بحالي قبل احط كل حرتي فيك ( سكرت الباب بكل قوتها وهي تتسند عليه وتغطي وجهها بيدينها وحرتها تزيد مع حومة الكبد اللي بدت من اللحين )
نايف كان واقف مصدوم ... ابتسام طول عمرها عاقله ورزينه شصار فجأة ! انتبه لصوت عياله بغرفتهم تنهد وهو يدخل الغرفة وينتبه لعيونهم تتعلق فيه كانهم ينتظرون احد ... سحب عربيتهم المزدوجه من ورا الباب وهو يفكها وينحني لهم ويسدحهم ووياخذ شنطتهم ويطلـع لتحت ... مر على غرفة رنيم حصلها صاحية .. نطق بهدوء : مانمتي ؟
رنيم هزت راسها : لا .. ابي يمي
نايف تنهد وهو يسحب جزمتها وينحي لها ويلبسها : قومي نروح ناكل
رنيم باحباط : وين خاله ؟
نايف : خاله تعبانه بتنام ومانبي نزعجها .. بنروح عند جده ماشي ؟
رنيم هزت راسها بموافقة وهي توقف معه ... اخذهم معه وهو يركب سيارته ويفتح جواله كتب لها رسالة
( رنيم والعيال معي .. ارتاحي ونامي اللحين وانا بكرة جاي اخذك للمستشفى )
وسكر جواله وهو يسوق سيارته متوجه لبيت أهله ويحس خلقه ضايق من الموضوع .. وقد ماهو مبسوط مايقدر يعبر قدام حالتها
***
ميهــاف وقفت وعبايتها بين يديها وهي تنتبه له واقف وبثوبه وكشخته بعد الزواج ...كم لها ماشافته ؟! , كان مبهوت فيها بشكل واضح حتى هي فهمت انه معجب بشكلها .. يمكن هذا الشي الوحيد اللي هي متأكدة منه : ...............
بدر بلع ريقه وهو مو عارف حتى شالمفروض يقول .. نطق بهدوء : السلام عليكم ..
ميهاف : وعليكم السلام والرحمة ..
بدر تلفت حـوله وقبل ينطق سبقته هي : اسماء طلبت مني غرض ! عشان كذا جيت ..
بدر ارتبك من ردها .. نطق بهدوء وهو يمسك رقبته بيده : ماقلت شي خذي راحتك ..
ميهاف ضلت تطالعه بقهر ... دق جوالها فتحت شنطتها وهي تطلعه ردت : هلا ! ........لا كومار ارجع للبيت خلاص
سكرت السماعة وهي ترفع عيونها بجرأة له : راح تجلس ساكت مثل العادة ولا راح ترجعني للبيت ؟!.. مو حلوه يرجعني كومار وزوجي قدامي !
بدر ارتبك فعلا .. انتبه لامه تطلع من غرفتها وهي تنتبه لهم نطقت : جيت حبيبي .؟ خلاص ميهاف دام بدر هنا ماله داعي يرجعك السواق يرجعك هو
ميهاف ابتسمت لام فراس : مايحتاج تقولي خالتي .. بدر ذوق وعرض يرجعني وراح يرجعني
ام فراس حست براحه : حلــو اجل .. ماودكم تجلسون نتقهوى قبل تروحون ؟
بدر وهو منزعج من وضعه : لا يمه الوقت متأخر بوصلها وبرجع انام
ميهاف انقهرت منه .. كانه يقول بتأخرين نومي ., لبست عبايتها وهي تنتبه له يطالعها بنظرات مسترقه اثناء ماهي تلبس , اول ماخلصت وقف ومشى قدامها وهو يحس الوضع كله مربك له ... ركب وهي ركبت جمبه , حرك سيارته وهو محتار وش المفروض يقولون طول الطريق .. دبسته صدق , قال بهدوء : حابه اشغل شي ..؟
ميهاف : عشان ماتضطر تتكلم ؟ بكل الأحوال مايحتاج تتكلم .. راسي مصدع من ديجي العرس
بدر لعن نفسه مليون مره لان هذا كان فعلا قصده : مو قصدي كذا عموما بس براحتك
ميهاف انقهرت من الرسمية بينهم : ..........
بدر قرر يحاول يتكلم طبيعي : .... صاير اشوفك كثير بشركة ابوك ؟ مسكتي الشغل ؟
ميهاف : لا ... بس جالسه اتعلم , ( كملت بلباقتها المعتادة ) قررت اخذ شغل منزلي لاني ماحبيت اضايق زوجي
بدر عقد حواجبه وهو ينطق : ميهاف انا قلت لك تسوين اللي عاجبك .. وطالعه من قلبي , لاتمنعين نفسك من شي عشاني
ميهاف بقهر : عارف انك تضحك يابدر ..؟!
بدر : مايضحك اني ابغى راحتك !
ميهاف : لا يضحك .. ( كملت بقهر ) يضحك انك مو عارف ان البنت اللي تزوجتها حساسه لدرجة مستحيل أسوي حاجه تضايقك .. حساسة لدرجة أني حبيتك رغم كلش , وانا للحين احبك ع فكرة رميتني ببيت أهلي خنتني تركتني معاد تبيني ! .. مهما سويت ارجع لنفسي آخر الليل احصلني افكر فيك .. انت لو تقولي ياميهاف يضايقني انك تتنفسين راح اخاف اتنفس .. وتبي تقولي لاتتوظفين وراح اتوظف بظنك ؟! ( كملت برقة مشاعرها ) حتى لو قلت لنفسي راح انتقم لكرامتي مقدر .... بس بالاخير وش عطاني حبك ؟ الأسى .. وحاجة حلوه مستحيل انساها .. انا ماني نادمة اني حبيتك واني دفعت ثمن هالحب غالي انا نادمة على كل لحظة بهالفترة مرت وماكنت معك .. وعلى كل فرصة رميتها قدامك وكنت بخوفك تتجنبني ..
بدر كان شعوره الخزي .. خزي انه جرح انسانه بهالشفافيه والنعومة : ..........................
ميهاف : ماعمري خفت من حاجة مثل ماخفت من انك توقعتك تظل معي على طول .. وبالاخير ظني بيخيب
بدر : عارف اني غلطان .. والله عارف ( شد بقبضته على الطاره ) خوفي اكبر صدقيني ..بس انا مو عارف حتى اذا عندي استطاعة اراضيك .. ما اتوقعك تسامحيني عقب كل هذا
ميهاف شدت على قبضتها : تبي اسامحك ..؟
بدر : ومابي غير كذا ..
ميهاف : آجل اللحين غير مسارك وروح بيتنا !
بدر انصدم : شقصدك ؟!
ميهاف : قصدي برجع بيتي .. رجعني اللحين لبيتي ومسامحتك على كلش صدقني !
بدر ابعد عيونه عن اصرار عيونها : مو كذا الامور تتم ياميهاف ... راح ترجعين بس بطريقه تستاهلينها , لا تقللين مقامك عشاني
ميهاف شدت ع قبضتها بقهر وهي تشيح بنظرها ... وتنطق بهدوء محب: المرة الثالثة ..
بدر عقد حواجبه : المرة الثالثة ايش ..؟!
ميهاف : المرة الثالثة ارمي نفسي فيها .. وترجع تدوس علي ..
بدر : لا تقولين كذا !! هذي حاجة نفسيه فيني مقدر اتركك ترجعين بهالشكل ... عطيني فرصة ابني نفسي ومن عيوني اجيبك
ميهاف بكت ..... بدر ارتبك وهو يسوق , بلع ريقه وهو يوقف السياره ع جمب ويلتفت لها : ميهاف !!
ميهاف وهي تمسح دموعها ومازالت تبكي : .. ... .
بدر : ميهاف لاتقمطيني كذا ... لاتبكين يابنت الحلال والله ماقصدي ! انا بس ابي اكون رجال يستاهلك
ميهاف بقهر بين دموعها : انا زوجتك مو خويتك ! ليش تبيني بس وانت مرتاح ... ليش ترميني وانت متضايق ؟!
بدر : وانا ماعمري تصرفت معك كزوج يرفع الراس عشان اتوقع منك تكونين زوجه بهالمواقف ! صدقيني ميهاف انا مو قادر اخذ منك حاجه ماعمري عطيتك اياها ..... فاتركيني واللي يعافيك احل مشاكلي براحتي
ميهاف : .........................................
بدر تنهد : خلاص لاتبكين والله ماتهون علي دموعك ..
ميهاف عضت ع شفاتها وهي تمسح دموعها .وتعدل جلستها وتنطق بهدوء : انا كويسه ..
بدر : اكيد ..؟
ميهاف : لا .. بس مثل ما انت مو محتاجني انا مو محتاجتك , وصلني البيت والله يستر عليك
بدر تنهد بضيق : ميهاف ..
ميهاف بقهر : بدر خلاص والله مو طايقه شي تعبانه وتافله العافية وصلني البيت !
بدر ياس وهو يحرك سيارته ويمشي الطريق .... رن جوالها , ردت على امها : هلا يمه
ام نايف : هلا ميهاف وينك ؟ السواق رجع ويقول انك صرفتيه
ميهاف : ايه يمه اقولك وقت اجي
ام نايف : بسم الله وش فيه صوتك ؟ باكيه ..؟
ميهاف : لا ... بس خلاص النوم بعيوني , عموما وصي احد يفتح الباب انا قربت
ام نايف : ان شاء الله يله
سكرت السماعة وهي تنتبه له يوقف .. نزلت مباشرة ماتبي تعطيه حتى فرصة يتكلم , دخلت وهي مقهورة منه للحين مصر يرميها .. وهي مصره ترمي نفسها عليه بشكل اشمئزها من نفسها ومن شخصيتها ... دخلت وهي تنتبه لنايف جالس جمب امه ورنيم نايمة على الكنبة والتوأم مسدوحين وعيونهم مكبسه ... ابتسمت بكسل : السلام عليكم
ام نايف + نايف : وعليكم السلام
ميهاف فكت نقابها وهي تجلس وتجلس شنطتها جمبها : غريبة نايف هنا بهالوقت ... ابتسام وينها ؟
نايف : ماجات .. انا والبزورة بس
ميهاف عقدت حواجبها : ليش عسى ماشر ..؟
نايف باحباط : ماشر .. بس ابتسام تعبانه شوي عقب العرس والتجهيزات وكم يوم مانامت فقلت اخذ البزران واتركها ترتاح اليوم
ام نايف : ايه والله حياهم ليت فهود مانام كان بينبسط... ( التفتت لميهاف ) الا انتي من جابك ؟
ميهاف بهدوء : بدر ..
ام نايف فتحت عيونها : بـــــــــدر !!
ميهاف : ايه كنت في بيتهم موصيتني اسماء .. وكان هناك واصر يوصلني
ام نايف بحرص : ووش قالك ؟ وش طلعتوا به ؟
ميهاف : ماطلعنا بشي يمه نفس الحكي القديم ( وقفت ) انا بصعد انام وتكفين يمه بكرة لحد يصحيني لحد ما اصحى بنفسي ان شاء الله انام اليوم كله
ام نايف : تعالي وين عطيني العلوم !
ميهاف : بعديييييييين واساسا مافيه علوم ( كملت طريقها وهي تصعد )
ام نايف باحباط : شف شف ومير وتسفهني ماعليه انا اشوف التاليه اكيد غثها بدر بحكيه كالعادة ! ( انتبهت لنايف ينعس وهو جالس ) نايف يمه اصعد غرفتك نام
نايف : دحوم ومشعل ماناموا حرام اتركهم بحلقك
ام نايف : ماعليك منهم مع جدتهم باخذهم لابوك اللحين ينبسطون معه شوي لحد ماينامون
نايف هز راسه بموافقه : اجل تصبحين ع خير
صعد لغرفته وهو ينتبه لجواله يرن ... انتبه لاسمها تتصل تجاهل جواله وهو يرميه ع جمب وينام لانه كان فعلا مرهق
***
فتح عيـــونه بكسل وهو يرمش , استقعد بجلسته وهو يتثاوب ..
: صبـاح الخير .
التفت ناحية الصوت كانت جالسة على التسريحة ومعطيته ظهـرها وبعيونها نظرة احباط واضحة معكوسة بالمراية ..
هيثم : همم .. صاحية بدري ؟
اسماء بنبره هادية وهي مازالت معطيته ظهرها : بسرعه قم وغسل وجهك ..
هيثم عقد حواجبه من نبرتها : هاه ؟
اسماء بنفس الاحباط : امي ارسلت لنا الفطور .. قم افطر دامه لسى حار
ووقفت وهي تطلع من الغرفة .. عقد حواجبه وهو يوقف ويدخل يغسل وجهه ويبدل لبسه لكاجول عادي , بنطال بيج
جنز طويل وتيشيرت ابيض قطن خفيف .. مع جكيت قطني اسود عادي , ترك شعره الملفت ع بعثرته وهو يطلع حصلها جالسة على السفرة .. خذا كرسيه قدامها وهو يجلس ياكل ... استغرب انها تاكل بهدوء دون تطالعه حتى .. وعيونها اللي كانت مشعة هاليومين كانت محبطة تماما .. نطق يجرب مزاجها: مرري لي الصلصة لو سمحتي
اسماء وهي تشرب عصيرها بيدها الثانيه خذتها ومدتها له .. وهي مغبونه امس تركها ونامو دون حتى يسولفون .. لما قالها امس انه تعبان وبينام توقعت انه بيغير رايه وبيصحى وظلت صاحية بس نام بالفعل وتركها ونامت هي بالاخير ..
هيثم عقد حواجبه وهو ينتبه لطقطقه ع الدريشه ... انتبه للمطر ينزل : يمــطر !
اسماء التفتت وهي تشوف المطر .. نطقت بتسليك : ايه تمطر ..
هيثم : كان فيه مكان نفسي اوريك اياه بس ماظنيت ينفع مع هالمطر شكله راح يثقل.. ( التفت لها ) شنسوي اليوم اجل؟
اسماء بنفس النبره الكسيحة المحبطة : عادي عندي أي شي ..
هيثم بدا يتنرفز من طريقتها نطق بضيق : وقفي هالمهزلة ! من صحيتي وانتي مبوزة بخلقتي شعندك ؟
اسماء عضت شفايفها وهي تبرطم وتنطق : مابوزت !!
هيثم رفع حواجبه : لا جد ؟؟ اجل طالعيني
اسماء رفعت عيونها له وكانت مبوزه فعلا .. : هاه هذا انا اطالعك .. رضيت ؟!
هيثم ارتفع ضغطه كانت مبوزه فعلا .. تنهد : معناها انا طالع عندي كم شغله .. ماله معنى الفطور اذا كنتي راح تجلسين معاي بهالوجه طول الوقت
اسماء ارتجف فمها وهي تنزل عيونها باحباط .. وهي تنطق : خذ راحتك ..
وقف وهو يسحب جواله ومفاتحيه ويطلع .. التفتت ناحيته الباب ثم ضربت براسها على الطاولة : غبي غبي ! بالنهاية طلع وخلاني لحالي ... ليش ماقلت له طيب ..؟ بس وش آقوله .. – حمر وجهها – مقدر اكون منحطة كذا قدامه .. انا بس ... مو فاهمه ليش ؟ لهالدرجة ما ني كويسه بالنسبة له .. ؟
قاطع تفكيرها صوت جوالها يدق .. طالعت المتصل " الحكومة " انتعشت روحها نوعا ما وهي ترد : هلا والله
فراس : هلا فيك .... شخبارك ؟!
اسماء : طيبه حمدالله .. وانت كيفك وكيفكم كلكم ؟
فراس : ماعلينا .. لحالك ولا . ؟
اسماء : لحالي ... ليش ؟!
فراس : غادة تبي تزورك وتبارك لك .. فإذا اليوم جدولك فاضي راح نمرك
اسماء : ايه لازم اشوفها من قبل زواجي ماشفتها !! أيه اليوم مناسب .. هممم حياكم عصر
فراس : خلاص على موعد ان شاء الله .. سلام
اسماء : سلام
سكـــر فراس السماعة وهو يدخل مكتبه حصل بدر موجود جالس ... طالع ساعته : ما شاء الله بدر متكرم علينا ومداوم بالوقت ؟!
بدر : جيت ابي اكلمك بموضوع قبل تبدا اجتماعاتك
فراس وهو يجلس ورا مكتبه : اذا مواضيع تخص قسمك وليد موجود
بدر تنهد : لا مايخص القسم ... ( نزل راسه وهو يفرك يدينه ببعض ) سمعت عن مشروع كبير راح تسلمه محسن اتوقع ؟
فراس : آيه ؟
بدر : انا جاي كموظف عندك اطلب فرصتي .. اذا لسى ماكلمته انا حاب امسك المشروع
فراس رفع حواجبه : وش السالفة فجأة ؟
بدر باحباط : موظف عادي ماراح يمشيني .. وانا محتاج دفعه قويه وحاس نفسي قد المشروع
فراس : المشروع قوي وبصراحة مقدر اوثق فيك تاخذه ..
بدر باصرار : فراس قلت لك اني قدها . . جربني هالمره وماراح تندم ! انا تعبت من الفشل بحياتي وماراح افشل هالمرة باذن الله
فراس : واذا فشلت ..؟ انا اللي راح اخسر مو انت
بدر : تقدر تشرف على المشروع بنفسك .. بس لاتخسرني هالفرصة انا قريت عن المشروع , يتعلق بالفنون وهذا مجالي ما ظني محسن بيفهم اكثر مني
فراس ظل يطالعه : وش ضماني ..؟
بدر تنهد بضيق : ماراح تعطيني اياه قول وبس ..
فراس : ابي اعرف ليش فجأة طلبت المشروع وانت اللي كنت تتذمر من ساعتين اضافيه .؟
بدر بقهر : أمس شفت ميهاف .. وتكلمت معها
فراس : تكلمت معها ولا هي تكلمت معك ..؟
بدر بكره لنفسه : هي تكلمت معي ... وانا محتاج اتحرك عشاها , هي الوحيدة اللي ما ابيها تشوفني بمنظر فاشل ..
فراس : راح اتفاهم مع محسن واسلمك المشروع .... بس والله يابدر لو تنكبني راح تدفع التعويضات انت
بدر بثقة : ماراح ادفعها لاني ماراح انكبـــك
فراس وهو مرتاح ان بدر بدا فعلا يفكر : معناها قوم لشغلك اللحين ونتفاهم على المشروع بعدين
بدر هز راسه بالموافق وهو يقوم يطلع ... طالع فراس ساعته باقي ربع ساعه على اجتماعه , تذكر .. فتح جواله وهو يتصل على رقمها ردت عليه بحيويه : لبيــــــــــــــه !!
فراس لاشعوري ابتسم على حماس صوتها ... لكنه فورا تحنحن وهو يقول : اسماء واعدتها عصر ... خلك جاهزة
غادة بحماس : بجد ..؟! خلاص حلو راح اجهز .... طيب ايش رايك تجي تتغدا عشان نطلع بدري ؟
فراس : مالي مزاج غداك ... وبعدين شغلي للساعة 2 يعني يادوبني اجيك عصر فخلك جاهزه وبس
غادة : اهـا .. الله يعينك آجل , بالتوفيق بشغلك !
فراس : يله سلام
سكر السماعة وهو يقوم لإجتماعه
***
صـــحى نايف من نومه الساعة 11 ... تثاوب وهو يتافف طنش دوامه اليوم , نـزل لتحت حصل امه جالسة مع البزورة : صباح الخير
ام نايف : صباح النور .. نايف انت معطي ابتسام خبر انك ماخذ البزارين ؟
نايف : آيه قايل لها ليش ؟
ام نايف : دقت علي من بدري وتقول بوصي السواق ياخذهم نايف ماعطاني خبر .. بس انا عييت يروحون مع السواق وقلت نايف موجود لاصحى يجيبهم !
نايف : قايل لها بس شكلها ماسمعت .. ( رجع يتثاوب بكسل ) المهم يمه انا طالع اللحين عندي موعد لاخلصت رجعت اخذهم
ام نايف : ودهم لامهم طيب ثم رح لموعدك .. شكل البنت محترق رزها دون عيالها
نايف وهو بطريقه لبرا : ماحطول بخلص شغلي وبرجع اخذهم ..
طلع وهو يستلم جواله كان مكالمات لاتحصى منها ... تنهد وتو بيدق رجع يدق جواله باسمها , رد : هلا
ابتسام بانفعال : بــــدري ترد !! سلامات من وراك تاخذهم ....
قاطعها : خليك جاهزه مسافة الطريق واكون عند البيت .. بدق عليك وانزلي
ابتسام : ماراح اروح للمستشفى .. جب عيالي وبس يكفي !
نايف : نطلع من موعدك وبعدها باخذهم
ابتسام بيأس : نايف خلاص النتيجة اكيد ... وش راح استفيد ولازم انتظر و ..
نايف : ماحتنتظرين حجزت لك موعد امس .. وحتى اذا النتيجة أكيد ماحيضيع شي خل نتطمن ونعرف أي شهر
ابتسام : .....................................
نايف : يله انا وقت اوصل راح ادق عليك
سكر السماعة وهو يمشي وطول الطريق يفكر , ماراح يكون متحجر هو فاهم قد ايش صعب وضعها ... بس ابتسامته للحين محبوسه احترام لها , بس الصدق ان هالخبر كان مفرح بالنسبة له .. وصل عند البيت ودق عليها ماردت سكرت بوجهه وطلعت مباشرة من الباب ... اول ماركبت سال نايف : افطرتي .؟
ابتسام بجواب كاذب : آيه
نايف : وكيف حــالك ؟
ابتسام بتجاهل لسؤاله : ماكان فيه داعي تاخذهم لأمك .. بتقول اللحين اكيد صاير شي
نايف باختصار : وقت يطلع الفحص راح امر اخذهم واقول لأمي ايش صاير وراح تفهم .
ابتسام بقهر : لاتقولها اللحين .. تو بدري
نايف : لا بدري ولا حاجة ... اول على آخر راح تعرف فليش نأجل ؟!
ابتسام تنهدت بضيق : .. سو اللي تبي
نايف : دام خلصتي تحقيق ممكن تردين ع سؤالي .. قلت لك كيف حالك اللحين ؟
ابتسام : ماني مستوعبة شي للحين .
نايف : فكري ف الخير وراح يوصلك .. فكري بالشر وراح يغلبك , انتي حصاد اللي تفكرين فيه طول اليوم
ابتسام : ليت الموضوع بهالبساطة .. بس اذا ودك ماتتكلم عن جمره ماوطيتها يكون احسن !
نايف : واذا ودك تظلين حارقه نفسك بهالجمره دون يطلعك احد منها براحتك !
ابتسام : خلاص انت ليش مصر تغير نظرتي لهالموضوع ! اتركني براحتي تو ماكله آكبر كف بحياتي امس ..
نايف : والله ماينعرف لك .. سكتنا قلتي مهمل وماتحس فيني وما ادري ايش .. تكلمنا طلعنا حيوانات ! فضفضي لي وش تبين مني بالضبط !
ابتسام : ايوه بالضبط هذا اللي ابيه ابيك تكون متزن وعلى نظام واحد .. مو متى ماراق لك
نايف بهدوء مجروح : شي حلو انه راح يجينا ولد ثالث وللحين مو عارفين نتفاهم زي العالم
ابتسام سكتت وهي مالها خلق ..
بعد فترة وصلـوا , نطقت ابتسام : اذا ودك تتركني انزل لحالي يكون احسن .؟
نايف تنهد بضيق وهو يحاول قد مايقدر مايضغط عليها : خذي راحتك راح انتظرك هنا ... الحجز باسمي ادخلي على طول
هزت راسها وهـي تنزل سند نايف ظهره وهو يطالعها لحد ما اختفت ورا الباب الكهربائي , تمتم بينه وبين نفسه : ألله يشرح صدرك
***
ســــــارا /
صحت من النوم بنفسية منعشه نظرا لانها صحت على صوت بكاء مايا .. اول مافتحت عيونها عشان تشوف شفيها تبكي انتبهت للباب ينطق عقدت حواجبها : ميــن ؟
لؤي اللي صحى مباشره لما سمع الصوت قال من ورا الباب: اخذ مايا ..؟
سارا : ليش تاخذها انا موجودة !
لؤي بطولة بال : قصدي اذا لسى بتنامين يعني
سارا : لا مافيه داعي شكرا
لؤي : الفطور جاهز طيب .. اطلعي افطري دام مايا صحت
سارا : ماشي ..
شالت سارا مايا وهي تبدل لها وتجهزها .. وغيرت بجامتها النوم تنهدت وهي تحمل مايا بين يديها وتحس بقهر .. المفروض وضعهم عائلة طبيعية بس بشكل عجيب صاير وضعهم اغرب وضع ممكن ... طلعت وهي تتلفت لحد ما انتبهت لجلسة جانبية طاولة طعام صغيرة والفطور مجلس عليها .. وهو يشرب شاهيه والجريدة بيده طوى الجريدة وجلسها لما انتبه لهم وابتسم : صباح الخير
سارا وهي تجلس مايا ع الكرسي المخصص لها على الطاولة : صباح النور ... ( ظلت واقفة )
لؤي عقد حواجبه : شفيك ؟ اجلسي افطري
سارا : لا مافيه داعي .. راح انتظر مايا تفطر وبطلع انا وياها لصديقتي
لؤي بشدة : سارا ! مايا ماتطلع من هالبيت .. لهالدرجة عندي ضمان انك ماتاخذينها للمطار وتسافرين ؟
سارا : شقصدك راح تحبسها هنا ؟
لؤي : مين قال ..؟ راح اطلع انا وياها مثل العادة , تبين تجين معنا حياك الله ولا روحي لصديقتك لحالك
نماراح ينقص من رزقك وصحتنا ماراح تسلب عافيتك .. خل قلبك ابيض شوي واتركنا بحالنا وتمنى لي مثل ماتتمنى لنفسك
لؤي : وانتي متأكدة ان سعادتكم بعيده عنـي .؟ سعادة مايا بالذات ؟
سارا : بإذن الله !
لؤي بهدوء : غلطـــانة .. وانا مثل ماقلت لك مايا ماعاد تبعد عني
سارا شدت ع شفاتها ثم نطقت بقهر : معناها اليوم تكلم مع ابوك !! هذا انت لك اكثر من شهر من خذيتها ... وتاركها ع حالها ! تكلم مع ابوك عشان اصدق انك تبيها لهالدرجة
لؤي وهو يحس بضغطها عليه .. لكن ملك نفسه وهو يرد بهدوء : في الوقت المناسب راح اقوله .. ( طلع من المطبخ وهو يدخل غرفته ويسكر الباب )
تنهدت سارا بضيق وهي تمسك راسها ... حتى هي مزعزعه بين امنيتين بقلبها ..
***
نــــايف /
انتبه لها تطلع .. عدل جلسته وكرسيه اللي سدحه , اول ماركبت جلست بحضنه ملف , عقد حواجبه : شهذا ؟
ابتسام بكتمه : التحليل
نايف : مايحتاج اشوفه .. حامل اكيد , أي شهر ؟
ابتسام بخنقة : ألثاني
نايف اختصر رده : الله يتمم ع خيــر ( حرك السياره ) مانصحتك بشي او مواعيد . ؟
ابتسام : نفس المواعيد المعتادة .. ما امداني انساها حتى
نايف : حابه نجيب العيال ولا ترجعين البيت ترتاحين وبعدين اجيبهم !
ابتسام مباشرة : لا جبهم اللحين يكفي امس
نايف : ابتسام لا تضغطي على نفسك انتي متوترة وتعبانه وما اظن انك خلقهم
ابتسام : مافيني الا العافية ..
نايف تنهد بضيق : براحتك اجل
***
اســـماء ... الساعة 3 /
كانت جالسة ومسنده ذقنها ع يدها وبيدها الثانيه ماسكه الجوال .. : له فترة من طلع صبح للحين مارجع ولا تواصل معي ..؟ ( تنهدت بضيق ) لازم اسرع واعدل الوضع .. بس كيف ؟ مفروض امثل ان مافيه ش واتصرف طبيعي ..؟ ( رفعت عيونها عن الجوال وهي تطيح ع المراية المعلقة ع الجدار ) لهالدرجة ماعندي مواهب انثى ؟ ولا سويت حاجة غبية خربت الجو ..؟ طيب يمكن كان صدق تعبان وبينام .. ( حست بضيق ) ولا يمكن فعلا اللي بيني وبينه من جانب واحد بس ...
رن جوالها .. طالعت المتصل بسرعة تتمنى يكون هو لكن كان ميهاف .. ردت باحباط : هلا ميهاف
ميهاف بتقليد لنبرتها : هلا ميهاف ؟ هذا صوت عروسة ! شالسالفة هيثم طلقك ؟
اسماء دون نفس : هلا ميهاف شتبين ؟
ميهاف : ابي اسولف معك واسمع اخبارك .. شصار معاك ؟
اسماء : انبسطت ..
ميهاف بنبرة خبيثه : اوه سويتوا حاجة تونس اجل .؟
اسماء ( صح ! اقدر اتكلم مع ميهاف عن الموضوع راح تكون فاهمه اكثر مني يمكن كذا طبيعي ) : اا .. ميهاف ممكن اسالك حاجة !
ميهاف حست بحاجة مو طبيعيه : شنو ياقلبي امري ؟
اسماء بربكة : مر يومـــين و .. للحين ماصار شي , مو بس كذا حتى انه مافيه أي لمسة حنونه منه ولا حتى كلام ( كملت بقهر ) مفروض اخاف ولا عادي طبيعي ؟
ميهاف بصدمة : جـد ؟ ! ( حاولت ترد بحيث ماتخوفها ) لا تخافين بس برضو مو طبيعي .. يعني لحد اللحين حتى بالكلام مافيه ؟ يمكنه يستحي طيب !
اسماء : بس مو كانه ياميهاف يومين شوي .. يعني يمكن لسى ..
ميهاف : من جدك اسوم ! انا من اول ساعه !
اسماء حست فعلا بهبوط .. اكيد ميهاف مغرية عشان كذا وانا لا .. : ............
ميهاف : بس عموما لاتضربين فيني مثال يعني اخوك ما شاء الله صاحب تجارب حتى من قبلي ! بس يمكن هذا شي يطمنك انك اول وحده بحياته دام مرتبك . . كلمتيه طيب ؟
اسماء باحباط : لا ..
ميهاف : معناها انتي حتى اسوأ منه .
اسماء : هاه ؟!
ميهاف : ماراح تصيرين اميره ولا ملكة اذا انتظرتي منه شي .. راح تجلسين زعلانه بس زي اللحين اتوقع الحل الاحسن انك تتكلمين معه !
اسماء : من جدك ميهاف ..؟ انا ميته حيا لدرجة مقدر اقوله شي ..
ميهاف : بالضبط عشان كذا انتي اسوأ منه.. هالاحراج اللي تحسين به عشانك تبين منه كلام حلو يقوله وتمشي حياتكم ماراح يفيدك ! طبيعي راح تفكرين كذا .. بس كل الرجاجيل تقريبا يرتبكون لان البنت لازم تتمسك بحياها .. ( كملت ميهاف بجرأة ) حبيبتي مافيها شي كلنا عندنا رغباتنا ... انتي صارحيه وافهمي يمكن عنده شي ولا ماراح تقدرين تنبسطين
اسماء اللي اقتنعت بكلام ميهاف .. : ... شكرا ميهاف ! صح راح اتكلم معاه بدل ما اجلس بس كذا
ميهاف : بالضبط يله روحي كلميه اللحين ! اللي يعشق حاجه لازم يحافظ عليها .. واللي يبي شي لازم يتعب عشانه مو ؟
اسماء : لا اللحين بروح اجهز .. فراس وغادة بيزوروني
ميهاف : وقتهــــــم !!
اسماء : هههههه ياعمري غادة ماشفتها نهائي من قبل زواجي وتبي تشوفني ! نحمد ربنا فراس نازله عليه الملائكة خليها تجي قبل يتذكر انه فراس ويبطل يجيبها !
ميهاف : ههههههههه يله اجل انا بروح اكمل نومي
اسماء : نوم لهالساعة !!
ميهاف : آيــه راح اضل يومين نايمة ماعاد لي خلق شي
اسماء : كسلانة انقلعي نامي !
***
غـــادة /
شعرهـا رفعته Bun دون آي خصل ع وجهها .. وجهها الصغير زينته بمكياج ناعم ... طقمه لبسته لكن دون القلادة اكتفت بالسوارة والخاتم والحلق .. والخاتم قررت ماعاد تفصخه اساسا ...رشت عطرها بحماس وهي مو مصدقة جتها فرصة وبتطلع .. جهزت عبايتها ونزلت بحيث ما تأخره ...فور ثبوت عقارب الساعة على 3 و 45 دقيقة انفتح الباب ... وقفت بحماس وهي تتوجه ناحيته : هــــــــلاا !
فراس طالعها من فوق لتحت : جاهزه .؟
غادة : آيه جاهزة
فراس وهو ينتبه لطقمه عليها : ماعندك نيه تفكينه خلاص .؟!
غادة هزت راسها : نهاااائي ! تمنيت اغير الفستان بعد عشان البس القلادة بس مابغيت اشهب عيون العروسه
فراس : يله اجل مشينا لانتأخر
لبست عبايتها مباشره وهي تطلع وتركب جمبه .. نطقت : تغديت .؟
فراس : لا بس راح اوقف عند صب واي وباخذ لي شطيره
غادة : اااه صب واااي يالبيه ..
فراس : فهمت خلاص بجيب لك .. ( وقف عند فرع صب واي انتبه لها تفتح الباب تنزل ) وين وين ارجعي بجيب لك وانتي محلك !
غادة بقهر : لا تكفى ودي اجيب لعمممري ... وبعدين كم مره بدخل فيها صب واي ؟
فراس سكر بابه وهو يقول : ثم زوديها داخل والله لاارجعك للفيلا !
غادة وهي تمشي جمبه : كيف بزودها كلها شطيره باخذها وبطلع !
فراس دون نفس وقف عند الطلب : المنيـو لو سمحت ؟
غادة اشرت بحماس لاعلان : شوف فيه خدمه تسوي سندويتشك بنفسك
الموظف رد عليها : ايوه ياعيوني هذي خدمه جديدة .. حابين ازبطها الكم ؟
فراس التفت لها بنص عين : ياعيونه شرايك تسكتين ؟ ( التفت للموظف ) وانت خل عيونك فيك يكون احسن !
الموظف ارتبك من كلامه : هههههه ماقصدي شي والله يعني كذا بتطلع معي
فراس تجاهله وهو يطالع المينو : جب من هذي ثنتين بس دون خيار
غادة همست له : ليه ياخي الخيار مفيد خله يحط لك
فراس : عندي حساسية !
غادة شهقت : من الخيار ؟
فراس : لا ! حساسية من ********
غادة كشرت من طريقته وهي تنطق بنفسها ( كش عليك هذا جزاي اهتم بمصلحتك )
فراس استلم الطلب وهو يطلـع .. اول ماركبوا نطق : احد مستاجرك مستشاره غذائيه لي ؟!
غادة ببراءة : لا !
فراس : اجل امنعيني من تدخلاتك اللي مالها داعي .. ( فك شطيرته وهو ياكل ويسوق )
غادة : بس غريبة صدق ماتاكل الخيار .. شفتك كم مره تاكله عند اهلك
فراس : الخيار مو الكل يجيبها كويسه .. والغالب تجي مره فانا ما اكلها بالمطاعم عشان لاتحوس طعم شطيرتي
غادة رفعت حواجبها : اهااااااا ... بيت اسوم بعيد طيب ؟
فراس وهو يرفع عصيره يشربه : مب مرة ..وايه بكرة راح نزور اهلي , جدي بيسافر وعشان نودعه مره وحده
غادة باحباط : بيسافر ..؟
فراس : آيه
غادة بقهر : بترجع لاهلك تسكن عندهم ..؟
فراس بتشديد : طبعا برجع لبيتي ... واذا تبين فرصة اصدق فيها انك ماراح تفضحيني عيشي بهدوء بالفيلا واتركيني ارتاح.. وانا راح استاجر لك شغاله وسواق ينفعونك ويجيبون اللي تحتاجينه
غادة تمتمت بقهر : احس اني عايشه بمنفى او حجز
فراس : من البداية ماتمنيتي تعيشين ببيتنا على فكرة .. اعتبري امنيتك تحققت وصرتي تسكنين لحالك , ورنيم حلال عليك جيبيها.. ارجعي للحياة اللي تمنيتيها لما كنتي في بيت نايف واحمدي ربك
غادة سكتت وهي تحس قلبها ينكسر مليون مرة ... : الف شكر وحمد لك يارب
واستمر الصمت لآخر المشوار حتى وصلـوا , وقف فراس السياره وهو ينزل : وصلنا
سحبت كيسة هدية اسماء وهـي تنـزل , مشت وراه دون تعليق ... صعدوا البناية حتى وصلوا لرقم شقة معينة وضرب الجرس .. جا صوت اسماء : ميــــــن ؟!
فراس : فراس افتحي .
فتحت مباشرة وكانت بطله مشرقة .. مع مكياج بالوان ربيعيه روج فوشي وكلح فرنسي مع عيونها السماويه طالعه دمية وشعرها الاشقر متموج بطريقه رايقه سلمت ع فراس ثم خمت غادة بكل قوتها : غاااااااااااادة ياخايبة !
غادة وهي تسلم عليها بنفس حماسها : ايه والله خايبه !! ياااااي ياحلوكمو مصدقة انك تزوجتي
اسماء : ههههه لا ابشرك تزوجت خلاص . . حياكم تفضلوا
فراس : هيثم هنا ؟
اسماء : لا طالع
فراس : مطـــول .؟
اسماء : شكله بس انا ماعطيته خبر بجيتكم اذا ودك بكلمه يجي
فراس : لا مافيه داعي فنجال قهوه على السريع وماشين ماراح نغثك
اسماء : مامنكم مغثه انتو !
غادة : اكشخ يا اسوم صايره ذربه وعلوم
فراس بتاييد : شايفه .! ؟
اسماء : من يومي ذربه ادخلوا بس
جلسـوا وغادة قبل تجلس سلمتها كيسة : هذي هديتك ياعسل وان شاء الله الف مبروك والله يسعدك يارب
اسماء وهي تاخذ الكيسة : تسلمين ياعيوني
غادة حاوطت ذراعها : يله معاك بروح اجيب القهوه
اسماء باعتراض : لا ! فراس امسك مرتك لا تنقدوني وانا توني عروسة اتركوني اقوم بالواجب صح
فراس سحب ذراعها حتى جلست جمبه : انثبري هنا اتركني البنت بشغلها
طلعت اسماء .. غادة سحبت ذراعها وهي تتكتف بزعل , طالعها بنص عين : وش هالتبويزه ؟
غادة : زعلانة !
فراس وهو منشد لتكشيرتها وطريقتها وهي تنطق " زعلانه " , سند مرفقه على فخذه وهو يسند ذقنه ع يده وهو ملتفت لها وبنبره هادية ناعمة : من زعلـك ؟
غادة وقلبها يضرب وقت يكلمها بهالنبره .. بلعت ريقها وهي تنطق : واذ قلت لك من بتاخذ لي حقي ؟
فراس : لا .. بس بعرف
غادة ضربت فخذها بانفعال : بس انت قلت لي خليك ساكته ولا تاخذي حقك وانا بفزع لك .. وانا ساكته عن حقي لهالشخص واللحين اطالب بفزعتك
فراس ابتسم ابتسامه جانبيه : هبله انتي ؟ اخذ لك حقك مني ؟
غادة دون اعتراض هزت راسها : ايه خذ لي حقي او عطني اذن اخذ حق نفسي !
فراس رفع حواجبه : افهم انه يهمك اذني ؟ اهاا عشان كذا اكيد رحتي للـ ...
غادة قاطعته : رحتي للفيلا واخذتي بياناتي وبتهدديني وانتي حقيره زي امك ! فهمت الاسطوانة حفظتها
فراس بنفس جلسته سحب اذنها : تتمصخرين انتي ووجهك .؟!
غادة مسكت اذنها : اه اه اه فراس توجع !
دخلت اسماء على وضعهم وفراس بنفس جلسته وغاده قريبه منه وهو ساحب اذنها وهي ماسكه اذنها وبحركه عفوية تلحس اصبعها وتسوي اكس ع رقبتها : التوبه التوبه خلاص !
اسماء : احم احم !
فراس التفت لها ثم افلت اذنها : صحة ! مابغت تجي هالقهوه
اسماء جلست الصينية وهي تبتسم وتطالع غادة وهي تفرك اذنها : طهور غدو ههههههههه( مدت الفنجال لفراس )
فراس شرب فنجاله وهو يسأل : وشخبارك ..؟ كل امورك تمام ؟
اسماء ابتسمت : ايه حمدالله ابشرك اموري تسرك
فراس : حمدالله .. ( جلس فنجاله وهو يحط يده فوقه بمعنى خلاص ..التفت لغادة ) يله خل نمشي
اسماء : ويييييييين ؟!
فراس : ماجينا عشان نجلس .. على الماشي , انتبهي على نفسك وكلميني اذا احتجتي شي واتمنى انك ما تحتاجين شي
اسماء : طيب اترك غادة شوي .. بالاقل تبارك لأخوها !
غادة تو بتعارض بقوه رد فراس بالنيابة : وصلي سلامها له يكفي .. ( ألتفت لغادة ) اخلصي يله
غادة لبست عبايتها مباشرة : يله اسوم انبسطنا بشوفتك مره ثانية نشوفك على رواقة بعدين
اسماء وهي تمشي معهم للباب تودعهم : على خير
اول ماطلعوا نزلوا وركبوا السيارة .. غادة انشدت في نص الطريق لحديقة جانبية حتى انها استقعدت بجلستها تتابعها , فراس التفت ينتبه لوش هي تطالع .... لما استوعبت عيونها وين نطق بهدوء : نوقف هنا شوي ؟
غادة التفتت له مباشرة : صدق ؟!
فراس ارتبك ونطق يصرف بقوه : ايه يعني ماتسوى على البزارين والعالم هناك تصكهم عينك ! خل نطرح اللي في نفسك شوي
غادة ابتسمت من قلب : آيه بنوقف عادي ! اساسا تو وقت بدري
فراس هز راسه : دام ماعندي شي اجل حنوقف
رجع بسيارته حتى وقف بالمواقف عند المنتزه ... غادة نزلت مباشرة بحماس وهي تستنشق الهواء بكل قوتها : الهوااء يرد الروح !! ( طالعت رجلها بقهر ) حسافه لو عارفه بنزل منتزه مالبست كعب
فراس : احسن باليكم ربي بهالكعب !
غادة : ماراح يعوقني ( انحنت وهي تفك كعبها وترميها بالسياره ورجعت توقف جمبه )
طالعها فراس بنص عين : بدوية انتي ؟!
غادة : هئه ! ( رجعت تمشي ) بس مرتاحة والله صدق الكعب كسر ظهري
فراس هز راسه وهو يمشي : خلي مسافه لو سمحتي
غادة رفعت حواجبها : اوه فراس الشمري المز التاجر الهيبة مايشرفه يمشي جمب حافية !
فراس رفع حواجبه من ورا نظاراته الشمسيه : طايل لسانك انتي اليوم
غادة كملت مشيها بحماس وهي رابطه يدينها ورا ظهرها : يــــاحلو هاليوم ! ( تنهدت ) الله على الجو
فراس رفع عيونها للغيوم : من جد الجو اليوم رايق ( دخل يدينه بجيوب ثوبه وهو يمشي ) خل نلف كم لفه ونرجع
غادة هزت راسها وكملت تمشي .. بعد وهلة نطقت بابتسامة : احـــم فراس !
فراس : هممم
غادة : لو .. اقولك لو بس يعني ! يعطونك كبسولة زمن راح ترجع ورا او قدام
فراس دون تفكير : قدام .
غادة : وش تبي تشوف من المستقبل ..؟
فراس هز كتوفه : مافيه شي معين .. بس اذا الماضي او المستقبل اكيد المستقبل , ليش بخاطرك ترجعين للماضي انتي؟
غادة : لا .. انا نفس الشي راح اروح للمستقبل بس راح اغمض عيوني مابي اعرف ايش راح يصير لي
فراس : اذا على مستقبلك انتي ما اتوقع فيه شي مميز .. اللي مثلي ومثلك مافيه حاجة يتحمسون لها
غادة وقفت وهي تلتفت له .. : ........ ليش .؟
فراس : لانها باختصار راحت علينا .. عندك حاجة تتمنينها لقدام ؟
غادة عضت ع شفتها ونطقت بهدوء : عندي حاجات .. اولها احاول افهمك انها ماراحت علينا
فراس وهو يكمل مشيه : بعيونك بس
غادة مسكت يده توقفه وعيونها بعيونه وهي تنطق باصرار : الحياة تجارب ي فراس .. نتعلم بهالتجارب نسامح ونمشي بحياتنا !!
فراس طالع يدها اللي شاده ع معصمه .. اشتعال عيونها دايم يجذبه , مد يده الثانيه يمسك معصم يدها اللي ماسكته وهو يبعدها عن يده وينطق بشده : معك حق الحياة تجارب ! واذا ماتعلمت من الضربه الاولى فاستاهل الثانية .!
غادة بقهر : لو تشوف نفسك من عيوني ماقلت كذا ... انت محتاج ضربه ثانية عشان تستوعب ان الحياة مطبات واحيان نحتاج هالغلطات عشان نعرف ان حنا بشر مثلنا مثل غيرنا
فراس باستهزاء : وهذا شنو ؟ شعارك بالحياة طبعا ؟ واضح انك مستشعره انسانيتك بزيادة اجل !
غادة بتمتمة مقهوره : لازم يرجع الموضوع لي يعني ..
فراس عقد حواجبه ونطق باستنكار : الا انتي تعالي ابفهم وبعدين يعني .؟ وش يهمك انا عشت حياتي كذا ولا كذا ... مو حاسه نفسك من بعد سالفة الفيلا وانتي موظفة نفسك مستشاره نفسيه على حسابي ؟!!
غادة بكل هدوء وصراحة : مو لاني مستشاره نفسيه .. لاني احبك ! اتوقع قلتها لك من قبل .؟
فراس فتح عيونه فيها .. اول مره يسمع هالكلمة منها له فتره ! نبضاته تتسارع وهو يشوف نظرة الثقة بعيونها : ..
غادة ردت بهدوء : ليش تطالعني كذا ! مو سر على فكرة ..؟ لو ما احبك كنت راح اتلقف واهتم وش صاير معك .. بس الاشياء هذي لاجت من طرف واحد من جد توجع مثل اني انتظرك وانت نايم بفندق ماهمك .. واشيل همك وانت تحقرني . باختصار انك تحب انسان يكرهك هذي لعنه اكيد
فراس والدنيا ضاقت فيه من كلامها .. نطق بحده : لا اسمعك تقولين هالحكي مره ثانية ! حتى بينك وبين نفسك !
غادة عقدت حواجبها : مشاعري كيفي !
فراس شد يدها وهو ينطق بحده : لا مو كيفك ! آخر مرة تتفلسفين بهالسخافة قدامي
غادة استغربت ردة فعله توقعته يتهزا بها بس مو يعصب : ... ليش ؟
فراس بتشديد : لأني اكره الكذب ( افلت يدها وهو يمشي معطيها ظهره ويقبض صدره بيده وكلام لؤي ينعاد عليه ) الله يلعنك يالؤي
انصدم وهو ينتبه لها تمشي جمبه بطبيعيه وتنطق بعفوية : ع فكرة انا ما أكذب وما احب يتهمني بالكذب
فراس رفع حواجبه : لا ياشيخة !
غادة بعفوية جاده : والله !
فراس بقهر منها : غادة مو أحسن لك .. والله لاتركك بالحديقة هنا ودوري احد يخمك
غادة : وش مزعجك انت يخي .؟! انا اللي جالسة انوجع بالسالفة انت حمدالله مرتاح تكرهني وعقلك بسلامة
فراس وقف وهو يطالعها بنبره حاسمه : ماراح تسكتين يعني ؟!
غادة بعياره : لا تصدق نفسك ترا الحب أعمى وشره خير ! ولاني اعشقك اشوف جروحك علاجي ولاني احبك اشوفك غير والا انت ترا لاغير ولا حاجة !
فراس توتر من مصطلحاته الغزلية .. تجمدت لمحته وهو يطالعها بنظره حاسمه : قدها يعني ؟
غادة وهي مستانسه على رفعة ضغطه نطقت بتمطيط : شاسوي اذا قلبي مبتلى يحبك !
فراس هز راسه : اجل تحملي نفسك ( عطاها ظهرها وهو يرجع .. غادة مشت وراه وقف وهو يلتفت لها ) انثبري محلك
غادة طالعت بالحديقة حولها :محلي هنا ؟
فراس : وريني كيف بتقولين هالحكي مرة ثانية وقت تنلطعين هنا لحالك ! ( كمل طريقه لسيارته )
غادة فتحت عيونها وهي مب مصدقه تهديده .. مشت وراه وهي تنطق بربكة : هيه فراس من جدك ؟!
فراس سكر باب السياره .. جت تفتح الباب حصلته مقفل ... توسعت عيونها بصدمة وهي ماتشوف الا غبرة سيارته .. نطقت بهدوء مصدوم : خلاني ؟
اما فراس انطلق بطريقه وهو متوتر بجد من انجذابه لكلامها !

***
اسمـــــاء ... لما راح فراس وغادة , جلست للمغرب تنتظر لكن مافيه أي استجابة ..... استنشقت هواء المكان وهي تهدي نفسها ( اسماء لازم تكونين قوية ! ) تو بتدق انفتح باب البيت .. طالعته وهو يدخل ببنطاله الرمادي وستره سوداء كم طويل , انتبه لها وهي واقفه تستقبله وتنطق بربكة : جيت .!؟ طولت ..
هيثم : ... مريت المستشفى اخذ اوراقي وطلعت
اسماء حاولت تفتح موضوع : زارنا فراس وغادة اختك اليوم
هيثم هز راسه وهو يجلس بالصالة : اهـــا .. ( تنهد بضيق وهو يطالعها ) تعالي اجلسي
اسماء هزت راسها وجلست جمبه .. كان ساكت وعيونه بالارض واضح يفكر وش مفروض يقول , تنهدت وهي تشد ع تنورتها وتنطق : كنت راح ادق عليه لما وصلت البيت .. كنت ابي اكلمك عن حاجه ضرورية ..
هيثم تشنج وهو يلتفت لها بحذر : اللي هي ..؟
اسماء عضت ع شفاتها ( انطقي اللي بقلبك وبس ! ) نطقت بصوت عالي نسبيا وكانها ترمي الكلمه من قلبها : فيه حاجة غلط فيني او سويت حاجة غلط !!!
هيثم انصدم : هـاه .؟ !!
اسماء ووجهها مصبوغ بورادة زايدتها طفولة : قصدي .. امس وقبل امس , بالليل كنت انتظر بس ... انت نمت و ..( هيثم فتح عيونه فيها وهي تكمل ) كنت افكر اليوم .. اذا الموضوع بسببي او فيني شي غلط .. اذا فيه حاجة غلط فيني قولي وراح اصلحها .. عشان كذا ..
هيثم مد يده يسكر فمها وبيده الثانية غطى وجهه : وقفي ! مايحتاج تقولين اكثر من كذا .. ( نزل يده بهدوء وبنبره هادية نطق ) متى قلت ان الغلط منك ..؟ ....( سكت لفترة ثم نطق بسكون ) انا بس مو عارفه كيف ..
اسماء بصدمة : هـاه ! مو عارف كيف شلون ... بهالعمر و ..
هيثم قاطعها ونبرته ارتفعت شوي : مب قصدي كذا !! ( احمر وجهه ) قصدي ان بهالحالة .. انا متوتر ومرتبك واحس دمي بيوقف مثلي مثل غيري ( نطق بعصبيه ) عمـى ! اذا تبين تضحكين علي اضحكي ماراح الومك !
التفت ناحيتها انتبه للدموع معبيه وجهها ونطقت بنبره طفوليه : ماا اقدر اضحك !! ( رفعت اصبعها تمسح دموعها وهي تنطق ) كنت افكر اني ماعندي قدرات انثى طبيعيه .. وكنت احاول ادفع نفسي قد ما اقدر .. او فكرت انك ماعدت مهتم فيني بعد ماشفتني .. كنت خايفه بجد وفكرت بمليون شي من امس لليوم ! ... بس ماتوقعت ان تفكيرك راح يكون متوتر مثلي بس ... بطريقة غريبة احسني مبسوطة ..
هيثم وهو يتاملها .. سند يده على الكنبة وباصبعه مسح دموعها وهو يقرب وجهها منه حتى باسهـا بفمها بنعومة ... ابعد منها بهدوء وهو ينطق بصوت هاديء مبحوح : من سابع المستحيلات اني ماعاد اهتم فيك ..
اسماء بين شهقاتها لمست شفاتها وهي تحس بالعاب ناريه بصدرها : اول مرة ..
ابتسم هيثم ابتسامته الهادية وهو يوقف ويمد يده لهـا .. : تعالي
اسماء تحجر وجهها وهي تبلع ريقها .. مدت يدها وهي ترتجف , ابتسم لها : وش هالتعابير الغبية ! ( كمل بنبره مغريه ) هدي نفسك ولا خطفت هالشرف منك
اسماء ابتسمت بوسع وهي تترفع ع اطراف اصابعها وبصعوبه حاوطت رقبته وهي تبوس خده : مستحيل ياخذ احد هالشرف مني !!

# خصوصية _ ياجماعة !
***
فــراس بعد ما استوعب نفسه بنفس الطريق ... رجع وهو يوقف عند الحديقة ويتافف : الله يلعن اللي فكر يطلعك اصلن .. ( تلفت ) وينها اللحين ؟
نـزل من سيارته وهو يمشي بالحديقة ويتلفت يدورها .... وبكل الاشكال ماحصلها , فتح جواله وهو يدق عليها ....
عـــند غادة .. كانت بالتاكسي طالعته المتصل ورجعته لشنطتها دون ترد وهي منقهرة , انتبهت للتاكسي يوقف عند بيت ام فراس .. نزلت وهي تطق الجرس .. قاطعها السايق : وين حساب !
غادة نفخت فيه دون نفس : اصبر شوي !
انحرجت لما شافت اللي فتح الباب بدر ... عقد حواجبه وهو واقف وينطق باستنكار : مين .؟
غادة عضت شفاتها ..بلعت ريقها وهي تنطق : انا .. انا غادة ..
بدر استغرب وهو ينتبه للتاكسي : هلا حياك الله تفضلي
غادة دخلت مباشرة وبدر قبل يسكر انتبه للسايق ينطق معصب : وين بابا ! تعال هات حساب
بدر باستنكار : مادفعت حتى ! ( توجه للتاكسي يدفع )
غادة لما دخلت انتبهت لام فراس جالسة مع ابو عبدالرحمن اللي وقفوا لما شافوها : غادة .؟! ما شاء الله وش هالزيارة الحلوة
غادة سلكت الموضوع وهي ترد : هلا والله عمي هلا خالتي كيفكم ؟!
ابو عبدالرحمن : حمدالله بخير ... ووين فراس جا معك . ؟
غادة : هاه ! لا جايه لحالي ..
ام فراس انصدمت حست فيه حاجة غلط ... مستحيل فراس يتركها تجي لحالها : لحالك من جايبك ؟
غادة بهدوء : تاكسي ..
ام فراس تو بتنطق انتبهت لجوال غادة يدق .. طلعت جوالها وهي تشوف المتصل ( فراس ) ... سكتها بوجهه وهي ترفع عيونها لام فراس : اشتقت لكم وحبيت اجي اشوفكم
ام فراس ماحبت تتكلم قدام ابو عبدالرحمن : آيه حياك حبيبتي بيتك تفضلي
غادة دخلت وهي تجلس جمب ابو عبدالرحمن اللي اغرقها بدلعه كالعادة ... ام فراس اللي حست شي غلط بالموضوع طلعت لبرا انتبهت لبدر يقابلها برا : شسالفة زوجة فراس ؟
ام فراس : انتي اللي فتحت . جايه مع تاكسي صدق ؟
بدر : آيه وحتى مادفعت الحساب دخلت ع طول ودفعته انا .. والتاكسي يقول ازعجتني وهي ماعرفت توصف بيتنا بالضبط ضيعته بمتاهات
ام فراس : غريبة ( رفعت جوالها وهي تدق ع فراس )
عند فراس ، ضيق عيونه بحذر لما شاف مكالمه من امه ... وكان مازال بالحديقة تحنحن وهو يرد : هلا يمه
ام فراس : فراس ! وينك انت ؟
فراس عقد حواجبه: ليش صاير شي .؟
ام فراس : عندك خبر ان غادة جايتنا ..؟ جايه مع تاكسي وحالتها غريبة شصاير ؟
فراس تنهد بضيق : ايه عندي خبر خلاص بمر اخذها
ام فراس : لا واضح ماعندك خبر شصاير .. مارضيت علينا نزورها حتى واللحين جايه لحالها !
فراس بضيق : يمه خلاص بعدين .. انا جايكم
سكر السماعة وهو يزفر : يقالي مرتاع على وحده انحاشت من السعودية بكبرها دون جواز !
مسافة الطريق ووصـــل البيت ... دخل قبل يدخل الباب الداخلي انتبه لضحكها واصل لعنده , كشر وهو يدخل وينتبه لها جالسة جمب جده وتضحك من قلبها : ههههههههههههههههههههههههههه الله يرحم ايام الدشره اول يبه ! اجل ام كلثوم الله يازمن
ابو عبدالرحمن : هههههههههههه اهدائاتي لام عبدالرحمن كلها ام كلثوم
ام فراس : ههههههههههه ابو فراس نفس الشي كان يحبها الله يرحمه
: اححممم
انتبهوا له يدخل : السلام عليكم !
رحب في ابوعبدالرحمن وام فراس .... وكملت ام فراس : الله يسامحك اللي ماخذ بنتي عني والله اشتقنا لسوالفها
فراس وهو واقف بمكانه تعلقت عيونه فيها : غادة ممكن شوي !
غادة عقدت حواجبها وهي تطالعه : شنو .؟
فراس بابتسامه مضغوطة : مليت من كثر ماسألت عنك بكل مكان .. ( كمل بنكف ) مشتاق لعيونك تعالي
غادة وقفت وهي تمشي وراه وهو صعد لفوق حتى دخل غرفته وهو يفتح الباب ودخلت ... التفتت له مباشرة : ما اتوقع منك كلمة هواش بعد مارميتني لحالي بحديقة دون رصيد ودون شي !!
فراس بتشديد : مرة ثانية قيمي كلامك
غادة رفعت حواجبها بتحدي : اقيم كلامي ..؟ تبغى اقصر قصة ثقة .؟ اني راح اسكت وقت تتكلم لاني اعرف انا شنو وانت شنو .. وانا باختصار احبك وماراح اعاند مشاعري ... عندك مشكلة ؟ وقتها مشكلتك مايخصني
فراس رفع صوته وهو ينطق بحدة : غـــــــــادة !! تعرفين عصبيتي شينة فسكري فمك احسن لك
غادة بقهر : شنو مو فاهمه انت ليش معصب ! دام مايهمك خلاص !
فراس شد ذراعها له ووجهه مقابل وجهه ونطق بين اسنانه : ابفهم ليش تستفزين دايم اسوأ مافيني ؟!! لا وتجين تقولين ليش انت كذا .. انا مو كذا هذا اللي تبينه انتي
غادة وعيونها لمعت ببريق ملفت : ماعمري قلت لك ليش انت كذا ... بس اذا انا ماغامرت عشان اللي ابيه وقتها مايحق لي اتكلم وقت اخسره ... عشان كذا ماراح انتظر اخسرك راح اغامر بكل اللي عندي ولو كان شوي ..
فراس : كيف اصدق كلامك وانا معاملتي لك بهالشكل !
غادة : اذا ماتحملتك باسوأ حالاتك معناها ما استاهلك بافضل حالاتك .. مو ؟
فراس توتر منها فعلا ... ثقتها صارت تربك زعزعته ناحيتها ... طلع عرق بجبينه من توتره وهو يتذكر كلام لؤي ( عموما تبي تتأكد سو خطوة قدام وراح تفهم انك تحبها )
غادة بينا كان شاد على عضدها رفعت يدها الثانية للعرق بجبينه وهي تمسح عليه : راح اسكت عموما اللحين ارتاح تقدر تتركني ..
فراس شد على قبضته ونطق بين اسنانه بحده : راح احفر الارض تحتك وادفنك لو سألتيني عن شي !
غادة عقدت حواجبها : شنو ؟!
فراس شد عضدها حتى قربت منه وبيده الثانيه شد خصرها حتى لزقت فيه .. غادة وهي تنتبه لوجهها مدفون بكتفه فتحت عيونها بصدمه وقلبــها يدق بعنف وهي تحاول تستوعب انه ............... ضامها ؟!!!!!

باارت جدا جميل وفراس اخيرا بدت تنحل اعقده وطاح في الغرام ولاحد سمى عليه

ابتسام يحقلها تخاف من مسؤلية الحمل خاصه انها جايبه توأم بس حتى مع الخوف من المسؤليه لازم يكون فيه رضا بالي يكتبه الله لنا في رائيي الحمل هبه من الله لاتقبل الاالفرح

هيثم كان المفروض من البدايه يواجه قلقه ومخاوفه من البدايه الجديده عليه وعلى زوجته من

اول ليله بدل مايحرج البنت ويحطها في مواجهه محرجه

واخيرااا فراس قرر يسمع كلام لؤي ومنتظره ععلى نارر رد الفعل بعد الضمة هههههه بس ضحكني لما يقلها احفر الارض تحتك لو سألتيني .
ابتسام ومعناة الحمل يعني من حقها هل الخوف وخصوصا انو توأمها لسى صغار واطفال رضع ومسؤلينهم كبيره الله يكون بالعون .
اسوم وهيثم حلوين وحلو لما يتكلموا ويفهوا بعض احسن مما يسكتوا ويزيد الوضع سوء
شكرا ليكي حبي متمملة ومنتظرينك للفصول القادمة

غادة بقت جريئة جدا ومش خايفة من فراس و ضاغطة عليه والضغط يولد الانفجار
يعني هه ، لؤي ، شوية تمسك امام الكئيبة سارة، نتمنى قلب ابوه يلين لموضوع بنته
لا تعليق على الكبة هيثم ( تعبير مصري معناه البلوة)
لا وليه نفس لنبرة مغرية
ابتسام، اي نعم معذورة لكن مش لدرجة انه كل ما نايف يجي يخفف عنها أو يساعدها تقل أدبها عليه بالطريقة دي، اتعاملي كامرأة شوية يا شيخة واحمدي ربنا على نايف وعياله العسل
المرة دي ميهاف صعبت علي جدا، خصوصا اني احترمت وجهة نظرها انها عايزة تقف معاه في أزمته، لكن هنقول ايه على اخو فراس