في يوم الثلاثاء في شركه محمد بن عبدالله واولاده...
كل واحد مشغول بمكتبه..اليوم ضغط العمل غير طبيعي
شحنات واصله للميناا بااسم الشركه ولحسابها..
فهد..جالس يجهز نفسه للسفر لدبي....جالس يجمع الاوراق والاختام اللازمه..
ابو خالد وابو زياد وزياد وخالد وابو ايمن مساعد ابو خالد الخاص
مجتمعين في مكتب ابو خالد..
ابوخالد..يبو ايمن الاوراق نااقصه..دور في الملف اللي خذه فهد قبل شوي
ابو ايمن..صدقني يبو خالد ماهي موجوده
ابو زياد يرفع التلفزيون ويدق على فهد...(فهد..وينك؟؟طيب طيب..الاوراق اللي معااك كلهم تجييهم

....انت بس تجي وتفهم....ننتظرك..)
خالد...من التعب حاس أن عروق راسه كلها واقفه...الورقه مسئوليته...يعني خرجت من تحت يده
كيف غفل عن اخر لحظه شافها..
زياد...خالد تذكر يمكن حطيتها في مكان
خالد بتوتر..مستحيل....اصلا ما اتذكر انها مررت علي
ابو خالد يصيح ويعصب على خالد..(يعني اشلوون ..طارت مثلا..والا استهتااارك ياسيد خالد..)
ابو زياد...يارجال تعوذ من الشيطان ...حتى لو مالقيناها فيه بديل
زياد..عادي انا اروح بنفسي بس خلونا نهداااأ شوي...
اهم شي ملف الوكالات للبضااعه..ابو زياد يوجه كلامه لبو ايمن..ابو ايمن لو سوينا احصائيه جديده كم يبي لنا وقت؟؟؟
والله يابو زياد اقل شي عشره ايام...
ابوخالد بعصبيه...لا اله الا بالله..
فهد يدخل عليهم وهو يتكلم..خير وش اللي صار
ابو خالد ....يأشر لخالد وهو يقول ....تفضل اشرح له..؟؟
فهد وهو يطالع خالد...ايش صاير خالد..??
خالد والدنياا قافله معه..شغل الشهر كله راح...واورااق ال......انفقد
فهد بصدمه وشلون...؟؟؟هذي فيها مشوار للميناء ..ولازم يكون الموظف المسئول
وطالع خالد...قووم قووم معي...خالد بحيره....وين ؟؟
زياد..على وين....؟؟فهد..وانت بعد قووم...المكتب فيه ملفات جديده ...تشوفها..
ابو زياد...ماله داعي تضيعون وقت...زهبوا نفوسكم تسافرون مع فهد...وانت يازياد معهم
ابو خالد هناا انصدم وطالع..( يبوزياد......)خالد.(.مالها الا كذا..ومره ثانيه فكوني من حسابات دقيقه زي كذا...لا هو تخصصي وي الله ي الله خلص)
ابوخالد بعصبيه ويكلم خالد.. ..(.وشلون تسافر ياشيخ ووراك ملكه بعد بكره...؟؟
خالد...(طيب دور لي حل....وانا جاهز...بس ماتقعدون تلوموني وتحطمون فيني)
فهد...(الملكه تتاجل بس الحلال لو نتاخر عليه ماراح يكون الوضع طيب ...).
خالد كأنه احد صب على راسه مويه بارده..مايدري ليش..ايش الشعور اللي جاه وقتها..
زياد...(وانا بعد من راي فهد....لانه حتى لو رحت انا مكان خالد ماااينفع..لازم وجوده)
ابو زياد...توكلنا على الله..
فهد...ابو ايمن ولا عليك امر...تولى امر الحجز....
ابو زياد....ابو ايمن. ....الساعه ثمان وهم في المينا في استقبال الشحنات..يعني على اول طياره
ابو ايمن...ان شاء الله ولا يهمكم...ارخصوا لي انا..
فهد يطالع خالد وزياد....تحركوا تجهزوا ماافيه وقت اصلااا...
خالد...اللي بنفسه (والله لو اني بنت مايسوون فيها كذا...يخطبون ويحددون ملكه ويلغون ملكه....ونفذ ياخالد.....) خالد اللي قلب وجهه اسود...من ضغط ابوه عليه وتعصيبته عليه طول الوقت..حمله مسئولية كل شي
من تاجيل ملكه اصلا مايبهاا تتم.بس يوم تأجلت ومن غير اي راي له هذاشي ثاني بعد...
زياد اللي التزم الصمت...خرج يجهز نفسه ويكلم امه تجهز له شنطة سفر صغيره وابيمرها خلا ل ساعه..ابو زياد استاذن منهم وراح مكتبه يستقبل عميل الشركه..
خالد....اللي وده يسافر مايرجع لهم من الضغط اللي جاه من الصباح بعد كرف الشغل وتعبه..
بقي في المكتب خالد..وابوه
خالد رمي نفسه على الكرسي وابعد غترته وعقاله عن جبهته شوي..وهو يتنهد
ابو خالد بضيق وعصبيه...ارتاح ...وهذي الملكه وتاجلت..
خالد...يبو خالد الله يخليك لي..تنحل ..الله يسلم لي عمرك.....وكمل بنبره هادئه
يابوي شغل ماهو من تخصصي طبيعي راح يكون لي غلطات...تحملوني عاد...مو اعتبر وقت تدريب..!!!؟؟
ابو خالد يمسك دقنه بيده وهو يردد(استغفر الله الذي لا اله الا هو الحي القيوم)قووم الله يرضى عليك مر أمك وخواتك وخذ شنطتك....وببلغهم وامري لله عن موضوع الملكه
وراح تكون الملكه والزواج بنفس اليوم فااهم..يعني اول ماترجعون...وقولي لا وقتها....القى قنبلته ابو خالد...
خالد بلع العافيه..لف وجهه من القهر.....نتفااهم ..نتفااهم يالغالي لا تقول شي الحين تكفى يبه
خليني اركز في مشواري...ومايسير خاطرك الا طيب...
حس لو قاال شي ابوه بيولع فيه ويرميه مع الدريشه
يتحلطم خالد ومن بين ظروسه بصووت ماينسمع(....يكون احسن بعد....على الاقل افتك من الرسميات اللي مالها داعي)..
ابو خالد بعصبيه...نعم!!!؟؟؟
خالد...ماقلنا شي...تم تم خلاص اللي تشوفه..بس خلينا نطلع اول من المصيبه اللي احنا فيها..
بعد ساعتين تودعوا منهم خالد وفهد وزياد وتوكلوا على الله متوجهين لدبي...

روووعه اريد تنزيلها ارجو مساعده

روووعه اريد تنزيلها ارجو مساعده