كاتب الموضوع :
برد المشاعر
المنتدى :
القصص المكتمله من وحي قلم الاعضاء
اقتباس :-
المشاركة الأصلية كتبت بواسطة قمر حارتنا  |
ميشو ياعسل
سجلي عندك وحده من الغارقات في هوى رواياتك ظهرت ع السطح
الله يسعدك يارب وييسر امرك ويحفظك زي ما تسعدينا
طبعا جمال رواياتك وعوالمها فوق الوصف .. ما يوفيها حقها اي كلام ..
بعلق بس ع نقطة وحده في الرواية
سهاد وعلاقتها بإياس اللي ملت الدنيا وأشغلت الناس
وطبعا كل فصل نطلع بتحليل شكل مره زوجته ومره مقلب.
انا اخيرا اتوقع انو مقلب من اياس .. وعايلته كلها على علم عدا ترجمان وعمها ...
الأدلة
انتقالهم للمزرعة اتوقع أعطاه فرصة يعزل ترجمان عن عمها والناس ويستفرد فيها وما يطلع خبر زي كذا برا العيله او تعرف من الناس العلاقة الحقيقة لسهاد بعائلة عمتها.
التعديلات اللي كان يسويها بجناحه اتوقع عشان يفصله لغرفتين ..
ردة فعل سدين المبالغ فيها وثورتها ذاك اليوم وزعلها على ترجمان دليل انها تعرف انو اللي يصير فيلم وبايخ وخوف أمها في الفصل الأخير انو تسمعهم وتسوي مناحة برضو دليل انو سدين تعرف ومو راضية ع اللي يصير وبدت تفقد صبرها بحكم ان علاقتها الاقوى في العايلة بترجمان.
واعتقد بعد غياب سهاد عن البيت لما زارتهم سلسبيل وأهل زوجها لنفس السبب عشان ما تتقدم سهاد للعيلة ع أساس انها زوجته ورجعت بعد مغادرتهم مباشرة.
اخيرا ضحكة اياس وسهاد نفس الليلة في الحوش قدام ترجمان >> قتلتني قبل ترجمان
يعني واضح انو هما مخبين شي
السيناريو القادم اعتقد حيكون زيارة العم لهم للمزرعة بتكشف لترجمان شخصية سهاد الحقيقة .. تعرف ترجمان بانو الجميع كان يخدعها حتى اقرب الناس لها سدين ..
وهذا يفسر دموعها وغضب العم في المقتطفات
اخيرا هو توقع بس لو كان هالشي حقيقي انامستحيل اسامحهم ع الشي اللي سووه مو ترجمان.
صعب انو تأمنين لشخص وتعاملينه بطيب نية وتراعين مشاعره في تصرفاتك وفجأة تكتشفين انو كان يستغفلك ويستهتر بمشاعرك.
بجد بموت قهر لو كان مقلب .. افضل يكون زواج حقيقي ولا تنصدم بالعيلة اللي احترمتها ورضيت بالوضع وداست ع كرامتها ومشاعرها عشانهم.
وحابه ارسل سلام خاص للحبوبة لي لي اللي دايما تبرد حرتي في أيأس بعد كل بارت هههههه الله يسعدك يا سكره انتي.
وبس سلامتكم بانتظار فصل الليلة باذن الله.
|
سجلت عندي أحلى قمورة واتشرفت روايتي بطلتك الحلوة وكلماتك وتحليلاتك وتوقعاتك
مشاء الله عليك كل هذا تركيز مع الأحداث ؟ والله فرحت إن الرواية لها هالمكانة عندك وأحداثها مخزنة بذاكرتك
تحليلاتك فيها نقاط دقيقة جدا وحتى لو كان زواج إياس حقيقي بتكون ملاحظاتك ثغر فلتت مني المفروض ما غلطت فيها فما بالك لو كان فيلم منهم وماهو حقيقة
أكيد أي حد مكان ترجمان لو يكتشف إنهم ضحكوا عليه صعب يسامحهم فخلينا نشوف الأحداث ومدى صدق وكذب زواجه
سدين علاقتها بترجمان قوية جدا حتى لو كان زواج حقيقي ما بترضى بيه وعلى قولتك كيف لو تمثلية
ههههه معاك حق قمورة ليلي تبرد على القلب لما تحط حد في راسها ، دمها عسل ربي يحفظها ويسعدها
شكرا يا قمر روايتنا وآسفة حبيبتي على تأخر الرد لأنه نسيان وظروف سببه وماهو إهمال مني لأنه يستحق الرد عليه
|
27-02-16, 07:42 AM
جديد مواضيع قسم القصص المكتمله من وحي قلم الاعضاء
العرض العادي
