روحي ياشيخه الله يوفقك دنيا وآخره.
اليوم راح افضفض كثير تحمليني .نجي للجد اللي يبدو انه كان طبيعي لحد ماتعرف على ناس وكتاب منحرفين الافكار واصبح واحد منهم بس انا اسال ليه ياجبوري مارميته في السجن بعد مااكتشفت انه مجرم وممكن يأذي البلد وخليته يهرب ومن هناك بدا يخرب.
نجي للسيد رفعت اللي كرس حياته لخدمة البلد ولكنه عجز يحمي اليتيمه وياخذ حقها وبدل مايعوضها عن السنين اللي فقدتها في رعايته رماها للغبي اللي ماعرف قيمتها لا واللي قهرني انه مايبغى يسمع عن اخبارها بس يسأل عن الست رغد اللي حولها الام والاخ والاخوات والحبيب واخو الزوج اللي يدور على مصلحتها .
نجي للبيضه المسلوقه طبعا لانه اصبح مسؤول عن امه واخواته واكيد الكل كانوا يتمسخرون عليه وانه صغير ومابيقدر على المسئوليه افنى عمره يحارب عشان يثبت للجميع انه قدها وقدود ولمن جات ترجمان كان يحب تكون تحت جناحه الضعيفه المنكسره اللي يحميها وتنضم للقافله ولكن طلع العكس .وبعدين الرجال شكله كان يبغى النص عربيه من قبل مايعرف عن ترجمان لانها نوعه المفضل يعني الحريم الماسخات اللي تولول من لسعة الناموسه وع عليه وعلى ذوقه.
ترجمان برضه اضعفها الحب يابنت وش تحبين في واحد.معفن خاين للعهد واحد اتفق معاك على شي وطلع وجهه الحقيقي بسرعه مالت عليه ارجعي ترجمان القويه وربيه من اول وجديد .وانا أخمن ان عمها راح يتحرك وياخذها من اللي فهمته من المقتطفات القادمه لمن تبكي قدامه وهذا بيخلي البيضه يحفى لحد مايرجعها.
سدين قدعه يابت ايوه خليك في صف صاحبتك وترى اللي جاها بيجيك من صاحب اخوك المتخلف الثاني .
اسر الحقير جيت انت ولدنايا يالظالم على المسكينه ونصبت نفسك القاضي والحاكم والسجان وكانها لمن طالبت تعيش زي الخلق اجرمت حتى بعد مااشتكت لك وعرفت كيف عاشت الحرمان استمريت في ظلمك والحين جاي تدور الصدر الحنون عساك البلا في شكلك ياغبي.

اواس روح لجابر حلمي البيت حقه ومايردك لازم تنقذ البلد من المجرم واعوانه بس ابغى اعرف ليه مخلي وجد تسرح وتمرح وبعدين كيف فاتك وانت ضابط شرطه تحط كاميرات مراقبه وكيف تتعشم من واحده باعت شرفها انها بتتعدل وبعدين هي مالها اهل شكله بس لها ام يعني ماكان في رجل في حياتها والمرأه لمن تنحرم من رجل يحن عليها ويحتويها تبحث عن هذا الرجل وانت جيت بكل قسوة تستخدمها لتفريغ شهوتك فقط وانا مااعطيها مبرر انها تبيع شرفها ودينها لكن برضه انت غلطان والمفروض انك ماتكون أناني والحين لسه ماسك فيها على أساس تتغير روووح ياشيخ.

خالد انت الرجل الوحيد في الروايه اللي اثبت رجولتك ياليت يابرد الشريره تزوجه ترجمانب وتخلين النحيس وجيبي لنا بطل ثاني حنون زيه عشان نزوجه سراب .

البارت اليوم ابي رد سريع