كاتب الموضوع :
برد المشاعر
المنتدى :
القصص المكتمله من وحي قلم الاعضاء
اقتباس :-
المشاركة الأصلية كتبت بواسطة Taleen Syrians  |
أناااااا رجعت و ان شاء الله حاضرة لنهاية الرواية خبرتني العصفورة في بارتين كنت ناوية اكتب الرد بعد ما اقرأن بس ئلبي ما طاوعني لان الي قرأتن كانو حماس و بيستحقو الواحد يكتب و يتوقع هلأ انو ما كتير متذكرة الأحداث بس شو بيطلع معي وشو علق بذاكرتي رح حطو
بداية مع أواس بدك زلغوطة طويلة انو و اخيرا عملت هدنة اي من الأول يا أخي بس الله يستر من الجاي لان بعد هالحركة في قصف لجبهة درر و كالعادة تصرفاتك مانا محسوبة و بعكس التيار ما بعرف كيف وافئ ع زيارة ترجمان و سراب بس شكلك مركزة حتى ما يشكو بشي و لانك اكتشفت شوي من شخصية درر مستحيل تحكي للبنات عن شي و هاد الشي يلي طمنك اكتر شو صار مع جدا و شو عم يخطط و عندي احساس انو وجد بتتواصل مع جدا لدرر وهاد ببرر تعذيب اواس الها
درر شخصيتك عم تتغير تبعا لتقلبات اواس ايام هادية و مطيعة و كلشي بئولو حاضر و ايام متل الذئب بس بدك تنهشي بالحقيقة و الحقيقة قريبة كتير منك اذا حاولتي تكتشفيا هي حروف مخربطة و بدا مين يرتبا و يشكل الكلمة الصحيحة مهمتك صعبة و من بداية الرواية كان الك الدور الاصعب و كنت و لازلت فهمانة و صابرة و بتحلي الامور بروية بتمنى تمي عم تحاولي باكتشاف الماضي و ما تيأسي و لا تخلي أواس عقبة بطريقك و لا قصة زواجك منو و اذا بدو منك ولاد او لأ حتى تعرفي كل هالاجابات الي عم تتعب نفسيتك لازم تعرفي الماضي بس انتبهي للأحداث شوي و خاصة بفترة هدنتك مع أواس خليا لصالحك رغم حاسة انو جدك رح يخربا كالعادة و رح توقعي بالوادي (مجرد إحساس و ان شاء الله يخيب )
ترجمانة شو ئصتك مع بياض إياس ( لتكوني غيرانة لان حلو ) ئال بيضة مسلوئة لازم تتحركي شوي و حاجتك تنبلة بعدين بمل إياس و ما بئى يشيلك من ارضك و بياكلك الندم تحركي تجاوبي معو بينيلو كيد النسا ورجيه انو جنانك و حركاتك الي كان يحبا هيي السبب الي رح يصير يعشئك عشانو ههههه و خفي شوي بعصبيتك خوفتي الشباب يمكن اياس بخاف يقرب منك لتضربي بوكس توصلي ع المريخ .. حلو تكوني قوية و الك كلمتك بنفس الوقت صار عنا شوق لنشوف المخفي من شخصيتك ترجمان الحنونة و الرومانس و ان شاء الله يطلع بإيد إياس يورجينا هالجانب حتى لو بعد حين
إياس عنجد انك ظريف و بيكفي محاولاتك لتتقرب من ترجمان صح هيه لعبة لعبتا سديم بس انت من قبل حكيت لآسر انو بدك تغيرا و كنت مصر واحد منكن ليتغير و مستبعد الطلاق و اجت لعبة سديم كحل لمشكلتك معا رغم في تباشير انك بلشت تعجب فيا او انك اتعودت ع وجودا يمكن حتى تكسب ترجمان تفهما منيح تفهم سبب استرجالا و سبب تطور شخصيتا لهالاتجاه انو كانت الدرع الحامي للي بتحبون و لهلأ عم تحس بالمسؤولية تجاهون فما فيك تعايرا بشي هيه معتبرتو أساس حياتا و سبب وجودا هههههه عجبني استغلالك للحب المنوم الي اخدتو ترجمان هههه اكيد ما دخلت فيا تبعا لمبادئك بس لعبت فيا و اعلنت الحرب النفسية و انك رجعت عملت نفس الشي فهاد بيعني انك بتعرفا مو نايمة و كاشفة العابا كلن و فيني الك اكتسبت نئطة و لاول مرة واحد منكن بفوز و من دون التعادل في تحسن بعلاقتكن و إلى الأمام
انو جد ئصة النوم مكان بعض للصراحة اول مرة بعرف هالشي
سراب يعلي علييا ئطعتلي ئلبي اد ما بكت و ساحت و ناحت بس اتوقعت بعد كل هالدموع يختفي صوتا و يحس آسر بتأنيب الضمير يمكن سبب بكاء سراب عدم فهم آسر لالها و انها ما عم تقدر توضحلو فهالشي عم يخلي نفسيتا تعبانة و مضطربة و عم تفرغ هالشي بالبكاء و الي زاد الطين بلة اكتشافا لحقيقة آسر ووين عم يروح بالمال فحست انو مستحيل يفهم آسر مشاعرا و انو اذا حنت عليه رح يعتبرو شفقة و اذا كملت نقها و سقها رح تكون جشعة اختارت اسلم طريقة السكوت و البكاء حتى تخفف من نيران ئلبها
آسر آخخخخ منك شو راسك صعب لك و الله كتير سهل تفهم
سراب شخصيتا واضحة و ما بدا هالتعقيد و انت فهمتا بس عم تنكر و ما بدك تصدق قلبك ما بدك تحبا و لا تعجب فيا و عم تخط طمعا و جشعا حجة و لمن اتصرفت عكس ما توقعت ما عجبك لان حطيت ببالك صورة و ما عم تقدر تشوف النقيض لهالصورة لو تفهما شوي لو تحاول تحاكيا تتناقش معا تصارح نفسك أبل ما تصارحا رح تعيش بسلام بس فكر شوي و خود الئصص بمنطقية
طبعا بسام و ئصة تدخل خالد حتى يخطبا بسام و توافق عليه رغد ما فهمتا انو ليش ليخطبا خالد بعدين بسام ولو خطبا بسام من دون هاللف و الدوران كان إياس وافق دغري و رغد ما رح تقول لأ لإياس بعد كلشي صار فيها و بعدين اذا تقدملا يا ترى و وافقت رح تكون بصراع جديد مع إما و رح تأثبت كلام إما يلي سببلا هالصدمة النفسية يعني هالمتاهة يلي دخلت حالك فيا يا بسام صعب تنحل و برابو ع خالد لان ما وافقك هالمرة
كالعادة ميشو ابداع ورا ابداع لك مني أجمل التحيات و رح اعتبر فصل اليوم اهداء لعودتي لأسرة حصون من جليد
|
يا هلا برجوعك لينا توتو ويارب تكون آخر الغيبات
أواس وفترة هدنة بيكون ليها امتداد بيعجبكم لكن يبقى مفتاحها بيد درر يعني ممكن تعكر هالصفو بأبسط شي
درر صعب تتغاضى عن لغز أواس وماضيهم خاصة إنها موقنة إنه مفتاح كل شي يصير في الوقت الحاظر وإحساسك مستحيل يخيب لأن الجد عقبة لازم يتخطوها
ترجمان حال الكثيرات يكرهوا البياض للرجال خاصة مع شخصيتها وإنه ترجمان تقتنع بالشخصية الي يحبها إياس أو إن إياس يحب في ترجمان مشاكستها فهون المعضلة تالين مين بيكسر راس وراي الثاني وطبعا مع تطور الأحداث الأيام الماضية أكيد هالنظرة لإياس تغيرت
آسر وسراب شاكوا حولهم خيوط معقدة سراب نسجت من سخريتها منه ومن حالته سور منيع وآسر لف حول نفسه شرنقة الشك ويوم حاول واحد منهم يزيل هالحاجز لقى حاجز الثاني في وجهه وأصعب شي يواجهه الإنسان إنه يحاول يفهم الطرف الآخر شي عكس الي كان يشوفه بعينه
بسام متأكد انه لو خطب رغد بترفض عشان بنتها وعشان رفضها السابق ليه فجرب أسلوب الضغط عليها يعني يحاصرها وما يترك لها إلا منفذ واحد هوا الزواج منه وكانت خطته ممكن تنجح لولا موت مصطفى
شكرا تالين حبيبتي ربي ما يحرمنا طلتك الحلوة
|
02-02-16, 02:20 PM
جديد مواضيع قسم القصص المكتمله من وحي قلم الاعضاء
العرض العادي
