أواس.. الفصل ذا هاجدة سكونه.. بس قلبي يقولي انو الفصل
الجاي رح اندم لو وصفت أواس الحين بكلمة حلوة.. عشان كذا
مارح اقول عنه شيء.. لا اسبه ولا ادافع عنه.. بخليه بحاله.. بس
للعلم قلبي يقولي كمان اني رح اشن عليه هجوم قريب..

درر.. تقولين لا تتركني..! صدق البس ما يحب الا خناقه.. لو انا
منك بسوي نفسي نايمة لين ينام و اقوم عليه اخنقه..

بس ليش درر تلبس الساعة عشان تغطي يدها وهي في النهاية
رح تنام مارح تطلع من الغرفة..

عمة أواس.. بالله يا ميشو شوفي لك معها حل.. تجيني حموضة
منها..

،

آسر.. جعلك مغص يقطع مصارينك وما يفكك 10 أيام..
حشى ماهو آدمي ذا.. يقولها بنت شارع..! و المشكلة
انها بنت خالته.. يعني اذا سبها بترجع عليه.. الله لا يبلينا
بس.. كل فصل يصير أردى من الفصل اللي قبله.. ياخي من
زينك.. لالا جد من زينك.. أول شيء افهم نفسك بعدها فك
اخلاقك الزفته على سراب..

معليش بس سراب ليش تحضنيه..؟ عشان ما يطيح من عينك..!
يا عيني عطاك كف عطيه اثنين.. مين هو عشان يتجبر كذا..!
قسم اني شوي و أشد شعري منه.. و خلوني اسمع حد يدافع
عنه-> اناظر هموس بشر

يقول انها ما تاكل عشان يأنبه ضميره عليها.. ليه انت
شايف نفسك محور الكون يعني..! بغض النظر عن ضميرك
اللي يا حرام تعبته سراب ما فكرت انو دامك تقول عنها جشعة
انها مارح تمنع نفسها عن الأكل.. لأنو جشعة بكل شيء و الأكل
من ضمنها.. يا حرام انت و ضميرك الزفت.. جعلك السلال اللي
يشق بطنك شق..

بس ترا سراب منرفزتني.. خييييير تبكين.. واذا يعني عرفتي حقيقة
وين يصرف راتبه.. وش دخلك فيه..! خلاص لا عاد تنادينه وجه
الفقر وبس.. أما انك تبكين عشانه لييش..

ميشو.. ابي استعير منك سراب شوي.. بخليها تصطلب بأرضها
بكم كف و قرصة اذن..

،

إياس.. صراحة قد هو أصرف واحد بين المعتوهين الثلاثه..

أما ترجمان يختي ما يسوى عليك تعصبين عشان كلب زي آسر..
بدال ما تعصبين أدبي صديقتك شوي.. بدال ماقد هي قاعدة تقول
حكم عالفاضي وما شفنا نتيجة زينة لحكمها..

،

سؤال يا ميشو.. من زمان ابي اسألك.. بالله من وين جبتي شلة
المعتوهين.. من وين استوحيتيهم..؟ كان قدامك نموذج عالواقع
والا كله من خيالك..! لأنو معتوهين لدرجة الغباء..

..

اهلين بالحلوين .. تطورات اوس والله ماندري وش تخبى ؟ اسر على ايش نافش ريشك ارحم البنوتة من تفكيرك العقيم واعترف بالي بالقلب لا تحاول تتغضى كل يوم راح يزيد عن الثاني .. اياس ينرحم ضايع مع ترجمان ,,, ابدعتي,,,

سلام عليكم مساء الهناءعلى الجميع وفي المقدمه حبيبتنا ميشوو بنسوي حفلهاواس بطلنا بدو يرضي درروماهو عارف ان شاءلله اخر الاحزان تفهمه درر وبتنحل امورهم بعدموت الجد قريب باذن الله اياس صاير مودب في هاذا الفصل وساير ترجمان ومارد عليها على الاقل فهم شخصيتها بدايه موفقه باذن الله نجي للي قاهرني حسبي الله وكفى اسر جعلك الساحق والماحق مايرحم سراب مسكينه شكلها حبت الي مايتسمىويظن فيها ان شاءالله تحبها حب ماعاد تقدر تنام ولا تعطيك سراب وجه عطاك الله ميشوو حتى ارضاك