ووووبس تلت فصول قرأتون سوا كانو حريق وولع و شكلو رح يهب أكتر بالأيام الجاية بس نهايتو الا ما يخمد ..

درر & أواس
هدون التنين مشاعري دوم ناحيتون يا إما شفقة يا إما قهر ع درر أو كره ﻷواس برجع بحطلو اعذار بسبب التراكمات النفسية بالماضي أحيانا بحسو مريض بالفصام الشخصي و انو فعلا متل ما ئالت وجد مريض نفسي و عندو برود مشان هيك ما ئرب على درر بس بزواجو اثبت انو مانو مريض هو انسان مجروح من ماضيه و للآسف الماضي الي عم يتحكم بحياتو ولو فينا ننسى الماضي و كل لحظة حزن او دمعة شو عشنا حياة الفرح و السعادة تصرفاته ما عم افهما بحب درر و بعذبا عذاب نفسي أول شي بكلام مبهم و رؤوس أقلام من ماضي ما بتتذكر منو شي و هﻷ بمرحلة العذاب الجسدي بحجة يورجيا شو كان يعمل فيو جدا طيب يا ابن آدم اشرحلا امسك ايدا و خبرا الي جارح ئلبك لك احكيلا انو بدك تنتقم ورجيا هيي شو و شو رح يكون مصيرا اعربلا موقعا ببيتك و بئلبك انو كون بمكان مجهول و عم اتعذب فيه بحس حالي انسانة بلا روح ضايعة و تايهة واكيد درر هيك ما بتعرف شو بدك منا و كل شي بتعرفو رؤوس أقلام انتقام .. جدا .. ماضي .. ضرب .. دم حتى هدون ما بيتكون منون جملة واضحة المعنى تحليل شخصيتك صعبة و معقدة حنون بس عندك حقد بتحب بس عم تعذب الي بتحبون صامت بس براسك خلية نحل بدا تطلع لتصنع العسل و ع انتظار تطلع لتبئى ترتاح و تريحنا ... درر فاجأتيني و كتييير و كل ما عم تأثبتي انو اتت فعلا قوية و صابرة انو تفرضي حالك ع أواس قمة الجرأة انو تتحدي حتى تحطي النقط ع الحروف و رغم بتعرفي شو النهاية اذا عاندتي قمة الشجاعة عم بزعل عليكي و أحيانا بنقهر منك و برجع بئول لو كانت شخصيتك متل ترجمان كنت جثة من اول يوم أخلاقك و صبرك لازم يشفعولك عند أواس بس للآسف الحقد عامي ع عيونو الله يفتحلو ياهن و يفتح ع بصيرتو ليعرف انك جوهرة و رح يخسرا و ساعتا شو رح ياكلو الندم بدك تستخدمي فطنتك و نباهتك حتى تركبي الاحداث و تعرفي الحئيئة لان هاد بعلك حجر وما رح يحكي شي فمشوارك بلش من هالمكان مكان عذابو لازم تفتحي عيونك و ادنيكي و تربطي كلشي لتوصلي لماضيه و تعرفي كيف تتعاملي معو ما فيني ئلك غير الله يصبرك و انو كرهتو لبعلك بهالبارت ( فيس حاقد على اواس و بيتمنى يخنقو ) ..

سراب & آسر

كتير صعب تاخد فكرة عن حدا ة الأيام تثبتلك العكس ساعتا رح تتدايئ من حالك بس رغم هيك ما رح تعترف بخطأك آسر عم يخطأ بحق سراب كتير بضل عم يتمسخر عليها و ما عندو غير فكرة وحدة عنها هي الجشع طيب ليكا عاشت معك ع المرة قبل الحلوة لسانا ما بئى سليط عم تضبطو و كتير عم تركز من حالا لتشيل هالفكرة من راسك ما عم تاخدا ع بيت الناس الي ربوك خوفك تعايبون بفقرون و نسيت انا عاشت حياة اصعب منون فما حدا رح يفهمون ئدا ليش لتحط احتمالات ابل ما تشوف ليش لتظملا أبل ما تسمعا انت عشت طفولتك حتى لو تعذبت بعدين بس هيي ﻷ عاشت و طول عمرا بتحلم يكون عندا متل ما عند غيرا حتى الناس الي ربتك حاولت بكل جهدك ما تأصر عليون أخواتك عم تجبلون كلشي و تخانق امهون اذا ما بقولولك شو بدن و بتقلا ما بدي ياهن يشتهو من الجيران طيب سراب حكتلك كانت تشتهي من رفقاتا ليش ما تحنن قلبك و تعيشو بسلام ليش هالفكرة ما عم تشيلا من راسك سراب و انا قررت تروح معك لتتعرف ع أهلك رح بتكون نقطة تحول عظيمة رح تشوف اديش ظلمت هالانسانة و رح تشوف سراب شخصيتك عن قرب رح تتعرف ع حنيتك و وفائك لعيلة ربتك و لا استبعد تغار من اخواتك و كيف بتعاملون و الا كيف بتعاملا و الله يستر من الجاية ...

ترجمان & إياس

خطة سدين قمة الدهاء رح تئربكون من بعض و كتيير رح تشكل تحديات كبيرة ببنكون رح تعيشو حياة عصافير الحب ع أساس انكن بتحدي و كل مين عندو هدف يحطم غرور التاني بس للآسف رح تتحطم تنيناتكون بالحب الحلال الي بيزرعو رب العالمين بين الزوجين و كأنون خلقو لبعض من ولادتون رح تتعذبو و رح تفرخو رح تعيشو كل المشاعر تحت راية التحدي و لعبة لعبتا سدين بظنا رح تنجح بس مين الي رح ينكسر غروروا أبل و يعترف للتاني هي الي مو معروفة و دائما المباراة بينكون متعادلة واحد بينكون بسجل هدف و ع آخر ثانية من المباراة بكون التاني سجل هدف و التعادل يستمر و ايمتى بئى بدنا نشوف واحد منكون رفع راية الاستسلام او راية الربح ...

سدين & أمين

هروبك منا سبب غير منطقي و مو يعني اذا البنت مرحة و مشاكسة يعني ما منيحة و شخصية متلك هادية و وازنة بدا حدا يعمل اكشن و اثارة و غموض حتى تحس بمعنى الحياة و هاد الشي لا رغد و لا سلسبيل رح يعيشوك ياه سدين الي كل ما رح تتئرب منا رح تعرف اديش كنت غلطان بهروبك و خاصة انا ذكية و راس مدبر و رح تفتلك راسك و تخليك تهلوس باسما بس يا خوفي تستمر بلعبة الهروب و ما تخلي مجال لسدين تعرفك بشخصيتا ...

وينو جابر ما بئى الو حس ( فيس يبكي بغزارة ) بدي جاااااابر طول الغيبة و الله
البيت و رسالة الماجستير أخدت كل وئتي و ان شاء الله يصحلي وئت يوم الجمعة ﻷقرأ البارت و علق و ما اتغيب كتير عن الرواية ..

اللهم صل على سيدنا محمد وعلى آله وصحبه وسلم تسليما كثيرا .. اللهم لا تدع لنا ذنبا إلا غفرته و لا هما إلا فرجته و لا كربا إلا نفسته ولا دينا إلا قضيته ولا مريضا إلا شفيته و لا مبتلا إلا عافيته ولا عيبا إلا سترته ولا رزقا إلا بسطته ولا خوفا إلا آمنته و لا سوءا إلا صرفته ولا شقيا إلا أسعدته و لا غائبا إلا أعدته و لا ضالا إلا هديته و لا ميتا إلا رحمته ولا ظالما إلا قصمته ولا حاجة من حوائج الدنيا هي لك رضا و لنا فيها صلاح إلا قضيتها ويسرتها يا أرحم الراحمين اعوذ بالله من هموم عابره واستغفرك ربي صمتا وفرحا وحزنا وعافيه
♬‏ أسعد الله مساؤكم♬‏