آخخخ ياقلبي وش هالقفله اللي تعور القلب ، حرام عليك ميشو ليش توترينا كذا .. اللحين مصير درر بيد وجد .. ووجد مابتقصر هي قابت بتنتقم من اواس فيها .. يعني اكيد مابتبرئها من التهمه ابدا..ياخوفي عليك يادرر ضعتي بين جدك واواس وزوجته .. بيضيعونك وسط دوامتهم اللي مالها نهايه ..
اواس مثل ماقالت درر .. مره نشوف منه الوجه الحنون وعشره يكون قاسي بشكل بشع .. انا متأكده انه من يعرف بتعب درر بيندم اشد الندم ع اللي سواه .. هو من البداية اللي غلط وحبسها مع وجد .. والمسكينه شافت منظر البنت وهي تحاول تنتحر قدامها وزياده على كذا مركز الشرطه .. وبالاخير تحبس نفسها بالغرفه وانت ماتفكر فيها .. زين مايصيبها انهيار المسكينه ..
طبعا اكيد جد درر لو عرف بالموضوع مابيسكت .. اصلا يبيها من الله يلقى شي على اواس .. يالله عسى مايرجع الا وانتهت القضيه ..
آسر ماشاء الله ترجمان في بيته ويساعد اواس يطلع زوجته من الشرطه .. صديق وفي بس من بيساعده في ورطته ..
ماتوقعت آسر متأثر كذا من طمع سراب .. حرام عليه كارهها من قلب .. بس عندي احساس ان وجود ترجمان بالبيت بيوضح له كثير اشياء .. ويمكن لقائها بعايلته اللي ربته بتكسر الحاجز اللي بينهم .. لاني ما اتوقع سراب بتعاملهم تعامل سيئ .. بالعكس هي كانت عايشه قبل في فقر ومتعوده .. اتوقع لو تعرفت عليهم بتحبهم وبتكون علاقتهم قويه .. وخليك يا آسر انت وظنونك ..
ترجمان المجنونه مصممه تروح لاهل امها اللي ماتدري عنهم شي .. بس ناقصها الجواز وعشان كذا ما اتوقع انها بتقدر توصل لهم ... الا في حالة انها حاولت تهرب بدون جواز وصارت عليها قضيه ويعرف فيها اياس عشان يذبحها صدق .. طبعا بما انهم قدروا يوصلون لبسام فاكيد بيبلغ اياس ... وبيعرف الاخ اياس انه ارتكب اكبر غلط باللي سواه ... لان تصرفه مليون بالميه كان غلط ..

اخيراً وليس آخرا ، انا قاعده اشوف البارت فعلا قصير ... يعني متعودين عليك ميشو باوجاع كانت البارتات طويله مره ... ولذلك انا ارفع طلب باسمي واسم الشعب هنا .... انك تختارين حدا امرين .. البارت الطويل .. او البارت الثالث !!
انتي كريمه واحنا نستاهل ...