القفلة 🔥🔥.. جد جد فاجأتيني ميشو.. ابد ما جا على بالي انو
يكون عارف و من قبل تجي عنده.. وكان ساكت..؟ مو قلت لكم انو ورا سكوته
بلية..

و يمكن يكون ذا سبب توتره لما مسكها في الممر و جات لهم حبيبة.. غسق قالت له
انو سبب بكائها خبر عن صنوان.. وهو بعدها سأل عمته اذا في احد ضايق غسق..
بس ما اظن انو هذا كان سؤاله.. يمكن سألها عن اي شيء قالوه عن صنوان..

..


جوزاء.. مع اني دايم بصف نون النسوة بس هنا ما قدرت اكون بصفها.. بالمرة
زودتها.. تقول عن حركات غسق سوقية و ما تشوف حركاتها هي..!

نشوف وش بيكون نهاية حقدها.. هل راح تسوي شيء كبير و يعاقبها عليه مطر او
هي بتفهم من نفسها انو ماكو فايدة من الحقد..

..

عم أم تيم.. يمكن يكون هو الشخص اللي سلطان و ضرار ساعدوه.. بس مو
سلطان كان يكلم ضيغم..؟ انا احترت.. سلطان و ضرار مع ابن شاهين او ضده..؟

ساندين.. يستاهل رواح.. دقدق رجولها بالحجر..

..


جبران.. على ايش ناوي.. ما اظن انو بيدخل الحالك.. اكيد ابوه في النهاية رح
يمسكه..

..


البارت جد جد كان ممتع و طويييييييييييييل-> لدرجة نمت وانا اقراه😂😂..
و ما صحيت الا مع الأذان حتى ما امداني اتسحر-> حاقدة😂

..

المهم.. متى بياكل مطر من تفاح ليلي🤔🔫..

..

اشوفكم على خيييير.. ادري ما علقت عالفصل كامل.. بس لما بدأت اكتب
طار كل شيء من راسي.. وقعدت القطها وحدة وحدة.. وهذي النتيجة🙈🙁

..

الـسـلام عـليكـم ورحمة الله وبركاته,

يا للرووووعة ...

بصراحة تفوقتي على نفسك ميشو .. وصدقيني بدون مجاملة انه جنون المطر رح تتربع على عرش الروايات بدون ادنى شك.

كتير سعيدة الحمدلله انه ربنا يسر اموري وقدرت اتابعها معك اول بأول ..


سامحيني شحذت للتعليق سكاكيني
ولكن روعتك ألجمتني واضطريت منها اغلق دكاكيني <<< عاد لا تدققي كلها دكان واحد معشعش فيه العنكبوت من قدمه لووول

بالمختصر هربت مني الكلمات
لما عرفت انها ﻷجلك تساق..
وأخجلتي مني العبارات
ﻷنها بحقك لن تليق ..

سلمت يداك يا مبدعة
وكلي شوق للقادم


والشكر موصول الك فيتو ع جهدك معنا


تقبلوا خالص ودي


بعد نهاية النقاش او الحديث مع أحد لاتنسوا دعاء كفارة المجلس:
سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ

السلام عليكم
مرحبااااااااااا ملاين بالحامل والمحمووول والمحمووول منه والمحمووول اليه..
اعذروني لو في تعليقي ختيت شوي تراني للحين بطور الافاااقه من الاغمائه..
مشاااعر ياابنت تعااالي تعاالي احصنتس بذكر الله عن عيونا وعيون شر خلقه.. وش هالابداع والجماااااال والرووعه .. بااارت مثل الالمااااسه.. كما مجمووعتي اللي فيها مطر..هخهخهخه
والله ابدعتي ياابنت ووسعتي صدري.. بهالبارت الخووراافي .. اسأل الله بهالايااام الفضيله انه الابدااع يصب عليتس صب مثل المطر المنهمر من السماء.. وتكتبين اللي يجوووز لنا ونستانس فيه>فيس اناني.هخهخهخه
عااد اليوم مطوووري شي شي شي ابشرك ياامطوووري انت وغسق بديتوا تلعبون بالاسيااااااد..هخهخهخه
وحنا جالسين نحسب اهدافكم..>>فيس الملااااقيف.
مطوري وغسق: ادوووخ وادووخ وادوووخ بحركاتكم اليوووم .. اول شي وقبل أي شي احب اسجل حبي الكبير واعجااابي العظيم لممر الغرف .. احلى مكان ببيتكم .. احبه بسبب لقااائتكم فيه وكيف كل واحد منكم يفقد تماسكه قدام الثاني هناك.. هالممر هذا بيكون له قصص جايه تتم فيه مكائد مثل مكائد جوزا. وتتم فيه لحظات رومانسيه .. >>> فيس حاط كرسي وجالس على راس الممر..هخهخهخه
المهم أبو شاهين تعال شلون عرفت ان غسق بنت عمك؟؟؟ اتوووقع ان ابوك او على الاقل عمك صقر كان يتبع اخبار اميمه وعرف انها راحت الصنوان وعرف انها جابت بنت ووين محلها فيه؟؟ بس بعد لو كان كذا كيف جلس هالسنوات راضي انها تكون عند الصنوان؟؟؟ او انت سمعت ان ولد شراع خطب اخته بنت شراع وهنا انت استغربت من الموضوع وبحثت وتقصيت وعرفت العلوم كلها وانها مهيب بنت شراع؟؟ لان بالاول انت كنت ناوي تسلم البنت لاهلها لين عرفت انها بنت شراع تغيرت اللعبه كلها ورفضت تسليمها؟؟
وانتي غسق لو سمحتي انتبهي لمفاتيح غرفكم..ياخوفي بكره هالمفتاح يجيب لتس الوبال يوم يطيح بيد عدوو لتس؟؟ ويجلس يخبص بغرفة مطر ياياخذ منها شي او يحط فيها شي من عندتس يكون دليل على اتهام أي شي؟؟
خوفي الحقيقي من استلمتي مفتاح غرفة مطر ان جوزا تنجن وتحاول تاخذ شي من غرفته يا سلااح ياا اوراق وتورطتس فيها؟ مدري صراحه الحرمه اذا انهبلت اتوقع تنكب اهلها حتى.. بس تنتصر على عدوها .. خوفي تاخذ شي من غرفة مطر وتوصله للصنوان ويفيدهم بشي ضد مطر او الحالك. ويتهم مطر غسق.؟؟ او تعطي هالشي لجبران شخصيا.. اول مره اتمنى ان توقعاتي بهالمسأله بالذات فشنك..واصلا يمكن جوزا عندها مفتاح احتياطي مايدري عنه مطر..
ولاني ماراح اظن ظن السوء بجوزا.. وابقول ان حرصها وحبها لاخوها اكبر من بغضها وغيرتها من غسق ..يمكن اللي تدخل الغرفه وتخدم العدو هي عزيزه الشغاله المواليه لجوزا؟؟

دجى ليش كان بينحاش من الحدود؟؟ واي الحدود هذي اللي بيهرب منها؟؟ حدود الهازان والا الحالك والا الصنوان؟؟؟؟ وليش يهرب اصلااا ومن ايش؟؟؟
شراع : عز الله اللي ربيت لك بنت تبيض الوجه بفعولها.. بس عاد الحين انت كيف عرفت ان مطر عرف ان غسق بنت عمه قبل تاصل عنده؟؟ يعني من اللي قال لك هالمعلومه؟؟ والا انت بسم الله عليك خمنت هالشي؟؟
جوزا يله يله توكلي على الله انتهت مدة استبدادتس بالقصر.. بس الصدق يااجوزا ماتوقعت اني برحمتس باي لحظه.. لكن رحمتس يوم انتي تقلصت خدماتس بالقصر.. والاهم من هذا وذاك ان الصنوانيه بتوريتس الشغل..هخهخهخه
جوزااان انتي مصدقه انتي وجهتس اني رااحمتس .. ؟؟ رووحي يااشيخه الله لايسئيك روحي الحقي الدجاج مع حبيبة..هخهخهخه
على طاري الدجاج اتوووقع انه ماراح يكون اول واخر شوفه باحداث قصتنا يمكن نشوووف غسق ومطر وشاهين ولدهم يلحقوون الدجاج مع بعض..هخهخهخه
ظافر الله يرحمه حسبنا الله على هالحروب واللي يشعلونها ولايبونها تخمد يروح فيهالشباب وينقهرون الاهل ويشربون حزن عيالهم..
بس بموت ظافر اتوقع ان عم ماريه راحت من يده ورقه رابحه عشان يستولي على ورث ماريه,, والحين كيف بيقدر يستولي على هالورث بوفاة ظافر.. ؟؟

جبران الله يصلحك يااجبووري ارجع ياارجال وخلك عاقل وفكنا من خبالك.. ويااويلك ياسواد ليلك تروح للحالك والا تسوي شي لمطر.. انا اللي خايفه منه انك تقوم ترمي مطر وتحاول تقتله... فكنا منك يااشيخ لاتخرب علينا فرحتنا بربعنا ماصدقنا انها تنفك عقدتهم شوي تجي تحوس الدنيا علينا.. رحمناك وتعاطفنا معك لكن عاد عند مطوووري ستووب.. هموووس فكينا من ولدتس وشدّيه عندتس لا يحوس ربعنا. صح ان ابوه شراع ماقدر عليه بس الام غير ..طقي عليه ذاك اليمين المغلظ اللي مايسوي ولايفعل عقبه أي شي.. هخهخهخه
تيم.. اجل ماريه توترك وتبي تخليها وانت ترمي الشاره.؟؟.. ايييه معليه معليه .. البنت هي اللي بتقنصك يا القناص وانت بتمووت بدباديبها ياااااا القناص..>> مدري ليه تخيلت يوم تقول كذا شكل ماراا كبيره وشعرها يطير حواليها
الحين ياا اللي ماتخاف ربك مختار ماريا اللي توترك ومخلي ابو ظافر اللي موترنا كلنا وماندري وشلون نتصرف معه..؟؟ وغير كذا ناسي سواياه بامك وفيك؟؟
وعلى فكره صدمتني يوم قلت عن ظافر بفقد ملابسه اللي يعطوني اياه بعده.. لهالدرجه ماعاد في قلبك رحمه .. الصدق اني انصدمت من ردك يعني توك بهالعمر وقلبك قاسي كذا شلونا ذا كبرت وكثروا عدويينك؟؟
لكن خوفي من ساندرين اخاف بكره ترسم على القناص تيم وتبيه لها وينسى ماريا.. مدري ليش توقعت الحين ان ساندرين بتكون مع تيم؟؟؟؟؟؟؟ بس افكاره داائما بتاخذه لماريا.. اتوقع اذا ماتت امه بيطلعه ابو ساندرين وياخذه عنده ويربيه هناك ويدرس لكن عمره ماراح ينسى ماريا...وبيرجعه وعده لامه انه يطلعها من الحالك من عمها ؟؟
رواح .ياحماار وش العربيات جبانات .؟. وش هالفكره الغبيه ياغبي؟؟ العربيات شريفات عفيفات يخافن الله يااا المروح..دبل كبدي وقهرني ياافرقا هالكبر وهذي افكاره مالت عليه؟؟ لكن هالافكار بتستمر معه والا بتجيه عربيه تشقلب كيانه وتحوووسه وتخليه يعرف كيف العربيات


مشااعر الباارت هذاااااا المااااسي بدرجه مفتخره..
تسلم الاياااادي يااقلبي وبالنسبه لطول البارت قعدت اصيح من طووووله >>فيس يستعبط..هخهخهخه
لا بجد طووله يجنن ومافيه أي وحده تقدر تقول عن طوله شي..

ام جمال , ياازينتس يا ام حفيدي ,الله يعيطيتس الف عافيه على النقل.. وبالنسبه لوقت تنزيل البارت انا معجبني جدااا جدااا.. لاتزعلين ولاتلومين حبيباتنا المتابعات اللي يبونه بدري ترى هذا من حبهم وتشوقهم للروايه وابطالها واحداثها..>> بسم الله علي الله يكملني بعقلي.ياخوفي بكره اجيب الطامه واجي اقووول نزليه قبل اليوم المخصص له...هخهخهخه
مشاااعر وام جمال الله يعطيكم العافيه وربي يوفقنا واياكن بهالايام الفضيله لكل مايحب ربي ويرضاه..
بانتظار البارت الجاي باكثر من الشوووق..

تذكرت شي مشاعر اول ماتكلمتي عن الشخصيتين اللي للحين مابينوا قلت انهم ولد عمة مطر نصيره وولد عمه صقر.. لكن بعين قلت يمكن انهم عيال جوزا؟؟ يااويلي يعني لو كانوا عيال جوزا وحبيتهم وصاادرتهم وين اودي وجهي من امهم وانا ماخليت ولابقيت كلمة شينه ماقلتها بحق خالتي جوزا..ههههههههههههههه