المنتدى :
المنتدى العام للكورغ بانواعه
المشاركه الاولي و اول طلب اطلبه من شباب المنتدي فهل من مجيب
السلام عليكم جميعا
انا غاوي موسيقي (مجرد هاوي) و كنت بعزف علي اورج صيني اورانتال علي قدي ، المهم كنت حابب اسمع صوت الات اكثر محاكاه للواقع و كمان اقدر اشغل اغنيه و اعزف معاها .... المهم علشان مطولش علي حضراتكم بعد فرجه كثيره في اليو تيوب استقر قراري علي شراء كورج pa600 qt و بالفعل جبت الجهاز من كام يوم
المهم يا شباب انا متلخبط من بعض المصطلحات و عاوز حد يفهمني المبادئ الاساسية مثل Set هل هي مثلا شئ شبيه بنظام الوندوز للكمبيوتر مثلا و تحتوي بداخلها علي كل الاصوات و الايقاعات و الاستايلات و سجل الاغاني و كده يعني ؟؟؟ و هل الجهاز ممكن يحتوي علي اكثر من سيت و لا كل مرة يتم تنزيل سيت فيها بتمسح القديمة ؟ و لا الجديدة بتتكتب في باقي الزاكره الفاضية بجانب القديمه ؟؟ شوفت سيت واحد كان عاملها و مسمي الزراير بتاعت الاستايل فيها باسماء اورجات تانية و كل زرار فيه اصوات او استايلات بمعني ادق لاغاني معينه فكيف يتم انشاء ذلك اصلا ، يعني ازاي مثلا اعمل سيت و اسميها ام كلثوم مثلا و بداخلها الزراير اغنيه كذا او كذا او كذا ؟؟؟ و عندما نمسح اليوزر سيت و تصبح الميموري فارغه و حجمها تقريبا 96 ميجا انا بلاقي كل حاجه موجوده زي ما هيه و مش فاهم ايه اللي بيتمسح بالضبط و كمان سجل الاغاني اللي معمول في الجهاز هل بيتغير مع السيت برضه و هل ممكن تغييره لوحده مثلا و البحث عن سجل اغاني عربية مثلا ؟؟ برجاء الايضاح يا شباب
انا اعاني من شويه اللخبطة و التشتيت من كثرة المصطلحات و المفاهيم و اتمني حد يفهمني بالراحه و احده و احده الاساسيات فقط و اوعدكم مش هتعبكم معايا في اسئلة كثير بعد كده 
|
19-05-16, 02:15 PM
جديد مواضيع قسم المنتدى العام للكورغ بانواعه
العرض العادي
