كاتب الموضوع :
رشآ الخياليه
المنتدى :
القصص المكتمله من وحي قلم الاعضاء
رد: ما وراء الغيوم... بقلمي/ رشآ الخياليه
اقتباس :-
المشاركة الأصلية كتبت بواسطة زارا  |
السلام عليكم..
الله اكبـــــــــــــــــــــر يااارشوووووووو الحين ماخليتي الردود الا يووم جيت انا وتابعت الروايه وقمت اقط القذاااائف الناااريه من التووقعات يمين ويسااااار واللي تصيب واللي تخيب بس عااد هالبااارت يهبل صاابت توقعاتي يووم قلت بيلبسها الشبكه اللي بتجيبها عمته هند .. وبعد وساام بيكون سبب بالتوااصل بين ليال ووليد.. وعلى هالتوقعات اللي صاابت اعطي نفسي ست نجووم..هخهخهخه
ياازين الروايه وياازين عزاام بينهم.. بس تبين الصدق الشموووس هذي مهوب مهره ماتنعسف ..اشووفها حمارة قايله غبيه ومتهووره .والا فيه وحده عاقله ترووح للاستراحه بمحل يخررع بروحها.. يعني مدري وين تحسب نفسها تروح للاستراحه وتبي تجلس بروحها اسبوع محد يدري عنها ؟؟ حيوانه صدق؟؟ وبعدين العامل يعرف انها موجوده كيف تأمن على نفسها وهي بروحها بالاستراحه.. الحين انا صالة بيتنا بعد الساعه ثنتين ما اقدر انزل لها وانتي ياااحوماره رايحه للاستراحه ؟ لااااا ومن زين هالوجه منحاااشه عن عزام يااا الخبلا..؟؟
دبلتي كبدي صراحه اتوووقع عاد انتس بتعظين طرف ثووبتس وبتحطين نعالتس تحت كتوفتس وتفلخينها من الاستراااحه بسرعه 200 كيلو لانتس ماراح تكونين بروحتس فيها شووفي انتي بيجيتس هجوم بهالاستراحه واتوووقع العامل بيشّرف هو وربعه قريب عندتس وذيك الساعه بيسوون حفلة مجون وانتي مسويه نفستس قووويه .. واحتمال ماتدرين عن نفستسس الا وانتي تتصلين بعزام وتقووولين له عزاام الحئـــــــنييي..
ويمكن ماندري الا حامد ناط عليتس عشان يضبط وضع الاستراحه لتنفيذ عمليته بنيفا؟؟ويلقى نفسه طااح براعية الحلال بكبرها..
شووفي هالاستراحه ماراح تستانسين فيها لابد يجي شي وينكد عليتس فيها.والله يجعله شي عظيم يخليتس تفكرين مليون مره قبل ماتتهورين وتضيقين صدر عزومي...وفياااض ماندري بعد يمكن يكون له نصيب بالحضور لها..
عزام : ياا اخي وش تبي تروح للشقه ومخلي الكسووف بالاستراحه بروحها.؟. لااا يااعزومي مااهقيت انها تفووتك انت ..كيف فاتك انك تتصل على السواق وتسأله وين وداها ونزلها فيه؟؟ كان الحين انت وهي بالاستراحه ومهيصين ومستانسين او على الاقل حنا يا الجمهور مستانسين ومبسوطين ومهيصين..>>فيس الجمهور الملقوف..هخهخه
انا اتوقع انك ماتدري انها ماراحت للبيت.. لانك لو تدري انها ماراحت للبيت مستحيل تجلس وتاكل بسكوت مالح يرفع لك الضغط اللي نزل بسبب هالحوماره الله يرفع ضغطها..انت المفروض انك متصل بالسايق اللي ركبت معه..لكن لو قلنا انها فاتتك يمكن نيفا هي اللي توصلك لمكانها لو سالتها عن اخر اتصال لهم فيها وبتقول انه الاتصال كان عشان تستاذن منها تاخذ الاستراحه وهي رفضت وقالت مو هالاسبوع فانت لانك ذكي بتعرف انها هناك وتروح تتطب عليها وتوريها الوووويل..وتادبها ..
شريفه.. جعل مامن شريفه يااارب.. كلامها فيه نغزات على ليال بس مدري وين فيه بالضبط؟ هي كلمتها يوم تقول عن ليال انها ماراح تلحق الا على شايب حسيتها نغزه او اتهام لليال بحاجه مدري وشي؟؟؟ يا انها بتعيرها بامها ياا انها تتهمها بشي صار لها من زمان .. وهالسحليه شريفه جااايه تتشمت بليال اللي مهيب يم العالم وتعبانه.. ويمكن اصلا عشان كلام هالسحليه ليال ماتحترمها وتوقفها عند حدها..
ليال ووليد : الحين انت وليال تواجهت طرقكم ووصلتوا لان وسام بيكون نقطه الالتقاء لكم انتم الاثنين..والله يوفقكم ..
وليد ترى ليال تعبانه اكشف عليها وسوو لها عمليه شكل براسها ورم وقام يضغط على عيونها وبيعميها..الزياره الثانيه لوسام اتوقع ما تدري الا وهي ران راسها ببلاط المستشفى وطايحه عليكم طيحه اليمه وبتسوي لها اشعه وبتعرف بحالتها..وبتبدأ عاد علمكم ودراستك معها..
نيفا : طلعتي بزررر وباول ثانوي؟؟ والا انتي تاخذين السنه بسنتين؟؟ يعني تقريبا عمرتس 16 بيبي ياا بيبي..ههههه
تركي هذا وش يبي يطالع فيها ..؟ الله يخليه لامه لكن مااجبيت نظراته لنيفا.. بس اذا بيكون وجوده عشان قاسي يموت من الغيره عادي برحب فيه..هخهخهخخه
ابوه طلق امه وراح يعالج من المرض اللي فيه؟؟ يعني ما اعتقد ان المرض هو سبب طلاقه لهند؟؟ وهي ما استغربت يوم سمعت انه مريض..يعني هالمرض كان فيه يوم انها متزوجته؟؟؟
ويمكن هو مامنع عياله عنها يمكن جدتهم هي اللي حارمه امهم منهم طول هالفتره ؟؟ بس ودي اعرف ليش هند سالت عيالها ان كانت زوجته سافرت معه؟؟؟؟ ومن موصل لها انه متزوج؟؟ المهم ترى مانبيتس يااا هند ترجعين لرجلتس ابو تركي حنا خلااااص بنزوجتس لصالح.. وهذولا عيالتس عندتس يمكن يجي صالح ويخطبتس من ولدتس تركي..؟؟
صح انه خطبتس من عزام بس عزام الحين بالش في نفسه ومهوب يمكم وعشان كذا بتجي بنته هند وتخطبها من نفسها..
قاسي: الله يعينا على امك انت بتجيها معك؟؟ امك هذي عديمة احسااااس اهم شي مصلحتها ومن بعدها الطوفان يعني ما اهتمت فيك اهتم باحوانها ومثل ماقلت لو اخوانها ناس صاحيين ما ضغطوا عليها فيك وقاطعوها عشان ترجع بنتهم الرفلا.... شوف ان رجعهتا ترى بنحرمك من نيفا بنيفا بروحها يتيمه ولا نبي نضيق صدرها بالزواج على حرمه>>فيس قرر خلااااص ان نيفا لقاسي..
رشووو تسلم الايااادي والله ابدعتي لكن ياليت عاد هالكسووف تحترم عزومي هي ماتععرف انها تزعله وتقهره وتغضبه>>فيس يدق على وتر الدين..هخهخهخه
عاد رشوووو الباارت بجد رووعه وموووقف عزام مع المضروبه الشموس يجنن كثري من هالمواقف الحلوووووه جداااااا >>فيس يحرض على المشفرر.هههههه
دمتي بود يااا مبدعه
|
وعليكم السلام والرحمه
يا هلا بـ زارا
اي والله تستحقين 10نجوم مو 6 هههه
كنت بحط اسمك اول البارت بس نسيت الله يصلح بناتي ويرزقني بالشغاله عن قريب <فيس يصيح
،،
نروح للتعليق اللي اتحفني والله؛
على هالتوقعات يا زارا ، يبي لي اسوي إخفاء لتعليقاتك علشان ما تكشفين اوراقي ههههههه
شبلاك على الشموس،ضحكتيني وانتي تغيرين اسمها الكسوف حرام عليك
هي غلطانه فعلاً بس مانتسى اللي قاله لها عزام
اما ام قاسي ترى للحين مابعد طلّعت شرها، اصبروا.
،،
نيفا سالفتها سالفه عاد، نقدر نسميها ضياع الهويه،
تركي له دور مثلما قلتي مؤثر جداً ويمكن يغير حاجات كثيره بحياتها!!
،
هند الانسانه اللي فشلت بزواج حاولت تحافظ عليه علشان عيالها ولكن خلاص وصلت لنقطة التعب وعدم القدره على المواصله فيه..كيف بتتصرف باللي استجد من احداث لها؟!
،
بالنسبه لطلبك الاخير يصير خير ماعندنا ذالسوالف <<مسويه بريئه ههههههه
،
|
21-05-16, 05:32 PM
جديد مواضيع قسم القصص المكتمله من وحي قلم الاعضاء
العرض العادي
