البارت التاسع
خبينى من برد اليل واحمينى فى حضنك دافينى
خبينى من برد اليل واحمينى فى حضنك دافينى
خبينى من كل الناس ولا حسبا لفين هتودينى
خلينا نهرب من خوف ليالينا
خلينا ننسى الكون من حوالينا
خبينى خبيني
خلينا نهرب من خوف ليالينا
خلينا ننسى الكون من حولينا
شايف فى عينك
احلام تناديك وعينيك
وخدانى احلم وياك واتوه فى هواك
وانا واقف فى مكانى
خلينا نهرب من خوف ليالينا
خلينا ننسى الكون من حولينا
خبيني خبينى
.............................................
مر اسبوعين على حادثه الطائره ولا جديد حتى تأكد للجميع انه لا يوجد احد نج من هذه االحادثه صممت نورا على ان تكون موجوده فى عزاء والديها حتى تساند
عبير لانها من النوع الحساس فيجب ان تقف بجانبها وبالفعل انتهى العزاء وذهب كل الاشخاص الى منازلهم ماعدا نورا وادهم ومحمد وعبير والحرس
نورا: وحدى الله يا عبير انتى عارفه ان بابا مكنشى بيحب العياط فلازم تبطلى علشان ميزعلشى منك
عبير: مش قادره استحمل احنا خلاص بقينا ايتام ومالناش حد
نورا: لا انتى ليكى محمد جوزك بيحبك وبيموت فيكى كمان
عبير:وليا انتى كمان يا نورا
نورا: ربنا يخلينا لبعض يلا علشان تروحى مع جوزك
عبير: وانتى هتعملى ايه
نورا: انا عندى مهمه ولازم اعمل اللى بابا كان دايما عايزه انى ارفع رأسه فى الشغل
عبير:واللى ماما كانت عايزاه
نورا: سيبى كل حاجه لوقتها قومى يلا روحى ومتقلقيش عليا انا كويسه محمد يا محمد
محمد: انتى بتنادى عليا يا نورا
نورا:ايوه خد مراتك وامشى
محمد: تعالى معانا
نورا:لا انا عندى مهمه ولازم اروحها خلى بالك منها
محمد: عبير فى قلبى قبل عينى
نورا: ربنا يخليكوا لبعض
..........................................
محمد: حمد الله على السلامه اتفضلى نورتى بيتك يا حبيبتى
عبير: ربنا يخليك ليا يا حبيبي
محمد: يلا روحى خدى دش وانا هجهز الاكل
عبير:معلشى ماليش نفس
محمد: لا علشان خاطرى لازم تأكلى وحياتى عندك
عبير: حاضر يا حبيبي ربنا يخليك ليا
قام محمد بأحتضانها بشده وقال
محمد: كل حاجه هتكون بخير
...................................
نورا:تصبح على خير
ادهم: انتى مكالتيش حاجه من الصبح لازم تتعشى قبل ما تنامى
نورا:،لا بالله عليك سيبنى انام وانا هصحى لوحدى
ادهم: ماشي براحتك ولو احتجتى حاجه بالليل ام ابراهيم تعملهالك
نورا: شكرا تصبح على خير
وتركته وذهبت فخرج الى الشرفه وهو خائف عليها لانها لم تبكى طوال اليوم حتى اثناء بكاء عبير لم تدمع عينيها حتى كان قلقه عليها يزداد كل ثانيه فذهب ناحيه غرفتها محاوله سماع اى حركه لها ولكنه سمع ما صدمه فقد سمع صوت بكاءها فتقطع قلبه على حالها فمهما حاولت ان تظهر قويه فموت اهلها قد ترك اثره عليها وكان يريد ان يدخل لها ليضمها بين ذراعيه ولكنه يعرف انها لن تقبل منه اى شئ الان فوقف امام غرفتها حتى خفت شهقاتها وتأكد انها كفت عن البكاء فذهب الى غرفته
....................ّ.........
عفاف: ربنا يصبر نورا على ما بلاها
محمود: البنت دى بميت راجل وقفت فى العزا وخدت عزا اهلها ولا اجدعها راجل
عفاف:ابوها مربيها كراجل ربنا يعدى الفتره اللى جايه دى
محمود: بس ابنك كان مكشوف اوى النهارده
عفاف: على ايه يعنى
محمود: طول العزا وعينه منزلتشى من على نورا كانه خايف يبص بعيد عنها تختفى من ادامه
عفاف':عادى تلاقيه بس خايف علشان الناس اللى عايزه تأذيهم
محمود: الشعر الابيض ده مش من فراغ انا اعرف افرق كويس بين نظرات الحب والمراقبه ابنك وقع ومحدش سما عليه
عفاف: ربنا ينوله اللى فى باله بصراحه البنت حلوه بس لو تبطل لبس الرجاله اللى بتلبسه ده
محمود: ربنا يقدم اللى فيه الخير
.................................
مسعد: عندى خبر حلو ليك
كريم: ايه هو
مسعد: لقينا الواد والبت موجودين فى شقه فى المنيل مستخبيين فيها
كريم: تمام اوى كده انا عاسز العمليه المرادى تكون على نضافه
مسعد: متخافشى المره دى انا بنفسى اللى هعمل المهمه
كريم: لو تم المراد اعتبر نفسك اتغنيت
مسعد:تحت امرك يا باشا
....................................
منال:انت لسه راجع اتأخرت كدا ليه
جلال: ابدا كنت فى العزا
منال:انا كنت عايزه أجى معاك بس انت عارف ان ميار تعبانه
جلال: هى عامله ايه دلوقتى حبيبت بابا
منال:الحمد لله اجبلك تأكل
جلال: لا انا هنام علشان رايح الشغل بكره بدرى
منال:ربنا يقويك يا حبيبي تصبح على خير
جلال:وانتى من أهله يا قلبى صحيح كنت عايز أسالك عن الشاليه بتاع اختك فاضى والا متأجر
منال: لا فاضى ليه
جلال: ابدا هحتاجه قريب قوليلها متأجروش انا هأجره منها
منال: ماشى يا حبيبي بس ليه
جلال: حاجه تبع الشغل يلا ننام
منال:يلا بينا
...................................
ادهم :صباح الخير عامله ايه النهارده
نورا: الحمد لله مافيش جديد
ادهم:ابدا كل حاجه ذى ماهى يلا علشان تفطرى معايا
نورا:مش عاي........
ادهم': مقاطعا:لا انتى لو مكلتيش انا كمان مش هأكل وانا جعان جدا
نورا:خلاص هأكل معاك
ام ابراهيم: اتفضلوا الاكل معلشى يا ادهم يابنى انا لازم اروح لابراهيم ابنى لانه فى المستشفى
ادهم: الف سلامه عليه عنده ايه
ام ابراهيم: ابدا واقع على رجله وجبسها
ادهم: ماشى روحى وباتى معاه النهارده وتعالى بكره وخدى دول كمان
ام ابراهيم :ربنا يخليك يابنى خيرك سابق
ادهم: ربنا يشفيهولك يلا روحيله
............................
سمر: وليد......وليد ....الحقنى
وليد:مالك يا حبيبتى حاسه بأيه
سمر:انا عندى نزيف تعبانه جدا مش قادره
وليد:متخافيش كله هيبقى تمام
وحملها وركب السياره ووصل بها الى المستشفى
وليد: طمنى يا دكتور الله يخليك
الدكتور: متخافشى يا فندم المدام بس عملت مجهورد وانا اديتها ابره تثبيت وهتبقى كويسه بس محتاحه ترتاح الشهرين الجاييين دول لحد اول الخامس علشان نمن على الجنين لان الحركه غلط عليها
وليد:حاضر من عنيا
ودخل لها
وليد:الدكتور قال مفيش حركه الشهرين الجاييين دول علشان خاطر البيبي ماشي يا حبيبتى
سمر: حاضر يا حبيبي ربنا يستر
وليد: ربنا يقومك بالسلامه يا حبيبتى انا كلمت مامتك وزمانها جايه
سمر: ماشى يا حبيبي
...................................
مسعد:فهمت هتعمل ايه يا مرزوق
مرزوق: ايوه عى كيمياء
مسعد: الموضوع ده لازم يخلص النهارده ماشى
مرزوق: ماشى يلا بينا
...........................
الى اللقاء فى البارت القادم
29-02-16, 05:04 PM
رد: قصه ادمنتك حبيبتى
جديد مواضيع قسم القصص المكتمله من وحي قلم الاعضاء
العرض العادي
