كاتب الموضوع :
أمآنـــي
المنتدى :
القصص المهجورة والغير مكتملة
رد: العاطفه والجسد
الفصل الثآني عشـر ,, جــزء 2
لآ تسألــــنّ بُنَـيَّ آدمَ حآجـةً .. وسَـلّ آللذي أبوآبـه لآ تُحجَـبُ
اللّهُ يَغضبُ إن تركـت سؤآلـهُ .. وبُنَيُّ آدمَ حين يُسألُ يَغضَـبُ
كمآله للأحدآث المقطوعـه بـ الجزء الأول من الفصـل ...
نسمـه وإللي كآنت ملآمحهآ ثآبتـه بصدمـه مخفيـّه .. مآقدرت حتى تنرسم تعآبيرهآ على وجههآ الجآمـد من ردة هآلفعل الغريبه والغير متوقعـه أبدّ من أمهآ وهي تدري عن شخصية أمهآ الجآده .. الجآفـه و القآسيـه .. مآتوقعت أبدّ تسمع منهآ هآلكلآم بهآلنبره الدآفيه وهآلإبتسآمه الحآنيه !
إكتفت بإبتسآمه خفيفـه متوتره وهي تهز رآسهآ بـ الإيجآب ومآسرع مآ إختفت هآلإبتسآمه يوم تكلمت أمهآ مضيقـه عيونهآ بإبتسآمه مآكره: تحبيـن عُمــر أجـل هآآآآه !! وأنآ أقول وش بلآك كل يوم عند خآلتك وتنآمين عندهم بعد بآليومين والثلآثه .. ثآري السآلفه فيهآ عُمـر .. هآ علمينـي من متى و عُمر ولد خآلتك مشغلـك ؟!!
نسمه وإللي غآبت ذهنياً لثوآني من سمعـت هآلكلآم من أمهآ " عُمـر !! أي عُمـر !! أنآ أروح بيت خآلتي لأجل حوريـه .. عُمـر أصلاً بسكن مستقـل مب عآيش بـ الشقـه معهـم .. وش هآللي تقولينـه يآمـه !! وليش هآلظـن !! - سكتت ثوآني بققت بعدها عيونها وكنهآ فهمت القصد - إيـــــــــــــــه عُمـــر .. عُمـر صــح .. بأغلـب صـور عُـدي وإن مآكآنت كلهآ كآن عُـمر يشآركه فيهآ .. بس لآآآآآآآآآآآآه لآآآآه يآربي مو عُمــر .. مو عُمـر أبـــدّ .. لآ يآمـآآمــآآآ يآآآآويييييــل حآلي بس الحين وش آقول يمكن عشآن كذآ مآتضآيقت .. إنهآ وآثقه بـ عُمـر ولد خآلتي وتدري عن أخلآقه وطبآيعـه .. وش بتسويّ لو درت عن الحقيقـه .. مآبقلبـي لـ عُــديّ .. عُــديّ وبــس ! وش آقووول الحين يآربي !!! "
بلعت ريقهآ بصعوبه إستعدآداً للموآجهه الصريحه " هذي عآد مآيبيلهآ دآم الموضوع نصـه إنكشف خلّه ينكشف بكبره .. مقدر أورط نفسي بعلآقـه مع عُمـر .. بقولهآ وإللي يصير يصيــر "
مسحت مخآطهآ بـ المنديل إللي تفتل من كثـر مآمسحت فيه دموعهآ ومخآطهآ السآيل من أنفهآ أكثر من مره .. ضيقت عيونهآ بمسكنـه بنبره وآهنه إعترفت: مآمآ مو عُـمـر ..
رفعت نظرهآ بترقب لرد فعلّ أمهآ وإللي كآنت مقطبه ملآمحهآ بـ إستفهآم !
كملت نسمه بخفوت بعد مآردت منزله عيونهآ: إللي أققققققــ .. أققصصصــ .. أقصصصـده .. هـووو ..
كآنت تشدّ الخيوط الذهبيـه المطرزه على لحآف السرير الستآن بـ اللون العنآبـي بتوتـر: آممم .. ءءء .. آآآ إللي أقصده هو إللي يمـه بـ الصوره .. عُـديّ .. مو عُمـر !
بعد ثوآني من الصمت رفعت رآسهآ وهي تحسّ إنهآ بمجرد مآرحّ ترفعه رح تتلقى أقوى صفعـه إلآ أن ملآمح أمهآ كآنت جآمده بخلآف نظرة عيونهآ الحآده المطآلبه بتفسير وآضح وصريـح ..
لحقتها نسمه بسرعه وهي تبرر كلآمهآ محركه يدينهآ فـ الهوآ بـ النفي: وآلله يومـه وآلله ولآعمري قآبلته أو كلمتـه .. قسم بـ الله .. وربـي .. وربـي هآلشيّ بدآخلي وأحسّه من سنتين بس ولآ مره جهرت بـه لأحد .. مآغير حوريـه بنت خآلتي وتونـي قآيله لهآ من كمّ شهـر بس .. وربـي حتى إنه مآيدري عنّي ولآ وش إللي أحسّه .. معـي حسآبه بـ تويتـر وآلفيس بوك وإنستقرآم مآغير أتآبعه من بعيد لبعيد وأشوف صـوره بس ولآ مره كلمتـه وربــي .. قسم بـ الله مآآ أكـذب يومـه !
كثر صدمتهآ من بنتهآ وإللي تسمعه منهآ وكثر حلوفهآ كثر مآحسّت بـ الفرحه .. هذي بنتهآ .. دلوعتهآ إللي توهآ مخلصّـه مدرسـه .. تظنهآ بعدهآ طفلـه مآتدري عن شـيّ .. نسمـه إللي كلّ أحلآمهآ ورديـه بلـون غرفتهآ وأغلب ملآبسهآ .. نسمـه إللي للحيـن تلمّ عرآيسهآ الكثيره .. تمشط شعورهم وتلبسّهـم وتقعد تسولف معهم كأنهآ أمّ لهـم وهم أطفآلهآ أو صديقآت لهـآ .. مثلمآ الأطفآل بـ الضبـط ! هذي هي الحين بقلبهآ عآطفه رقيقـه لــ ..... لـــ عُـــديّ !! شلون مشآعرهآ بريئـه ورقيقـه لهآلدرجه !!
من سنتين وهي متعذبه بحبّه متآبعته وكل يوم تشوفـه ولآ قدرت تصآرحه أو حتى تلمحّ له مثلمآ كثير من البنآت إللي يستغلون النـت غطـآ لهـم .. غطآ من ورآ الشآشـه يكونون من ورآهآ أكثر جرأه .. مآ كآنت نسمه بنتهآ وحده منهـم ..
إبتسمت بهدوء وهي تمسح بقآيآ أثر الدموع من تحت عيون بنتهآ - بنبره مآزحه - خلآص نسـووم لآتبكيـن هههههه
رمشت نسمه بنظره طفوليه سألت بإستفهآم بريئ: منتيـب زعلآنه منـي ؟!
هزت أمهآ رآسهآ بـ النفي مبتسمـه ..
بينمآ نسمه تشدقت ملآمحهآ بـ إبتسآمه عريضـه مطبقـه فيهآ شفتيهآ بفرحـه طفوليـه كنهآ مآصدقـت .. كآنت فعلاً بريئـه مثلمآ الأطفآل ..
سألت أمهآ: طيب وشلون دريتي عن هآلعديّ ؟!!
نسمه وهي تحس برآحه أكثر بعد مآحست إن الهمّ قد إنزآح عن صدرهآ وهآلسرّ الدفين جوآتهآ من سنتين قد إنكشـف وبهآلطريقه السلميـه .. شلون أمهآ طلعت هآلكثر متفهمه وتسألهآ الحين بكلّ فضول عن أدق التفآصيل كنّهآ صديقه لهآ وبعمرهآ ..
نسمه: آمممم مآمآ .. فرآس أخوي ألله يرحمـه كآن دكتـور ..
هزت أمهآ رآسهآ بـ الإيجآب بس للحين مو فآهمه القصـد والرآبـط !!
كملت نسمه بهدوء: وعـديّ بعد دكتور .. كآن خوي فرآس آلله يرحمه .. وعُمـر ولد خآلتي ثآلثهـم .. هذي هي بدآية معرفتـي بـه ..
أمهآ بسرعة بديهه: من سنتيـن !! هذآ مو الوقت إللي توفى فيـه فرآس ؟!!
نسمه بنبره حزن خآفته: بلــى ..
رفعت رآسهآ بسرعه مكملـه: مآدريت عنه إلآ بهآلوقت .. بأيآم عزآ فرآس .. كآن دآيم عندنآ .. بهآلوقت كآنت كلنآ نفسيتنآ صعبـه وصحيح إنه لفتنـي بس مآهتميت .. بعدهآ شفته صدفـه ببيت خآلتي مروه .. كآن مع عُمـر بمجلسهـم وتذكرتـه .. حوريـه مآتدري عنه غير إنه يكون خوي عُمـر أخوهآ وإسمـه عُـديّ وهو بعـد دكتـور .. وبـس من ذآك اليوم وآبتدآ هآلشي جوآتي ولآ طلعته ..
أمهآ بجديه بعد إستيعآبهآ لكلآمهآ - سألت بهدوء - : تحبينــه ؟!
بققت نسمه عيونهآ بملآمح جآمده مآتدري وش هآلسؤآل الجريئ المبآشر والمفآجئ من أمهآ ووش إللي المفروض تجآوبه !! تردّ صرآحتاً !! وش بتقول أمهآ خلّت حيآهآ ورآ هآلحـب ! ولآ تسكـت أحسـن !
وسط تسآؤلآتهآ المطوله إللي كشفت عن الإجآبه إنحنى فمّ أمهآ بإبتسآمه خفيفـه مآيلـه لليميـن
أردفت بلـؤم وهي مضيقه عيونهآ: بس مو كنـّـه كبير عليك شوي نسـووم ؟!!
كلّ سؤآل من أمهآ كآن يصدمهآ عن إللي قبلـه ويوترهآ أكثر وأكثر .. كبير عليهآ !! ليـش !! وش دعوى طآري العمـر بـ السآلفه الحيـن !!
أمهآ بـ إبتسآمهآ تستنطقهآ: هــآآآآ
بلعت نسمه ريقهآ بصعوبه وهي تهمس بعبره: آممم .. آآ .. بلــى .. يكبرنــي
أمهـآ: بـ كــمّ ؟!
همست نسمه بتوتر: بـ أربعطآعش .. أربعطآعش سنـه ..
أطبقت أمهآ شفتيهآ بـ إستيعآب: آمممم .. بعمـر فرآس آلله يرحمـه
رفعت نسمه عيونهآ بترقب لأمهآ إللي إنكسرت نظرتهآ فجأه للأرض ولمعـت بدموع ..
سألت نسمه بإهتمآم: مآمـآ وش فيــه ؟!!
رفعت أمهآ رآسهآ بسرعه مطبقه شفتيهآ بـ إبتسآمه خفيفه مقطوعه مآسرع مآختفت وهي تتجآهل السؤآل مآده ذرآعهآ لنسمه تطلبهآ تقرب منهآ ..
إبتسمت نسمه بحـب مسنده رآسهآ على صدر أمهآ طوعاً لهآ وصآرت أمهآ تملس لهآ على شعرهآ: قلتيلـي من يكـون !! عُـديّ منهـو ؟!!
نسمه بتفصيل وآضح للأسم: عُــدي .. ســآلم .. الأرضــي
إنفرجت شفتي أمهآ بإستيعآب: أهــآآآآ .. أدري عنـه .. تدرين إنه يتيـم !! كآن وحيد أهلـه .. أمه وأبوه الله توفآهم بحآدث قديم مره وتربـى عند خآلـه ..
نسمه بإبتسآمه بعد مآدمعت عيونهآ بحب وهي تتذكره: إيـه أدري
أمهآ بضحك: ههههههه إييييييـــه منتيب مفوته عليك شيّ أجل
هزت نسمه رآسهآ بحيآ وهي بحضن أمهآ تترجآهآ بدلع طفولي توقـف لأنهآ إستحت: مآآآآمــآآآآآآ
كملت أمهآ وبعدهآ مبتسمه على بنتهآ وحيآهآ منهآ: آمممم وأدري عن زوجـة خآلـه إللي ربتـه .. بس علمينـي بـ الأول .. إنتي تبين إرتبآط ؟! إرتبآط وإنتي بهآلعمـر ؟!!
بعدت نسمه رآسهآ عن صدر أمهآ بعد إستشعآرهآ لنبرة الجديّه معقده حآجبيهآ بإستفهآم لهآلسؤآل الغريب ووش القصد من ورآه !!
أمهآ بجديّه وهي توضح أكثر: إرتبآط بهآلعمر مع هآلشخـص .. تبيـن ؟!!
نزلت نسمه رآسهآ بحيآ وودهآ الحين بس إن الأرض تنشق وتبلعهآ وش تجآوب أمهآ وش تقولهآ !!
إتسعت إبتسآمة أمهآ من شآفت بنتهآ وإللي إنصبغت بـ اللون الأحمر من الخجـل - كملت بنبره حآنيه - : نسمه إنتي بنتي الوحيده .. إنتي دلوعتي .. للحين مدري ليش من أول مآصآرحتيني بهآلشيّ !! ليش كل هآلمده كآبته هآلمشآعر جوآتك ! حتى حوريـه صديقتك مآعلمتيهآ بهآلشي إلآ من قريب .. ليــش ؟!!
نسمـه بحيآ وبنبره شبه هآمسه طرف سبآبتهآ بفمهآ وعيونهآ بـ الأرض: أستحــــــــي !
رفعت أمهآ يدهآ وسحبت رآسهآ مره ثآنيه لصدرهآ ومآسرع مآ إرتمت نسمه هآلمره بثقلها كله بأريحيّه بحضن أمهآ إللي كآنت تملس على شعرهآ وظهرهآ بطوله: أبشـــري يآعُمـري ..
نسمه وإللي مآفهمت على أمها والبشآره إللي وعدتهآ فيهآ .. عقدت حآجبيهآ بإستفهآم مآلآحظته أمهآ لأنهآ كآنت ضآمتهآ ..
كملت أمهآ: بكره إنشآلله ملكة رآئـف .. بعدهآ بنسوي حفلـه لأن رآئف رفض يسوي عـرس .. المهـم بهآلحفلـه بأول يوم بيجونآ فيه زوجآت أخوك .. حور ودآرين .. مدري وش إللي يحسّ فيـه رآئف أكيد صآر شي بعقلـه ..
إهتزت كتوف نسمه بضحكه: ههههههههه
كملت أمهآ: أم تركـي بتكون موجوده ..
رفعت نسمه رآسهآ بسرعه بملآمح مستفهمه .. فهمت عليهآ أمهآ وأردفت بعدهآ: آممم أم مهيف .. زوجـة خآل هآلدكتـور .. - همست بـ إبتسآمه - دكتور عُـديّ
كآنت ثوآني فيهآ ملامح نسمه جآمده إلى مآ إستوعبت قصد أمهآ وإللي ترمـي لـه .. بققــــت عيونهــــآ بصدمـــــــــه وإستنكــآر .. بينمآ هزت أمهآ رآسهآ بـ الإيجآب تأكيداً على مآفهمتـه نسمـه - كملت بجديه - : أيــوه .. بخطبك لهآلعـُـديّ
نسمـه وإللي تحسّ الكون كلـه وقف بهآللحظـه .. أمهــآ ... أمهـآ بتخطبهـآ لـ عُــديّ !! حلمهـآ البعيــد خلآص بيكون وآقـع .. حقيقــه .. هــي وعُــديّ !!!!
======
-----------
======
اليــوم التآلـــي .. يوم الأربعــآء
بقصر المآلكي
وعند مدخل البوآبه الرئيسيه .. إلتفتت ورآهآ بعد مآسمعت صوت الكعب لبنتهآ وهي تقرب عليهآ ..
أم طلآل: مآبغيتـي نسمه كل ذآ تاخير !!
نسمه وهي تربط نقآبهآ بعجل: معلييييييش مآمآ وش أسوي بس للكوآفيره هذي .. وبعد مرآم وشروق الله يسآمحهم بس هم إللي بدأوو بـ الأول لأجل يخلصون وكل وحده تطلع مع زوجهآ وأنآ تميت بـ الأخير ..
أمهآ بنرفزه: اخوآنك كلهم رآحوآ حتى رآئف بعـد .. ويمكن يملكون بعد وإنآ بعدنآ مآوصلنآ وكلّه بسبتـك ..
نسمه: يوووه مآمآ معليش قلتلك وآلله مو بيدي
فتحت لهم وحده من الشغآلآت البوآبـه .. كآن بإنتظآرهم برآ السآيق قبآل البوآبه فآتح لهم بآب سيآرة الروزرآيـز ووآقف جمب البآب ..
نسمه وهي تلحق أمهآ: مآمآ شوفي ..
التفتت لهآ أمهآ قبل تطلع بـ السيآره: هــآآ !
نسمه: مآبروح معك .. بمـر حوريّـه بـ الأول عند خآلتي
عقدت أمهآ حآجبيهآ بإستفهآم: بـ الله نسمه وهذآ وقتـه ! وش إللي بيوديك لهم الحيـن وبذآ اليوم بعـد !
نسمه: مدري وآلله .. خآلتي مروه هي من دقت عليّ وقآلت تبيني ضروري .. مدري حـور وش حآلتهآ .. مآتآكـل ولآتشرب ولآتتكلم مع أحدّ .. خآلتي طآلبتني أجيهـآ
أمهآ: وليش مآكلمتيهآ بـ الجوآل ؟!
لوت نسمه فمهآ بيأس: وكني مآسويت هآلشيّ فعلاً ؟!! صآر لي من قبل العيد وأنآ أدق عليهآ ولآ ترد .. أرسلت لهآ ميـة مسج ولآ ردت .. وطبعاً السبب معروف .. بعد كنت خآيفه أروح لهآ البيت وتصدّ عني تفشلنـي .. لين مآدقت عليّ خآلتي اليوم ..
أم طلآل بعد مآركبت بـ السيآره وبعدهآ نسمه: وخآلتك تدري إن اليوم ملكـة رآئف ؟!
نسمه: لاآآآ .. وهذآ أكثر شيّ موترني .. وش بقول لهم .. أكيد بتسألني ليش هآلكثر متكشخـه !
أم طلآل بعد مآركب السآيق وحرك بـ السيآره: كآن إعتذرتي اليوم ومريتيهآ بكره .. عآآد مسيرهم يدرون بـ السآلفه اليوم أو بكرآ
رفعت نظرهآ للسآيق من المرآيه: مـرّ بيت كآمل الشرقآوي بـ الأول ..
وجهّت نظرهآ لبنتهآ بعد مآهزّ السآيق رآسه بـ الإيجآب: وإنتي بعد لآتتأخريــن .. شوفي وش إللي عندهم وإستأذنـي
نسمه: آووووكـــــي
مرت ربـع سآعـه طريـق لحد مآوقفت السيآره قبآل العمآره بحيّ متوسط الرقـيّ ..
نسمه للسآيق: بدق عليك وتجـي على طـول هـآآ
أم طلآل بتأكيد لنسمه: لآ تتأخريــن وتطيحين وجيهنآ عند النآس أكيد بيسألون عنك وينـك
هزت نسمه رآسهآ بـ الإيجآب وهي تأشر لهآ بيدهآ بمعنـى " مع السلآمـه " ..
أشرت أم طلآل بعدهآ للسآيق بيدهآ يتحـرك ..
بـ الأسنسير بمدخل العمآره الرخآمـي للدور الثآلـث ..
دقت الجرس وتمت منتظره لحد مآفتح لها البآب معقد حآجبيه ..
دخلـت الشقـه وهي تتخطآه مبتسمه من تحت نقآبهآ: كيفـك دكتور عُمــر !
تحسس عُمر شعره من أوله لآخره بإبتسآمه من بعد إدرآكه إنهآ تكون نسمه: أهلييـــن .. توّ مآنور المكآن
نسمه وهي بوسط الصآله تنآظر المكآن حولهآ بتفحـص وعُمـر ورآهآ بعد مآقفل بآب الشقـه معقد حآجبيه بضيــق ..
نسمه: وينهآ خآلتي وحـوور !
عُمر: حور بغرفتهآ وأمي بـ المطبـخ
التفتت نسمه عليه مبتسمه وهي تأشر بيدهآ صوب الطرقه المؤديـه للمطبخ: أبروح لخآلتي بـ الأول
عُمر بحده: إنتظري نسمـه
وقفت نسمه خطوتهآ قبل تخطيهآ: هــآآ
عُمر: ليش متعطره هآلكثر ؟!! ريحتك ملت المكآن ! مو حرآم هآلشـيّ ؟! منتيب طفلـه .. مآشآآلله عليك الحين كبيره وتدرين بحكم هآلشيّ .. ولآ شلـون ؟!
نسمه بطفش: يووه لآتبدآ الحين بـ الله
عُمر بتشديد: حـرآم هآلشيّ ولآ مو حرآم ؟! ليش أنآ أو أي رجّآل غيري نشم هآلريحه منك ؟! وش قصدك يعنـي !! وش إللي تبينـه ؟! تدرين إنتي بهآلريحه تكونيـن بحكم مـن ؟!
نسمه بطفش وهي مطيره عيونهآ للسقف: لآتقول لي الحين بحكم الزآنيــــه !!
عُمر: مآشآلله تدرين ومستآنسه بعد ولآ همك - قلد صوتهآ الأنثوي الرفيع وهو يقول هآلكلمه - ( الزآآنيــــه )
نسمه: هههههههه
عُمر بحزم: يمين بـ الله إن تكرر هآلشيّ منك مآتلومين غير نفسك
نسمه بعند طفولي وهي متخصره: وش بتسوي يعنـي هـآآ !!
رفع عُمر حآجب وآحد لآوي فمه لليمين: إنتي جربي بس مره ثآنيه وبتشوفين وش بسويّ
نسمه: عمُر إنت توك تقول مآنيب طفلـه .. أنآ تسعطآش سنـه .. لآتعآملني كذآ .. مو توني نسمه ذيك من كمّ سنه إللي كنت تلآعبهآ .. ترآآ كبـرت
عُمر وهو يأشر لهآ بيده تروح: روحي روحي ترآ مآعندك سآلفه ومرآ مآخذه مقلب بروحك .. ترآآك بعدك نونـو .. وهذآني حذرتك إن شميت عطرك منك مرتن ثآنيه مآتلومين غير نفسك ..
اقفت نسمه عنه وهي تتأفف بطفش: هــوووففف
عُمر: وتتأففيـن بعـد !
أشرت له بيدهآ يروح وهي سآفهته متوجهه صوب المطبخ بينمآ هـزّ عُمر رآسه بـ النفي مبتسم وهو يدخل للمجلـس ..
دنقت رآسهآ من ورآ بآب المطبـخ وهي تطرق على خفيـف ..
إلتفتوآ ثنينآتهم أم عُمر والشغآله صوب البآب من سمعوآ صوت الطرق عليه ومآسرع مآتبسمت لهآ خآلتهآ: أهلييييين نسـووم
رفعت نسمه نقآبهآ عن وجههآ وهي تدخل للمطبخ ..
تركت خآلتهآ الترمس من يدهآ على الطآوله الخشبيه بوسط المطبخ وهي تضمهآ لصدرهآ تسلم عليهآ وتبوسهآ من خديهآ: وينـــك يـ القآطعـه
نسمه: خآلتي وآلله مو بيدي وعلى عينـي هآلشيّ .. تدرين حور هي من قطعت عني ومتخوفـه أجيهآ تسفهنـي وتفشلنـي .. مآبي يصير بينآ زعل أو إن إللي قد صآر هذآ يأثر علينآ ويفرق بينآتنآ
أم عُمر: لآتخآفين نسمه وإنتي وش ذنبك بـ السآلفه .. ثنينآتكم مو بس بنآت خآله .. إنتم صديقآت وخوآت مآلكم غير بعض وأنآ مآطلبت غيرك بعد مآعجزت معهآ
نسمه: هي الحين شلونهآ ؟
خآلتهآ: كآنت أحسن شوي قبل يطلع أبوهآ من الحبس .. توّ مآطلع وهي حآبسه روحهآ بغرفتهآ .. معذبه عمرهآ ومعذبتنآ معهآ .. مآهيب طآيقه تشوف أحدن منآ .. خوفـي إنهآ كرهت أبوهآ وكرهتنآ بسبّـة إللي صآر !
نسمه بحزن: لآآ الله لايقدر .. حوور مآغير تعآند نفسهآ حتى وإن كآن على حسآب نفسهآ بس مآتكره أبـد ولآتعرف الكـره شلـون .. لآتخآفين خآلتي .. هذي بنتك وإنتي أكثر من يدلهآ ..
زفرت خآلتهآ نفس مسموع بقلة حيلـه ويأس بنظرتهآ المكسوره وتوّ مآتزلت عيونهآ للأرض وشآفت طرف فستآن نسمه بقمآش البربرق اللمآع بلونـه الجنزآري متدلي من تحت عبآيتهآ إلآ ورفعت رآسهآ معقده حآجبيهآ بإستفهآم: بس إنتي وش فيك نسمه متكشخـه مره كذآ !
نسمه وكنهآ تذكرت شيّ: إيه خآلتي وهذآ إللي أبي أقوله .. إني مآرح أقدر أطول اليوم عندكم .. بشوف حوور بس وبطلع على طول وإنشآلله بجيهآ بكره من أول اليوم وأتمّ عندهآ
خآلتهآ بإستفهآم: ليش وش ورآك ؟!
نسمه: خآلتي مآرح تزعلين لو قلتلك ؟!
قطبت خآلتهآ ملآمحهآ بإستفهآم: خير نسمه وش فيـه !!
نزلت نسمه رآسهآ بخجـل وبنبره وآهنه خجلـه: اليـووم .. آآآآ .. ءآآ آمـممم
دنقت خآلتهآ رآسهآ لتحت تحثّهآ تكمل كلآمهآ: اهـآآ .. اليــووم ؟!!
رفعت نسمه رآسهآ زآمه شفتيهآ بعد مآبلعت ريقهآ: اليـوم ملكة رآئف أخوي
أم عُمر: ...........
نسمه: زوجته الثآنيه .. اليوم ملكتـه
همست خآلتهآ بنبره مبحوحه بعدم تصديق: زوجـه ثآنيـــه !
زمت نسمه شفتيهآ بقلة حيله وهي حدهآ متفشله وخصوصاً من بعد الصدمه بملآمح خآلتهآ ..
أردفت خآلتهآ بنفس نبرة الصدمه المبحوحه وكنهآ تكلم نفسهآ: ليــش ؟!! وحــوور ؟!!
رفعت نسمه كتوفهآ بقلة حيلـه ..
أم عُمر: ومنهـي هآلزوجه الثآنيه إنشآلله !
نسمه بنبره خآفته وهي منزله رآسهآ: بنت محصن عبدالله .. دآريــن
أم عُمر: دآريــن !
نسمه: دآرين أخت شروق زوجـة أحمد أخوي
ضيقت خآلتهآ عيونهآ لحد مآختفوآ بعدم إستيعآب وتصديق بعد مآزفرت ضحكة إستهزآء مقطوعـه: هــــه
جلست بعدهآ على كرسي من الكرآسي المحآوطه للطآوله الخشبيه بوسط المطبخ بعد مآحسّت إن إرآدتهآ تخونهآ ورجوهآ مآعآد تشيلهآ وعيونهآ المدمعه معلقـه بـ الفرآغ قدآمهآ بتوهآن ..
نسمه بهدوء وهي تسحب نفسهآ من هآلموقف: أنــآآآ .. ءآآ .. ءء .. أنـآ بـآآآ بــ بــ بـرووح - بلعت ريقهآ بتوتر - بـرووح أشوف حـوور ..
طلعت من المطبخ بسرعه وودهآ بس الحين الأرض تنشق وتبلعهآ .. ليتهآ سمعت كلآم أمهآ واعتذرت اليوم لخآلتهآ وكآنت جت بكره ولآ إنهآ تنحطّ بهآلموقف .. بس لمتـى !! مصيرهم يدرون بـ السآلفـه " هــفففف يآآربي يدرون إيـه بس مو منـي أنآ .. أحدن غيري كآن علمهـم .. آآآخ يآفشلتـي وش هآلموقـف السمـج إللي حطيت روحـي فيـه !! وش بتقول حوور بعد الحيـن لآمنهآ درت !! "
دقت البآب مرتين بهدوء ودخلت بعده بدون مآتسمع أي ردّ منهآ ..
نسمه وهي تقرب من سريرهآ وإللي كآنت ممدده عليهآ على جمبهآ الأيمن ضآمه المخده لصدرهآ - سألتهآ بهدوء - : حـــــــووور ؟!!
حوريه: ...........
جلست نسمه على ركبتيهآ بـ الأرض عند رآس حوريـه مسنده بكوعهآ الأيسر على السرير تستنطقهآ بخوف وقلق وآضح بملآمحهآ: حــووور !!
تحسست نسمه جبينهآ ومقدمة شعرهآ وهي معقده حآجبيهآ ومبرقه عيونهآ بصدمه: حوور بسم الله عليك وش إللي صآير معك يآقلبي !!!
فتحت حوريه عيونهآ بتعب .. ومآسرع مآشهقت نسمه بفزع كآتمه فمهآ بيدهآ من شكل حوريـه: حــوور يآعمــري إنتي وش فيـك !! ليش شكلك كـذآ !! وش إللي تحسين فيه يآعيونـي علمينـي
تحسست نسمه وجه حوريه الصغير بطرف سبآبتهآ .. نحف بشكل وآضح وملحوظ .. برز فيه عظآم خديهآ وفكهآ السفلـي .. وعيونهآ المرهقـه إللي برزت أكثر بسبب برزو العظـم من تحتهـم .. تحسست بسبآبتهآ الهآلآت الوآسعـه الدآكنـه من تحت عيونهآ .. وشفتيهآ البنفسجيـه المشققـه..
بنبره مرتجفـه بعد مآتقطبت ملآمحهآ لحزن كبير دمعت فيه عيونهآ: حوري يآقلبي ليش كـذآآ .. ليش مسويه بعمرك كل ذآ .. ليش كل هآلعذآب إللي تعذبينه لنفسك
حوريه بضعف بنبرة صوتهآ الرجولي بلهجه سعوديه كآنت ترفض تتكلم بهآ لأي سبب من الأسبآب بس من الوآضـح إنهآ قد خضعت للوآقـع المرير إللي جآلسه تعيشـه .. قد إنفرض عليهآ شيّ أقسى من اللهجـه إللي رفضتهآ من قبل: خلّــي أخوووك يطلقنـــي !
نسمه: ذآ كله بسبب رآئـــف !! آآآآآه يآربـي شلون أتحسب وأدعي عليك يآرآآئف وإنت أخوي
استقعدت حوريه بجلستهآ وهي ضآمه يدين نسمه بين كفوفهآ بنبرة ترجـي وآهنـه وعيون حزينه مدمعه: نسمـه تكفيــن خلـي أخوك يطلقنـي .. مآ أبيييييييــه .. مآآ أبيـــــــــه يآنسسسمـــه .. أكرررررهــــه وربـي أكررررهــــه .. أكره شكلـه وريحتـه وصوتـه .. أكــره إسمــــه .. تكفييييــن نسمــه تكفييييــن خلـه يطلقنـي مآآآآ أبييييييييـــــــــه .. تكفيييييــن
نسمه وإللي غصباً عنهآ نزلت دموعهآ بصمت من حآلة بنت خآلتهآ والشكـل إللي هي فيه والحآله إللي وصلت لهآ " معقووله لهآلدرجه مآتبينه يآحوور !! ميؤووس منك إنك تتقبلين هآلوآقع إللي إنفرض عليك غصباً عن إرآدتك .. هذآ وإنتي أكثر شخصيه عنيده .. مستحيل ترضين برآئف .. مستحيل وأنآ أشوفك بهآلشكل .. لآزم فعلاً رآئف يحررك .. الطلآق هو الحلّ ودآمه بيتزوج اليوم غيرك مآلك تتميــن بعصمتـه "
فكت نسمه يدينهآ من يدين حوريه ومسحت دموعهآ بإبتسآمه مصطنعه: ههه .. ههههه الحين بيخترب مكيآجي بسبتك .. حور تدرين !!
حوريه: ..........
نسمه: ليش أنآ متكشخه كذآ !!
حوريه: ...........
نسمه: اليوم ملكة رآئــف
حوريه: ..........
نسمه: أوعدك رح أكلمه بـ الموضوع .. ومو هو بس .. أبكلم أمي وأخوآني كلبوهـم وإنك مآتبينـه .. اليوم ملكتـه على غيرك .. دآم بيكون له زوجه ثآنيه تبيـه وش يبي بغيرهآ مآترضــآه !! وأكيد هآليوم رح يفرق كثير عند رآئف بعد مآيملك ورح يطلقـك .. صدقيني حور رآئف مآيآخذ شيّ بـ الغصب .. مآيبيح لنفسـه هآلشيّ .. هو أخوي وأنآ أدري عنـه - بلعت ريقهآ وهي تعآتب نفسهآ بخآطرهآ - " سآمحنـي يآآآآرب على هآلكـذب .. كلّ إللي أبيـه إني أطمنهآ الحين واهديهآ .. عآد حظهآ إللي ربطهآ برآئـف مدري وش آقوول بـس .. مسكينـه يآحوور "
كملت نسمه: كل إللي صآر يآحور كآن لأجل شيّ بخآطره وهذآ هو قد نفذه وإنتهينآ وأنآ متأكده إنه بيطلقك ..
حوريه: ...........
هزتهآ نسمه من ركبتهآ: حــور ليش مآتردين عليّ !! حـــووور !!
حوريه: ...........
نسمه: حوور إنآ مو صديقآت !! مآتوثقين فينـي !
حوريه: ...........
نسمه: صدق إني جد إستآنست وفرحت من قلبي إن بنت خآلتي وأختي وصديقتي بتكون أقرب لي من أي وقت .. بنكون ببيت وآحد ثنينآتنـآ .. من أحسن منك يآعمري تكون زوجـه لأخ من إخوآني !! مآغيرك إنتي يآحـوور .. بس مو بهآلطريقه .. مآ أرضآلهآ لك أبدّ .. ودآم هآلمخيسـه دآرين عند رآئف خلآآآص مبرووك عليـه يفكك إنتـي
قطبت حوريه ملآمحهآ بإستنكآر حآد - همست بوهـن - : دآريـــن !
حركت نسمه رآسهآ بـ الإيجآب زآمه شفتيهآ بأسـى وقلة حيله تأكيداً على إنهآ دآريـن ومآغيرهــآ ..
حوريه بخآطرهآ " دآريــن !! دآرين هي ضرتي !! ليـــش !! ليــش يآآآربــي ليييييش !! وش الذنب إللي سويته بعمري لأجل أتعآقب هآلعقوبه القآسيـه !! يآآربي كآآآفـي صدمـآآت مآني قآدره أتحمل أكثــر .. مآعآد فينـــي وآلله مآآآآآآعـــــــــآآآآآآد ! "
بـ المطبـخ .. طلعت الشغآله تنآدي عُمر بعد مآعجزت مع أمـه من وقت مآتركتهآ نسمـه بهآلحآله .. جلست ع الكرسي ولآ قآمـت .. عيونهآ معلقـه بـ العدم مدمعـه .. تنآديهآ وتهزهآ ولآ تـردّ عليهآ !
عُمر بقلق بعدمآ إحتضن يد أمه اليسآر بين كفيّـه: يومـــه وش فيــك !! إنتي بخيــر !!
أمه بنبره خآفته وآهنه بعد مآشحب وجههآ وكنهآ شبـح: أختك يومــه .. أختــك
عقد عُمر حآجبيه بقلق: حـوريّــه !! علآمهآ !! صآر لهآ شيّ !
نزلت دموعهآ بصمــت بعد مآغمضت عيونهآ بقوه وقهـر ..
جلس عمر بـ الأرض على ركبتيه محتضن وجه أمه بين كفيّه مشدد عليه بقوه في محآوله إنه يثبته بعد مآ إرتجف ذقنهآ برعشه وآضحه من أثر بكآهآ المكتوم: يومــه وش فيك !! عــلآآآآمـك
أمه من بين بكآهآ المبحوح: رآآئــف .. رآئـف ولـد خآلتك وزوج أختــك ..
عُمر بإستفهآم: علآمـه رآئـف !
أمه: اليوم ملكتـه .. ملكتـه على ثآنيـه غير أختـك .. آآآآآآآآآهـي يآبنتــي وش ذنبك بكل إللي يصير معك - صآرت تنـدب بأسـى وهي تضرب فخذيهآ بيديهآ وتهز جسمهآ ريحه وجيّه -
عُمر بإستنكآر حآد بملآمحه إللي تقطبت بحده: ملكتــه !! شلـون يعنـي !! طيــب وحـــــوور !!!!!!!
أمـه بصيآح: حسسسسسبـــي الله عليك يآهيّــــآ يآختي إنتي وولدك رآئـف كنكم تبون تقهرون بنتـي بضرتـن لهـآ وبعدهآ مآدخلت دنيآ .. آآآآهـــي يآآربــي .. دآآآريــــن !! دآآآريــن فآسـدة الخُلـق والطبآيــع هي ضرتهــآآ .. آآآآآآآآآآآهـــ
همس عُمر بنبره وآهنه مبحوحـه: دآريــــــن !
وقفت أمه بحده وهي تتوعد: قسمـــاً مآيصير هآلشيّ .. وبنتـي بتطلـق من هآلرآئـف برضآه ولآ بنرفـع عليه قضيّـة خُلـع غصباً عنـه
نزل عُمر رآسه للأرض بـ إنكسآر " دآريــن !! هذآ وانآ إللي قلت إن بزوآجه من أختي بيتحرر من إتفآق زوآجه بدآريـن .. وهذآ هو الحين بيآخذهم ثنينآتهم .. آآآهـ يآلنـذل ! وقسسسمــاً على قسمـك يومــه مآتتــم أختـي بعصمتـه !! "
======
-----------
======
يتبــــــع ...
:::
|
10-08-16, 07:15 PM
جديد مواضيع قسم القصص المهجورة والغير مكتملة
العرض العادي
