كاتب الموضوع :
أمآنـــي
المنتدى :
القصص المهجورة والغير مكتملة
رد: العاطفه والجسد
======
-----------
======
بـ مصــر .. قبل الغـرووب بلحظـآت ...
بـ أوبن كآفيـه طآوله مشغوله بـ شخصين على الرصيـف .. مطلـه على الشآرع إللي كان شبه هآدي من زحمة المآره ..
نزل مـق القهوهـ التركيه السآده بعد مآرشف منه وعيونه عليهآ تقرب صوبهم مأشره بيديهآ كتحيـه من بعيـد ... " الطويلـه الفآتنـه " !!! هـي نفسهـآ ؟ إيـه هي .. مو هو إللي تخونه ذآكرته بـ الشي إللي يلفتـه ويجذبـه حتى وإن كآنت نظره دآمـت ثوآنـي ..
أظلمت عيونه الحآده بتفحص لكل إنفعآلآتهآ وحركآتهآ بعد مآ انرسمت إبتسآمه حسيه على وجهه وهو يشوفهآ تجلس على الطآوله إللي جمبهم بعد مآ احتضنت طفل صغير بعمـر السنـه والنصـف لصدرها وهي تبوس فيه بشـره وعنـف من كل مكآن بوجهه وتشد خدوده المليآنه بعـض خفيف بأسنآنهآ بعد مآسلمت على حرمه والوآضح إنهآ تكون أمّـه .. كآنت خليجية الملآمح أكثر منهآ بعبآيتهآ السودآء وطرحتهآ على طريقة الحجآب الخليجي المميـز بلفتـه عكسهآ هي إللي مآكآنت بدون حجآب .. بتنوره شيفون طويلـه لآخر سآقهآ بـ اللون الأخضر البحري الفآتح وقميص قطني أبيض كآش مآيوه (القميص دآخل التنوره) مشمره أكمآمهآ لمرفقيهآ وصندل فلآت ... هي نفسهآ مثلمآ شفتهآ ذآلك اليوم .. الطويله الفآتنـه .. " بس فيهآ شي متغير .. شي محليهآ أكثـر .. !!! إيــه شعرهــآ .. هوو شعرهآ .. كنّـه طول شـوي .. غطآ أذونهآ .. "
رفع حآجب وآحد بمكر: مطول عندكـ ؟؟ وين وصلــت
ميل فمّه المشدود بـ إبتسآمه خفيفه منآظره بطرف عيونه - مآردّ عليـه -
وهو بدوره إلتفت جمبه محلّ مآفهـآ خويّـه بعد مآفهم النظره التفحيصه إللي يشوفهم فيهآ وإللي يعرف وش المغزى منهآ ووش وورآهآ ...
كآنو ثنتين .. المتحجبه كآنت مندمجه بـ الكلآم بحمآس .. وآضح إن السآلفه رهيبـه والثآنيه إللي ضآمه الولد لصدرهآ تهز رآسهآ بـ ايجآب تحثهآ تكمل كلآمهآ مبققه عيونهآ بتركيز وإنتبآه للكلآم إللي تسمعه منهآ ..
الولد الصغير ينآقر فيهآ وهو يكفخهآ كل شوي ويشد بشعرهآ الولآدي نآري اللون بعد مآيتحرر من تكتيفتهآ له .. كل مآكتفتـه هي بين يدينهآ يرجع ويتحرر بعد مآتندمج هي وتدخل جوّ بـ السآلفه إللي تسمعهآ
فوآز: أدري عن هآلنظره لآمنكـ رميت بهـآ
رفع حآجبيه بحركه سريعه مره وحده وهو يلتفت له مبتسم: ووش دريت ؟
فوآز: عمآ بخآطـرك
سند: ووش إللي بخآطري ؟
فوآز: مآظنتي بـ إللي فخآطركـ للخليجيـه .. أشوفك فهيت بـ أم الولد
سند بتأكيد وثقـه: مـب أمـه
رجع فوآز إلتفت عليهم مره ثآنيه بإستفهآم وآضح على ملآمحه: شلـون ؟
سند: خمـن منهـي ؟
فوآز: أي وحده
بطرف عيونه أشرّ سند عليهم: إللي بحضنهآ الولد
مدّ فوآز شفتيه المطبقه وهو يهز رآسه بـ النفي - مآيدري منهي - : وش درآنـي
سند: بنـت أستآذ معآذ
فوآز: ..................
سند: معآذ المآلكـي
تمّ ثوآني لحد مآ إستوعب الإسم بخآطره .. رفع بعدهآ حآجبيه الإثنين فآتح فمه بـ إبتسآمه تفآجـئ ..
ردّ له سند الإبتسآمه وهو يهزّ رآسه تأكيداً عمآ إستوعبه فوآز رآفـع المـق لفمـه يشرب منـه
فوآز: هــبّ ع الذآكــره .. كم مرّ بـ الله من ذآك اليوم إللي شفنآهآ فيه بمكتب أستآذ معآذ ؟ والله إنك مب سهـل أبدّ .. مآ لآحظتهآ أبدّ أو حتى شبهـت عليهآ
رفع كتوفه بهزه خفيفه مبتسم بخفـه
ميل فوآز رآسه جهتهم رآفع حآجبيه بأمر لـ سنـد: get the chance
(إنتهـز الفرصـه)
سند: ..............
فوآز: إنت بمصر مو بـ السعوديه يـ الغآلي .. البنت من ذآك اليوم وآضح إن روحهآ رويحه تآخذ وتعطي
سند: هآلبنت تكون بنت أستآذنآ !
فوآز: إيــه أدري .. وش فيهآ يعنـي ؟!!
زمّ شفتيه بـ استنكآر بدون تعليق على كلآم فوآز وإقترآحه إنه يتقرب منهآ .. دآمهآ عجبته ومن أول مره شآفتهآ فيـه من مده تقرب للـ 4 شهـور طآفو وهي بمكتب المحآمآه الخآص بـ أبوهآ وقتهآ كآن هو وفوآز بـ اجتمآع معـه .. بعدهم متدربين .. جديد بشكل القانون والمحاماه
حتى وإن كآت روحهآ رويحه .. مرنه بتعآملآته .. تعطيك رآحـه فـ الكلآم والتعآمل مهآ بدون أي ضغط نفسي وعصبي منكـ بس مو هـو سنـد إللي يسوي هآلشيّ .. مو هو إللي يبدآ ويتقرب من بنت أياً كآنت درجة إنجذآبه لهآ ... نرجسيتـه المبآلغ فيهآ تمنعـه ..
فوآز: خلك كذآ مغرور وشآيف نفسك لين مآرح يقبرك هآلكبريآء وإنت مكآنك .. حبيبي هـ الخطوه مآتجي إلآ من الرجآل
سند: وش إقترآحك ؟
ميل فمـه بتفكير: آممممم .. مدري والله .. المشكله إنهآ مب بروحهآ الحين .. معهآ هآلحرمه
سند: بتفـرق ؟
فوآز: إيه طبعاً بتفرق .. لو بروحهآ الموضوع أسهل بكثير
سند: ولو بروحهآ ؟
زفر نفس وهو مطير عيونه للسمآ بطفش: لآحـــووووول ترآك تبط كبدي بذآ البرود
إفهم يآخي لو بروحهـآ .. بتوقف بهدوء .. بتمشي صوبهآ بهدوء أكثر .. تسلم عليهآ بهدوووء أكثـــرررر .. تسحب كرسي مقآبل لهآ بكل هدوووووء .. ثم تجلس بهـدوء
سند: ..............
عقد حآجبيه بعد مآرفع حآجب منهم بإستفهآم للتعبير إللي إنرسم على وجه سند: وش هآلنظــره !!! وش تبي بعد .. هذي البدآيه أهم شي وإنت وشطآرتك بـ البآقي مو أنآ إللي بفطمك بـ الكلآم .. انـــت المآستـــــر
سند: .............
زم فواز شفتيه رآفع كتوفه بهزه لآ مبآلآه وهو يرفع فنجآن قهوته البيضآء: ترآ مآتنعطـى وجـه أبـدّ
ضيق عيونه بـ إستفهآم وهو يسأله: الحين هذي طريقك !!! ثآريك 28 سنه وبعدك كل مره تآكل على قفآك من كل بنت تتعرف عليهآ .. ليكون بهآلطريقــه !!!
فوآز: وش فيهآ بعد هآلطريقـه !!! أقول لآتعآير الحين .. ترآك إنت بعد 28 سنـه وبعدك للحين سينقـل .. أقلّه أنآ دخلت بتجآرب كثيره شفت ذي وذيك أمآ إنت .. بعدك خـــــــآآآآآآآم
سند: خآم بكيفي مو عيب منـي يردنـي .. وش فآيدة كثر العلآقآت الفآشلـه !
فوآز: والله عآد أنآ مقتنع بمبدأ أن تحب فتفشل خيراً من ألآ تحب أبداً
زفر بـ ابتسآمة إستهزآء مقطوعه: هـــه .. جـدّ والله ؟ وين الحب الحين بـ السآلفـه !!! ذآ لعب بزرآن ...
فوآز: أقول الحين ترآك بتأثر علي وأكتئب وأنعزل وتطول لحيتي ويمرّ على شهـر مآ أتسبـح تطلـع ريحتـي .. أدمن مخدرآت .. أطلع فوق السطح .. أنقـز من الدور 20 وإنت جآلس مكآنك كوب القهوه بيدك وبيدك الثآنيه الجريده تقرآ خبر إنتحآري
سند: وش هآلفـــــــــرآآآآآآآآآآآآآآآغ إللي بأفكآرك
فوآز: يآبرودك يآخي .. خلك كذآ رآفع خشمك شآيف خشتك ع إيش مدري
سند: كآني مثلمآ تقول مآكنت الحين مضيع وقتي وجآلس أهذر معك بسوآليفك إللي مآتنطآق
خزه فوآز بنظرة إحتقآر من فوقه لتحته أجبرت فمّ سند إنه ينفتح بـ ابتسآمه عذبه سآحره تكشف عن رتآبة أسنآنه المتنآسقه بجآذبيه ...
رفع سند حآجب وآحد بثقه: بوصـل للي أبيـه بطريقتـي أنآ .. بدون أي تنآزل
رفع فوآز سبآبته بوجه سند وهو يهزهآ بتأكيد وإعجآب: إنــــت المآستــــــــــر
/
/
/
حطت كف يده الصغير المليآن بفمهآ وهي تعضـه: بسسسك عآآد يآولد ترآك طفشتنـي
....: لآتعضيــن ولـدي
ورده: أي ولد ذآ فيحــووووه هآه .. هآه !! هـــآآآآه - مسكته من فكه السفلي مقربته منهآ وهي تسحب فمه الصغير لفمهآ ببوسه قويه - : هــآآآآه أي ولد هذآآ .. هذآ جنـي صغيـر
فيحآء: ووش هآلقرف وردوووه الولد بعده صغير لآ تبوسينه من فمه كذآ
ورده: المشكله مآ أقدر أبوسه من فمه كذآ الآ وهو صغير .. لآ منهم كبرو صآرو يلوعون الكبد ويبطونـه
رفعت الكوب البلآستيكي الكبير بـ كوكتيل فريش بشكل مغري بـكل الألوآن .. أحمر فرآوله , أصفر مآنقـآ , أخضر كنتآلوب , أبيض جوآفـه ..
المزآز البلآستيكي بين شفتيهآ المنتفخه: لو تآخذينه بس وتريحيني من إزعآجه .. قلة رآحـه .. تعب بدن وأعصآب
ورده: يعني لآزم تسآفرين !!
فيحآء: ايه حبيبتي لآزم أسآفر تدرين ذآ شهر رمضآن ..لآمنـه جآ تجمعنـآ ...
ورده: يعني زوجك بيوقف شغله هنآ بمصر شهر كآمل
فيحآء: والله مدري للحين بس بنسآفر بأول الإسبوع الجآي إنشآلله بيكون أول رمضآن .. كآنه بيردّ للشغل بـ مصر مدري والله وش بيصير .. علميني بس ليش مآتردون الديره آنتم بعد ؟ مو عآيلتكم بـ السعوديه
ورده: وليش نروح السعوديه !! أبوي عنده زوجته الثآنيه وعيآله منهآ يقضي الشهر عندهم مع العآيلـه بكبرهآ .. أمآ هنآ فـ أكون مع أمي وعآيلتهــآ
فيحآء: بس جمعـة الأهل بـ السعوديه غير .. رمضآن بـ السعودية غييييير
ميلت ورده فمهآ زآفره نفس هآدي بقلة حيله: إيــه .. عآد ذآ هو مآتعودت عليه
رفعت رآسهآ بترجي مبوزه بـ إصطنآع: بس جد شهر بطوله بقضيـه بروحي .. تر جآني الإكتئآب من الحين .. روحي إنتي وزوجك وإتركي هآلجني الصغير معــي
صآحت وهي تشوف ورده تعضعض فـ خدوده: هيييه إنتي بعد وخري عن ولدي ..
أعرضت عنهآ ورده وهي تضمه لصدرهآ بمزح: تحلميـــن
فيحآء: كليتيه حسبي الله على إبليسك شوفي خدوده حمرتيهم طمااط
ورده: مآلك دخل إنتي مآحد إشتكآلك
فيحآء: أي شكوى إنتي بعد
مدت يدينهآ بتآخذه: هآتيه بس اشووف هآتيــه
ورده: تعقبيـن مآتآخذينـه .. لآمنه بكـى ولآ صآح شآكـي عطيته لك
لوت بوزهآ بـ استخفآف: وليش مآتحطين عقلك برآسك وتخلين عنك هآلخبرآبيط وهآلتصوير إللي مآورآه أي سنع وتزوجين تجيبين لك بزر دآمك هآلكثر متعلقه بـ البزرآن وتحبينهم
أطبقت ورده شفتيهآ بـ إبتسآمه خفيفه بدون مآترد عليهآ ... مآتدري من جآ طآري الزوآج والأولآد تذكرته .. تذكرت آدم .. وش يعنيلهآ لأجل كل مآطرآ هآلموضوع قآمت تشوفه بعيونهآ ..
تذكرت بلحظتهآ كلآم حليمه بآخر يوم لها بـ الأقصر وأنهآ تبي زيآرة ورده الثآنيه لهآ هي وآدم يكونون مرتبطين بخطوبه أو زوآج والأحسن تجيهآ وهي حآمل .. حآمل بـ طفل من آدم بعد مآلمحت حليمه لهآلشي وهي تأشر على بطنهآ ...
ضمت فهـد الصغير لحضنها بقوه كنهآ تبي تخفيه بين ضلوعهآ دآفسه خشمهآ برقبته تتنشق ريحته النقيه بنشوه .. ريحة الأطفآل المميزه .. وهي تحآكي نفسهآ " وش فيك يآورده ؟؟ كم مرّ من الوقت وبعدك تتذكرينه وتشوفينه بنفس الطريقه إللي إنتي تبينهآ .. أي إرتبآط ذآ .. ومع من بعـد .. آدم !!!! هـــه .. جد إنك متخلفه .. إصحي على حآلك يآحلوه .. يحـب ويعشـق ويموت على غيركـ .. هذي إللي مآيقدرون بنآت السعوديه ومصـر أو بنات العآلم كله يغيرونه عليهآ .. هذي هي إللي بعقـله وقلبه وروحه .. هذي هي الكلمآت إللي سمعتهآ من فمـه ذآك اليوم ... هو لغيرك يآورده .. مو لــك "
كآنت ذكرى هآلكلمآت إللي صدمتهآ يوم سمعتهآ كفيله بإثآرة الغدد الدمعيه عندهآ لأجل تتلألأ دموعهآ متعلقه بمحجر عيونهآ بأسـى على هآلعذآب إللي تحسـه بهآلعآطفه العقيمـه .. هذآ هو نوع من أنوآع عذآب العآطفـه .. العآطفـه إللي تكون من طـرف وآحـد ..
رفعت رآسهآ للويتر إللي مآنتبهت عليه أبدّ وهو وآقف فوق رآسهم يتكلم مع فيحآء وإللي شكلهآ وآصله حدهآ من العصبيه والنرفزه وشوي بتوقف وتكفخه ..
ورده: وش فيـه !!!
فيحآء: مدري عنه ذآ بعد يقولك أحد دفع حسآبنآ
عقدت حآجبيهآ بإستفهآم: وشهـــو !!!
رمقت الويتر بنظرة إستحقآر: حركآت رخيصه وقديمه مـــرررره
رفعت ورده نظرهآ للويتر إللي كآن منزل عيونه للأرض بفشله من البهدله والتهزيئ إللي أكلهم من فيحآء .. غير نظرآتهآ إللي تخزه كل شوي .. - سألت بهدوء - : ميــن ؟!
التفت ورآه مأشر بعيونه على طآولتهم وإللي كآن فوآز يمثل دور التجآهل وهو يحكي بـ الجوآل وسند فآرد جسمه بأريحيه ممدد رجوله رجل مسنده على رجل وبيده جريده يقرآ فيهآ: أستآذ سنــد وأستآذ فــوآز
ورده: ذولـــــي ؟
زفرت فيحاء بـ ضحكة إستخفآف مسموعه: هـــه شوفي والله يقولك سنـد وفوآز
الويتر: إللي دفع هو الأستآذ سند إللي بيقـرأ الجرنآن هنآك
ورده: وليش إنشآلله يدفع الحسآب !!
الويتر: معرفش والله حضرتك .. بس هو دفـع خلآص حسآب الطرآبيـزه بتآعتكم وأي حآقـآ هتطلبوهآ بعد كدآ برضـو حسآبهـآ عليـه هـو .. هو زبـون دآيـم هنـآ
أشرت له بيدهآ تصرفه: خلآص أوكي شكراً
فيحآء: أي شكراً إنتي ووجهك .. ليش مآقلتيله يرجع لهم الحسآب .. هذي حيله رخيصه ومعروفه وش بيظنون الحين
ورده: شوي شوي بس ليش معصبه إنتي الحين
ضيقت عيونهآ بحده: لآ والله وش تبيني أسوي يآلخآيسه الحين .. مآتشوفينه وش يقول سنـد وفوآز يآشيييييينهــم الخلآيجـه لآمنهم طلعوآ برآ ديرتهـم مآيخلون عنهم هآلحركآت .. لآ وشكلهم بعد سعوديين مآلت على هآلخلـق المخيسـه
وقفت وهي تضحك على كلآم فيحآء مآده لهآ فهـد: خذي ورعك بس خلني أشوف وش السآلفه
نزل الجوآل من أذنه وهو يشوفهآ بطرف عيونه تقرب صوبهم ..إبتسم لـ سند وهو يخزه على هآلحركه الخبيثه إللي سوآهآ وبـ المقآبل ردّ له سند الإبتسآمه بـلعآنـه ..
فوآز بهمس: والله إنك مب سهل يآخـي .. ملعــوون
ورده: السلآم عليكم
فوآز بتوتر وهو يرد عليهآ السلآم وعيونه على سند إللي مآتحرك له سآكن ولآ حتى نزل هآلجريده من يده ورفع رآسه ينآظرهآ - بتوتر - : وووو آآآآ .. ووعلييكككــم السسســلآم
أظلمت عيونهآ بـ إستفهآم لفوآز .. الحين منو فيهم سنـد !! الويتر قآل ان سند هو إللي دفع الحسآب وهو ذآته إللي يقرأ بـ الجرنآل بس الحين هذآ إللي يرد والثآني ولآ كنـي موجوده ..
ورده: إنــت سنـد ؟
فوآز وبعده عيونه على سنـد يخزه بنظرة توعـد بعد مآسبـه بخآطره 100 سبـه " وش فيك إنت يآلخآيس الحين مآترد وش هآلموقف الحين والبنت وآقفه فوق روسنآ " .. بلع ريقه بتوتر بإبتسآمه متوتره بآهته مقطوعه: ل ل ل لآآآآ أختـي ..هذآ هو سنـد - أشرّ بعيونه على سنـد - إللي كآن بعده على وضـعه كنـه بمكآن ثآني ولآ هآحوآر جآلس يصير فوق رآسه ..
رفعت حآجب وآحد بإستنكآر وآضح على ملآمحهآ " وش فيه ذآ بعد سآفهني ولآ كني موجوده .. وش قلـة هآلذوق " بنبره حآزمه حآده: أستـــآذ سنـــد
سند: ................
صرت على أسنآنها بصرآمـه حآده وبنفآذ صبر: أسسسسستــــآآذ سنــــــد .. لوووو سمحــــــــت !
صفط الجرنآل بهدوء وهو ينزله على الطآوله ببرود يجلــط .. مكتف يدينه بإستفزآز وهي مآشآلله عليهآ حآستهآ للإستفزآز مآخذه وضع التشغيل على طول .. أقلّ شي يثير إستفزآزهآ وعصبيتهآ وبثآنيتهآ توصل حدهآ ...
كتفت يدينهآ وصآرت تهز جسمها ضآربه رجلهآ اليمنى بـ الأرض بتوتر ..
رفع حآجب وآحد بإستفهآم يستنطقهآ تقول وش عندهآ بدون مآيفتح فمـه ..
تآففت بنفآذ صبر: إنت دفعت الحسـآب !!
سند: أهـــآآ
ورده: وليــش !!
سند: جميلـه وأردهـآ
ضيقت عيونهآ بإستنكآر: وأنآ أعرفك بـ الأسآس !! ولآ انت تعرفني !! وش جميلتـه هـذي !! مآفهمـت
وجه نظره لفوآز - بهدوء - : فوآز ممكن تترك لنآ الطآوله شوي !
تمّ ثوآني متنح إستوعب بعدهآ طلب سنـد .. وقف بـ إنقيآد تآم تآرك لهم الطآوله
ورده: والله !! وآثق مره إني بجلس معك على نفس الطآوله
سند: تمـــــآآم الثقـه .. إنتي تبين تعرفين السبب ورآ حسآبكم إللي دفعتـه وتبيـن تعرفين أكثـر أي جميلـه هذي إللي قصدتهـآ .. فـ عشآن كــــذآآآآآآ - فرد كفه الأيمن مأشر لهآ تجلس قبآله ع الكرسي مكآن فوآز -
أردف: تفضلـــي
نقلت نظرهآ بحده بينه وبين الكرسي الفآرغ .. إستقرت أخيراً على إنهآ تجلس ..
إلتفتت لفيحآء وإللي كآنت تخزهآ بنظرآت توعد نآريــه والحين بتقوم وتكفخهـآ .. شلون تجلس معـه .. هذي ورده مآحد يقدر يوصل للي ببآلهآ وإللي تفكر فيه .. هذآ إن كآنت تفكر أصلاً ..
سفهت ورده نظرآت فيحآء الحآده لهآ وإللي تتوعدهآ فيهآ سآئلـه سند بهدوء: أسمعــك .. وش عنـدك ؟!!!
======
-----------
======
قبل إسبووع وآحد من شهـر رمضآن ...
بـ السعووديهـ .. تحديداً بـ المطـآر
بـ صآلة الوصول .. جلست على وآحد من كرآسي الإنتظآر الإستيل رآفعة الجوآل لأذنهآ بعد مآبدلت الشريحة المصريـه بشريحتهآ السعووديهـ ...
اتسعت إبتسآمتهآ اول مآجآهآ الرد: وحشتيييييينــــــــــــــــي
حوريه: لحئـــــت !!!!!
مهآب: إنتي أصلاً كنتي بتوحشيني وأنتي معآيآ وأودآم عنيـآ .. إزآي وإنتي بعيد وفرق كل المسآفه دي مآبينآ
حوريه: هو شهر وآحد بس يآمهآب ... دآ رمضآن ولآزم أكون مع أهلـي
مهآب: وهنآ يعني مش أهلك
زفرت نفس مطيره عيونهآ: لآ طبعاً إنت فآهم أنآ قصدي إيه
مهآب: بس على فكرآ أمي وأبويآ متدآيئيــن (مضآيقين) جـداً ومش همآ بس . لآ دآ كل إللي هنآ عشآن سآفرتي من غير مآتسلمي عليهم
حوريه: وإحنآ مش كنآ إتكلمنآ فـ الموضوع دآ ورتبنآه سوآ .. إزآي هئآبلهم كدآ وأنآ بمنظري دآ !!! مش إتفئـنآ تئولهم إنك دخلت خنآئـه مع شبآب أصحآبك وضربتو بعـض ... وأنآ هئولهم هنآ حصلتلي حآدثه بسيطـه ... لكن يشوفوني معآك وأنآ شكلي كدآ !!!
تنهـد بقلة حيله: أعمل إيه بس ... بس إنتي بجد وحشتيني سفرك دآ قآ فقـأه
حوريه: هههههه لآ رمضآن هو إللي قـآ فقـأه ... إنت كنت عآرف إني أول رمضآن هرقع تآني للسعوديه
علقت عيونهآ عليه وهي تشوفه يقرب صوبهآ مبتســم .. - بـ استعجآل لتسكر الخط - مهآب مهآب عٌمــر وصــل ... لآزم أقفل دلوئتـي نتكلم بعديييين بآي .. بآي .. بآآآي .. طوت طوت طوت ...
إتسعت إبتسآمتهآ بنظره تفآجـئ إيجآبي طفوليـه بريئـه وهي توقف: عٌومـــــــــآآآآآر
/
/
/
بنفـس المكآن ونفـس التوقيت ...
بـ صآلة الإنتظآر كآن جآلس منتظرهآ مسند ظهره للكرسي مكتف يدينـه .. نظره مركـز بـ الأرض على طرف فمه شبح إبتسآمه لموآقف قليله جمعتهم لكنهآ كآنت كفيلـه تترك أثر وآضح فيـه .. ميسـم هي بدآيتك الجديده يآوآئـل وإللي فرضـت نفسهآ عليكـ بـ القوهـ .. رآفضـه كل تحكمآتكـ بـ إرآدة نفسـك وعوآطفكـ ضآربه فيهم بعـرض الجـدآر .. حركـ نظره بـ إنتبآه لـ طفل الصغير بـ الأرض يقرب للسنتيـن أو أقل وهو يتهتـه التهتهـه الطفوليه المو مفهومـه وبيده علبـة كولآ فآرغـه يصحكهآ بـ الأرض .. إبتسم بتلقآئيـه على الموقـف إللي صآر بينآتهم وشكلهآ ذآك اليوم إللي شرب من الكولآ حقتهآ بتعمـد وأنكـرّ هـ الشي بعـد بتعمـد و إللي ذكره فيه هآلطفـل الحين ...
التفت لهآ بـ إنتبآه بعد مآوقفت قبآله رآفع رآسـه بـ إبتسآمه وإللي اختفت أول مآتلآقت عيونهم ...
وقف فآرد ذرآعه .. بآسط كفـه يسلم عليهآ: حمدالله ع السـلآمه
مآ كآن ردهآ الآ إبتسآمه شكر مصطنعه مطبقه فيهآ شفتيهآ مغمضـه عيونهآ .. بثآنيتهآ وإختفت هآلإبتسآمه معطيته ظهرهآ تآركه العربه إللي عليهآ شنآطهآ ..
ثبتتهآ نبرته الحآده لهآ: خطآك مآتسبق خطوآتـي
رفعت عيونهآ بتنهيده قصيره مكتومه " صبركـ يآرب " .. التفتت عليه بـ استنكآر شديد فـ نظرتهآ الحآقده: هنآك يقولون ليدز فِرسـت .. وإنت تقول خطوآتي مآتتعدآك .. هــه
وقف جمبهآ .. مرقها بـ طرف عيونه وهو يصر على أسنآنه: قلتيهآ بنفسك .. (هنآك يقولون) .. إنتي هنآ بـ أرض السعوديه آنســه دآريــن ..
صدت وجههآ عنه بتأفف فآرده ذرآعهآ كـ إشآره له إنـه يمشـي - بحـده -: تفضـل طآل عمــرك
وآئل: صوتك مآيعلى أتوطآك الحين
دآرين: ترآ مآكآن فيه دآعي تتنآزل وتجيني بـنفسك .. كآن أرسلت السآيـق ..
وآئل: هه لآ تصدقين نفسك عآد .. ترآ على عيني هآلمشوآر .. بس مآجآني قلب توصلين من سفرك ولآ حدن درى عنك
- بسخريـه -: هــه .. لآ والله فيك الخير مره قلبك طيب
عند سيآرتـه الفـورد البيضـآء .. دخل شنآطهآ بـ الصندوق ودف العربـه للرصيـف .. نآظرهآ مستغرب ليـش بعدهآ وآقفه مآدخلت السيآره: خير إنشآلله ليش وآقفه ولآ تبين أفتحلك البآب بعد
دآرين: لآ مشكور أقدر أفتحه بروحي بس منتظره سيآدتك طآل عمركـ .. مآيصح أدخل قبلك .. خطآي مآتتعدآك .. تفضل إنت بـ الأول وأنآ من بعدك
إبتسم سآخر وهو يحرك رآسه بـ النفي: ترآ جد مآعندك سآلفه
دآرين: قلـت شي ؟
وآئل: سلآمتك .. وش أخبآر المآجستير
بعدت اللثمه على وجههآ بعد مادخلت بالسياره فآرده جسمهآ بـ أريحيه ع الكرسي جمبـه: آمممم يعنـي إنضغطـت شـوي ... لآزم أدرس أكثر لأن المنآقشه قريب مره
ابتسم وعيونه على الطريق: إنتـي قدهآ
مسكت جبينهآ بأطرآف أصآبعهآ مغمضه عيونهآ: بس جـد تعبـت
وآئل: متى بترجعن
التفتت له بنظره حآده: لآحوووول وش فيك يآبن النآس ترآ توني وآصله .. رآعي مشآعري شوي
رجع عيونه للطريق قدآمه مبتسم بصدق على ردة فعلهآ .. هذي هي دآرين الحقيقه .. دآرين الإنسآنه إللي مآتظهر على حقيقتهآ إلآ بقلـة من الأوقآت .. ممكن مع نفسهآ وبـس ... مو دآرين المتصنعـه .. التصنـع إللي يظهرهآ بمظهر الريبورت الآلـي مآينطـق الكلمـه أو يبتسم البسمـه إلآ بعد تفكير جآهـد ..
وآئل: ظني تدرين من جآنآ
دآرين: ضيف ثقيـل ومفآرق
وآئل: من جآنآ صآحب بيت مو ضيـف
دآرين: تخسـى وتعقـب
فرمل السيآره بقوه وقفهآ على جمب الطريق .. إنحنى جسمهآ لقدآم من قوة الفرمله وسرعتهآ .. التفتت له مبرقه عيونهآ بصدمه: خير إنشآلله وش فيك إنت تبي تذبحنآ
نزل يده من الدركسيون .. عيونه على الطريق قدآمه - همـس - : ميســم
دآرين: وش فيهآ هآلعللـــه مآل المرض
بلع ريقه بنفآذ صبر في محآوله منه لتملك أعصآبه - من بين أسنآنه - : لآتقربينهــــآ
دآرين: والله عآد مآ اضمن نفسي .. مدري وش يصيبني لآمني شفت خشتهآ الفقـر
كرر كلآمـه برصّ أكثر تفصيـل: ميســــــــــم .. لآ .. تقربينهــــــآ
كمل بهدوء: إنتي أختي .. مثلك مثلهآ .. مآ ارضى لهآ الأذي ولآ ارضآه لك بس إن صآبهآ شي و لآآآآآآخر مرهـ .. قسمآ بعزة جلآل الله مآتلومين إلآ نفسك دآرين .. ومآصآبهآ منك بيصيبك .. بس منـي
صدت عنه بحده عيونهآ على الطريق قدآمهآ بنظرة جمود ثآبته: لآ أنآ ولا ميسم خوآتــك ... ميسم أختي أنآ
وآئل: ومن يدري ؟
دآرين: كلهم يدرون .. أمـي وأبـوي
وآئل: ومنهـي أمك ومنهـو أبوك ؟
إشتدة حدة نظرتهآ بعد مآتجمعت الدموع بمحجر عيونهآ الزرقآء الإصطنآعيه " عدسآت " .. التفت عليهآ يشوف سبب سكوتهآ .. مآخفى عنه إرتجآف ذقنهآ وهي زآمه شفتيهآ بقوه راصه على فكيهـآ ..
وآئل: دآرين .. أمي أمك .. وأبوي أبوك .. أنآ أخوك .. وشروق أختك .. وتغـريد توأمك .. وميســم بنت عمك
لف مفتآح السيآره وحرك بدون مآيسمع ردهآ ..
أردف بهدوء: مآ أوصيك
زفرت نفس سآخر مميله فمه بإبتسآمه مآكره: هــه .. لآ توصـي حريـص
رمآهآ بنظرة توعد: يميـن الله يآدآريـ .....
رفعت يدهآ بوجهه توقفه: شوي شوي أعصآبك وش دعوى كل ذآ !!!
- كملت بهدوء - : رح أتجنبهـآ .. وترآ مو عشآن سوآد عيونهآ ولآ لأجل تهديدك وتوعدك ذآ يعنني خفت مره .. لآ يآقلب أختك
التفت لهآ رآفع حآجب وآحد بإستفهآم ..
دآرين: مآبي أكدر أجآزتي بسآلفتهآ .. مآلي خلق أصلاً أقآبل خشتهآ
بنبرة إستخفآف: دآرين بـ الله إنتـي لمتـ ...........
قآطعه صيآحهآ المفآجئ إللي خرعه وبقوه: خــــــــــــــــــلآآآآآآآص
ملآمح القهر والضيق على وجههآ .. عيونهآ مدمعه .. تلهث بأنفآس مكتومه وآضحه بحركة صدرهآ الغآضبه السريعه: قلتلك مآبقربهآ مب سآلفه كل شوي تعيد وتزيد وتأكد .. مو كآفي إنهآ رح تكون معي بنفس المكآن .. وإن غضيت عن شوفتهآ .. إحسآسي .. إحسآسي إنهآ معي .. شلون بتعآمل مع نفسي أنآ بهآلوضح مو معهآ .. خـــــــلآآآآص ...
هدت نبرتهآ بضعف: لآتزيدهآ عليّ ياوائل أكثر من كذآ
بلع ريقه مطبق شفتيه بأسى على وضعهآ وإللي تحس فيـه .. مهمآ سوت كثر مآيغضب منهآ بس بـ الأخير يعذرهآ .. بس لو هآلسوآت كلهآ للشخـص المنآسب .. للي كآن السبب بـ إللي هي فيه وإللي تحسـه .. مو لميســم .. ميسم مآلهآ ذنب أبدّ .. حتى إنهآ مآتعرف أصلاً الحقيقـه ...
رجع نظره لهآ يشوفهآ مسنده رآسهآ على قزآز الشبآك جمبهآ سرحآنـه .. عيونهآ تلمـع بـ الدموع المتلألئـه وإللي رآفضه إنهآ تنزل برغم كل الألم والغصـه والضيق إللي تحسـه الحين
بخآطره: شكثـر تعآنين يآدآرين !! لو بس تتغآضين عن كل إللي صآر وتتقبلين الوآقـع ...
همس بدفى: كل عآم وإنتي بخيــر ..
بنبره مبحوحه مقطوعه إختفت: وإنت بخيـر
ركز بـ الطريق قدآمه مزود من سرعته تآرك لهآ مسآحه تفكير لكل إللي يدور بخآطرهآ وهو يدري مسبقاً عنـه ..
نزلت دمعه يتيمه متمرده من عيونهآ تدآركتهآ بسرعه بطرف إبهآمهآ الأيمن ... مآخفت عنه هآلحركه منهآ وبلحظتهآ رقّ قلبـه لهآ .. أنبـه ضميره كنـه قسى عليهآ بـ الكلآم .. بس غصباً عنه لأجل يوآزن بين الجآنبين ،، يدري إن هو مآقسى على دآرين فدآرين نفسهآ رح تقسى على ميسم ...
بخآطره : " بآقي دورك يآميسم ... شلون بقنعك ! أدري إن تجنب وتجآهل دآرين لك رح يجرحك بس أحسن من إحتكآكهآ فيك ووقتهآ مآ أضمن وش إللي بيصير .. ممكن تكون نهآيتك وإنتي ضعيفه وعآجزه فـ مقآبلة قسوة دآرين وجبروتهآ وحقدهآ إللي كل مدى يتغذى ويزيد عن أول كل مآتذكرت "
/
/
/
شدد على عضدهآ هآمـس: دآريــن !!!
لفت رآسهآ عليه بفهآوه وبعدهآ اللمعه بعيونهآ المتعبه بنظرة إنكسآر: هــآه !!
وآئل: وصلنـآ
نآظرت من الشبآك كآنو بمدخل الفيلآ حقتهم " يـ الله كل هآلمسآفه مآدريت عن شي " .. زفرت نفس هآدي: هـآآآآآحح .. شردت شوي
وآئل: طول الطريق وإنتي شآرد ................
قطـع كلامه نص دارين الثآنـي اللطيـف بـ صوتهآ الحآد الرفيـع وهي تصيح فآتحه فمهآ بصدمـه " مآكآنت تدري إنهآ بتوصل اليوم أصلاً " بعد مآفتحت البوآبه الحديديه العريضـه بـ المدخل : دآريـــــــــــــــــــن !!!
======
-----------
======
يتبـــــــع ...
:::
|
10-08-16, 05:55 PM
جديد مواضيع قسم القصص المهجورة والغير مكتملة
العرض العادي
