كاتب الموضوع :
سحاب الود
المنتدى :
ارشيف خاص بالقصص غير المكتمله
رد: وكأن الأمس لم يكن.. رواية حصرية للكاتبة سحاب الود
الجزء الثالث:
دكتورة ريهام
( ممنوع الزيارة)
انا مش عارفة ليه محدش بيحاول مجرد محاولة انه يساعد الانسانة الضعيفة هذه، يعني معرفش ازاي دخل الراقل دا عليها وقعد يزعق وسبب لها انهيار فوق اللي هي حاصل لها ، والله عيب، انا اللي اجبرت الممرضة تعلق لوحة (ممنوع الزيارة) على باب الاوضة ما يصحش والله دي نفسيتها مش مستحملة زيادة خالص!
عندها أرق..
عندها حالة توتر شديدة خالص..
عندها اكتآب قامد قدا وانا خايفة انها توصل للانتحار لا قدر الله..
فوق كدا محدش بيسأل عنها من أهلها ، ومحدش بيحاول ..
يمكن دي هروموناتي .. ويمكن الأمومة بدأت تجري في عروقي وعايزة اني احمي اي حد مش لاقي حد يحميه...
من يوم ما حملت وانا اعيط على اي حاقة و بقيت حساسة اووووي، والله جوزي بيتضحك عليا انا بتابع مسلسل واعيط، واتابع اعلان تلفزيون واعيط.. دي دموعي حتخلص قبل ما اعيط في الطلق والله!!
غالية بقى لها 3 ايام في تخدير تام، لان ارتفع عندها الضغط وزادت نبضات القلب فوق الطبيعي، واضطرينا نطلب لها تخدير عشان ترتاح المسكينة، اليوم راح يشيلو عنها التخدير ونبدا من اول وجديد ، ربونا ياخذ بيدها دي والله مسكينة
طلعت من عيادتي وطلعت عشان اطل على غالية، طلبت من الممرضة ترن لي لما تفوق ، ودلوقتي طالعة اطمن عليها، دنا بحاول اتعامل معاها معاملة اخت اكتر من مريضة دي بتحتاج اي حد يدعمها ويساعدها
دي مشية البطة حاقة مش طبيعية، انا مش عارفة ازاي الامهات بيخلفوا عشرطعشر مرة ما شاءا لله، انا وحدة ومش قادرة اني امشي ولا اتنفس ولا اجلس ولا انام ولا اقوم، لا اله الا الله...
وصلت للجناح وتوجهت لأوضة الاخت غالية..
لقيت تجمع دكاترة وممرضات، احتمال وقت الروتيشن ودلوقتي وصلوا لأوضتها وقفت وقعدت اسمع للدكاترة
- المريضة سيدة في الثلاثين من عمرها، فقدان ذاكرة، وكسر في الفك العلوي تم علاجه بالمسامير قبل 5 اسابيع الجرح ما زال ملتهب وهي على مضاد حيوي وبتابع مع طبيبة نفسيه وراح نحولها على جراحة تجميلية اول ما نحل مشكلة الالتهاب
- ومتى الخروج؟
- اممم.. في مشكلة من هذه الناحية دكتور
- كيف في مشكلة؟ ما دام مشكلتها مجرد التهاب ممكن تطلع او ما ينحل الالتهاب
- المشكلة دكتور ان زوجها رافض يطلعها، وما يرد على الاتصالات، وما عندنا اي رقم اخر للتواصل ما عندنا رقم لا لأب او اخ او اي شخص ممكن نتواصل معاه
- لا حول ولا قوة الا بالله... ليه كثرانين الناس اللي يحسبوا المستشفى فندق؟
دخل الطبيب المعالج ومعاه الطلاب على غالية، واخذوا معاها يمكن 5 دقايق، طلعوا بعدها على طول على الغرفة اللي بعدها
دخلت بعديهم، وانا على وجهي اكبر ابتسامة وعايزة اكسر الدنيا بدمي الخفيف
لقيت غالية بين النايمة والصاحية
مش معايا خالص
اتوقع انها ما فاقتشي اوي، ولسة بين عالم الاحلام والواقع
قعدت جمبيها ، مش عايزة تفوق وما تلقاش حد معاها، لقيت في درج الكومدينة مصحف وسجادة، مسكت المصحف وقلت اقرأ لها حاقة ترتاح شوية لما بتسمع القرآن ان شاء الله
بدأت
أقرأ سورة البقرة..
كل ما اخلص صفحة ارفع عيني اطل عليها، مرة بتفتح ومرة بتغمض
كملت لحد ما قريت تقريا 6 صفحات
وسمعتها بترد عليا
- جزاك الله خير دكتورة
- يا صباح الفل والياسمين يا ست الكل
- يا عمري يا دكتورة من متى وانت هنا؟
- لسة قاية دلوقتي
- ههههه يا بعد قلبي، الله يسعدك ويقومك بالسلامة
- قولي لي ازيك دلوقتي؟
- راسي ثقيلة والله، سامحيني ماني قادري ارفع راسي واجلس
- لأة والله خليك زي منت دنا قاية اتكلم معاك واطمن عليك يا حببتي
- ربي يخليك
- ممكن اسألك سؤال يا غالية
- اتفضلي يا دكتورة
- اذا طلبت انك تخرجي معايا يوم واحد تقبلي؟
- هههه اخرج فين يا دكتورة وانا ما اشوف ولا اقدر امشي لوحدي
- بصي بقة نا اقول لك.. انتي شايفة انا ازاي عاملة قد الفيل كدا وبمشي بالقوة عايزة حد يجي معايا يساعدني اختار سرير للبيبي
- يا عمري... تسلمي انك فكرتي فيا، بس اكيد عندك احد احسن مني ممكن يساعدك
- لأة والله مافيش، جوزي مسافر وعندو شغل لمدة اسبوع برى الرياض، وزميلاتي كل وحدة مشغولة ومش لاقية حد يجي معايا
- بس... حتى لو قلت ايوة كيف اطلع؟
- ما فيهاش حاقة اطلب من الدكتور يعطيك يوم خروج واحد معايا انا تحت رعايتي ومعانا ممرضة، مش حنطول نطلع لمدة 3 او 4 ساعات ونرجع
- من جد؟؟
- اه والله!
شفت وشها عامل انهار من الدموع، وعرفت انها بجد عايزة تخرج من المستشفى، دي حتكمل شهرين قاعدة في الغرفة دي ما يتنزلشي الا للعيادات، من حقها تطلع من المكان دا شوية
هو صعب اوي اني اطلب انها تخرج معايا بدون ما اكون انا ولي امرها، او اذن من ولي امرها، لكن لكل مشكلة حل، وراح اطلب اني اطلعها مع ممرضة من اجل علاج نفسي ونحط كم بروتوكول على كم عذر منطقي للمستشفى، وان شاء الله تطلع!
خرجت من عندها ورحت من مكتب لمكتب، ومن جناج لجناح
وزي ما بتقول مامتي: اي حاقة تكون ريهام عايزاه بيحصل بيحصل!
اكتب ورقة واختم ورقة، اوقع هنا واوقع هناك
واخر حاقة قدرت اني احصل على موافقة خروج مريضة من اجل علاج ميداني لمدة 4 ساعات فقط وبإستخدام باص المستشفى ووجود ممرضة!
ايوة هي دي ريهام للي مش عارفة مين ريهام!
طلعت لعند غالية وقولت لها على الخبر، واتفقنا نخلي الطلعة دي على بكرة الخميس، اخر يوم في الاسبوع قبل الويك الاند نبقى نطلع من الساعة 9 الصبح ونخلص كل حاقة على الساعة 1 الظهر
هو صحيح الغرض من خروج غالية علاجي بحت، لكن من ناحية تانية لقيت لي حد يعطيني رأي في اختيار غرفة البيبي
في اليوم التاني طلعت لعند غالية، وكنت قايبة معايا عباية زيادة لاني ما كنتش متأكدة اذا كان معاها عباية ولا ماكنشي معاها، لقيت الممرضة بتنتظر معاها كرسي متحرك
دخلت الاوضة ولقيت غالية قاعدة على طرف السرير لابسة لبس المستشفى و عليها عباية مقطوعة من الجنب ، قطعت قلبي اوي اوي اوي... دا محدش من اهلها جاب لها لبس ولا حتى اهتم انو يرسله طب يعني ما تقوش مش عايزين تشوفوها محدش يجي بس ابعتولها حاقة نظيفة تلبسها ، اي حاقة!
- صباحك قشطة يا قميل
- اهلا دكتورة
- بصي انا جبتلك العباية ديت من ان شاء الله تعجبك
- لا لا عادي عندي عباية
- ايه يختشي عايزة يمسكونا الهيئة وانتي بنص العباية ديت!
- ههههه نص عباية، حرام عليك والله اجتهدت انا
- انا عارفة والله، بس قلت ايش ما يصحش تخرجي معايا وانتي كدا، اتفضلي البسي العباية دي وخلينا نطلع
- شكرا دكتورة
- عنيا يا حببتي عنيا!
ساعدتها تلبس العباية، ومسكت ايدها وخرجنا للممرضة، جلست على الكرسي ووقعت ورقة الخروج وتوكلنا على الله
في الباص الخاص بالمستشفى، جلست انا وجنبي غالية، والممرضة في الكرسي الامامي جنب السائق، نظراتها كانت حزينة وسعيدة، مرة بتطل من الشباك اليمين ومرة من الشباك اليسار، عايزة تشوف كل حاقة بنفس الوقت، زي اللي عايزة تفتكر اي حاقة واي حد
- غالية
- ايوة يا دكتورة
- لا ترهقي نفسك، خذي الموضوع بهدوء
- لا عادي والله
- قصدي ما تحاوليش تضغطي على نفسك عشان تفتكري اي حاقة، انتي حتفتكري وقت ما تفتكري، ما فيش حاقة حترجع لك بالقوة او اذا ضغطتي على نفسك
- اها، لا بس... نفسي .. يعني بس .. لو اشوف شي واحد له علاقة بي، شي يقول لي انا مين.. يعني يمكن اشوف شي ..
- حببتي يا غالية، بصي، انتي لازم ما تجهديش نفسك وعقلك، يقول لك لما تتركي الموضوع هو اللي يجيك، انتي ما تفكريش في الموضوع وان شاءا لله المواقف راح تساعدك تفتكري
- ان شاءا لله
وصلنا لسنتربوينت، طبعا انا اخترت سنتربوينت في فترة الصباح لان الزحمة اقل والموقع واسع وكبير وما راح تحس بالضيق والزحمة وتتوتر
نزلنا وجلست غالية على الكرسي المتحرك، معاها الممرضة..
دخلنا ومشينا باتجاه اسرة الاطفال حاقات قميلة والله
انا اللي في بطني ولد، وعايزة اعمل له اوضة ازرق في ازرق، كل حاقة واي حاقة ازرق!
جوزي عايز يسميه (إسلام) دي وصاية مامتو الله يرحمها قالت لو ازا جبت ابن لازم يبقى اسمو إسلام، ومش مشكلة والله الاسم قميل برضو
كانت غالية في قمة السعادة، تغيير الجو لوحده دا حيعمل عمايل معاها
كانت بتطل في كل حاقة وتقول لي دا حلو ودا قميل وخدي من دا ودا ضروري لكل ام
بشكل مفاجئ بقت طبيعية، أم بتتسوق لطفل..
اخدنا تقريبا كل حاقة، بقت عندي اوضة متكاملة وكماليات اضافية ما كنتش عارفة اني ح حتقها قرب صلاة الظهر، حاسبنا وطلعنا قبل ما يقفل للصلاة
في الباص كنت شايفة غالية مختلفة عن غالية المستشفى ، قلت للسايق ياخذ اطول طريق للمستشفى عايزين نوصل الساعة 1 مش قبله، فخدنا في لفة في شوارع الرياض
كانت غالية عالمة زي الطفل الزغنن اللي اول مرة بيشوف الدنيا، بتسأل عن كل حاقة واي حاقة، دا فين والشارع دا ايه، والمبنى دا بيطلع ايه، وكانت مستمتعة خالص
لما قربنا من المستشفى، تغيرت ملامح وجهها..
بقت مسودة وطفت الفرحة في عينيها..
رجعت لشرنقتها السوداوية، ونزلت بنظرها للارض..
هنا عرفت انو لازم احاول اغير لها الجو مرة في الاسبوع على الاقل ، لو اطلعها الف بيها برى المستشفى، اي حاقة.. بس مش حسيبها تغرق اكتر من كدا
- غالية
- ايوة يا دكتورة؟
- ان شاءا لله عجبتك طلعتنا ديت؟ انا حابة اشكرك على المساعدة لو ان اللي في بطني بنت كنت حسميها غالية اكيد
- ههههه شكرا لك انتي طلعتيني من السجن
- السجن يبقى سجن اذا نحن عملنا منو سجن، واذا ما عطيناه فرصة مش هيبقى سجن خالص.. فهمتي عليا يا غالية؟
- هممم... ان شاءا لله
- ان شاء الله
وصلنا للمستشفى ، وطلعنا للجناح
قبل ما ندخل للجناح لقينا زحمة قامدة قدا، ومش عارفين ليه، انا والله اللي جاء في بالي في كود، حد كان حيموت والتمت الدكاترة حواليه ولا حاقة كدا
ما كنتش متوقعة اللي حصل خاااااالص!
- انتي دكتورة ريهام؟
- ايوة حضرتي.. مين حضرتك؟
- لو سمحتي نحتاجك حالا في مكتب مدير المستشفى
- مدير المستشفى؟
- ايوة حالا..
- حاضر.. بس اطمن على مريضتي واجي
- خلي اي احد يطمن عليها وتعالي معايا الان
التفت لغالية، ووكلت الممرضة ترجعها للأوضة، ومشيت مع الراقل الغريب دا، كان لابس ثوب وشماغ ومش لابس بادج للمستشفى ولا اي حاقة تدل انه موظف، لكن مش عارفة ليه مشيت معاه لمكتب مدير المستشفى.
طول الطريق وانا حاسة بضيقة في صدري ومش مطمنة، حاسة في حاقة حصلت وانا مش موجودة، وقعدت افكر هو ايه اللي ممكن يحصل.. وسبحان الله ربنا الهمني اقعد ادعي بدعاء ان ربي يكفيني شر اللي انا رايحة اقابله
وصلت لمكتب مدير المستشفى
ودخل الراقل دا بدون ما يكلم حتى السكرتير
انا ما عرفتش اقعد برى ولا اخش وراه
وقفت في مكاني لحد ما سمعت حد بيندهلي من مكتب المدير
دخلت المكتب وكأني داخلة على مجلس رقالة
3 رجال لابسين البشت دا بتاعهم قاعدين مقابل مكتب المدير
وفي واحد بيصب القهوة
والمدير جالس وواقف جنبه مساعده
- اتفضلي دكتورة ريهام
- شكرا دكتور.. هو في حاقة لا قدر الله
- انتي مسؤولة عن المريضة غالية حمزة عبد الإله؟
- ايوة انا طبيبتها النفسية بدأ معاها تقريبا من حوالي اسبوعين كدا .. مالها؟
- مين اللي سمح لك تطلعيها من المستشفى بدون موافقة ولي امرها؟
- عندي اوراق رسمية حدرتك ازا كنت عايز تشوفها موقعة ومختومة ان الخرجة دي اللي خرجتها المريضة من ضمن برنامجها العلاجي لا اكثر ولا اقل
- وصلتني الاوراق لكن ولي امر المريضة غير موافق على الموضوع والان يبغى يرفع قضية على المستشفى عامة وعليك خاصة بهذا الخصوص
- عفوا؟
- الاخوان هنا وكلاء رسميين من طرف ولي امر المريضة جو اليوم عشان هذا الموضوع بالذات
- على عيني وراسي حدرتك، بس المريضة دي عندي لها موافقة خطيه من 3 اطباء من مختلف التخصصات اللي مسؤولين عن حالتها الصحية والنفسية، بأن الطلعة دي ضرورية من اجل صحتها النفسية وتحسينه واعطاءها فرصة في استرجاع ذاكرتها
فجأة اتكلم واحد من الاصنام الثلاثة وصرخ في وشي
- مين قال لك نحن نبغاها تتذكر؟ مين قال لك ان ولي امرها يبغاها تتعالج وتطلع!!!
- نعم؟ ومالنا ومال ولي امر حضرتها!!! دي المريضة عندها كيانها الخاص ومافيش حاقة اسمها انو ولي امرها يتحكم في تحسين صحتها!!!
- هو المسؤول عنها وهو اللي بيده تستمر في العلاج او لا
- ايوة هو ولي امرها وهو مسؤول دا في الدين مكتوب كلكم راع وكلكم مسؤول عن رعيته، بس الظاهر انتو فاهمين الموضوع خطأ!! مسؤول يعني في مصلتها مش ضد مصلحتها!!!
- دكتور لو سمحت نحن من جايين نتاقش مع حريم!!! ولا نحن جايين عشان نسمع كلام من وحدة ناقصة عقل ودين!!! اللي نبغاه واضح، خروج المريضة حالا من المستشفى تحت مسؤوليتنا ، وإلا راح نتخذ اجراءات قانونية ضد المستشفى وضد هذه الحرمة!!
حرمة ايه !! حرمت عيشتك ياللي ما تربتش!!!
دنا والله لو ما كناش في مكتب مدير المستشفى لكنت وريتك الحرمة دي بتعمل ايه !!
طلب مني الدكتور انتظر خارج مكتبه، الى ان يحل المشكلة
وانا قاعدة في مكتب السكرتير وايدي على قلبي مش عارفة اعمل ايه، مش عايزة افقد وظيفتي ومش عايرة يجبروا غالية تخرج من المستشفى وهي لسة ما تحستنش خالص، دا بجد بجد ضد مصلحة المريض!
مرت الدقيقة وكأنها ساعة...
مش عارفة هيحصل ايه وليه مكبرين الموضوع قد كدا.. دي ما سافرتش خارج المملكة، دي راحت سنتربوينت والله ورجعت لمكانها، انا مش عارفة الزحمة دي كلها على ايه!!
خرجوا المهرجين الثلاثة من مكتب المدير وكل واحد مناخيره في السما
وكل اللي بسمعه
( نخلص الاوراق كلها اليوم،، وبالكثير 3 ساعات وتقدروا تاخذو المريضة)
انا قلبي طاح في بطني!!
ياخدوها ليه!!!
ياخدوها فين!!!
ايه التعامل السوقي دا!! دنا ما شفتش حد بيعامل حد كدا في حياتي!!
دي والله بني ادم زيي زيك!! دي مش من البهايم ولا وحدة مالهاش حقوق؟!
جاني الم شديد اوي مش عارفة اقعد ولا عارفة اوقف
دنا متأكدة انو ضغطي ارتفع مليون بالمية!
ناداني المدير لمكتبه
قمت مش عارفة ازاي ودخلت لعنده
- اتفضلي دكتورة
- شكرا
- اعذرينا عن الموقف اللي حصل لكن مضطرين نسايرهم
- ونسيرهم ليه يا دكتور؟ دول مين؟
- اصحاب سلطة.. واسطة.. اللي هو
- وايه ذنب الست الضعيقة دي اللي انظلمت في نص الهيصة دي كلها
- والله يا دكتورة هذا افضل حل، نحن ما نقدر نستحمل اي مشاكل قضائية حاليا وتفتيش جودة المستشفى قريب، وانتي شكلك قربت ولادتك.. فأحسن حل انو المريضة تطلع
- لكن راح اشوفها بالعيادات الخارجية ؟
- هذا يرجع لأهل المريضة
- ازاي يافندم!! ما هوانتا شفت هم مش عايزين انها تتعالج ومش عايزين انها تتحسن!! تتوقع يعني حدرتك انهم راح يسمحوا لها تراجع في العيادات الخارجية؟ دنا بشك انهم هيعطوها المضاد الحيوي اللي هي بتاخده دلوقتي!
- دكتورة... بعض الاحيان نحتاج نغض البصر، ما نقدر نساعد كل المرضى
- اسمح لي دكتور,,, اذا كانت هذه نظرة كل الاطباء محدش اتعالج ومحدش اتحسن ومحدش اكتشف علاج لاي حاقة!! انا استأذن منك حدرتك، عندي مرضى في انتظاري اذا ما فيش حاقة ضرورية انا همشي
- الله يعطيك العافية، لكن من هذه اللحطة المريضة غالية خارج نطاقك ولا يمكنك علاجها.. ارجو انك تتبعي هذه التعليمات
خرجت من عند مكتب المدير وانا قلبي بيغلي غلي..
بشكل لا ارادي نزلت لغرفة غالية،
وانصدمت!
لقيت اتنين واقفين قدام اوضتها ومتكتفين محدش بيدخل ولا بيطلع!
يا لهوي! ايه داه.. انا مش فاهمة ليه الجنون دا كله
كلمت الممرضة اللي كانت وافقة في محطة الممرضات
- هو في ايه ؟
- والله على حسب اللي فهمته ممنوع احد يدخل غرفتها الين نخلص اوراق الخروج للمريضة
- ازاي دا بقة!
- والله علمي علمك دكتورة، انا حاولت ادخل اشيك على ضماداتها من بعد ما رجعت معاك ما سمحوا لي حتى وهم عارفين انا ممرضتها مسؤولة عنها حاليا، لكن منعوني
- ازاي!! دنا مش فاهمة ازاي ممكن يكونوا فوق حقوق الانسان في تلقي العلاج!!
- ايش نسوي يا دكتورة؟
- مش عارفة، بس والله دا اللي بيحصل غير منطقي
- صادقة، حتى الدكتور حاليا يحاول يطلب لها home visit عشان يجددوا لها المضاد الحيوي اللي عن طريق الوريد وتغيير الضمادات اليومية، يا خوفي يرفضوها كمان
- ايه دا ايه دا!!!!
- هدي اعصابك دكتورة، لا تولدي !
- اولد ولا ما اولدش، لازم نعمل حاقة!
ونحن بنتكلم دخلوا مجموعة من 3 نساء لغرفة غالية معاهم شنطة وكرسي متحرك
كلها نص ساعة وهم طالعين... غالية كانت على الكرسي ولابسة عباية تانية وملابس مختلفة
لمحتني غالية واشرت لي
رحت لها طيران
- دكتورة شكرا
- على ايه؟ ما عملتش حاقة..
- مو كتبوا لي خروج.. ورايحة لبيتي!! الحمد لله، وان شاء الله اشوفك قريب دكتورة اجيك في العيادات الخارجية، الحمد لله .. الحمد لله
الفرحة في عينيها كسرتني ما عرفتش اقول لها اللي بعرفوا ولا لا
دي نفسيتها النهارده قميلة
وانا مالي مكان اقول لها اللي حصل معايا
ما دامت مبسوطة... حسيبها مبسوطة.. والله يكتب لها الخير
- دكتورة؟
- ايوة
- اشوفك على خير
- ان شاءا لله يا حببتي.. لازم تبقي تجي تشوفي البيي اول ما اولد
- طبعا !!! الف شكر لك دكتورة والله يقومك بالسلامة. يسعدك ويفرحك زي ما فرحتيني
دنا قلبي بيتكسر من جواتي
ومش قادرة اتكلم ولا انطق بحرف
حضتني و مشيت
طلعت من المستشفى..
كنت اتوقع اليوم هذا بيكون سعيد .. لكن العكس..
الله معاك يا غالية
نهاية الجزء الثالث
|
09-02-16, 03:33 PM
جديد مواضيع قسم ارشيف خاص بالقصص غير المكتمله
العرض العادي
