الذين يشاهدون محتوى الموضوع الآن : 4 ( الأعضاء 4 والزوار 0)
‏نجمة ساطعة, ‏aisha makki, ‏umhabiba, ‏اسووله

السلام عليكم ورحمة الله وبركاته
مساء الخير يا ال ليلاس الكرام
انتم فين يا صبايا وفين ردودكم الطويلة المفصلة
هو البارت كان وحش ولا اية
ده انا حتى طالبة دعمكم المرة دي
مشكورات اللي ردوا
ومنتظرة الردود الباقية
دمتم بود

مساء الخير سلافه.... تصدقي اني رجعت مريضه عن جديد.. انا ما بعرف ليه... ما عمري شكيت من المرض مع اني كنت امرض واتألم ولا شكيت في حملي وولادتي... بس ما بعرف ليش هيدي الايام صايره امرض كثيير... وبصراحه انا هلا اكتب وانا مصطحه في الفراش... وبعتذر اذا كان ردي متأخر اوي او اذا ما كان قد المستوى المطلوب... بصراحه اول مره قريت الفصل ما فهمت منه شيء... تصدقي عن جد ما فهمت.. فكرت الشخصيات جايه من المريخ بس اللي فهمت كان العلاقه اللي متوتره بين ماهر وابوه وان مالك رح يعرف ايناس على شخص.. وبصراحه التشويق في هيدي القصه خلتني افكر انه بدو يعرفها على وسام... بس هلا اضطررت اني اقرأ الفصل عن جديد حتى اقدر اعلق بشكل صحيح وواسع...* في الاول انا رح اتحدث عن وائل وفاطمه... وائل رغم مرور السنين الا انه ما زال طفولي بتصرفاته وغيرته الغير طبيعيه من كل الاشخاص اللي حولينه... هو كان يتمنى يحصل على حب امه لوحده بس جاء وليد وسرق نصف الحب والحنان وزادت العداء ناحيته.. لدرجه انه كان مركز عليه وما عبر وجود احمد... حتى في علاقته مع فاطمه كان بوده يحصل على حبها وحنانها لوحده بس هلا ابوه شاركه ببعض الحنان والحب اللي كان ينشدهن... وفي نفس الوقت هو ما يتحمل حزن امه وظهور والدة وليد الحقيقيه رح تعزز العداء اللي بينهم اكثر واكثر... ورغم هالشي احنا نلاحظ ان التقرب بينه وبين فاطمه صار اقوى وان وائل يعتبر انها هي طوق الامان لمشاعره المتزعزعه بس اتمنى انه غيرته ما تدمر كل شيء ويقدر انه يسيطر عليها وعلى ردود فعله.. وبالاخص لما لاحظنا انه برغبته بازعاج خالد ما انتبه انها اضر منال... وكمان رغم ذكاءه كيف ما لاحظ السبب الحقيقي وراء التحفظ اللي يشعر فيه خالد نحوه؟؟؟ ومن ناحية اخرى احنا نشوف انه رغم ان احمد هو الصغير بالعيله الا انه هو الشخص اللي الكل يستنجد بيه.. زي لما شفنا لما وليد اتصل عليه.. بس اتمنى انه ما يدفع ثمن الشيء.. هو واضع على نفسه كثير مسؤوليه بس في النهايه يتجاهل امرأته واحتياجاته ويشعر انها طيبه القلب مثل امه واكيد رح تعذره في النهايه بس اتمنى ما يكون راهن على الشيء الغلط بالاخص كيف رح يكون شعور ولاء لما عرفت انها رغم كونها فرد من عيلة الوزير من سنين طويله الا انه زوجها ما وثق فيها لدرجه انه يخبرها عن سر ام وليد الحقيقيه..
ومن ناحيه ثانيه وليد رغم حبه وعشقه لامه انعام الا انه ما زال كالطفل الذي يبحث عن حب والدته الضائع وانه رغم نفوره من امه الا انه يتمنى الحصول على اعجابها وافتخارها فيه... بس كيف رح يكون شعور انعام هانم وهي تعرف انه رغم انه وليد يعتبرها امه والانسانه اللي ربته لساته يحلم بشويه حنان من امه البيولوجيه؟؟؟ وهو شو قصده لما قال انه امه ما جت عشانه وانها جت عشان الوزير عاصم؟؟؟ وكيف رح يكون تصرف انعام هانم هذي المره وهل رح تقوم بحركتها بالدفاع عن زواجها وامومتها؟؟؟
اما بالنسبه لمديحه ومحمود فيي الاول احب اخبرك اني حبيت تطور العلاقه بين مديحه وفاطمه واتمنى انهن يصيرن صاحبات كثير وكل وحده فيهن تقدر تعطي الثانيه شوي من شخصيتها... محمود ما زال مثابر وفي طريقه الى النجاح بكسب قلب زوجته وحبيت كيف كان يفهم خجلها ويقدر يستميلها بدون هي ما تقدر تحس.. في انتظار المزيد من التقدم نحو علاقتهم...
اما بالنسبه لساره حبيت فكره انها بلشت تاخذ موقف وبطلت تكون الصديقه المواسيه فقط وصار الوقت انها تحاول تفتح عيون حاتم.... كان معها حق ايناس ووسام سبب النفور بينهم هو الاعجاب المتبادل.. وسام اعجابه المو مفهوم بخليه يتعصبن عليه ويعاملها بقسوه وهي اعجابها المو طبيعي بخليها تعتبره ند قوي وعلى قد التحدي... بتمنى اعلان ساره بهيدي الحقيقي رح يكون وراء النتيجه باستيقاظ حاتم من هوسه بايناس والنظر الى ساره وفهمه انه يشعر بشيء اكثر من مجرد صداقه....
اما بالنسبه لايناس وبلال حبيت بدايه التفاهم الاخوي بينهم ومحاوله يتفهم طبيعه صداقتها مع مالك وفهم طبيعه عملها.. هذا يدل على الثقه بينهم وايناس كافأته بقبلة على الجبين خلته اكثر من مبسوط.. وبالمقابل شو سبب نفورها من المخرج... انا بلشت افكر انه سبب اغاضة المخرج لها هو اعجابه بها انا غلطانه واللا شو؟؟؟ وكمان مالك في طريقه ليعرفها على شخص رغم عدم ثقته فيه.. عشان هيك نصحها لا تبعد عنه وما تقرب كثير من هذاك الشخص شو السبب... تعرفي اني في البدايه فكرته وسام... بس هلا ما بعرف...
وهلا وصلنا الى نجوم الفصل.. معنا في الاول ماهر ومنه... على ما يبدو ان اكتشاف ماهر حب منة له خلاه ينظر ليها بطريقه ثانيه ويفهم ردود افعالها بطريقه صح.. مو بس هيك . هو صار يستغل كل فرصه ليتقرب منها وليزيد حفيضتها.. حتى انه صار ماكر ويتصرف معها بطريقه ماكره وبلش يحب تأثيره عليها وخجلها الواضح منه... بس معقول حبها ليه قدر يغيره بهيدي الطريقه وبهيدي السرعه؟؟... وشو هلا رح يصير بينهم وهم رح ينامو بغرفه وحده؟؟ ماهر فكر بهيدا الشيء لما اخذها تزور اهله؟؟ واللا هو فعل هذا متعمد حتى يتقرب منها اكثر؟؟ طب شو صار بحبيبته الاجنبيه؟؟ كمان حبيت علاقته مع امه وحبه ليها وكيف قدر يغير الموضوع لما حكت عن ولي العهد بس ما فهمت سبب غضبه الواضح من ابوها وتجاهل الاب لهيدا الغضب.. معقول السبب لانه ابوه فرض عليه منة بالقوه ولما ابوه لاحظ التقارب بينهم لما دخل الغرفه اتأكد انه تصرفه كان صحيح وانهم عن جد يلايمون بعض عشان هيك قابل غضب ماهر بالابتسامه؟؟ وشو سبب رفض ماهر للقرب بين ابوه ومنة؟؟ معقول الغيره لانها تتصرف بحرية مع ابوه وتعانقه بعفويه ما تعمله معه هو؟؟؟
وبطل الفصل وبلا منازع هو الثنائي بلال وسوزان... ما بعرف ليش بس مشهد وقوفه امام النافذه وهو ينظر ليها وتردده بالدخول خلاني متأكده انه هو يتذكر كل شيء.. اذا ليش هو يشعر بالتردد من خوفه عليها واللا خوفه منها؟؟ هو كان نفسه يروح لعندها ويعانقه ويخبره انه يحبها بس الظروف تمنعه... سوزان كان معها حق هي بطيشها واستهتارها وهو بعناده ورفضه قدرو يدمرو كل شيء بينهم... بس شو رح يصير الان وهل هناك فرصة لتصليح ما قد انكسر؟؟ كانت تنتظر دق الساعه وعدم رنة الهاتف لتعلم علم اليقين ان كان زواجها باطل ام لا... فإن اتصل بلال فمعناه انه تزوجها وهو فاقد لعقله ووعيه وإن لم يتصل فهي ستتأمل بمستقبل معه رغم كل الظروف... وها قد رن الهاتف ليحمل معه مفاجأة لم تتوقعها.... فبلال على الباب وقد حضر لرؤيه زوجته ولن يغادر قبل فتحه الباب.. فهل ستفتحه سوزان وهي تعرف انها بفعلتها هذا فسوف تدمر سمعتها... وما تبقى لها من مستقبل.. فهي ستكون قد ادخلت رجلا بالنسبة اليها زوجها لكن بالنسبة للاخرين رجلا غريبا ومحرم عليها ومتزوووووج... ام لن تفتح الباب وهي بذلك ستتعرض الى ظهور الحقيقه بالنسبة لمرض بلال وزواجها الباطل منه وبدون رأي امها وبذلك تكون السبب بأذية امها وخساره عزة نفسها ودمار علاقتها بامها؟؟ كالعاده سوزان امام خيارين لا يوجد ايهما صحيح ام خطأ.. بل دمار لها في كلتا الناحيتين.. فما الذي ستفعله؟؟؟ وهل سيكون بصيص الامل لها ناطرها من حيث لا تدري؟؟؟
شكرا سلافة على الفصل وعن جد متأسفة بالتأخير بالرد... بتمناللك دوام التقدم والنجاح والتألق.. وانت ادعيلي اطلع من الحالة النفسية السيئه اللي انا عايشه فيها ومخليتني. دايما مريضه..😘😘😘

شكرااااااااا

منتظره الجزء بفارغ الصبر