كاتب الموضوع :
عمرو يس
المنتدى :
رومانسيات عربية - القصص المكتملة
رد: روايتى الاولى .. مشاعر قذرة بقلم .. عمرو يس .. الحلقة السادسة عشر
سلام عليكم شوف يا استاذ عمرو خلينا متفقين انى بعلق على الاحدث بناء عن الشخصيات و انا هنا بدخل حياتهم و بتعرف عليهم مش من حقى انى احكم على حد فيهم انا بتعايش معاهم و بتطفل على حياتهم انا شايفة دايرة حياتهم من برا وجهة نظرى تختلف عن وجهة نظرهم اللى بيبص على دايرة من برا غير اللى واقف في اى مكان في الدايرة و شايف ايه اللى بيحصل ممكن اتنين واقفين جوا دايرة واحد لكن كل واحد منهم بيبص لاتجاه مختلف اللى عايش الحدث غير اللي بيتفرج عليه ماشى .
وحاجة تانية كمان رد فعل الناس للاحداث مختلف كل واحد في الدنيا ليه قناعاته اللى مش يقدر يقنع بصحتها و خطأه حد لو انا مش راضيه على حاجات معينة فده مش معناه انى احاكم حد من الابطال ماشي خلينا متفقين على النقطة دى في حاجات انا مش ارضى بيها غيرى يرضى يعنى انا بعلق على الأحداث اللى بتحصل بين الأبطال من غير ما احط شخصيتى مكانهم انا بعلق من اللى وصالنى لقراءة شخصيات الابطال آسفه على المقدمه الطويلة
بسم الله هرجعك معايا لنص الحلقة الـ 13 :
حنين بتفكر في كلام وحيد و بتفكر ممكن تكون هى اللى اخطأت في حق جوزها حنين مجرد تفكرها بالطريقة دى معناه انها عندها قابلية للتغير علشان تحافظ على بيتها و يكون بينها و بين زوجها العلاقة اللى تتمنى انها تكون مش قعدت و ندبت حظها و رمت الاخطاء على زوجها ولا حتى بقت سلبية و تجاهلت كل اللى بيحصل في حياتها و اكتفت بالاكل و الشرب و النوم و هى يالا عيشه و السلام و كفاية انها قاعدة مع ولادها سورى في التشبيه زى البقرة اللى مربوطه في ساقية و مغمين عنيها و عندنا مثال صريح وضيح على ذلك
زوج حنين فكرته عن التعبير عن مشاعره غلط بس للاسف في ناس كتيره زيه انه يجيب خاتم هدية يطلع مراته في عزومة برا البيت دى هى الدلائل انه بيحبها صحيح في مشاركة في حياتهم على العكس من وحيد و ام طاهر اللى مش في مشاركة بينهم ابدا حتى و هما موجودين في مكان واحد بتهرب هى و تبعد قدر الأمكان زى ما حصل وقت ما كان في المستشفى و جيه زمايلة يزوروه اختفت من الصورة
بس تعرف مشاركة حنين و زوجها اسوأ تخيل مدى قسوة اننا نكون متشاركين في مكان واحد لكن و كأننا كالجزر المنتشرة في محيط صحيح بيحيط بيهم محيط واحد لكن العزلة بتلون حياتهم
اممممممممم في نقطة مهم هنا يا استاذ عمرو زوج حنين عنده مشكلة نقطة ضعف يتجاهلها وصفها بقلة الادب لا و مش بس كده ده بيشمئز كلمة يشمئز دى اتوقع ان حضرتك مش حاططها مجازاً كده ولا انا غلطانة؟؟؟
رفضه انه يكمل العلاج ده حتى ولو علشان خاطر حنين استوقفنى صحيح هو عمل عمليات بس اكيد مش ارضاءا ليها لكن ارضاءا لرجولته بقا عنده طفلين و خلصت المهمة يكمل العلاج ليه بقا و دلوقتى انا عرفت ايه سبب الخروجات و العزومات و الهدايا دول مش تعبير عن المحبة لا دول تعويض عن النقص .
هرب من الكلام في الموضوع اللى بيقلقةهو خدها لموضوع عارفة انها بتحبه كلمها عن شغلها بس حتى لما اتكلم عن شغلها اللى هو مش مهتم بيه بس وسيلة للهروب من الموضوع التانى اتكلم عن المرتب
و استفزتنى جدا اخر جملة في حوارهم و كنت اتمنى انه يكون قصادى علشان ارزعه بالقلم (يا ريت تهدى بقا و تسريحى)
آلام وحيد مش آلام جسديه علشان جسدية علشان يروح لطبيب آلم وحيد اشد من الآلام الجسدية آلام نفسي صحيح مشكلة وحيد انه عنده امل تعرف انى خايفة من النهاية بعد ما اتكلم وحيد عن الأمل اتقبضت و اتأخدت لا انا حزنت جداً
ايوة الفشل مش نهاية الدنيا الواحد يجرب مرة و اتنين و تلاته و عشرة و يكون عنده امل انه هينجح لكن انا مش عندى امل ان وحيد هينجح مع ام طاهر نهائى لكن ممكن ينجح مع حد تانى. ليه كذب ممكن يعوض مش فيه حاجة تمنعه من التعويض ده حتى الشرع عطاه حق التعويض
لا مش الأمل اللى بيجيب الخذلان انا اختلف مع وحيد الخوف هو اللى بيجيب الخذلان
بجد وحيد مش عارف هو ليه مش عرف عن نفسه في اول مرة ؟؟؟ يا استاذ عمروووووو وحيد بيتلمس طريقة و ماشي بخطوات مدروسة لهدف هو عايز يوصله صح ولا انا غلطانة
لا طبعاً الكتابة موهبة و مش أي حد يقدر يمتلكها الثقافة بس مش كفاية صحيح الكاتب لازم يكون مثقف و مطلع لكن مش اى مثقف يقدر يكون كاتب و ايه اللى بيميز كاتب عن كتاب مش الثقافة لا الموهبة الاسلوب العالم مثقف لكن يفتقد الموهبة
يااااااس انا بأيد حنين جدا وحيد محتاج يكتب يطلق العنان لمخيلته دخ هيقلل من الصراع اللى جواه خد بالك انا قولت هيقلل لكن مش هيحل مشكلته
حنين و هى بتقنع وحيد عن البداية الجديدة هى بتقنع وحيد بس ولا هى نفسها مقتنعة باللى بتقوله؟؟ يعنى لو هى مكان وحيد تقدر تاخد الخطوة دى ولا الخوف هيخذلها ؟؟
مش قولت لحضرتك وحيد عارف هدفه و بيتلمس طريقة ناحيته بشويش اتأكدت لما اتكلموا عن الأولاد و حنين قالت ان الأولاد مش عقبة في بداية جديدة قالها احلفى ؟؟ و حنين فهمت قصده
الحقيقة انا مع وحيد حقه مليون في المية انه يفكر في الخطوة دى يبدأ بدايه جديدة و زوجته يخيرها لو تحب تفضل زى ما هى زوجه قائمة بواجبات الأمومة زى ما هى بتحب او الانفصال و اللى انا متأكده منه انها هتختار الخيار الأول
الحلقة الـ 14
وحيد كاتب رسالة بتورية و غموض موجهه لحنين و حنين بس مش حد تانى و واثق و متأكد ان معانيهم المبطنة هتوصل لحنين و هتفهم هو عايز يقول ايه
الاتصال كان من حنين هى اللى اتصلت بوحيد
ايوة كان لازم هى اللى تتصل توقعت ده كنت فاكرة ان الرد هيكون في المكالمة لكن ردت برسالة اوف على اختيار الرواية اللى سايبه في الرسالة استاذ عمرو انت خطيرررررررررررررر رواية جيسكيا ستيل حب تحت المطر الاختيار ده لوحدة رد صريح على رسالة وحيد
شوف حضرتك وحيد اخد الرسالة و تجاهل الرواية و انا متغاظة منه دلوقتى لو كان اخد الرواية كان عرف رد حنين على اللى هو عايزة لكن اخد الرسالة اللى بترد فيها عن رأيها في كتابته انا متغاظة جدا يا راجل انت من اول الرواية لماح و بتفهمها و هى طايرة هتيجى هنا و لهفتك دى هى اللى هضيعك انا متغاظة منه بجد
هههههههههههههههههه وحيد بيسأل فهد ان كان بيحبها ولا لا و لا عايز فهد هو اللى يقول انه بيحبها علشان مش يحس انه بيعمل حاجة غلط هو فين عمو سامي يا استاذ عمرو ؟ هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه
تهو سمع من فهد اللى مش عايز يسمعه هههههههههههههههههههههه
روحى يا اخى الله يسد نفسك مش بقولك هههههههههههههههههههههه
فاكر حضرتك الخوف اللى حسيته بيه من النهاية اللى فبالى و كلمتك عنه الحلقة اللى فاتت الحلقة دى قل شوية كتير بس لسه موجود لكن بدون حزن القبضة قلت حبه و انا قاعدة مع حنين و هى بتفكر و دخل علينا المخفى جوزها و احساسي بيقولى ان القبضة هتقل اكتر بعد دخلته البهية دى
اهو دخل علشان ينزل احسن برضوا
اهو ده اللى قصداته من كلامى في بداية التعليق و انا مش بحكم على حنين انا كزهرة مقتنعة ان اى حاجة نتكسف نعملها قصاد الناس بتكون غلط يعنى انا كزهرة مش حابه اتصالات حنين و وحيد
حنين نفسها في حاجة جواه بتقولها ان مكالمتها هى و وحيد غلط وإلا ليه رفضت تقبله زى ما بيقعدوا في المكتبة مع بعض و تبريرها طبعا ان في المكتبة هى في مكان عملها اللى يتطلب منها التعامل مع المترددين على المكتبة رغم الكلام بينهم خرج عن إطار العمل لكن اللى شايفهم مش هيقول كده و هما بيتكلموا في التليفون فيستكلموا بعيد عن عيون الناس لكن لو خرجوا مع بعض في مكان عام هيكون غلط و مش هينفع ......
مكالمة حنين مع وحيد اكدتلى ان اللى فهمته من رسالتها صح وقت ما سألها هو انا جيت متأخر مش جوبت اجابة قاطعه لا هى خلت الباب موارب قالت مش عارفة يعنى الاحتمالين واردين يعنى هى مش عارفة علشان ظروفه هو ولا ظروفها هى ولا مستنية حد يقنعها زى ما كانت بتقنعه انا ارجح انها مش عارفة علشان عايزة حد يقنعها زى ما كانت هى بتقنع وحيد او بمعنى اصح وحيد يبين ان ظروفه تسمح و مستعد انه ياخد خطوة جديدة في حياته
اوبس الراجل غير الست جملة حنين اللى كنت عمل ليها حساب طول الوقت بس للامانة كنت حاسة ان حنين هتاخدة من جهة تانية من جهة نظرة المجتمع ليها .
صح يا وحيد مش صح ولا من مصلحة الولاد ان يكونوا بين اب و ام مش فيه بينهم اى تفاهم بالعكس ده تأثيره هيكون سلبى عليهم اكتر من ان يكون إيجابى صحيح ان الطلاق ابغض الحلال و لازم يكون اخر حل نلجأله لكن في بعض الاحيان بيكون الحل الوحيد المطلوب .
محاولة اخيرة من حيد لعل و عسي تشتعل النيران في جبل الجليد
رساله جديدة شوف حضرتك حتى كلماته في الرسالة التانية سلسلة بسيطة اكيد طبعا لازم تكون كده على قدر ذكاءه هى ممكن حتى مش تفهم الكلام ده السهل البسيط المباشر
اممممممم رميتها و رجعت شالتها في صندوق في دولابها ماشي
لا حول ولاقوة إلا بالله حسبي الله و نعم الوكيل يعنى كل اللى لفت نظرك انه راجل مشروخ طيب ليه يا ست الحاجة مش تقعدى معاها تحاولى انك ترممى شروخة بدل ما تتهد على دماغك هو ده اللى مفروض تعمليه
حب وحيد ده لشماعة اقصد مراته كان وهم هو توهم انه حبها هى مش عارفة هى ايه بالظبط لكن حب ابدا مش من ناحيتها هى لا اظن ابدا انها حبيته الست لما بتحب بتحافظ على حبها لاقصى درجة لكن هى اتوقع انها اتجوزتها علشان شافته فرصة كويسة مش اكتر
فرصة الرحلة مع ياسر جايه في وقت مناسب هيبعد عن كل اللى يعرفهم و يبعد عن البيت و يتعرف على ناس جديدة و يعيد تفكيره
زوج حنين عمل اللى عليه اثبت رجولته و خلف اولاد و خلاص ايه اللى مطلوب منه تانى عمل اللى عليه الحب افعال مش كلمات و الأفعال الراجل قايم بيها كما يجب بيجيب هدايا و بيخرج فـُسح
زوج حنين دفعها انها تقابل وحيد بعيد عن المكتبة حتى وحيد نفسه استغرب انها بطلب منه كده
يعنى الفت كانت ماشية في اول المكالمة حلو قوى لدرجة انى كنت فكراها ام عديمة الهوية و قولت فينك يا حاجة من زمان تعقلى بنتك و تفهميها و الله ما عرفتها غير لما قالت انتى عارفة وحيد وقف قصادى قد ايه علشان يتجوزك عرفت انها الفت
ههههههههههه من نفس المدرسة عمو سامى جيه رايحه تأكله مش تطمن عليه تشوفه عامل ايه
انا تفاجأت من الفت يعنى هى شايفة ان مرات ابنها مفروض تطلق علشان مقهورة مع وحيد
والله سامى مؤدب هو فعلا زى وحيد يعنى الراجل بيقولها افتكريلى حاجة حلوة قالتلوا لما تموت هبقى افتكر و هو اكتفى انه قالها امشي من وشى واحد غيروا كان رمى اليمين و خلص
لا و كمان بتسال هتأكل هو فيه اكل في سدت النفس ديه
انا مترقبة اللقاء ده انا لسه مش مسكت شخصية حنين كويس اها وصلت للحلقة الـ 15 ومش مسكت شخصية حنين كويس عرفت ايه اللي بيحيط بحياتها عرفت ايه تفكيرها و هى برا الدايرة و شايفة ايه اللى بيحصل لكن مش قادرة ارعف لو كانت هى في مركز الدايرة نظرتها هتكون ازاى و بعد اللقاء ده هعرف كل لقائتها اللى فات مع وحيد كان هو اللى بيتكلم و هى اللى بتسمع المرة دى العكس
وحيد مش بيضع وقت دخل في الموضوع على طول
كنت فاكرة انى هتعرف على حنين اكتر اتعرفت فعلا على حنين و احترمت وحيد اكتر و اكتر و اكتر
شوف حضرتك ده راي الشخصى هو انا مش عارفة حرام ان الست تتطلق من زوجها علشان تتجوز من راجل تانى ولا لا –حنين لو طلبت الطلاق علشان خاطر وحيد ظهر في حياتها في الوقت ده وشافت فيه الراجل اللى تتمنى انه تتجوزه فده غلط – لكن لو حنين بعد كل اللى حصل ده هتكمل حياتها مع كمال علشان خاطر ولادها فهى مش اختلفت كتير عن مرات وحيد . لكن لو اطلقت علشان هى مش مرتاحة و شايفها انها بتصحح خطا بغض النظر عن انى في وحيد و لا لا فده حقها.
وحيد راجل حتى لو متزوج الشرع اداه حق الزواج التانى يعنى لو هو من البدايه اتعرف على حنين و هو في اعتباره انه بيعمق تعرفها بيها علشان هدفه الجواز و من البداية مش انكر جوازه و عرفها على ادق تفصيل حياته هو بيتكلم معاه باعتبار انها مش متجوزه .
حنين من وجهة نظرى هى خدعت وحيد من غير ما تحس يعنى معنى ده انها كانت بتنصحه علشان يعيش سعيد هو راجل و يقدر ينفصل و الاولاد مش هيفرقوا معاه لكن هى كأم مش هتقدر و العقبة الوحيدة هتكون ولاده ؟؟؟ و هو كان فاكر انها بتديه الضوء الاخضر و بعدين ماهو مش فهم غلط ده اللى انا فهمت و بعدين ايه معنى اختيارها لرواية جيسيكا ستيل انا عارفة الرواية ودلالته ولا اعادت التفكير مرة تانية انا متغاظة على فكرة.
ورجعنا لرواية جيسكا تانى على فكرة قفلات حضرتك مضرة للصحة انا اخر فرصة ليا المرة دى رفقا بى في قفلت الـ 16
مليش دعوة حضرتك طمعتنى و قلت انا التعليقات الطويلة بتسعدك استرسلت و اذا فجأتنا الاقى الرد 9 صفحات وورد استحمل رغى بقا :)
و مش تقلق هختصر فى الحلقا القادمة
ليا عودة بعد قرأت الـ 16
|
06-01-16, 11:27 AM
جديد مواضيع قسم رومانسيات عربية - القصص المكتملة
العرض العادي
