السلام عليكم و رحمة الله و بركاته

السمووحه علي التاخير ..ما صارت ذي
يعني قد تابعت روايه متاخر ..لكن روايه اتابعها من البارت الاول و لين ال 14 ما اعلق ؟؟

و روايه متميزة " ما اعرف اجامل ابد " ..و مستفزة بقسوة " التعبير مقصود "
و مع ان الحوار بالعامية المصريه الا انها بعيدة كل البعد عن الصفاقه و الاسفاف و الابتذال
سلمت يداك استاذ عمرو ..

الملفت في الرواية .زغير الاسم الصادم ..واقعية الاحداث و امكانية اسقاطها علي اي مجتمع من مجتمعاتنا العربيه ..
انعدام التوافق الفكري بين الزوجين ...موجود
انسحاب الزوجه نحو روتين لا اهتمام فيه بالزوج ............كثيييييييير
غربة عقيمه بدعوي تحسين الاوضاع .....يا الله ان تيسر الامور علي الكل
الشذوذ مع اختلاف اسبابه و العياذ بالله ....اللهم ارحمنا برحمتك الواسعه ..
عندنا يسمونهم الجنس الثالث..

عاد جيت و هذرتي اللي ما تنتهي ..الله يعينكم علي ..
قبل لا اعلق ..استاذ عمرو
تراني مستمتعه بالمناقشات اللي في الروايه ..اقلام متميزة صدق ..
فتقبل هذرتي معهم ..

وحيد ..اليوم وصل مرحلة اللا عودة في علاقته مع زوجته
و المرحله ذي اهو كان بيوصلها ان عاجلا ام اجلا ..و عاجلا اكيد ..
يعني وجود حنين الحنونه ما كان السبب ..لكن ممكن يكون سرع التفاعل الكيميائي اللي زوجة وحيد خلطت عناصره " سلبيه _ عدم اهتمام _ بعد عن الاحتواء _ اهمال و سطحيه "
و ذي النتيجه الحتميه
حتي مع وجود الاطفال اللي بيعقد الامور شوي ..او كان سبب احتمال وحيد لوحدته القاتله
وحيد شخصيه شفافه ..روح نقيه ..و اما ما لقي في زوجته السكن و لا الروح اللي تتناسب معه ..بدات شعلة روحه تذوي رويدا رويدا " و الحين نسمة حنين الهبت النار ذي
رسالته كانت ..عميقه ببساطتها ..و رقيقه بقوتها ..و حنين تلقفتها بروحها المتميزة و قرات ما بين الاحرف و الكلمات و تسلمت الرساله ..
زوجة وحيد ..جرررررررررررررررررررررررررررر
مع اني دائما و ابدا في صف نون النسوة ..لكن الصراحه زوجة وحيد ذي قهرتني ..
حسبي الله عليها سبع التحاسيب ..
وش ذا ؟؟ بلادة احساس و غباء فكري ...مسكين وحيد اللي كتب لها رساله ..و تفاجعت الصراحه انها قدرت تكملها ..حسيت استيعابها وقف من السطر الاول ..
الرجال مرسل لها رسالة وداع و نعي لسنوات قضاها معها و اهي تفكر ان السالفه بتنحل بليله يتبادلوا فيها حاجه جسديه ..
مالت عليها طوف الشقه ..

المغترب النتغرب ..ما شفناه اليوم غير في حواره مع وحيد اللي يفضفض له بكل اللي يصير معه ..فباجل تعليقي عنه للبارت الجاي ان شاء الله " هذا اذا ما طرتوني من الروايه "

حنين ..البنت ذي جوعها الروحي لاقي صداه عند وحيد ..مع ان سالفتها سالفه اهي و زوجها ..
ز اذا كانت تثني علي مهارة وحيد و مقدرته الكتابيه فاهي بعد تنرفع لها القبعه و اهي تبعدو تقرب و تضع وحيد علي مسافة غير مسموح له بتجاوزها ..حاليا ..
رسالتها كانت ..واضحه بغموض ..اقترب و لكن توقف عند مسافة مناسبه
احتاجك في حياتي و لكن لا مسمي لك حاليا ..
و باقي عندها امل المسكينه ان زوجها ذا يصطلب في يوم و يجلس معها في جلسة تروي ظما روحها ؟؟ بطت ما ارتوت ..


السموحه استاذ عمرو علي الهذرة الزايده " حشي ما صدقت قالوا لها تعالي و ما سكتت "
و اعتذر عن النتعليق اللي كان فصحي علي دارجي ..
رواية ممتعه ..ممتعه ..ممتعه
و اسلوب متميز ..يجعلني افكر من الان في شكل الرواية القادمه ..
مواضيع شائكه نتلمس خلالها اشكالات واقعنا ..

و الختام سلام