السلام عليكم عام جديد محمل بعبق الزهور وبهجة النفوس
وحيد والمواجه مع سامى وقنابل من النوع المسيل للدموع وقذائف صاروخيه من الاتهامات
فوحيد مكنش بيكلم سامى قد ما كان موجه الكلام لنفسه لان الحاله واحده زواج من طرف واحد
طرف واحد بس هو المشارك بالعطاء والطرف الاخر متلقى فقط
طرف واحد بيبث الحب والمشاعر والكلام والاخر يتلقى فى صمت كان وحيد بيعنف نفسه فى شخص ابوه بيثور على نفسه فى نسخته القديمه الاب اللى عاش نفس القهر واسمحلى اسميه قهر مش ظروف لانها اكتر حاجه تقهر ان انتى تدى وتدى ولا تجد مقابل ولا حتى متلقى جيد فهو ياخذ اشياء لايقدر قيمتها ولا يعطيها بالا وكانه يتلقى ماء فاتر لاطعم ولا لون ويتحول عطائك بارادتك لحق مكتسب للمتلقى فان اوقفت العطاء اصبحت انت المخطئ ليس هو المتلقى غير الجيد والغير جدير بالعطاء
سامى تكبلت يداه بثلاثة اطفال فبات بين نارين هو ام هما ولقلبه الكبير الذى لايعرف الا العطاء قدمهم على نفسه رغم انه يعلم انهم فى يوم ما سوف يتركونه يعانى الوحده والشريك المخالف
فكانت ثورة وحيد على نفسه لانه ايضا لا يستطيع اتخاذ القرار وكل طفل من اطفاله معلق فى طرف من اطرافه لاهو اللى قادر ينفضهم عنه ولا قادر يستمر تشبع من الالم حتى بات يثور على نفسه
فهد واطلاله جديده واول تعريف لنا عن الزوجه
تعريف قلب كل الموازين وقلب الطاوله فى وجه الفهد فهو وصفها كما يقول الكتاب
امراءه مثقفه حنونه ذات تربيه دينيه خلوقه وست بيت ممتازه
فين العيب البنت فيها كل المواصفات اللى بيحلم بيها اى راجل عاقل عيبها ان وشها مخطفش قلبك انتى عاوز تحب برواز جميل افرض انه البرواز كان فاضى من جوى المحتوى مفيش مهو صاحبك حب برواز جميل من بره خاوى من الداخل
وبعدين الجمال مش كل شيئ المهم الجمال من الداخل فهناك وجوه تراه تقول سبحان من ابدعك وحين تتحدث تقول استغفر الله العظيم فقبح الداخل يطغى على اى جمال وخد مثال خد ورده جميله وروح جنب مقلب قمامه وحاول تشمها الريحه حتخليك ترمى الورده اللى فى ايدك
وبعدين بتتساءل يا فهد ليه هى مقفله فى وشك مانت بطرت على نعمة ربنا كان فى ايدك الوظيفه والزوجه بس انتى عشان تدرك كله تركت كله عملت بمقولة يا كل حاجه يا ولا حاجه واديك دلوقت صفر اليدين لكن لس فى فرص لتدارك الخطاء قبل ان تتاءزم الامور
حنين ووحيد والجلسه المنتظره
وحيد المره دى عرف عن نفسه والاسم لاقى صدى غير مفهوم عند حنين وابتدى بالكلام وحيد لتدرك انه يعرفها دون ان تذكر اسمها وما بين سؤال وجواب فتح وحيد عن قلبه فوجدت فيه حنين مراءه لما بداخلها وكانه يحكى بلسانه عما تعانيه بداخلها فصار ينكئ الجروح دون ان يدرى ويزر الملح على جرح تحاول جاهده ان تتجاهله
وصف وحيد لزوجته انها خرسه وان قلنها لم يستوعب حبه الجامح ليس العيب فيها فالفرس الجامح لا يقوى على ترويضه الا خيال جامح وقلبك فرس جامح يشطح بخيالك كثيرا فى غابات الابداع وجناين الاشواق و بحور الاحلام لكن الزوجه لم تستوعب هذ ا الكم من الجموح لانها ببساطه كما وصفتها خرساء والاخرسا بديهيا لايسمع فهى لاتعرف شيئ عن تلك المشاعر التى تتكلم عنها هى فكرت انها حتتجوز راجل عاقل يجى من شغله يتغدى ويريح واقصى مهاراته انه يقرا الجرنال وبعدين يكوره على جنب ويقوم ينام ويصبح يروح شغله وهكذا كل اللى بيقلهم كم كلمه مفرداتهم فين الاكل محتاجه فلوس تصبحى على خير واحيانا مبيلحقش يقولها فوقعت فى راجل لكاك متطلب عاوز زوجه بكل المقايس انثى تجيد الانوثه بكل الطرق وصديقه تجيد الحديث والحوار وخل يجيد السمر ورفيق يؤنس وحشة الدرب وحضن دافئ يتلقف جموح مشاعره فبات الامر يتسرب من بين يديها كقابض على الماء لا استفاد بشربه ولا بقى بين يديه
ابدعت عمر فى نقل مشاعر وحيد وخلجات نفسه فى حواره مع حنين وحواره مع والده وابدعت فى وصف شتات فهد اهنيك على الحلقات الثريه فهى متنفس لكل متذوق للادب العربى
دمت بخير وفى انتظار جديدك
ملحوظه فيه صفحه من حوار وحيد وحنين الاخيره معلقتش عليها لانها محملتش عندى
كل عام وانت وكل الاسره بخير حال ومحققين كل الامال

اه قبل ما اروح اقرأ
استاذ عمرو حضرتك مدعو للاستضافه في الصالون الادبي بتاعنا
http://www.liilas.com/vb3/t149556.html
وقت ما تكون متفرغ نحدد الموعد
الاستضافه بتكون لمدة اسبوع حضرتك بتتواجد و تتلقى الاسئله حول الروايه او ظروف كتابتها ، يعني لقاء مفتوح بينك و بين القراء ، هما يضعوا الاسئله و الاجابه عليك و معك الوقت الكافي (:

عاوز جواباتك يعنى افترقنا خلاص اهم خدهم قطعهم احرقهم لا دول حته منى روح انتى لوحدك
وحيد فكرنى باغنية عاوز جوباتك للفنانه الجميله سعاد محمد
كان شايل قصصات الورق محتوى نفسه للى تيجى تنقب وتحب تعرف دواخله حاكم لما تحب تعرف شخص شوف مسودات اوراقه وقصصات مزكراته
حين طبعا كانت تتمنى انه محرقهمش عشان تقراهم وتتعرف عليه اكتر
وسؤالها هل انتى وحيد ابن عم سامى لكن هو لئيم اجلها لما يتعرف اكتر عليها