صباحكم سعيد يا وردات ليلاس حسن الخلق وزهره منسيه
هومى انا بردو بختلف معاكى فى نقطه الزوجه هنا مختلفه عن الام
الام مشاعرها قاسيه هو عبر عنها بالراجل بيطل من عنيها لعدم وجود الحنان ومشاعر الود والاحتواء اللى متعارف عليها عند الانثى ولا تظهر الا فى القله النادره من الرجال اللى المفروض فيه القوامه والعقل الراجح واحتواء الجميع
اما الزوجه فهى مشاعرها فاتره هى مش جنزبيل هى ينسون
بس انا مع انها مبتكلمش وحيد تسديد خانه او علشان تبقى عملت اللى عليها هى محتاره ومش فاهمه هو عاوز ايه عاوزه اللى ياخد ايدها ويحطها على الحرف عشان تعرف تقراه عاوز خبرات الاخرين وتجارب عديده لان واضح انها من ستات البيوت القديمه اللى بتطبق المثل اللى خرج من داره اتقل مقداره وحياتها ما بين عيالها وجدران بيتها اعتقد حتى ام وحيد مش مختلطه معاها لانها فى مكالمت التليفون لاسالت عليها ولا كلمتها

السلام عليكم و رحمة الله
مساء الخيرات
زهره & مملكة
احييكم بشده و اشد على ايديكم لمحاولتكم التفاذ لاي ثغرة قد تنقذ زوجة وحيد من اتهام اللامبالاة الملاصق لها
اتفق معكم في كون وحيد زهق و قفل الباب بس لنا هنا وقفه ، تتبعو سير الشخصية من البداية ستجدوه نال كفايته من محاولة اذابة الجليد ، ارجعوا في احدى المرات لما تذكر امنيته ان يحظى بحضن والدته كما يفترض ان يكون يغمره بالحنان ، لكنه شب عن الطوق و اصبحت له حياته الخاصه دون ان ينال امنيته
لقاءه لزوجته جاء اشبه ببارقة امل تنتشله من هوة اليأس فتوسم فيها خلاصه
حلم بعالم جديد يجمعهما معا يعوضه و يجد فيه متسعا لتفريغ مشاعره المكوبته
لاحظو انه تحدى ارادة والدته و تمسك بخياره و هذا أعلى من سقف توقعاته التي انهارت كليا بعد معايشة الواقع
صدم بنسخة مكررة لنفس العقلية ذات البعد الواحد او بمعنى اخر حظى بزوجة احادية الخلية و كما ذكر آنفا ان الحوار المكرر نال منهما معا دون نتيجة
وحيد هنا يكرر ازمته و بالتالي فمؤشر اقدامه على التغير آخذ في التراجع
و لذا على النقيض نجده يسبغ مشاعره على اطفاله و صديقه في محاولة للتنفيث
ان كانت حنين تخلق لنفسها واقعا افتراضيا تهرب اليها فوحيد يهرب لنفسه و قراءاته ثم كتاباته كما ظهر مؤخرا
كما انه لم يدعي المثالية بل اعترف و وضع نفسه في مقدمة صف المذنبين
و هكذا لا نلوم شخصا لصالح الاخر بل كل منهم يرى نفسه محقا
زوجة وحيد لا تعرف كيف ترضيه و لا تعي ماذا يريد منها !
و هذا هو اساس مشكلته ، كونها لا تعرف يقتل اي بارقة امل تلوح
اتجوز عشان يهرب من الوحده لكنه للاسف اتغرب اكثر و وحدته زادت

و بعدين تعالوا هنا محدش علق على رد فعلها على كلامه ليه ؟ دا انا نسيت
بغض النظر على مشهده لما جاب لها الشكولاته و هي و لا الهوا
بقه فيه زوجه زوجها يقولها انها خلت حياته باهته و لما بيتخليلها بيحث باكتئاب و بعد دا كله تروح تنام !!! بالذمه تجيب النوم منين ؟
اه بكت الحقيقه الست مقصرتش و لكن نامت بعدها عادي جدا و هي بتنعي احلامها الورديه ! طب انا اسفه على التدخل هقلقها من نومها شويه و اتجرأ و اسأل ايه هي احلامها الوردية دي على سبيل المثال ؟ انه يغير لها امبوبة البوتجاز لما تفضى ! اخ دول موصلين غاز صحيح معلش فاتتني دي
يبقى اكيد بقه حلمها الوردي الاكبر انه ياخد اكياس الزباله و هو نازل
لأ برضه ؟ انا كدا احترت و هي سقف الورديه عندها عالي قوي ، يكنش عايزاه يطفي النور وراه بعد ما يخرج من الاوضه 0.o
لا لا دي كدا ست قويه و مفتريه بصراحه

اهه زوجة وحيد

مساء الورد على المبدعين
ياست البنات احنا مش بنبحث عن ثغره للزوجه قد ما بنحاول نحط ايدنا فين العله بالظبط
مبنكرش انها تقليدىه لحد الملل من ستات البيوت اللى تصبح تعقد شعرها وتربط الاشارب عصفوره على راسها[ربطة المطلقه ]
لكن وحيد كمان اساء الاختيار هو دور على اللى ناقص فى والدته دور عل المكمل لها مدورش على الوزجه المكمله له هو هو وقع فى الحب زى مقال ومراية الحب عاميه مشافش عيوبها رغم ان العيوب دى كانت باينه لام وحيد وعشان كده كانت رافضه الجوازه
بعدين حرام عليكى وقعت سقف احلامها ههههههههههههههههه
هى مش بتحلم بتغير امبوبه ولا رمى كيس زباله منكرش ان ده حلم كل زوجه هههههههههه لكن هى بردو عاوز الزوج اللى يسال عامله ايه النهارده الولاد تعبوكى وانا مش موجود طبخه ايه من اديكى الحلوه وحشتك زى مانت كمان وحشتين مش يرميلها الشكلاته ويقلها خدى بيقولو تنفع لحالتك ايوه انا كلت بره انتى عارفه طبخك مبيعجبنيش
ياخى الملافظ سعد وانت يا عبد العال عليك لفظ يهد جبال خليت اللى بتشتكى من برودها بكت

ههههههههههه سلامة مرارتك يا هومى مساء الياسمين على الحلوين
بصى فى الأول انا مش بدافع ابدا عن مجهولة الأسم مرات وحيد ان كنتى فهمتى انى بدافع عنها فيبقى انا مش عرفت اعبر عن انطباعى عن شخصيتها انا بس كنت عايزة اوضح ان العيب مش عيبها هى بس لا كمان وحيد يتحمل جزء من المسؤلية هو كمان سلبى فى علاقته معاه
و بعدين استاذ عمرو قاصد انه يعتم على شخصيتها مش نعرف عنها اى حاجة غير طريقة تعاملها مع وحيد يعنى احنا هنا شايفنها بعيون وحيد و بس ده حتى اسمها اعذرنى حضرتك مش متذكرة بس على حد علمى مش اتذكر فى الرواية و لا اى حاجة خلاص عنها يعنى احنا مش عارفين عنها غير الا عايز يوصله وحيد
فى البداية لما عرفت ان وحيد اتجوزها باختياره و اصر عليها كنت فاكرة انه عن قصة حب لكن رجعت فى اعتقادى ده ماهو ممكن يكون متجوزها عند او تحدى و خصوصا ان الفت رفضتها مش يمكن هو السبب فى اساءة الاختيار من البداية ؟؟
مش هكذب هومى انا تاجهلت التعليق على الحوار اللى دار بينها و بين وحيد :)