السلام عليكم
وحيد في يوم اجازته قضاه بعيد عن عيلته حتي الوقت اللي قضاه مع ولاده كانت الام غايبه عانه
مرات وحيد من نوعية الستات اللي شايفه دورها كزوجه انها تجهز الاكل و تنضف البيت و طول نا هي شايفه طلبات بيتها واولادها يبقي هي قايمه بواجبها دي مش بتشوف و ش وحيد غير الا ما تساله عايز تاكل
المكالمه التلفيونيه بين وحيد ا امه عبرت كتير عن شخصيت الام مش اقدر اقول عليها مسترجله لان في رجاله كتير بيمتلكوا فيض من الحنان لكن هي شخصيه عملية لاقصي درجه مشاعرها فاترة لا مشاعره جافه يمكن بتفتكر انها لو اظهرت مشاعرها هتكون في موقف ضعف
احيك علي اصفك للمكتبة حسيت اني موجوده معاهم و شايفه كل جزء منها قدامي اسلوبك رائع ربنا يزيدك من فضله
تعرف يا استاذ عمرو هومي قالت ان حنين النسخه الانثوية من وحيد بس انا بختلف معاها
حنين هنا بتحاول انها تجذب جوزها ليها و تشاركه حياته لكن هو سوري في اللفظ جلنف الراجل كل اعتراضه علي شغلها انها هترجع تقرأ تاني طيب ايه الجريمة في كده و رد فعله لما رجع من سهرته ولاقها مجهزة جو رومانسي اما وحيد فهو بيحاول يبعد بيستغل كل فرصه بيبعد فيها هو بيقول ادها فرص كتير و هي ضيعتها بس هو كمان مش برئ من الحاله اللي وصلوا ليها
هو سابها تضيع حاجة كانت حلوة بينهم تحولت لحاله من الفتور و مع مرور الوقت لا مبالاه
مرات وحيد سعت لكن هو مش مستعد ان يصلح اللي بينهم
مشكور استاذ عمرو بانتظار القادم

السلام عليكم و رحمة الله
اقتربنا من الصفحة المائة ، يا مسهل (:

امممم احببت اصرار حنين و مواصلتها الحفاظ على تلك الشعرة بينها و ذلك القحط المشاعر الذي حظيت به ، تصرفها يعد حلما لكثير من الرجال الاسوياء و لكن امام ذلك الحاجد للنعمة لا يزيد عن ضربا من الجنون !
لا حول و لا قوة الا بالله ان الامل مفقود فيه لقد تحمس للأكل دونا عن كل ما يحيطه ثم تصيد الخطأ عامدا ليقلب تلك الرومانسية التي تؤرقه و يعيد الامور لنصابها ، تلك اللحظة شعرت بما يعاني حقا ، انه ببساطة لا يعرف كيف يتصرف في تلك المواقف ، اما لانه جاف بطبعه او نشأ على فكرة كون التعبير عن المشاعر هي ضربا من الدلال او الضعف و رجولته المزعومة تأبى عليه ذلك
و انا ارجح الثانية بدليل نصيحته العظيمة لصديقه

جميل تعريف وحيد للقراءة و حسه الداخلي دائما يفرض نفسه
السؤال اجابته بنفس بساطة طرحه ، نحن نقرأ لاننا نعيش تماما كما نأكل بشكل دوري و نتنفس الهواء ، دورة انسانية لا تتوقف الا بمغادرة الروح و كما يمدنا الطعام بالفيتامينات اللازمه لمقاومة الامراض و البروتينات التي تبني الجسم ثم السكريات و النشويات لزوم الطاقة و هلم جرا ..... قراءة مقطع شعري يدفئ القلب و يسمو بالوجدان و يهذب الروح ، قراءة سيرة ذاتيه تنشط الفكر و تثري العقل بتجارب لا تُعد ، قراءة كتاب سياسي ينمي الحس الوطني و الوعي الخ ...... فالقائمة لا تعد و لا تحصى

احساسه بزوجته عديم اللون و الطعم و الرائحة ، لا يحتوي على نكهات ، و هنا اختلف معك في كونها بطعم الجنزبيل لانه ذو طعم حار يدفع بالدم الى العروق اما هي فأراها باهتة باردة خالية من الحرارة لا تبادر بمد جسور التي تقطعت رغم كونها تسأله ، لكني شعرت بها تسأل حتى تبرئ ذمتها لا اكثر ، الذي يريد الاصلاح يعمد الى الفعل لا الحديث

عودة وحيد الى زوجته المنتظرة بدت الوجه الاخر من حياة حنين التي كانت ايضا تنتظر زوجها الصحراوي مع ابدال الادوار ، الجفاف هنا انثوي و ذلك اشد وطأة و اخطر لان الرومانسية كلمة انثوية الطابع و انا لا اقصد التخصيص هنا و لكنه مجرد وصف بحت لطبيعة الكلمة
الغريب ان الفت كانت رافضة لارتباطهما رغم ان زوجته نسخة عنها ! تنتهج نفس النهج و تجيد التصحر العاطفي

الحوار الدائر كان اشبه بمبارزة كلامية بين استاذ في الجامعة و تلميذ بالصف الاول الابتدائي يتشدق بالفهم بينما يمنى نفسه بالانسحاب و لسان حاله يردد ( انا ايه الي جابني هنا !!) ردوده على اسئلتها اوضحت ان ذلك الحوار تكرر لدرجة الملل و اخذ بالتصاعد حتى وصل لمرحلة اللا عودة و من المعروف ان الرجل لا يتميز بفضيلة الصبر ، الزوجة قد تظل صابرة على اعوجاج الرجل سنوات و تمني نفسها بصلاح الحال حتى و هي مقتنعة داخلية باستحالة ذلك لكن الرجل يختلف فهو عندما ييأس يغلق كل الابواب

تحياتي و خالص الشكر و التقدير

و عليكم السلام .....
هي يا هومي من قناعتها شايفة انها بتعمل اللي عليها كما يجب فمش حاسه انها مقصرة في اي حاجه ليه مش يكون شعورها التوهان و مش عارفه تعمل ايه محتاجه حد ياخد بايدها
انا مش بدافع عنها ولا ضد وحيد مش صحيح دور المرأة الاحتواء لكن مش كل النساء كده في نساء كتير لا يملكون القدرة علي اظهار مشاعرهم مش هقول لا يملكون المشاعر لان مش في انسان مش عنده مشاعر لكن في ناس عندهم المقدرة علي تجميد مشاعرهم طيب ماهي الفت ست بس تخيلي بقا اني حسيت في مكالمتها مع فهد رغم عمليتها و برودها ببعض الحنان الاهتمام حاجه مش حاسيتها وقت مكالمتها مع ابنها
وحيد زي ما يكون فقد الامل زهق من مراته فاختار انه يسيب المركب تمشي زي ماهي ماشية زي ناس كتير علشان خاطر الاولاد و هو بيبعد عنها قدر المستطاع بيتجنب وجودها مش سعي لتغيرها مش بحمل وحيد المسؤولية بس لا وهي كمان و في نظري وحيد مقصر

السلام عليكم ورحمة الله
اليكم موجز الانباء قاتل القاهره يضرب من جديد
رميت الورد طفيت الشمع
اللهو الخفى [ الزوج] قاتل الرومانسيه وبدم بار ولم يهتز له جفن
الست مشكوره عامله جو شاعرى شمع وورد وعشاء فخم كل الاصناف اللى بتحبها ملفتش نظرك غير الاكل ولتكمل الجريمه الست كانت قلقانه ومستنيه فى الشباك بدل ماتطيب خاطرها تزعق علشان الولد ظهره عريان غطيه وغطى قصورك وانت ساكت مش لازم تقفلها وبعدين تسال انتى بتقرى كتب تركى انت اللى عاوز تتكتف امام الشاشه قدام مسلسل تركى 200حلقه عشان تعرف ان الله حق
حنين بجد بعزيكى فى احلامك الورديه عايش مع زوج لايرى فى المراءه اكتر من صوابع ايديها اللى بتعمله اشهى الاطايب ام الباقى فهو غير مرئى مشفر
وحيد وازمة الرجل الرومانسى اللى متجوز ست تقليديه هو عاوز ند مش مجرد جسد عاوز اللى تناقشه وتتحاور معاه يحش ان فيه صوت اخر فى المنزل غير صوته عاوز المراءه المتجدده يوم قارءه مثقفه يوم طفله مدلله ويوم فيفى عبده لو امكن لكن ليس كل مايتمناه المرء يدركه
الزوجه شايفه ايه الخبال ده الراجل ده مش عاجبه حاجه ابدا انا بطبخ وبغسل وبحمى العيال وهو عايز ايه تانى
اضيفى ياسيدتى العند كادل مايقول يمين تعملى الشمال بسرعه
احيانا عدم الاختلاط يجعل المراعه مقفوله والرجل ايضا
الست اللى مبتختلطش بناس مبتكسبش مهارات جديده افكار خبرات الاخرين بتكون زى الكراس الفاضى مكتوب سطرين فى اوله والباقى ابيض حتجيب منين التجديد والتنوع والقدره على الحوار والمناقشه
مشكلة وحيد عاوزه تتغير لوحدها خرجها عرفها على ناس اهديها كتاب مبسط والزمها تقراه حتى لو كان كتاب حوديت لكن انتى سلبى عاوز تغير من غير ماتكلف خاطرك تمد ايدك لسانك وبس وده لوحده غير كافى
ابدعت اخ عمر سرد حوار حنين وزوجها و الاجواء رسم المنظر بصوره معبره تخيلتها واتحسرت على مجهود البنت اللى راح على الفاضى
وحوار وحيد والزوجه يعبر عن مشاعر واحد وصل لمرحلة اليائس من اللى قدامه
دمت بخير وفى انتظار الباقى