السلام عليكم ورحمة الله وبركاته

عدنااااااااااااااا
بداية الحلقة ال26 خلونى اتأكد ان الكلمتين اللى فاتوا ولا حاجة بالنسبة للطخة الطين
واحدة جوزها يشتكى لها انه تعبان وعنده مشاكل فيكون الرد عشان مزعلنى جرب تدلعنى وكل الامور هتكون تمام<ده على اساس انها امه يعنى ورضا الوالدين هيسهل اموره
انا رأيى ان اموره هتتيسر لما يولعك مش يدلعك<
لكن على العموم الموضوع مش مستغرب ابدا من لطخة الطين فهى لاترى الا ذاتها دائما وابدا هى اهم الاولويات حتى حبها ورضاها او كرهها وسخطها مرتبط باشباع ر غباتها
فبمجرد ما وعدها المغفل بسفرية انالت عليه بعبارات الحب والرضى ليأتى المتغافل ويبادر بكلمات الغرام فينال نسيبه من العبارات هو الاخر مع التذكير بوجود الزوج حتى لا تسول له نفسه بأكثر مما تريد ان تعطيه
وعندما استشعرت او شكت فى رصيد مشاعره لما قال استمتعى معاه قلبت على موجة الزاهدة فى الحياة- ولا رابعة العدوية فى زمانها-
ولم تستمر فى زهدها اذ سرعان ما تحولت بجملة واحدة محاولة احياء جذوة الشوق فى قلبه بإثارة الذكريات وحثه لى الكلام ليشنف أذانها بقصائد حبه المعتادة <ويفقعوا مرارتنا احنا

ويعود مرة اخرى لوصفها بالشيكولاتة
ويستمر الحوار الممتع -ادبيا طبعا لانه بيتضمن معانى كتيييييييير جدا بين السطور -
حسيت الحوار ده كأنه مباراه كرة شاملة تخطيط و هجوم ومراوغة اعتقد لو استمريت فى تفصيله لطال الرد زيادة عن المحتمل
ابدعت ابدعت جداا فى الحوار < ده مش معناه انى راضية عن المتغافل او لطخة الطين او حوارهم الماسخ <
بجد الحوارين كانوا خلاصة لعلاقة حنين المزدوجة

مع بدايةمشهد حفل التكريم ومكالمة وحيد لابوه وبعدين حنين انتابنى احساس غريب وكأنه حديث مودع وكأن رائحة الفقد فاحت فى الاجواء
الامر بعيد كل البعد عن الاحتفال بالنجاح ولكنها بداية الاستسلام وكأنه لما اهدى سامى حلمه وحقق الثراء والشهرة حلم حبيبته فقد كل دافع للمقاومه

-هل يعنى هذا يأسه من تحقيق حلمه الشخصي؟؟-

ابدعت جدااا استاذ عمرو فى الحلقة دى
طبعا الحلقة فى رأيى تستاهل كلام اكتر من كده لكن ماشاء الله حسن الخلق فصلت الكثير
فاكتفيت بتعليقها فيما اتفقت معها فيه
ان سمحت ظروفى ان شاء الله قد اعود برد على الحلقة27
دمتم فى امان الله