السلام عليكم ورحمة الله وبركاته

بداية كده عجبنى لقب وحيد الوحيد اللى قالته حسن الخلق وحسيته مناسب جدا وخاصة فى الحلقة الثالثة بعد سفر فهد وممارسة الوحيد لطقوس حياتة اليومية سواء فى عمله او يوم اجازته
انا ارى ان شخصية وحيد من الشخصيات الغير مفضلة كثيرا فى مجتمعنا وده طبعا مش لانه شخصية سيئة بالعكس لانه وجد فى زمان منتكس المفاهيم فمثلا فى محيط عمله نلاقي مديره ساخط عليه < هل لانه موظف كسلان؟؟؟؟؟؟؟؟؟ لا طبعا
كل سخط سيادة المدير انه انسان حقيقى مش مجرد تمثال شمع من بتوع اللائحة وفوت علينا بكرة يا سيد
وطبعا فى محيط اسرته حدث ولا حرج مابين ام متسلطة جامدة وزوجة لا تمثل المعنى الحقيقي للزواج (لتسكنوا اليها)
طبعا نستثنى الاب و الصديق

اما حنين فهى تمثل ما تحدثت عنه فى تعليقى الاول المرأة التى تعيش انفصال بين واقعها وخيالها
فى انتظار المزيد من تفاصيل حياتها حتى استطيع الحكم عليها جيدا


اشكرك اخى عمرو وفى انتظار باقى الحلقات ان شاء الله

السلام عليكم اخ عمرو
بارت دسم وممتع
وحيد كل شيئ حوله بيشعره بالوحده حتى اسمه وحيد لما تزوج بحث عن الحب والحنان اللى ملاقهوش عند الام بحث فيه عند الزوجه واغفل اشياء اخرى مهمه زى التفاهم والتقاء الافكار والاحلام المشتركه
وحيد لما فاق من سكرة الحب ابتدا يشوف اللى غفل عنه هى اشياء كانت موجوده فى الزوجه مش جديده ولكن زى ما بنقول مراية الحب عاميه بتخلينا نشوف اللى احنا عاوزين نشوفه مش اللى موجود بالفعل ولما تروح السكره وتيجى الفكره نقول لالالالالا انا خدت مقلب انا واخد واحده خرسه مبتقولش كلمتين على بعض والست كمثل تقول نفس الكلام
ونعيب زماننا والعيب فينا وما لزمننا عيب سوانا وكل واحد يرمى اللوم على الزمان وعلى الاخر وينسى انه هو اللى اختار غلط وحكم قلبه بس فى الاختيار لازم عقل جنب القلب عشان نختار صح واى ما كانت النتيجه نكون قد المسئوليه ونتحمل نتيجة اختيارنا ونحاول نصلح ونوصل لمنطقه وسط ونقطة تفاهمواللى يحب حد بيبلع سلبياته قبل ايجابياته
الزوجه التى لم تزكر لها اسم عايشه الحياه مطبخ وفض نزاع واشتبكات الاولاد وكغالبية الزوجات محدودى الفكر والثقافه اول مابتخلف بتركن الزوج على اقرب رف وكا الاهتمام يكون للاطفال وتنسى ان لديها طفل اكبر [الزوج] محتاج فهم ورعايه واهتمام
على النقيض حنين وزوجها فهى الرومانسيه الحالمه وهو اللى راكنها على الرف وبتهرب من واقعها لحبيب من رسم خيالها وفى الاخير ترجع الشغل علشان تقتل الوقت وترجع هلكانه للبيت مابين طبخ واولاد ماتلاقيش وقت تفكر لافى الحب ولا الرومانسيه
الاب العزيز اللى بيدور على حل لابنه لانه يائس يلاقى حل لنفسه مع الام البور المتصحره زى الارض القيعان لاتنبت كلاء ولا يمسك فيها الماء ومتخيل انها ممكن تحتوى وحيد وتعوضه غياب فهد نصفه الاخر لما الصديق يكملك ويكون محور حياتك غيابه ولا اى شيئ يعوضه لانه هو اللى بيكمل النقص اللى بتلاقيه عند الاهل بتعوضه فى هذا الصديق
ياسر نموذج لشباب كتير تعب فى الحصول على شهادة لتبروز على الحائط فى صالون المنزل

فصل ممتع اخى عمرو وشخصيات ثريه عميقه تعبر عن واقع الحياه تستحق البحث والمعرفه

دمت بخير وسلمت يداك